Wahdat-ul-Woujoud

Wahdat-ul-Woujoud c’est ene l’état d’esprit mais pas ene conception. Ene l’état d’esprit cote ene dimoune li pas apercevoir le monde tout autour de li. Li senti présence d’Allah Ta’ala partout avec li. Ça li pareil couma ene ki so regard reste tellement fixé et braqué lors so bien-aimé ki li pas senti présence aukene kitchose autour de li. Pou illustré ça, ene poète dire ki mo fine trouve zisse mo bien-aimé dans ene l’assemblée rempli avec boucou dimoune pareille couma ene dimoune li trouve zisse soleil malgré ki banne zétoile aussi zotte présent dans le ciel. Couma banne zétoile disparaite dans l’éclairage soleil, coumsa même tout kitchose disparaite divant l’existence Allah Ta’ala. C’est ene degré très avancé dans Deen ki banne grand personnages expérience ça. C’est ene kitchose ki bizin vive li pou conné. Li couma ene kitchose ki bizin goûté même pou conne so goût.

Chaque kitchose ena so l’heure pou comprend li. Ene ti zenfant pas capave comprend ceki ene adulte li expériencé. Et parfois li capave trouve étrange et drôle ceki ça adulte-là faire. Tout ça-là acoze ki li trop bonheur pou li comprend ça. Li pencore gagne so l’age. So l’esprit pencore ouvert et li encore bien tanne. Li bizin necque comprend ki li bizin accepté ceki banne pli grand ki li fine comprend. Ça li pou ene pli bon kitchose pou li au lieu rejette banne vérités ki difficile pou li comprend parceki banne vérités pas dépanne lors compréhension kikene pou existé.

Wahdat-ul-Woujoud c’est ene l’état d’esprit et ene stage ki dimane maturité dans Deen pou comprend li. Banne ki pas conne ça stage-là pas capave critique banne ki pé vive li et pé passe là-dans. Si moi mo pé mange ene kitchose et mo dire ki li doux, alors ki manière ou capave dire ki li pas doux sans goûte li ? Donc faudré pas faire couma ti zenfant.

[Extrait de Al Jamiat Vol.5 No.2]