Faire ou choix

Aakhirat li eternel et dounia li temporaire. Si ou content dounia ou pou nuire ou aakhirat et si ou content ou aakhirat, alors ou pou bizin accepté faire ou dounia souffert quelque part. Nou bizin guetté ki nou pou perdi pou gagne quoi. Eski li pas vrai ki bizin perdi temporaire pou gagne eternel ? Eski li pas vrai ki pas capave mette la caze en gage acoze ene la tente lors la plage ? Donc bizin donne aakhirat priorité parceki li eternel et nou tous ena pou vive pou tout le temps là-bas. Sans doute ene bon musulman li bizin faire ça même. Ene musulman li bizin montré li intelligent et li pas capave faire ene mauvais choix surtout quand pena aukene confusion dans choisir ceki bon. N’importe ki kitchose ki vine ene barrière entre nou et nou aakhirat, nou bizin conne écarte li afin ki nou aakhirat pas souffert et nou sorte gagnant. C’est ça même le vrai succès. Tout succès sans ça succès-là li ene échec total.

[Extrait de Al Jamiat Vol.5 No.12]