La mort lors Imaan

Tout dimoune même ena pou mort. Personne pas fine vine lors la terre pou reste pou tout le temps. Alors la mort-là li pou vini sans doute. Pena manqué ça. Et li pou vine dans l'heure ki fine fixé pou li vini. Et tout dimoune ena pou mort zisse dans l'heure. Ni li pou vine avant ça ni li pou en retard ene tigite aussi. Mais l'essentiel dans tout ça-là ceki ene dimoune bizin faire zeffort ki li mort lors Imaan. Apres ça dimoune-là li pou dans bien pou tout le temps. Pena narien ki pou agace li ou bien fatigue li ni pou ena kitchose ki pou bouleverse li. C'est le succès. Dimoune ki vraiment oulé succès, alors li bizin conné ki c'est le vrai succès. Pena narien ki mérite appelle li succès apart ça succès-là. Tout succès sans ça succès-là c'est ene vrai défaite. Couma tout défaite avec ça succès-là li vine ene succès finalement.

Zeffort ki ene dimoune bizin faire pou ki li mort lors Imaan c'est ki li bizin toujours faire bon et reste loin de ceki pas bon. Ene kitchose li bon ceki Allah Ta'ala déclare li bon. Coumsa même mauvais c'est ceki Allah Ta'ala déclare li mauvais. Donc pou mort lors Imaan, ene dimoune bizin obéir Allah Ta'ala.

Ça li dimane ene volonté et ça volonté-là capave gagne li avec facilité quand reste avec banne dimoune ki zotte la marche bon et zotte sincère.

[Extrait de Al Jamiat Vol.6 No.2]