Imaan

Allah Ta’ala fine donne nou Imaan. Pena aukene cadeau ou fortune ki pli valeureux ki Imaan. Dimoune content ena richesse pou li capave gagne so bien être. Mais ça bien être ki li rodé à travers so richesse c’est ene bien être ki pas réel parceki li ene bien être temporaire. Comme preuve nou trouve ene quantité ki possède par million, billion, trillion ki zotte pas capave empêche zotte souffert. Zotte reste dans bien pou ene tigite le temps parceki malgré zotte richesse zotte ena banne hauts et bas dans la vie. Si par miracle zotte pas souffert jamais, bé ça li resté ziska ki zotte encore vivant. Par contre ene degré très infime de Imaan li pou garanti le salut et bien être eternel dans aakhirat. C’est ene bien être incomparable et eternel ki pena aukene l’ombre de tristesse et regret. Donc tout zeffort ki nou capave faire pou préserve ça fortune ki nou appel Imaan-là, li encore bien tigite. Nou préserve ça par faire nou 5 fois namaz, tilawat-ul-Qour’aan et par préserve nou lizié, zoreille et la bouche. Et en suivant le tareeqah de nou bien aimé Nabi ‎(Sallallaahou A'laihi Wasallam)‎.

[Extrait de Al Jamiat Vol.6 No.14]