Garde li chien ou bien photo dans la caze

Selon ene hadice ki trouve dans Sahih Boukhari et Sahih Mouslim, Nabi ‎(Sallallaahou A'laihi Wasallam)‎ fine dire ki banne anges (farishta) pas rente dans ene la caze cote ena li chien ou bien photo.

Banne farishta ki pas rente dans la caze cote ena ça banne zaffaire-là, c’est banne farishta de bénédiction. C’est ene façon pou dire ki pena bénédiction dans ene la caze ki ena ça banne zaffaire-là. Banne photos ki empêché gardé dans la caze, c’est banne photos ou images banne kitchose ki ena la vie couma photo dimoune ou bien images banne zanimau. Quant à banne images ou dessins ou banne vues montagne, la mer, le ciel et banne zarbres etc, ça li permette. Et ça pas empêche banne farishta vine dans la caze.

Coumsa même pas gagne droit nourri li chien comme ene plaisir ni gagne droit garde li comme ene « pet ». Dimoune ki faire ça, li faire ene la perte énorme parceki la valeur de deux Qiraat (ene certaine quantité) li diminué depi dans so banne actions tous les jours.

Chien de chasse ou de garde

Li bon conné ki shariat fine faire ene concession en ceki concerne chien de chasse ou chien de garde. C'est-à-dire ene dimoune ki bizin li chien pou faire la chasse ou bien li bizin li pou surveillé, alors so banne actions pas pou diminué. Mais là aussi li bizin pas patouye-patouyé ni bizin laisse li rente dans la caze.

[Extrait de Al Jamiat Vol.4 No.11]