Camera

Dans boucou pays, activités et mouvements banne dimoune pé contrôlé par camera. Ou capave pé trouve ene chauffeur pé bien roule vite et ene coup ou trouve li ralenti lors ene certaine point. Quand ou dimandé, lerla ou conné ki ena camera ki contrôle vitesse banne machine. Et coumsa même camera fine installé dans tous banne points stratégique. Par cela dimoune li garde li dans control et li agir couma bon zenfant.

Allah Ta’ala so camera li partout. Aukene part ou pas capave échappé avec ça camera-là. Li pé filmé ou ceki ou pé faire dans la nuit, dans noir, dans ou la chambre cote personne pas pé trouve ou et pas pé tanne ou. Et jour Qiyaamah li pou joué ça film-là. Dimoune ki croire là-dans, li pou réglé so la vie et so la vie pou vine ene de banne la vie exemplaire. Et celui ki pas prend ça compte, so la vie pas pou ene la vie dimoune.

[Extrait de Al Jamiat Vol.4 No.13]