Sahaba-e-Kiraam ‎(Radiyallahou Anhoum‎)‎

Sahaba c'est le pluriel de Sahabi.

Ene Sahabi c'est ene personne ki fine trouve Nabi ‎(Sallallaahou A'laihi Wasallam)‎ en etat de Imaan et li fine mort aussi en etat de Imaan.

Respect pou banne Sahaba-e-Kiraam ‎(Radiyallahou anhoum‎)‎

Chaque musulman bizin ena grand respect pou banne Sahaba-e-Kiraam. Ene pli grand wali pas capave vine dans grade ene dernier Sahabi. Le fait ki ene Sahabi fine trouve Nabi ‎(Sallallaahou A'laihi Wasallam)‎ ça fine ranne li béni et valeureux ki li dépasse tout ceki pas ene Sahabi. Grade ki ene Sahabi ena c'est acoze Nabi ‎(Sallallaahou A'laihi Wasallam)‎ Acoze ça même, l'amitié et respect pou ene Sahabi li ene indication de ça l'amitié et respect ki ene dimoune ena pou Nabi ‎(Sallallaahou A'laihi Wasallam)‎.

Compréhension de Deen et Sahaba-e-Kiraam ‎(Radiyallahou anhoum‎)‎

Banne Sahaba-e-Kiraam‎ (Radiyallahou anhoum‎)‎ fine gagne l'occasion témoigne la révélation de Qour'aan-e-Kareem. De ce fait banne Sahaba-e-Kiraam ‎(Radiyallahou anhoum‎)‎ fine ena le privilège témoigne le contexte dans lequel ene certaine verset ou sourah fine révélé. Et ça fine permette zotte pou comprend pli bien l'application de chaque verset. Ena boucou kitchose et banne ti détaille ki souvent des fois pas capave être exprimé en écrit. Mais banne Sahaba-e-Kiraam ‎(Radiyallahou anhoum‎)‎ fine gagne l'occasion être au courant de ça grâce à zotte présence dans la compagnie de Nabi ‎(Sallallaahou A'laihi Wasallam)‎.

C'est acoze ça même ki banne 'Oulama fine toujours servi la pratique de banne Sahaba-e-Kiraam ‎(Radiyallaahou Anhoum)‎ comme ene élément décisif pou tranche entre banne hadices apparemment contradictoires. C'est-a-dire quand ena différent hadice lors ene sujet, alors zotte considère hadice ki approuvé par la pratique banne Sahaba-e-Kiraam ‎(Radiyallaahou Anhoum)‎.

Similairement si zotte trouve la pratique de banne Sahaba-e-Kiraam‎(Radiyallahou anhoum‎)‎ pas paraite correspone avec ene certaine hadice, alors, sans hésitation zotte adopté la pratique de banne Sahaba-e-Kiraam ‎(Radiyallahou anhoum‎)‎. Et ça façon-là pas appelle quitte hadice pou prend ceki banne Sahaba-e-Kiraam‎ (Radiyallahou anhoum‎)‎ fine faire. Parceki li inconcevable ki banne Sahaba-e-Kiraam‎ (Radiyallahou anhoum‎)‎ zotte pas au courant de ene certaine hadice malgré zotte zeffort et l'enthousiasme dans cherche hadice de Nabi ‎(Sallallaahou A'laihi Wasallam)‎. Et ça aussi li impossible ki zotte oppose Nabi ‎(Sallallaahou A'laihi Wasallam)‎ so hadice avec propre connaissance. Donc bizin accepté ki zotte fine bizin être en présence certaine directive de la part de Nabi ‎(Sallallaahou A'laihi Wasallam)‎ ou bien certaine développement ki pas fine rapporté comme hadice mais ki indiqué par zotte l'attitude ki zotte fine adopté. En fin de compte, nou pas fine quitte hadice pou prend ceki banne Sahaba-e-Kiraam‎ (Radiyallahou anhoum‎)‎ fine faire mais plitot nou fine quitte ene hadice acoze ene l'autre hadice pli fort et pli solide. Ça c'est ene principe ki tous banne ki fine apprane Deen dans ene façon professionnelle bizin conné. Mais ça li paraite ene ti pé drôle pou le public en général. C'est banne 'Oulama ki bizin explique ça. Si au lieu ça, ene dimoune necque li prend ene hadice couma li été sans prend compte ceki banne Sahaba-e-Kiraam ‎(Radiyallahou anhoum‎)‎ fine pratiqué en général, alors ça li pou cause ene dégât immense dans Deen. Ça pou donne l'impression ki Naouzou-billah banne Sahaba-e-Kiraam‎ (Radiyallahou anhoum‎)‎ pas fine bien comprend Deen et conséquemment zote pas fine bien pratique li. Ene l'impression semblable couma li ene insulte à l'égard de banne Sahaba-e-Kiraam‎ (Radiyallahou anhoum‎)‎, li mette en doute l'authenticité de l'Islam en meme temps.

[Extrait de Al Jamiat Vol.6 No.2]