Zakaat lors banne bijoux en l’argent ou en or ki servi

Question :

Eski mo bizin tire zakaat lors banne bijoux en l’argent ou en or ki mo servi ?

Réponse :

Comme principe bizin tire zakaat lors tout banne objets en or ou en argent si zotte atteine nisaab, séparément ou conjointement, avec banne lezot items ki zakaat frappé lors ça. Là-dans pena aukene différence entre lingot ou entre bijoux ki pé servi ou bien bijoux ki pas pé servi.  Nou ena ene hadice authentique ki trouve dans Sounan Abou Dawoud selon lequel ene madame fine vine avec so tifille ki ti ena deux gros bracelets en or dans so la main, cote Nabi ‎(Sallallaahou A'laihi Wasallam)‎ ki fine dimane li si li tire zakaat lors ça. Madame-là fine repone ki li pas tiré. Lors ça Nabi ‎(Sallallaahou A'laihi Wasallam)‎ fine dimandé si li ti pou content ki jour qiyaamat Allah Ta’ala mette deux bracelets en difeu avec li. Alors quand ça madame-là fine tanne ça, li fine tire ça bracelet-là et li fine remette ça à Nabi ‎(Sallallaahou A'laihi Wasallam)‎. Nou ena encore deux hadice authentique ki trouve dans Sounan Abou Dawoud même et ki rapporté par Hazrat Umme Salmah ‎(Radiyallahou anhou‎)‎ et Hazrat Aisha ‎(Radiyallahou anhou‎)‎ ki prouve la même chose.

[Extrait de Al Jamiat Vol.5 No.14]