Snack food

Allah Ta’ala fine donne insaan ene dignité ki li pas fine donne lezot créatures. Mais insaan li ingrat. Li pas conne valeur de ceki li fine gagné. Li fine tourne le dos avec commandements Allah Ta’ala. Et quand ene kikene blié Allah Ta’ala, inévitablement li blié li même ceki li été. Li tombe dans la bassesse. Li agir couma banne zanimau ki pena l’esprit. Zanimau li pas guette narien quand li ena pou accomplir so désir. Li pena la honte, li pena pudeur ni kit hésitation. Insaan aussi pé vine coumsa même. Zotte pé vine sans pudeur. Zotte agir dans public couma dire zotte pas conscient ki dimoune pé guette zotte. Zanimau pena l’esprit mais sanla li ena l’esprit et li pé faire couma dire li sans l’esprit et sans comprend.

Banne tifille zordi jour aussi nepli ena le sens de pudeur ki bizin. Zotte fine tombe dans la bassesse et zotte pé laisse zotte dévoré couma snackfood dans tous coin la rue. Ou ena pou vine papa ou bien mama kikene demain. Eski li pou ene l’honneur pou ou zenfant apprane ceki ou pé faire dans tous coin la rue en publique ?

[Extrait de Al Jamiat Vol.5 No.8]