Eski bizin suive banne Imam couma Imam Abou Hanifah…?

Question :

Eski bizin suive banne Imam couma Imam Abou Hanifah, Imam Malik, Imam Shafi et Imam Ahmad Bin Hambal? Ena ene groupe ki empêche suive Imam. Ki ou l’opinion lors-là ?

Réponse :

Zordi jour bizin suive ene Imam entre ça 4 Imam-là. Ça groupe ki empêche dimoune suive Imam, zotte aussi zotte banne suiveurs Imam mais pas conné ki faire zotte cachiette ça. Allah conné ki raison derrière ça. Mais zotte suive et ça aussi aveuglement. Ceki ridicule, zotte empêche dimoune suive ene couma Imam Abou Hanifah, Imam Malik etc mais zotte oulé dimoune suive zotte même dans ceki zotte dire. Pas suive Imam li amène vers l’anarchie et li ouvert la porte pou dimoune servi deen au lieu suive deen. Donc hidayat li trouve dans suive ene entre ça 4 Imam-là. Li tellement important ki banne grand grand savants de hadice et banne ‘Oulama de grand calibre aussi pas fine trouve aukene chemin apart suive ene Imam.

[Extrait de Al Jamiat Vol.6 No.5]