Conviction dans aakhirat

Quand ene dimoune content ene kitchose, li prend précaution concernant ça kitchose-là. Le degré de précaution ki ene dimoune prend, li par rapport à ça degré de l’importance ki li attaché avec ça kitchose-là. En général, tout dimoune content réussir dans ça dounia-là. Li faire zeffort pou adopté tous banne moyens ki li juge li nécessaire pou so succès dans ça dounia-là. Li pas hésité pou élimine tout ceki capave vine ene menace pou so l’avancement.  Coumsa même li prend compte tous banne tipti detail ki capave contribué dans so réussite.

Zeffort ki ene dimoune faire pou bâtir so l’avenir dans dounia li ti capave faire li pou bâtir so aakhirat aussi si necque li ti conne so nécessité et so l’importance mais ça degré de conviction ki li ti bizin ena lors la vie dans aakhirat, li pena li. Et pourtant c’est ene kitchose ki vrai et pou arrivé. Donc li essentiel et indispensable pou inculqué et développe ça conviction-là. La quantité essentiel et important li été li évident par le fait ki ene dimoune pas capave motivé pou pratiqué convenablement sans ça conviction-là. Et ça conviction-là capave développé par cotoye banne ki ena li. Fréquente banne ki ena souci de Deen. Reste ensam avec banne ki donne aakhirat priorité lors dounia. Garde contacte avec banne ki Noor-e-Imaan fine pénétré dans zotte le cœur. C’est banne ki garde zotte loin et fine détache zotte avec dounia, banne ki ena ene l’attachement apart avec aakhirat et banne ki constamment zotte en préparation pou la mort avant la mort vine zoine zotte.

[Extrait de Al Jamiat Vol.7 No.1]