Istighfaar

Istighfaar c’est ene détergent ki Allah Ta’ala fine accorde nou pou purifié nou à chaque fois ki nou arrivé salir nou avec l’impureté péché. C’est ene pratique ki ranne nou propre, pure et léger et ki développe dans nou la volonté pou pratique Deen. Shaitaan li casse le rein insaan par induire li dans l’erreur et insaan li déjoué plan shaitaan par faire istighfaar.

Istighfaar li garde insaan à l’abri de calamité divine. C’est ene moyen très efficace pou sorti depi dans difficulté et pou gagne soulagement de banne tracasseries. C’est la clé ki ouvert la porte de bénédictions immense. Li faire ene dimoune témoigne miracle dans so banne situations difficile. Li gagne ceki li bizin dans ene façon ki li pas attane. C'est-à-dire Allah Ta’ala li ouvert la porte cote li pas trouve aukene chemin sorti. Allah Ta’ala faire l’arrangement pou so bien-être dans ene façon bien bien subtile. Li faire impensable vine ene réalité. Tous ça banne faveurs-là nou capave témoigne ça apartir ene istighfaar ki fine faire avec tout sincérité.

[Extrait de Al Jamiat Vol.7 No.11]