La nécessité faire khutbah dans ene l’autre langue apart arabe?

Pena aukene nécessité amène changement dans structure khutbah. Ki problème capave ena dans laisse li en langue arabe ? Sans doute pena aukene problème. Si ene ibaadat capave faire li en conformité avec le principe et sounnat de Rasouloullah ‎(Sallallaahou A'laihi Wasallam)‎, alors ki faire bizin change li et faire li dans ene l’autre façon ? C’est ene façon pou vine en conflit avec le moubarak tareeqah de Nabi ‎(Sallallaahou A'laihi Wasallam)‎. Donc pena narien ki capave avancé pou sacrifié le structure ki fine établi par Nabi ‎(Sallallaahou A'laihi Wasallam)‎ et ki fine pratiqué depi tout le temps. Quant à ça prétexte ki bizin transmette le message dans ene langue ki dimoune comprend li, c’est ene prétexte futile. Ça li capave applique pou banne causerie ordinaire mais pas pou khutbah jum’ah. Li pas ça important-là ki capave considère ça facteur-là au détriment de ça structure ki Nabi ‎(Sallallaahou A'laihi Wasallam)‎ fine établi et ki entier ‘Oummah fine pratique li depi tout le temps.

L’objectif de message capave réalisé par faire li à travers causerie ki faire avant khutbah. Ça causerie-là ti existé dans l’époque Hazrat ‘Oumar ‎(Radiyallahou anhou‎)‎. Donc c’est ene causerie tout à fait conforme et en règle avec shariah. Li bien anormal et drôle pou choisir et opté ene façon ki conte sounnat en présence ene façon ki compatible avec sounnat pou transmette ça message-là. Nou pas comprend ki faire ene dimoune bizin fatigue li avec ene de l’eau impure ou douteux quand li ena de l’eau zamzam dans so possession. C’est ene kikene ki paraite allergique avec ceki bon zisse acoze so banne fantaisies.

[Extrait de Al Jamiat Vol.7 No.2]