Fausse couche

Quand ene madame faire ene fausse couche, alors bizin guetté si ceki fine dessane-là li ena kit forme le corps ki capave distingué. Si ena kit organe ki fine formé, alors ça li considéré couma ene bébé c'est-à-dire couma ene l’accouchement. Si ene madame ti dans iddat de talaaq ou bien li ti pé observe iddat pou so missié ki fine mort, alors so iddat pou terminé par ene fausse couche pareil. Mais si pena narien ki capave distingué, alors c’est ene saignement. Ça saignement-là pou considéré couma haiz à deux conditions : D’abord li ene saignement ki fine duré pendant 72 hrs ou plus. Deuxièmement c’est ene saignement ki fine gagné après ene période de propreté de 15 jours ou plus. Au cas contraire li pou compte couma istihaazah. A noté ki ene madame en état de istihaazah bizin faire namaz et garde roza si li dans le mois de ramadhaan. Necque li ena pou refaire so wazou à chaque l’heure namaz.

[Extrait de Al Jamiat Vol.6 No.7]