Marié ene madame ki dans iddat

Iddat c’est ene délai ou ene l’espace le temps ki ene madame bizin observé quand so missié fine donne li talaaq ou bien quand so missié fine mort. Dans ça l’intervalle-là li pas gagne droit marié kikene ni gagne droit propose li pou faire nikah. Ni li gagne droit promette kikene pou marié avec li. Si kikene fine marié avec ene madame ki li encore dans so iddat, alors ça nikah-là pas compté.

Li bon à noté ki iddat ene madame ki so missié fine donne li talaaq, c’est trois haiz. Si li fine arrête gagne haiz, alors li bizin observe so iddat pendant 90 jours. Et si li enceinte, alors so iddat pou terminé avec so l’accouchement. Quant à ene madame ki so missié fine mort, alors so iddat c’est 4 mois dix jours et si madame-là enceinte, li bizin attane ziska ki li gagne so ti bébé.

De nos jours dimoune pas prend compte ça zaffaire ki appelle iddat. Avant ça même zotte commence allé-vini et zotte commence faire préparation pou mariage. Li bien vilain et li bien dégoûtant. Ça banne kitchose-là li haraam. Bizin attane et laisse iddat fini traversé avant propose pou marié.

Couma pas gagne droit zoine avant iddat traversé, coumsa même pas gagne droit fréquenté par téléphone ou sms aussi.

[Extrait de Al Jamiat Vol.4 No.11]