Ou libre …

Shariah fine donne insaan ene liberté extra ordinaire. Li capave faire ceki li envi. C’est necque ene seul kitchose ki li pas gagne droit faire. Necque pas faire péché ou bien pas faire kitchose ki empêche ou faire ceki nécessaire. Apart ça ou libre aussi longtemps ki ou pas déplaire ou Rabb. Allah Ta’ala li nou bien-aimé réel. Pas faire péché veut dire pas déplaire nou bien aimé. Ena ene plaisir apart dans faire kitchose ki plaire ene bien-aimé. Donc nou bizin ressenti ene la joie extra ordinaire dans reste dans l’obéissance Allah Ta’ala parceki li nou Mehboob-e-Haqeeqi (bien aimé réel).

Suive Deen veut dire reste dans l’obéissance Allah Ta’ala. Donc nou bizin pas trouve Deen ene fardeau ou ene obstacle parceki c’est le seul moyen ki capave faire ou approché avec ou bien aimé réel. Jamais approche avec le bien aimé ti ene fardeau. C’est ene contentement et ene la joie apart. Bien aimé dans dounia li couma ene l’ombrage ki change-change porté et direction et dimension ziska ki li disparaite. Bien aimé dans dounia li périssable ki condamné pou réduire en poussière. Zordi ou content li mais demain ou capave pas reconnaite li ou bien ou pou bizin déclare pas reconnaite li parceki ou nepli trouve ça charme ki li ti ena hier-là. Zordi nou pé bizin regretté et verse larme lors ça la vie précieux ki nou fine gaspillé derrière banne cadavre pareille. Par contre celui ki fine content Allah Ta’ala li pou toujours satisfait et li pou toujours heureux sans aukene regret parceki ça gout et charme ki ena dans content Allah Ta’ala li ene gout ki jamais ou pou assez. Li ene gout ki continué progressé. Ou senti kitchose toujours apart parceki Allah Ta’ala li Eternel ki au delà de tout ceki nou capave appelle manquement. Banne ki fine donne la vie pou Allah Ta’ala, zotte fine bizin trouve kitchose ki fine faire zotte donne zotte la vie sans la moindre hésitation.

[Extrait de Al Jamiat Vol.6 No.12]