Mourtadd

Question: Ki veut dire Mourtadd?

Réponse: Mourtadd c'est ene personne ki commette Riddah. Et Riddah veut dire renonce Deen après avoir accepté li. Ça li capave arrivé dans plusieurs façons :

1. Li capave applique dans le cas cote ene personne li ene musulman depi so naissance mais malchance dans li ki li abandonne l'Islam pou ene l'autre religion.
2. Ou bien ene non musulman li rente dans Deen mais après ça li retourne dans so la religion ki li ti été auparavant ou bien li alle dans ene l'autre religion. Par exemple li ti ene hindou et li rente musulman mais après ça soit li retourne dans so religion hindou ou li alle dans chrétien ou bien li alle dans la religion juif ou bien li vine ene athée ki pas croire dans narien. Ene personne ki faire ça appelle li Mourtadd.

Question : Comment nou qualifié ene musulman ki rente Qadiani ou bien li vine shia?

Réponse : Ene musulman ki rente Qadiani ou bien ki vine shia aussi li vine ene Mourtadd. Ça aussi appelle renonce l'Islam.

Question : Ki position ene personne ki accepté tout mais zisse ene ou deux kitchose li pas accepté. Par exemple li dire zakaat nepli faraz ou bien li dire ki ena seulement 3 ou 4 namaz ki faraz?

Réponse : Li bon conné ki li pas nécessaire quitte l'Islam complètement pou vine mourtadd. Ça nou conné ki ene dimoune li vine mourtadd quand li quitte Deen complètement. Nou bizin conné ki coumsa même li vine mourtadd quand li refuse accepté ene pratique fondamentale ou bien ene kitchose catégorique dans Deen. Par exemple si ene dimoune refuse accepté namaz ou bien hajj ou roza ou bien zakaat, alors li vine ene mourtadd quand même li capave pé accepté banne lezot kitchose. Acoze ça Hazrat Abu Bakr Siddique ‎(Radiyallahou anhou‎)‎ ti faire jihaad contre banne ki ti refuse donne zakaat après wafaat de Nabi ‎(Sallallaahou A'laihi Wasallam)‎. Similairement si li dire namaz zohar ou bien namaz assar ou bien n'importe ki namaz dans ça 5 namaz-là ki li pas faraz, alors li vine mourtadd.

Question: Couma nou qualifié ene l’attitude ou déclaration ou geste ki ena insulte pou Deen là-dans ?

Réponse: Tout cozé ou déclaration ou pratique ou l'attitude ki indique mépris ou insulte pou ene kitchose dans Deen ou bien pour ene kitchose vénéré dans Deen alors ça li vine Riddah (apostasie) et li faire la personne vine mourtadd. Par exemple si ene dimoune li faire bouffon avec Qour’aan-e-Kareem ou bien avec bannes livres de Deen, alors li vine mourtadd. Li nepli reste ene musulman. Coumsa même si li cause banne causé déplacé concernant kit Nabi, li vine mourtadd.

[Extrait de Al Jamiat Vol.6 No.14]