Conseil à banne jeunes

Allah Ta’ala so bénédiction dessane pendant la nuit. Ene personne ki faire so namaz Esha avec jamaat et li dormi avec l’intention pou faire namaz Fajar avec jamaat, li couma dire ene dimoune ki pé faire namaz entier la nuit. Guette Allah Ta’ala so faveur ! Dans sommeil aussi li compte nou couma namazi.

Donc banne jeunes ki passe zotte la nuit dans promené ou bien dans discothèque ou casino, bizin comprend ki zotte pé prive zotte de banne bienfaits immense. Si zotte pena courage faire ibaadat, au moins zotte pas gaspille zotte le temps et zotte l’énergie dans casse l’ordre Allah Ta’ala. La nuit fine faire pou reposé ou bien faire ibaadat mais pas pou gaspille li dans faire péché. Ça c’est faveur Allah Ta’ala ki li laisse nou dormi sans li prive nou de so récompense immense.

[Extrait de Al Jamiat Vol.4 No.15]