L’esprit cabossé

Nou prend nou pou grand malin. Personne pas content kikene appelle li imbécile ou bien ti l’esprit. Mais en réalité nou l’esprit cabossé. Quand même combien nou pou cachiette, mais c’est ene vérité ki pas capave reste cachiette. Eski nou content suive banne bon dimounes couma banne Sahaba-e-Kiraam ou bien banne faasiq et faajir ki pé casse la loi Allah Ta’ala nuit et jour ? Eski nou pé prend comme model Sahaba-e-Kiraam ou bien model et la mode banne ki pena Deen ? Eski ene dimoune ki so la tête bon, li pou quitte bon kitchose et li pou patouille dans malpropreté ?

Nou bizin admette ki nou l’esprit cabossé. Allah Ta’ala li qualifié banne ki dans so l’obéissance de banne intelligents. Par contre, banne ki fine tourne le dos avec Allah Ta’ala so Deen, c’est banne ki zotte l’esprit fine bloqué et ki fine dessane en bas niveau zanimau ki pena l’esprit.

[Extrait de Al Jamiat Vol.5 No.8]