Travail de Da'wah

Travail de da'wah li ene travail bien sensible. Si pas faire li bien, li capave vine néfaste au lieu être profitable. Li couma dire ene médicament ki capave détourne en poison si pas fine servi li bien. Acoze ça cote Allah Ta'ala fine ordonne pou faire da'wah, là-bas li fine mette l'emphase pou faire li  avec "hikmah" (la sagesse).

C'est-à-dire bizin faire li dans ene façon approprié et convenable. Tout kitchose pas capave dire avec tout dimoune. Coumsa même pas capave adresse tout dimoune dans ene seul façon. Et après ça, ena ene contexte pou chaque kitchose. Pas capave cause ene causé partout. Et li aussi important pou prend en considération l'état ene dimoune avant adresse li.

[Extrait de Al Jamiat Vol.4 No.7]