Al-Ismul-‘Azam

Littéralement Al-Ismul-‘Azam signifié le pli grand nom. D’après ceki Rassouloullah ‎(Sallallaahou A'laihi Wasallam)‎ fine enseigne so Oummat, c’est le nom d’Allah Ta’ala ki faire doah accepté quand kikene dimane doah par cite ça nom-là.

Ena plusieurs formules ki fine qualifié de Al-Ismul-‘Azam par Rassouloullah ‎(Sallallaahou A'laihi Wasallam)‎. Acoze ça li paraite difficile pou situé Al-Ismul-‘Azam avec précision.

Banne formules ki contenir Al-Ismul-‘Azam

• وَإِلهُكُمْ اِلهٌ وحِدٌ لآ إِلهَ إِلاَّ هُوَ الرّحْمنُ الرّحِيْمُ
• الم ، اللهُ لآ إِلهَ إلا هُوَ الْحَىُّ الْقَيُّوْمُ
• وَعَنَتِ الْوُجُوْهُ لِلْحَىِّ الْقَيُّوْمِ
• لآ اِلهَ اِلآ اَنت سُبْحَانَكَ اِنِّىْ كُنْتُ مِنَ الظلِمِيْنَ
• اَللّهُمَّ اِنِّىْ اَسْئَلُكَ بِاَنِّىْ اَشْهَدُ اَنَّكَ اَنْتَ اللهُ لاَ اِلهَ اِلاَّ اَنْتَ الاَحَدُ الصَّمَدُ الَّذِىْ لَمْ يَلِدْ وَلَمْ يُوْلَدْ وَلَمْ يَكُنْ لَّه كُفُوًا اَحَدُ
• اَللّهُمَّ اِنِّىْ اَسْئَلُكَ بِاَنَّ لَكَ الْحَمْدَ لآ اِلهَ اِلآ اَنْتَ وَحْدَكَ لا شَرِيْكَ لَكَ الْحَنَّانُ الْمَنَّانُ بَدِيْعُ السَّموتِ وَالْاَرْضِ يَا ذَا الْجَلَالِ وَالْاِكْرَامِ يَا حَىُّ يَا قَيُّوْمُ يَآ اَرْحَمَ الرّحِمِيْنَ

Si ena kit nom ki commun dans tous banne formules, c’est le nom Allah. C’est ça ki fine amene la majorité banne ‘Oulama pou dire ki Al-Ismul-‘Azam c’est le nom ALLAH. Mais dans tout ça-là, c’est conviction ferme et croyance solide lors Allah Ta’ala ki pli important. Ene dimoune capave fini lire ene Qour’aan entier sans ki li senti kit l’effet considérable mais ene l’autre li capave bénéficié énormément par necque dire “ALLAH” avec conviction ferme. Le Sahabi Hazrat Al-‘Alaa Al-Hazrami ‎(Radiyallahou anhou‎)‎ ti pé cite seulement 4 noms Allah Ta’ala : يا عليم يا حليم يا على يا عظيم  dans so doah et so doah ti pé accepté. Ça montré ki li pas sufi récite certains noms Allah Ta’ala malgré ki li ena so bienfait mais li pli efficace quand prend li avec conviction ferme. Lerla li pou ena l’effet ki Rassouloullah ‎(Sallallaahou A'laihi Wasallam)‎ fine promette.

Ki veut dire conviction?

Dans ça contexte-là, conviction signifié ça l’état d’esprit cote ene dimoune tire tout so confiance depi lors tout kitchose et place li totalement lors seulement Allah Ta’ala. Li pas garde l’espoir lors personne ni li attache so le cœur avec kitchose. Li débarrasse so le cœur avec tout banne liens en sorte ki li pas attane narien de kikene. Et li senti seulement Allah Ta’ala dans so le cœur.

C’est dans l’état pareil ki ça banne formules-là pou ena zotte vrai l’effet.

Pas decouragé

Mais faudré pas découragé et arrête faire doah si nou pencore développe ene l'état d'esprit pareil. Parceki nou bizin mette dans nou la tête ki couma Allah Ta'ala li grand, so nom aussi li bien grand. Pena perdi dans prend nom Allah Ta’ala. De toute facon li pou ena so bon l'effet.

[Extrait de Al Jamiat Vol.2 No.12]