Roza de Ashourah

Le 10eme jour de Mouharram c’était ene jour ki banne juif ti pé observe roza. Zotte ti pé garde ça roza-là acoze ki Allah Ta’ala ti libère Hazrat Moosa ‎(Alaihis Salaam)‎‎ et so ummat de Pharaon. Donc c’était ene roza de reconnaissance. Banne Quraish aussi ti pé garde ça roza-là. Coumsa même Nabi ‎(Sallallaahou A'laihi Wasallam)‎ aussi ti pé garde ça roza-là avant li vine Madinah. Quand li fine vine Madinah, Li fine ordonne banne Sahaba-e-Kiraam pou garde ça roza-là. Avant ki roza de Ramadhan fine vine faraz, le roza de 10 eme jour de Mouharram ti faraz. Et plitard li fine vine ene roza optionnel quand Ramadhan so roza fine vine faraz. Dans le but pou pas imite banne juif, Nabi ‎(Sallallaahou A'laihi Wasallam)‎ fine ordonne banne Sahaba-e-Kiraam pou garde roza le 9eme ou le 11eme ensam avec le 10eme. Donc nou ena trois façons pou garde li : 9eme et 10eme ou bien 10eme et 11eme ou bien 9eme, 10eme et 11eme. D’après hadice ça roza-là li efface péché de ene banané. D’après l’ordre banne péchés ki effacé par garde roza ou bien par faire ibaadat, li appliqué pou banne péchés mineurs. Quant à banne péchés majeurs, alors bizin faire tawbah ou bien Allah Ta’ala li pardonne pou celui ki li oulé. Ça li dans so discrétion.

[Extrait de Al Jamiat Vol.7 No.8]