Faire ‘Oumra depi Tan-ïme

Ene dimoune ki reste dans makkah, en principe li bizin alle en dehors haram pou attache ihram pou ‘Oumrah. Etant donné ki Tan-ïme li trouve en dehors haram, alors ene habitant de makkah capave alle là-bas pou attache so ihram pou ‘Oumrah. Masjid Aisha li trouve dans Tan-ïme. Acoze ça banne habitants de Makkah alla là-bas pou ihram de ‘Oumrah.

Ça li applique aussi pou ene étranger ki fine rente dans Makkah et ki oulé faire ene l’autre ‘Oumrah. Alors li capave faire pareil couma banne habitants de Makkah. C'est-à-dire li capave alle Tan-ïme et li attache so ihram dans Masjid Aisha pou faire so ‘Oumrah. Li pas nécessaire absolument alle Ji’raanah ou bien alle en dehors Meeqaat.

[Extrait de Al Jamiat Vol.6 No.11 et Vol.7 No.6]