Suive Deen lors confiance

Tout le temps dimoune fine suive Deen lors confiance. Ena bien tigite dans tigite ki fine faire zotte propre recherche dans tout ti détail de Deen. La plus grande majorité zotte suive Deen sans ki zotte conne so preuve. Ena là-dans ki pratique li necque par guette-guetté. Couma ena banne ki zotte pratique Deen lors confiance ki zotte ena lors certaine individu ou certaine groupe. Ena aussi banne ki pretanne conne banne preuves mais en vérité c'est necque ene fausse prétention. En réalité ça groupe-là aussi li suive ene l'autre kikene ou kit groupe ki li ena confiance lors li aveuglement. Donc directement ou indirectement chakene pé suive Deen par suive ene kikene ki li ena confiance lors li.

Si dimoune fine choisir pou suive Imam Abou Hanifah (R), Imam Malik (R), Imam Shafi' (R) ou bien Imam Ahmad Bin Hambal (R), c'est ene bon choix ki zotte fine faire parceki c'est banne personnages ki mérite nou faire zotte confiance en ceki concerne zotte connaissance et zotte comportement.

Et dimoune ki néglige ça banne personnages-là pou li suive aveuglement ene aveugle ki pé suive ene l'autre aveugle aveuglement, sans doute li ene dimoune ki fine vine aveugle et fine perdi la bonne direction.

[Extrait de Al Jamiat Vol.4 No.5]