15eme nuit de Sha’baan

15eme nuit de Sha’baan ou bien ça nuit ki appelle Shab-e-Barat c’est ene nuit de bénédiction et de grâce. Selon ene hadice ki trouve dans Tabraani et ki rapporté par Hazrat Mou’az Bin Jabal ‎(Radiyallahou anhou‎)‎, Rasouloullah ‎(Sallallaahou A'laihi Wasallam)‎ fine dire :

« Allah Azza Wa Jalla li guette so banne créatures dans la nuit de mi Sha’baan et li gracié tous so banne créatures excepté ene ki moushrik ou bien ene ki rancunier. »

Ça hadice-là en li même li ene hadice hassan ki fine être rapporté dans plusieurs livres de hadice par banne Sahaba-e-Kiraam couma Hazrat Abou Bakr ‎(Radiyallahou anhou‎)‎, Hazrat Abou Moussa Al-Ash’ari ‎(Radiyallahou anhou‎)‎ et Hazrat Abdullah Bin Amr Bin Al-Aas ‎(Radiyallahou anhou‎)‎. Le fait ki ça fine rapporté par plusieurs sources faire li vine ene hadice bien authentique. Donc c’est ene la nuit cote Allah Ta’ala li faire manifesté so grâce immense pou so banne serviteurs.

Sheikh Nasiruddeen Al-Albani et 15eme nuit de Sha’baan

Li bon conné ki Sheikh Nasiruddeen Al-Albani aussi fine qualifié ça hadice-là de ene hadice authentique. Donc l’indifférence à l’égard de ça nuit-là ki fine exprimé pendant des années de la part de ene groupuscule ki pretanne suive Sheikh Albaani, li paraite vraiment drôle et louche. Allaamah Bin Taimiyah (R) aussi fine faire mention de ça nuit-là dans so Fataawa Al-Koubra cote li fine reconnaite la 15ieme nuit de Sha’baan comme ene nuit ki rempli de banne bienfaits immense.

Fatwa Allaamah Bin Taimiyah (r)

"... واما ليلة النصف من شعبان ففيها فضل وكان فى السلف من يصلى فيها لكن الاجتماع فيها لاحيائها فى المساجد بدعة ..."

 «… Quant à la nuit de mi Sha’baan, alors li ena ene mérite. Ti ena parmi banne ancêtres ki ti pé faire namaz (spécial) dans ça la nuit-là. Mais rassemblé pou passe ça la nuit-là dans banne masjid, c’est ene bid’ah (innovation) … » (Al-Fataawa Al-Koubra de Allaamah Bin Taimiyah (R))

Meilleur façon pou passe la 15eme nuit de Sha’baan

La 15eme nuit de Sha’baan c’est ene nuit de bénédiction et de grâce. Donc li recommandé ki ene dimoune passe ça la nuit-là dans ibaadat selon so capacité. Faudré pas li néglige ça par la paresse et ni li faire li ene quantité ki faire li pas levé pou namaz fajar. Comme ibaadat li capave faire banne namaz nafil, istighfaar, zikrullah, tilaawat-ul-Qour’aan, daroud shareef, doah etc. li pli bon ki passe ça la nuit-là dans ibaadat dans nou la caze avec la famille parceki la pli grande majorité de banne ‘Oulama-e-Kiraam fine désapprouve la pratique rassemblé dans masjid pou passe ça la nuit-là. Comme raison, zotte avancé ki ça pas fine pratiqué par Nabi ‎(Sallallaahou A'laihi Wasallam)‎ ni banne Sahaba-e-Kiraam ni banne tabeines. D’après le Sharh Mouniyat-ul-Mouswalli, selon Abou Mouhammad Izzud-Deen Bin Abdussalaam Al-Mouqaddasi, c’est ene pratique ki fine vine en vigueur dans l’année 448 Hijri.

Dans banne livres couma Al-Bahr-ur-Ra-iq, Sharh Mouniyat-ul-Mouswalli, Maraqil-Falaah etc, banne ‘Oulama fine faire ressortir dans ene façon bien claire ki faire rassemblement dans masjid pou passe ça nuit-là et faire namaz spécifique avec jamaat li makrouh. Donc faire namaaz awwabeen ou bien ene l’autre namaz nafil avec jamaat li makrouh. Coumsa même faire namaz nafil avec jamaat dans ça nuit-là aussi li makrouh. Chaque dimoune capave faire la quantité namaz nafil ki li envi. Mais li bizin faire li tout seul. Pas avec jamaate.

Faire illumination dans masjid à l’occasion 15eme nuit de Sha’baan

D’après banne ‘Oulama et d’après ceki Mulla Ali Qaari (R) fine mentionné dans so « Al-Mirqaat », la pratique illumine masjid fine commencé par ene peuple ki appelle Al-Baraamikah. C’est ene peuple ki ti pé adore difé avant ki zotte embrasse l’Islam. Quand zotte fine rente dans l’Islam, zotte fine introduire ça pratique-là. Li pena narien à faire avec l’Islam. Acoze ça banne ‘Oulama fine disqualifié ça pratique-là. C’est ene gaspillage et gaspillage li interdit dans l’Islam. C’est à banne dirigeants masjid pou donne ene bon l’exemple par arrête ça pratique-là. Insha Allah pou ena grand récompense cote Allah Ta’ala.

Le temps, l’énergie et ressource ki pou gaspillé dans ene telle pratique indésirable capave être utile à l’Oummah dans ene l’autre façon. Si l’Oummah commence raisonne dans ça façon-là, ene quantité nou banne problèmes capave résoudre facilement et en même temps ça pou permette donation nou banne frères généreux et sincères servi pou banne causes très très louable.

Roza le 15eme jour de Sha’baan

Nabi ‎(Sallallaahou A'laihi Wasallam)‎ ti ena l’habitude garde roza et ti recommande pou garde roza dans banne jours ki banne actions présenté devant Allah Ta’ala.

D’après ene hadice ki trouve dans Sahih Muslim Shareef, présentation banne actions faire deux fois par semaine : jour lundi et jour jeudi. Acoze ça selon ene hadice ki trouve dans Tirmizi, Rasouloullah ‎(Sallallaahou A'laihi Wasallam)‎ fine dire :

« Banne actions zotte présenté le lundi et jeudi. Acoze ça mo content ki mo reste en état de roza dans l’heure ki mo action pé présenté. »

Coumsa même selon ene hadice ki trouve dans Nissaï, Nabi ‎(Sallallaahou A'laihi Wasallam)‎ ti ena l’habitude garde boucou roza dans le mois de Sha’baan et li ti pé dire ki c’est ene mois dans lequel action banne dimoune présenté devant Allah Ta’ala. Nou ena aussi ene hadice ki dire banne dimoune zotte actions li présenté dans la nuit de 15eme Sha’baan.

Pou réconcilié entre les deux, nou capave avancé ki ça genre de présentation de banne actions ki faire dans le mois de Sha’baan pena li tous les jours ça. Mais ena li necque dans ene seul l’heure dans ça mois-là. Et ça moment-là c’est la 15eme nuit de Sha’baan. C’est ça même l’idée ki Mulla Ali Qari (R) fine essaye élaboré dans so Al-Mirqaat.

"والذى يلوح لى الآن ان ليلة النصف هى التى تعرض فيها اعمال السنة الماضية ..."

“Pou l’instant ceki pé paraite évident pou moi, c’est le fait ki la nuit de 15eme Sha’baan c’est la nuit dans laquelle banne actions de l’année écoulée présenté …"

Probablement c’est apartir de là ki banne ‘Oulama fine recommande faire ibaadat dans 15eme nuit de Sha’baan et garde roza dans la journée de 15eme Sha’baan.

[Extrait de Al Jamiat Vol.5 No.5 et Vol.6 No.7, 10]