Religion parfait

L’Islam li la religion parfait. C’est ene mode de vie. C’est la façon de vie ki Allah Ta’ala fine choisir pou l’humanité. Etre ene musulman li obligatoire lors chaque insaan. Mais chaque dimoune bizin faire li par so propre gré. Ene l’état islamique li pas force personne pou vine musulman. Chaque insaan li libre pou choisir la religion ki li content. Mais celui ki fine mort comme ene musulman li pou heureux éternellement dans Aakhirat et li pou gagne rentré dans jannat. Par contre celui ki mort lors ene l’autre religion apart l’Islam, li pou reste dans souffrance éternellement dans l’enfer. Jamais li pou sorti depi là-dans. Allah Ta’ala dire dans Qour’aan-e-Karem :

“Certainement banne ki fine faire kufr et zotte fine mort couma kaafir, c’est ça même banne ki ena malédiction Allah, banne anges et entier l’humanité lors zotte. Zotte pou reste là-dans tout le temps. Pas pou diminué punition depi lors zotte ni zotte pou gagne délai.” (S2/V161-162)

Ene l’autre place Allah Ta’ala dire :

“… Celui ki associé (kikene) avec Allah, alors Allah pou faire jannat haraam lors li et so refuge pou (dans) l’enfer … ” (S5/V72)

Dans ene l’autre place Allah Ta’ala dire :

“Certainement Allah Ta’ala li pas pou pardonne ki associé (kikene) avec li et li pardonne ceki ena apart ça pou celui ki li oulé …” (S4/V116)

[Extrait de Al Jamiat Vol.4 No.8]