Sorti avec l'intention pou voyager vers la Réunion mais retourner sans voyager

Question :

Mo reste Port-Louis, mo fine sorti pou alle la Réunion et l’heure Zohar mo fine arrive Plaine-Magnien. Namaz Zohar en jamaat ti déjà fini terminé. Combien rakaat Zohar mo ti bizin faire ? Mo ti reste là-bas ziska Assar. Avant Assar même mo fine change l’intention pou pas alle la Réunion et pou retourne la caze. Eski mo encore ene mussaafir ?

Réponse :

Du moment ki ou fine fini sorti en dehors Port-Louis ou fine vine Mussaafir. Ene Mussaafir quand ena pou faire namaz derrière Imam, alors li bizin faire pareil couma imam et si li faire tout seul, alors banne namaz ki ena 4 rakaats li faire li deux rakaats même. Donc ou ti bizin faire namaz Zohar deux rakaats même à Plaine-Magnien parceki ou ti pou faire li tout seul. Deuxièmement quand ou fine faire l’intention pou pas continué ou voyage et ou fine faire l’intention pour retourne la caze, ou ti nepli ene Mussaafir. Alors ou ti supposé lire namaz Assar 4 rakaats même quand même ou ti ena pou faire li tout seul aussi.

D’après principe quand ene dimoune change l’intention pendant so trajet, alors li bizin guetté si ça l’endroit-là li moins ki 48 milles depi so la caze ou bien plis. Si li moins ki 48 milles li fini vine Muqeem, c'est-à-dire li bizin faire namaz normal. Mais si li lors 48 milles ou plis ki 48 milles, tanque li pas rente dans so l’endroit li pou ene Mussaafir.

[Extrait de Al Jamiat Vol.6 No.6]