Le dernier Nabi ‎(Sallallaahou A'laihi Wasallam)‎

Nou Nabi Hazrat Mouhammad ‎(Sallallaahou A'laihi Wasallam)‎ li le dernier Nabi. C'est-à-dire Allah Ta’ala pas fine accorde personne ‘Noubouwwat’ (prophétie) après Nou Nabi Hazrat Mouhammad ‎(Sallallaahou A'laihi Wasallam)‎. Et ziska qiyaamah pas pou ena kikene ki pou gagne Noubouwwat. Tout ceki ti ena pou gagne ‘Noubouwwat’ (prophétie) fine fini gagné. Aster tous ceki vine déclare li Nabi, li ene grand menteur. Et banne ki accepté kikene Nabi après Nou Nabi Hazrat Mouhammad ‎(Sallallaahou A'laihi Wasallam)‎, alors zotte pas musulman. Ça signifié ki zotte pas pou rente dans jannat si zotte mort lors là. Couma ça signifié ki pas gagne droit marié avec zotte ni gagne droit mange banne la chaire ki zotte fine faire zabah. Zotte namaz, zotte sadaqah, zotte tilaawat, zotte bon manière, zotte kalimah, narien pas pou ranne zotte service tanque zotte pas rejette zotte fausse conception accepté kit Nabi ‎(Sallallaahou A'laihi Wasallam)‎ après nou Nabi Hazrat Mouhammad ‎(Sallallaahou A'laihi Wasallam)‎. Donc quand ou trouve kikene pé cause grand-grand causé et pé montré banne très bon manières, mais li croire kikene comme Nabi après nou Nabi Hazrat Mouhammad ‎(Sallallaahou A'laihi Wasallam)‎, alors pas bizin gagne embêté avec ça qualité dimoune-là.

[Extrait de Al Jamiat Vol.5 No.11 et Vol.6 No.1]