Lumière dans aakhirat

Nou tou ti content lève avec banne bon dimoune jour qiyamat. Lève dans groupe banne bon dimoune li pou ene indication de réussite ki pas pou ena aukene défaite après ça. Donc tout dimoune même bizin content ça. Et ça même pou pli grand réussite ki ene dimoune fine capave gagné dans entier so l’existence.

Mais ça réussite-là li capave ratté si nou pas ponctuel dans nou namaz. Donc faudré pas néglige namaz ni minimise so l’importance. Dans ene hadice authentique ki trouve dans Mousnad Ahmad, Rasouloullah ‎(Sallallaahou A'laihi Wasallam)‎ dire :

« Celui ki fine reste ponctuel dans so namaz, alors ça li pou ene lumière, ene preuve et ene moyen de salut jour qiyaamat. Mais celui ki pas fine régulier dans namaz, alors li pas pou ena aukene lumière ni preuve ni salut. Et jour qiyaamat li pou ensam avec Qaroun, Fir’aun, Hamaan et Ubayy Bin Khalaf. » À noté ki Qaroun, Hamaan et Ubayy Bin Khalaf c’est banne kaafir ki fine toujours oppose Allah Ta’ala.

[Extrait de Al Jamiat Vol.6 No.5]