Banne signes Qiyaamat

Nou ena deux sortes de signe pou qiyaamat. Ene banne signes ki pou paraite avant l’avènement de Imam Mahdi. Ça appelle li banne signes mineurs. Et ene l’autre ki pou paraite après l’avènement de Imam Mahdi ki reconnaite comme banne signes majeurs.

Ene banne signes ki Nabi ‎(Sallallaahou A'laihi Wasallam)‎ fine prédire avant l’avènement de Imam Mahdi :

1. La connaissance de deen pou enlevé et l’ignorance pou régné partou à tel point ki pas pou ena aukene dimoune ki pou ena la connaissance de deen. Alors banne dimoune pou faire banne ‘jaahil’ (ignorants) vine zotte chef ki pou donne banne dimoune renseignement lors deen sans connaissance. Zotte pou dans l’égarement et zotte pou induire lezot aussi dans l’égarement.
2. L’adultère pou prend l’ampleur. Zordi jour ceki banne jeunes pé faire dans banne jardins, dans tout coin la rue et lors la rue divant tout dimoune sans aukene crainte et sans pudeur, li confirme ceki Nabi ‎(Sallallaahou A'laihi Wasallam)‎ fine prédire. Le système fréquenté avant mariage aussi li inclure là-dans. Et ça c’est ene bêtise ki déroulé dans la caze même de ça ti fille-là avec complicité mama, papa, frère etc. Eski pas ça même ki appelle « dayyous » ? Si ça pé arrivé dans la caze divant la famille, alors en dehors ki capave pé arrivé ?
3. La boisson alcoolique pou en rigueur. Zordi jour aukene fete li pas fête si pena la boisson. Aukene l’amusement li pas l’amusement sans la boisson. Ene l’époque ou ene saison arrivé cote dimoune nepli conne bouteille. Li boire caisse par caisse. Li divant tout un chacun ça ditort ki ça pé faire dans la société cotte les plus vulnérables c’est banne madames, banne zenfants et banne personnages âgées. Sous l’influence l’alcool dimoune capave faire n’importe quoi. Li arrivé pas différencié entre so tifi et so madame. Ene gouvernement ki vraiment sincère dans éradique banne mal dans la société couma vol, viol, crimes, l’indécence pas capave continué autorise la boisson alcoolique.
4. Population zomme pou diminué et population madame pou augmenté à tel point ki pou arrive ene l’époque cote pou ena ene seul zomme ki pou bizin occupe ene cinquantaine de madame.

[Extrait de Al Jamiat Vol.6 No.5]