Véritable aveugle

Nou conne ene dimoune aveugle quand li pas trouvé. Mais véritable aveugle c'est ene ki so le cœur fine aveuglé. Nou dimane protection Allah Ta'ala de ça genre de aveuglement-là parceki ene dimoune li fini pou so compte quand li ena ça.

La lumière et l'éclairage li servi ene dimoune ki capave trouvé avec so lizié. Par contre ene dimoune ki pas trouvé, li pas pou capave profité quand même ou mette soleil devant li. Noireté et l'éclairage, tous les deux pareil pou li. Au contraire l'éclairage li aide banne dimoune conné ki ça dimoune-là li aveugle.

Coumsa même quand ene dimoune so le cœur fine aveuglé, li arrête comprend quand même ou mette ene montagne de preuves divant li.

Par exemple tous dimoune conné et banne 'Oulama de tout l'époque conné ki Hazrat 'Oumar ‎(Radiyallahou anhou‎)‎ ti ordonne pou faire 20 rakaat taraaweeh mais ça pas servi parceki zotte le cœur fine aveuglé. Zotte insisté lors 8 rakaat taraweeh. Zotte pretanne comprend Deen plis ki Hazrat 'Oumar ‎(Radiyallahou anhou‎)‎ et banne Sahaba-e-Kiraam. C'est acoze zotte aveugle même ki faire zotte gagne l'impression conne Deen plis et pli bien ki banne Sahaba-e-Kiraam.

[Extrait de Al Jamiat Vol.4 No.7]