… surtout namaz fajar

Tout dimoune ki ena bon raisonnement li content la propreté et li content garde li propre. Li prend ene bain gramatin tantôt. Li brosse le dent pou pena mauvais l’odeur dans la bouche. Li habille chic pou paraite joli et agréable. So linge propre. So le corps propre. Tout ça-là bien bon mais li pas sufi. Ena encore kitchose ki bizin faire si vraiment nou oulé garde nou propre. Nou bizin pas ratte nou namaz surtout nou namaz fajar parceki d’après hadice shaitaan gagne l’occasion uriné dans nou z’oreille quand nou pas levé pou namaz fajar. Couma dire par néglige namaz fajar nou laisse nou zorreille servi couma ene urinoir pou créature pli détestable ki appelle shaitaan. Nou capave pé paraite joli mais faudré pas nou blié ça urinoir ki nou pé charrié avec nou partout. Li facile pou débarrassé avec ça. Necque prend nou namaz compte surtout namaz fajar.

[Extrait de Al Jamiat Vol.6 No.14]