Eski ou conné ki …

1. Zina li ene de banne péché ki pli grave.
2. Banne ki faire zina, zotte pou brulé dans l’enfer.
3. Zina li attire la colère et la malédiction Allah Ta’ala.
4. Zina li amène vers la destruction.
5. Zina li enlève barakat et bénédiction.
6. Zina li enlève noor depi dans le cœur et visage ça dimoune ki faire li.
7. Zina li amène la pauvreté.
8. Zina li empêche doah accepté.
9. Zina li donne banne maladie incurable.
10. Attrape la main ene étrangère c’est zina la main.
11. Prend plaisir dans écoute cozé ene étrangère c’est zina zoreille.
12. Coze banne cozé indécent ou érotique avec ene étrangère c’est zina la bouche quand même li par téléphone ou portable.
13. Guette ene étrangère c’est zina lizié.
14. Attrape la main ou fiancée ki ou pencore faire nikah aussi c’est zina.
15. Banne parents ki donne zotte zenfants ça l’occasion-là par retarde faire mariage aussi pou vine avec fardeau péché de zina lors zotte la tète jour qiyaamah.
16. Continué vive avec ene madame après avoir donne li 3 talaaq, appelle vive dans zina.
17. Ene dimoune ki dans zina, so doua pas accepté même si li faire dans banne grand la nuit aussi tanque li na pas faire tawbah.
18. Ene dimoune ki change so tendance dans Deen acoze pou marié avec kikene, ena le risque perdi so Iman.
19. Coumsa même ene dimoune ki change so bord dans Deen zisse pou capave re-ramasse so madame après avoir donne li 3 talaaq, li ene dimoune ki pé zoué avec so Deen et so Iman.
20. Ene dimoune li bizin rétracté lors mimbar si li fine arrivé faire ene erreur dans cozé ki li fine cozé lors mimbar.

[Extrait de Al Jamiat Vol.5 No.14]