Raconte l’événement de karbala dans le mois de mouharram

Dans le mois de mouharram nou ena ene pratique ki appelle majlis ki dimoune en général appelle li manjalis ou bien majalis. Zotte raconte l’événement de karbala c'est-à-dire ceki fine passé dans karbala avec Hazrat Imam Housain ‎(Radiyallahou anhou‎)‎. Mais banne ‘Oulama-e-Ahlussunnah Wal Jama’ah pas fine apprécié ça pratique-là. C’est ene pratique de banne shia ou bien banne rawaafiz mais malheureusement banne musulman aussi fine rente là-dans. Allaamah Ibn Hajar Al Makki dire dans so livre « As Swaa’iq Al-Muhriqah » :

"قال الغزالى وغيره يحرم على الواعظ رواية مقتل الحسن رضى الله عنه والحسين وحكايته"

« Imam Al-Ghazali et lezot fine dire ki li haraam lors ene ki faire wa’ez, ki li raconte l’événement de shahaadat de Imam Hassan ‎(Radiyallahou anhou‎)‎ et Imam Houssain ‎(Radiyallahou anhou‎)‎ ».

Hazrat Shah Waliullah Mouhaddith Dehlavi (R) dire :

« Et parmi banne pratiques indésirables ki trouve dans banne orateurs de nos jours ki zotte raconte l’événement de karbala etc. »

Selon ceki fine mentionné dans Risaalah Ta’ziadaari, Maulana Ahmad Raza Khan Sahab Barelvi aussi pas apprécié ça pratique-là.

[Extrait de Al Jamiat Vol.7 No.8]