Pas premier pas dernier

Ou pas ça premier dimoune ki ou ena ceki ou ena ni ou le dernier dimoune. Avant ou fine ena ki ti ena ceki ou ena et après ou aussi pou ena dimoune ki pou ena ceki ou ena. Ou commencement depi dans la terre et ou pou alle fini dans la terre.

Avant ou ti ena banne ki ti bien possédé mais zordi alle rode zotte ! Ou pas pou trouve zotte boute aussi. Ça kitchose ki ou ena, ça pas fine commencé par ou ni li pou fini lors ou. Avant ou ti ena dimoune riche et après ou aussi pou continué ena li. Coumsa même ou bizin calcule dans tout kitchose. Nou bizin prend l’exemple avec banne ki fine fini allé avant nou. Richesse, beauté, popularité, l’honneur tout ça-là pou fini quand ou alle en bas la terre. Ça même kitchose ki pou bénéfique c’est ceki ou fine servi li pou faire ou Rabb plaisir. Ça ene ti casse ki ou fine dépensé sans kikene conné, ça ene deux tasbeeh ki ou fine faire dans faire éloge ou Rabb, ça ene deux goûte larme ki ou fine versé pou ou Rabb, c’est ça banne kitchose-là même ki pou servi ou. Imagine ene coup si ou faire ou cinq fois namaz dans l’heure, garde ou roza dans le mois de ramadhan, lire ou Qour’aan tous les jours ene tigite et garde ou distance avec tout kitchose ki déplaire ou Rabb, alors ki quantité ça li pou servi ou après !

[Extrait de Al Jamiat Vol.5 No.10]