Le Qour’aan mobile

Kikene fine dimane Hazrat Aisha ‎(Radiyallahou anhou‎)‎ a propos l’habitude et comportement Nabi ‎(Sallallaahou A'laihi Wasallam)‎. Hazrat Aisha ‎(Radiyallahou anhou‎)‎ fine repone ki Nabi ‎(Sallallaahou A'laihi Wasallam)‎ so comportement c’était Qour’aan-e-Kareem. C'est-à-dire le Qour’aan-e-Kareem ki nou ena en forme écrite c’est le Qour’aan en théorie. Quant à Qour’aan pratique et mobile c’était Nabi ‎(Sallallaahou A'laihi Wasallam)‎. La pratique de Nabi ‎(Sallallaahou A'laihi Wasallam)‎ c’est ça même ki nou qualifié li de sounnah. Le sounnah de Nabi ‎(Sallallaahou A'laihi Wasallam)‎ li garantie l’interprétation correcte et authentique de Qour’aan-e-Kareem en pratique. C’est acoze ça même but ki Allah Ta’ala fine envoye nou bien-aimé Nabi ‎(Sallallaahou A'laihi Wasallam)‎.

"… Et Nou fine révèle vers ou ‘Az-Zikr’ (Qour’aan-e-Kareem) afin ki ou explique dimoune ceki fine être révélé vers zotte …" (V44/S16)

Nabi ‎(Sallallaahou A'laihi Wasallam)‎ fine reste ene tigite le temps même lors ça la terre-là mais so oummat pou continué vini ziska Qiyaamat. Banne oummati ki fine vine après Nabi ‎(Sallallaahou A'laihi Wasallam)‎ so wafaat zotte aussi bizin ça explication ki Nabi ‎(Sallallaahou A'laihi Wasallam)‎ fine donné a propos Qour’aan-e-Kareem. Ça li dimane ki ça explication-là li continué reste préservé ziska Qiyaamat ki pou ranne possible la mise en pratique de Qour’aan-e-Kareem. Explication ki Nabi ‎(Sallallaahou A'laihi Wasallam)‎ fine donné pou Qour’aan-e-Kareem par so parole, so pratique et so l’approbation fine être présenté par l’oummah de génération en génération. Ça tache et responsabilité de préservation-là fine rassurée par ene groupe ki reconnaite par "Mouhadditheen" (savants de hadice).

Travail ki banne Mouhadditheen fine faire, fine permette l’oummah gagne l’explication de Qour’aan-e-Kareem en forme de sounnah de Nabi ‎(Sallallaahou A'laihi Wasallam)‎. Ça montré ki le sounnah de Nabi ‎(Sallallaahou A'laihi Wasallam)‎ fine toujours marche cote à cote avec Qour’aan-e-Kareem et ça fine aide l’oummah pratique Deen couma bizin.

Qour’aan-e-Kareem dire nou faire namaz mais li pas mentionne le nombre de rakaat ni le nombre de namaz ki bizin faire. Coumsa même li ordonne nou pou donne zakaat mais ici aussi li pas rente dans les détails. Similairement nou fine gagne l’ordre pou faire hajj mais là-dans aussi li pas dire quand et couma bizin faire li.

Ça banne détails-là nou gagne zotte dans sounnah de Nabi ‎(Sallallaahou A'laihi Wasallam)‎.  Allah Ta’ala fine donne nou ene Deen complète ki nou bizin amène dans nou dans so forme complète. Ça Deen-là pou vine dans nou dans so forme complète seulement quand nou comprend et applique Qour’aan-e-Kareem à la lumière sounnah de Nabi ‎(Sallallaahou A'laihi Wasallam)‎.

Allah Ta’ala fine faire ene façon ki fine ena groupe ki fine donne zotte corps et âme pou interprète et explique sounnah de Nabi ‎(Sallallaahou A'laihi Wasallam)‎. Ça groupe-là li reconnaite par banne Fouqaha (juristes).

Banne Mouhadditheen fine faire zeffort pou l’oummah gagne sounnah de Nabi ‎(Sallallaahou A'laihi Wasallam)‎ dans so forme authentique et banne Fouqaha fine faire zeffort pou l’oummah conne l’application correcte de sounnah de Nabi ‎(Sallallaahou A'laihi Wasallam)‎. Bizin suive recherche de banne Mouhadditheen et banne Fouqaha pou capave pratique Deen dans so vrai forme. Tourne le dos avec recherche ki banne Fouqaha fine faire, li amène nou pou mal comprend le sounnah de Nabi ‎(Sallallaahou A'laihi Wasallam)‎. Et conséquemment nou mal applique Deen. Et parfois ça li amène nou vers ene l’anarchie totale ki faire nou gagne l’audace refuse accepté boucou kitchose dans Deen ki pourtant établi par banne preuves solides et authentique. C’est ça même kitchose ki faire nou interprète sounnat dans nou propre façon et ki faire nou dire ki l’apostasie li pas ene offense ki mérite exécution. Et pourtant c’est ene kitchose ki l’oummah fine toujours reconnaite. C’est ça même kitchose ki amène nou pou dire ki la musique douce li permette. Nou arrive à ene stade cote nou pas hésité pou rejette kitchose ki reconnaite par la majorité lors la base banne l’opinions isolées. Et par tourne le dos avec sounnah de Nabi ‎(Sallallaahou A'laihi Wasallam)‎, nou rode ene moyen pou interprète Qour’aan dans nou propre façon. Or personne pas capave comprend, interprète et applique Qour’aan pli bien ki Nabi ‎(Sallallaahou A'laihi Wasallam)‎. C’est ene façon pou ranne Qour’aan inapplicable ou inservable.

• Nou fine conne Allah Ta’ala par Rasouloullah ‎(Sallallaahou A'laihi Wasallam)‎.

• Nou fine conne Qour’aan-e-Kareem par Rasouloullah ‎(Sallallaahou A'laihi Wasallam)‎.

• Nou fine conne Deen par Rasouloullah ‎(Sallallaahou A'laihi Wasallam)‎.

• Nou fine apprane imaan par Rasouloullah ‎(Sallallaahou A'laihi Wasallam)‎.

Nou bizin suive Rasouloullah ‎(Sallallaahou A'laihi Wasallam)‎ so l’enseignement et so sounnah pou capave comprend et applique Qour’aan-e-Kareem. Sans suive Rasouloullah ‎(Sallallaahou A'laihi Wasallam)‎, pena Deen, pena imaan et pena Qour’aan. Pou ene bonne compréhension et ene application correcte et convenable de Deen, bizin prend en considération travail louable et inestimable ki banne Mouhadditheen et banne Fouqaha fine faire sinon li bien dangereux pou navigue dans ça l’océan ki rempli de fitna. Bref pou comprend Qour’aan ki fine révélé et ki nou ena dans nou la main en forme écrite, bizin suive le Qour’aan mobile en la personne de nou bien-aimé Nabi ‎(Sallallaahou A'laihi Wasallam)‎ ki fine préservé et expliqué par banne Mouhadditheen et banne Fouqaha. Sinon ni pou ena Qour’aan, ni Deen et ni Imaan.

Ki Allah Ta’ala garde nou lors tareeqah nou Nabi ‎(Sallallaahou A'laihi Wasallam)‎, donne nou so vrai mouhabbat et accorde nou so shafa’at dans aakhirat (ameen).

[Extrait de Al Jamiat Vol.5 No.7]