Ki veut dire I’tikaaf?

I’tikaaf li dérivé de “Akafa” ki signifié “reste engagé dans quelque chose sans interruption”. Donc I’tikaaf c’est ene ibaadat dans lequel ene personne engage li pour reste dans masjid continuellement.

Le fait ki le mot I’tikaaf li implique “faire ene kitchose continuellement ou BIEN sans interruption, tout kikchose ki interrompe la continuité de rester dans masjid pour être considéré comme étant à l’encontre de I’tikaaf. Dans présence ene kikchose pareil, I’tikaaf perdi le sens du mot même. Donc li vine inexistant. Alors tout kikchose ki interrompe la continuité de rester dans masjid, d’après banne Fouqaha (juristes) zotte annule I’tikaaf. Donc c’est banne kikchose interdit dans I’tikaaf. Cependant ena certaine kikchose couma sortir en dehors masjid pour faire besoins, faire ghoussal faraz ou bien faire wazou ki pas annule I’tikaaf malgré ki ça aussi li interrompe la continuité. Etant donné ki ça banne kikchose la zotte indispensable, shariah fine autorise ça et ça pas annule I’tikaaf.

Hazrat Aisha ‎(Radiyallahou anhou‎)‎ fine rapporté:

“… C’est le principe établi (par Rassouloullah ‎(Sallallaahou A'laihi Wasallam)‎) ki le “Mou’takif” (ene personne en I’tikaaf) bizin pas sorti pour aukene besoin excepté pour ene besoin ki indispensable ...” (Abou Dawoud)

Donc tout kikchose ki pas indispensable couma sorti pour faire ghoussal pour jummah, rane visite ene malade, assister namaz janaza etc..., bizin évité.

Hazrat Aisha ‎(Radiyallahou anhou‎)‎ fine rapporté:

“C’est ene principe établi (par Rassouloullah ‎(Sallallaahou A'laihi Wasallam)‎) ki le “Mou’takif” (ene personne en I’tikaaf) pas bizin rane visite ene malade ou bien li assisté janaaza ...” (Abou Dawoud)

Les bienfaits de i’tikaaf

Hazrat Ataa (rahmatoul-laahi ‘alayh) dire:

“L’exemple ene Mou’takif (ene personne en I’tikaaf) li coumma dire ene dimoune ki ena kit nécessité attaché avec ene grand dimoune. Alors li vine assize lors so la porte et (par so comportement) li dire mo pou reste ici tanque ki mo nécessité pas accompli. (De la même façon) Le Mou’takif (la personne en I’tikaaf) li assize dans la caze Allah Ta’alah et (de par so comportement) li dire mo pas pou bougé tanque ki mo pas gagne la grâce (d’Allah).” (Al-Mabsoot par Sarakhsi)

Allaamah Sarakhsi dire:

“Dans I’tikaaf (le Mou’takif) li gagne l’occasion débarrasse so le cœur de banne z’affaires mondaines et soumette li même à celui ki fine cré li. Li cherche protection dans ene forteresse solide et li continué reste dans la caze Allah Ta’ala.” (Al-Mabsoot)

Selon ene hadith rapporté par Hazrat Housain ‎(Radiyallahou anhou‎)‎, Rassouloullah ‎(Sallallaahou A'laihi Wasallam)‎ fine dire: “Celui ki observe I’tikaaf de dix jours dans Ramadhaan, so récompense li couma deux Hajj et deux Oumrah.” (Al-Baihaqi)

Selon ene hadice rapporté par Hazrat Abdullah Bin Abbas ‎(Radiyallahou anhou‎)‎, Rassouloullah ‎(Sallallaahou A'laihi Wasallam)‎ fine dire: “le Mou’takif (en réalité) li garde li loin de banne péchés. Et li gagne récompense ene quantité comme si ene personne ki fine faire tout qualité bonne actions.” (Ibn Majah)

I’tikaaf dans masjid

I’tikaaf li permette dans tout masjid ki ena Imam et Moua’zzine et cote faire namaz avec jamaat régulier. Quant à banne madrassa ou banne l’endroits ki servi couma jamaat khaana ki pena statut masjid, pas gagne droit faire I’tikaaf là-bas.

Tous bannes masjids à Maurice zotte satisfaire banne critères et banne conditions de I’tikaaf. Donc gagne droit faire I’tikaaf dans tous bannes masjid à Maurice.

1. Allah Ta’ala dire dans Qour’an-e-Kareem:

“… et pas approche banne là (madames) sexuellement quand ou en état I’tikaaf dans bannes Masjids …” (S2 V187)

Par la parole Allah Ta’ala “… quand ou en état I’tikaaf dans banne Masjids…”, banne ‘Oulama-e-Kiraam dans tous l’époques fine comprend deux kitchoses:

i. Premièrement, I’tikaaf bizin faire dans masjid seulement et

ii. Deuxièmement, I’tikaaf li permette dans tout masjid ki faire namaz avec jamaate régulier.

2. Hazrat Aisha ‎(Radiyallahou anhou‎)‎ fine dire: “… Et pena I’tikaaf excepté dans ene masjid cote faire namaz avec jamaate.” (Abou Dawoud, Baihaqui et Darqoutni)

3. Selon ene hadice rapporté par Hazrat Houzaifah ‎(Radiyallahou anhou‎)‎, Rassouloullah ‎(Sallallaahou A'laihi Wasallam)‎ fine dire: “Tout masjid ki ena ene Imam et ene Mouazzine, alors capave faire I’tikaaf là-dans.” (Commentaire lors Moukhtasar At-Tahawi par Imam Abou Bakr Ar-Razi Al- Jassaas)

Position de i’tikaaf dans la 3eme decade de Ramadhaan

C’est ene pratique ki Rassouloullah ‎(Sallallaahou A'laihi Wasallam)‎ fine pratiqué régulièrement. Par ce fait, I’tikaaf li “ sounnat Mou’akkadah”. C’est à dire ene principe ki bénéficié l’emphase à coze la pratique régulière de Rassouloullah ‎(Sallallaahou A'laihi Wasallam)‎. Mais ena parmi banne Sahaba-e-Kiraam, ki pas fine observe li et ça pas fine désapprouvé par Rassouloullah ‎(Sallallaahou A'laihi Wasallam)‎. Par cela nou comprend ki c’est ene pratique ki capave être dispensé par l’observation de quelques uns dans ene localité. Dans langage de banne Fouqaha (juristes) appelle li ‘Alal-Kifaayah. Donc l’observation de I’tikaaf dans les derniers dix jours de Ramadhaan li sounnat mou’akkadah ‘alal kifaayah. C’est à dire li pas nécessaire ki tout dimoune observe li. Mais li pas permette aussi ki personne pas observe li aussi dans ene certaine localité. Donc si ene parti ou bien seulement ene personne même dans ene localité fine observe li, ça li décharge la responsabilité de tout banne ki dans ça localité-là. Par contre si personne pas faire li, alors tout dimoune dans sa localité-là pou coupable d’avoir néglige ene sounnat.

Ene l’opinon isolée

Ena ene l’opinion ki dire ki I’tikaaf pas permette apart dans trois masjid:

Masjidoul-Haraam,
Masjid An-Nabawi et
Masjid Al-Aqsa (Baitoul-Mouqaddas).

Mais na pena narien de concrète ki supporte ça thèse-là. Quant à hadice ki rapporté par Hazrat Houzaifah ‎(Radiyallahou anhou‎)‎ à l’effet ki I’tikaaf pas permette excepté dans trois masjids, li contesté d’abord par ene l’autre hadice ki rapporté par li même ki li fine tane Rassouloullah ‎(Sallallaahou A'laihi Wasallam)‎ dire:

“ Tout masjid ki ena ene Imam et ene Mouazzine, alors li permette observe I’tikaaf là-bas.” (Darqoutni)

A noter ki le hadice de Darqoutni li ene hadice ‘Mounqati’ (ene hadice ki ena disconnection dans so Sanad) parceki le raawi (narrateur) Dwah-haak ki rapporte ça hadice-là de Hazrat Houzaifah ‎(Radiyallahou anhou‎)‎, en réalité li pas fine joine Hazrat Houzaifah ‎(Radiyallahou anhou‎)‎. Acoze ça ena dire ki le hadice en question pas capave servi comme ene preuve pour dire ki I’tikaaf permette dans tout qualité masjid. Mais ça argument-là li cassé et li pas tini diboute parceki ‘Allaamah Abou Bakr Ar-Raazi Al-Jassaas dans so commentaire lors Moukhtasar At-Tahawi fine rapporte le hadice avec ene Sanad Mouttasil (sans rupture) en insérant le raawi ‘An-Nazaal Bin Sabra Al-Hilaali’ entre Dwahhaak et Hazrat Houzaifah ‎(Radiyallahou anhou‎)‎. Ça montré ki Dwah-haak fine gagne le hadice de Houzaifah ‎(Radiyallahou anhou‎)‎ par l’intermédiaire An-Nazaal Bin Sabra Al-Hilaali.

D’ailleurs le hadice li approuvé par le sens général de Qour’an-e-Kareem et li en accord avec ceki la majorité fine adopté. Ça donne le hadice en question ene degrés de l’authenticité ki permette li être utilisé comme ene preuve solide.

C’est aussi l’opinion de tous les 4 aïmmah: 1. Imam Abou Hanifah, 2. Imam Malik, 3. Imam Shafe’i et 4. Imam Ahmad Bin Hambal (rahmatoul-laahi ‘alayhim)

A noter ki le consensus de 4 aïmmah li considéré comme ijmaa’ (consensus).

“Tout l’opinion ki en conflit avec les 4 aimmah li considéré comme étant en conflit avec ijmaa’ (consensus).” (Al-Ashbaah Wan-Nazaa-ir).

« Ijmaa’ (consensus) fine établi lors la non-permissibilité de mette en pratique ene l’opinion ki en conflit avec tous les 4 aïmmah.” (Tahreeroul-Oussoul par ‘Al-laamah Bin Houmaam)

Evoquant la permissibilité d’accomplir le hajj-oul-qiraan, ‘Allaamah Al Khattabi dire dans so Ma-‘alim-ous-Sounan:

"Li pas possible ki l’oummah faire consensus lors la permissibilité ene kikchose ki interdit." (Ma-‘alim-ous-Sounan commentaire lors Abou Dawoud par ‘Allaamah Al-Khattabi - Décédé en 388 H)

Basant lors la déclaration et le principe élaboré par ‘Allaamah Al-Khattabi, nous capave dire aisément ki accomplir I’tikaaf dans tout masjid ki ena Imam et Mou’azzine et cote faire namaz avec jamaat régulier, li permette parceki l’oummah pas capave autorise ene pratique ki interdit.

I’tikaaf pou banne madames

Pli bon place pou ene z’homme faire namaz c’est masjid. Acoze sa banne z’hommes zotte bizin faire I’tikaaf dans masjid afin ki I’tikaaf ki sounnat pas nécessite néglige faire namaz avec jamaat ki waajib.

Mais pou banne madames couma Rassouloullah ‎(Sallallaahou A'laihi Wasallam)‎ fine dire ki : “Pli bon place pou zotte faire namaz c’est dans l’intérieure de zotte la caze.” (Mousnad Ahmad) - alors zotte bizin faire I’tikaaf dans zotte la caze même - dans ene l’endroit ki zotte fine fixé pou zotte faire zotte cinq fois namaz. Si zotte pena aukene l’endroit ki zotte fine fixé, alors pou le besoin de I’tikaaf zotte capave fixé li quand zotte commence I’tikaaf.

Hadice ki apparemment dire ki pas gagne droit faire i’tikaaf apart dans trois masjid, capave interprète li dans ene façon ki li pas vine en conflit de ça hadice ki autorise ça.

En réalité i’tikaaf fine être utilisé dans le sens de "Jiwaar". A son tour Jiwaar couma li signifié i’tikaaf ki veut dire reste dans masjid, coumsa même ça li signifié reste dans alentour ou dans avoisinage aussi. D’après ça hadice-là, ene dimoune ki ena le désir reste près avec ene masjid acoze barakat ki ena toute autour de ça, li applique pou lezot masjid apart ça trois-là.

[Extrait de Al Jamiat Vol.4 No.14]

I'tikaaf