Zakaat dans construction masjid ou madrassah

Question:

Eski capave mette la monnaie zakaat dans construction masjid ou madrassah?

Réponse :

Pou zakaat compté, li bizin sorti dans propriété donateur et li rente dans possession bénéficiaire. D’après shariah, masjid ou bien madrassah pena habilité vine propriétaire. Acoze ca pas capave donne zakaat dans construction masjid ou madrassah. Si kikene fine donne so la monnaie zakaat là-dans, alors so zakaat pas pou compté. Li pou bizin retire so zakaat. Acoze ça même pas capave paye le frais pou kaffan et daffan avec la monnaie zakaat parceki ene dimoune mort pena habilité vine propriétaire. Sous ça même principe, pas pou gagne droit acheté livre avec la monnaie zakaat et mette dans ene librairie cote dimoune capave bénéficié avec ça parceki banne bénéficiaires zotte pas vine propriétaire ça livre-là. Et librairie-là même li pena habilité vine propriétaire. Bizin servi banne contributions volontaires pou banne travail pareil.

 [Extrait de Al Jamiat Vol.5 No.12]