L’orgueil

D’après le sens de ene hadice ki trouve dans Mishkaat, Allah Ta’ala li dégrade ene dimoune orgueilleux à tel point ki li vine bien insignifiant dans lizié banne dimoune et pourtant li capave pé prend li pou ene terrible. Li vine pli détestable ki ene li chien et ene porc dans lizié public. Ça c’est so situation dans dounia. Dans aakhirat li pou pli inquiétant parceki d’après hadice ene tigite narien ditout de ça vilain manière ki appelle l’orgueil-là pou empêche li rente dans jannat. Cancer li ene maladie ki prive ene dimoune de tout so la joie de vive malgré li capave possède ene grand fortune. Et finalement li prend so la vie. Dimoune peur ça maladie-là boucou. Coumsa même nou bizin peur l’orgueil parceki li ena ça potentiel prive ene dimoune de so bien être réel et eternel. Ene dimoune ki prend toute sorte mesure pou protège li de banne maladie. L’orgueil li pli mérité ki ene dimoune prend précaution conte ça parceki pena aukene maladie physique ki capave pli grave ki ça ni ena kit maladie ki so conséquence capave pli néfaste.

Après ça, ki bénéfice ena dans être orgueilleux ? Et ki ena dans dimoune pou li tappe l’estomac ? Eski li digne pou ene kikene ki fine passe deux fois dans passage l’urine pou être orgueilleux ? Eski li digne pou ene kikene ki lave li deux trois fois tous les jours pou être orgueilleux ? L’orgueil c’est ene signe de imbécilité. Donc c’est ene maladie ki bizin combattre à tout niveau et ki dimane ene bon traitement.

[Extrait de Al Jamiat Vol.6 No.11]