Causerie avant khutbah Jum’ah

Dans la pratique, nou ena ene causerie ki nou faire avant faire khutbah lors mimbar jour jum’ah. Ki position ça causerie-là d’après shariat ? Pour commencé, banne fouqaha zotte pas fine faire mention de ça causerie-là dans chapitre cote zotte fine traite banne principes et règlements concernant salaat-ul- jum’ah. Si zotte pas fine mentionne li c’est acoze ki ça causerie-là li pas forme parti dans salaat-ul- jum’ah ni li ene principe pou ça jour-là. Zotte fine cause plitot lors ghussal, khutbah et namaz. Malgré tout ça-là ça causerie-là li ene pratique tout à fait conforme avec shariat. Pena narien ki conte shariat. Donc li permette et recommandé surtout quand li ene l’occasion pou capave touche ene la masse relativement pli grand. Ça pratique-là ti ena li dans l’époque Sahaba-e-Kiraam. Ene tel pratique li bizin ene pratique ki permette au moins. D’après ene hadice ki trouve dans Al-Moustadrak de Al-Hakim ki qualifié de authentique par Al-Hakim et approuvé par Allaamah Az-Zahabi, Hazrat Abou Hourairah ti pé reconte hadice ziska ki Imam vini pou namaz. La même chose fine mentionné dans Mouswannaf Ibn Abou Shaibah. D’après ene l’autre hadice authentique ki trouve dans Al-Moustadrak, Hazrat Abdoullah Bin Busr (‎(Radiyallahou anhou‎)‎) ti pé continué raconte hadice jour jum’ah ziska ki imam vini. D’après le siyar-A’laam An Noubala de Az-Zahabi, Hazrat Salmaan ‎(Radiyallahou anhou‎)‎ ti pé dimane Yazeed Bin Sohaan pou cause causé Deen à so peuple jour jum’ah. D’après Mouswannaf Abdurrazzaaq, Hazrat Tameem Daari (R) ti pé cause causé Deen jour jum’ah dans l’époque Hazrat ‘Oumar ‎(Radiyallahou anhou‎)‎ et Hazrat Usmaan ‎(Radiyallahou anhou‎)‎ par zotte permission.

La pratique de ça banne Sahaba-e-Kiraam ‎(Radiyallahou anhou‎)‎ et l’approbation de Hazrat ‘Oumar ‎(Radiyallahou anhou‎)‎ et Hazrat Usman ‎(Radiyallahou anhou‎)‎ en présence banne Sahaba-e-Kiraam et banne Tabeines li plis ki suffisant pou prouve la permissibilité de ça pratique-là. Qualifié li de bid’ah li ene façon pou qualifié ça banne grand personnages-là de banne ki fine pratique et promouvoir bi’dah.

[Extrait de Al Jamiat Vol.7 No.2]