Ibaadat dans la nuit

Faire ibaadat dans la nuit c’est ene qualité de banne ki bien dans Deen. Dans Qour’aan-e-Kareem, Allah Ta’ala faire nou conné ki banne mouttaqui c'est-à-dire banne ki bien sérieux dans Deen zotte dormi bien tigite dans la nuit. Zotte reste éveillé et zotte passe zotte la nuit dans faire namaz.

Zordi jour nou comprend ki nou constitution li pas couma longtemps. Acoze ça si nou pas capave reste éveillé pou ene long boute le temps, nou bizin pas laisse li traversé sans nou gagne nou part là-dans. Au moins nou capave lève ene demi heure avant l’heure sehri et nou faire quand même ene deux rakaat. Dans commencement li pou paraite difficile mais après ene certaine le temps, li pou vine normal et nou pou capave augmente li graduellement. Et si ça aussi nou pas capave faire, au moins nou capave faire namaz Esha avec jamaat et namaz fajar avec jamaat. D’après hadice, ene personne ki faire namaz Esha et namaz fajar avec jamaat, li gagne récompense couma dire li fine faire namaz ene nuit entier.

[Extrait de Al Jamiat Vol.4 No.15]