Mauvaise fréquentation

Ene machine puissant li capave amène ou bien vite lors ou destination. Par contre ene machine ki pas ça puissant-là li pou tarde ou. Mais parfois capave arrive le contraire. Par exemple ene machine faible ki fine gagne la route libre, li capave amène ou vite. Et l’autre coté ene machine so puissance et so rapidité pas pou capave faire narien si li fine gagne ene poids lourd devant li.

Coumsa même arrivé dans la vie ene dimoune. So l’intelligence et so performance pas servi li narien si li fine gagne kit mauvaise fréquentation. Mauvaise fréquentation c’est ene poids lourd dans trajet ki ene dimoune pé faire dans so la vie. Ça handicap li et li empêche li arrive lors so destination facilement. Par contre ene simple dimoune ena tout chance faire progrès dans la vie si li pena mauvaise fréquentation. Donc couma ene bon chauffeur li rode l’occasion pou li doublé ene poids lourd, coumsa même ene dimoune bizin méfié mauvaise fréquentation. Selon ene hadice, ene dimoune li ena tendance gagne manière so camarade intime. Donc chaque dimoune bizin guette bien ki dimoune ki li pé faire camarade.

[Extrait de Al Jamiat Vol.4 No.11]