Hadice

 الحلال بين والحرام بين وبينهما مشتبهات لا يعلمها كثير من الناس فمن اتقى المشبهات استبرأ لدينه وعرضه ومن وقع فى الشبهات كراع يرعى حول الحمى يوشك ان يواقعه الا وان لكل ملك حمى الا ان حمى الله فى ارضه محارمه الا وان فى الجسد مضغة اذا صلحت صلح الجسد كله واذا فسدت فسد الجسد كله الا وهى القلب (البخارى)

Traduction:

Halaal li bien clair et haraam (aussi) li bien clair. Et entre ça deux-là ena boucou kitchoses ambiguës ki boucou dimoune pas conne zotte (position légale). Celui ki évite banne kitchoses ambiguës, veut dire ki li fine protège so Deen et so l'honneur et celui ki tombe dans banne kitchoses ki ena doute, li couma dire ene berger ki faire (ene troupeau zanimau) brouter autour de ene réserve en sorte ki ena tout possibilité li capave tombe là-dans. Tout le roi ena ene réserve. Certainement Allah Ta'ala so réserve lors so la terre, c'est banne kitchoses ki li fine interdit. Certainement ena ene morceau la chaire dans le corps quand li dressé, entier le corps dressé et quand li corrompu, entier le corps corrompu. Attention ça morceau la chair-là c'est le cœur." (Boukhari)

Explication:

Halaal li bien clair signifié ene kitchose ki couvert et régi par ene texte de loi ki autorise ça kitchose-là dans ene façon catégorique. Par exemple la viande bœuf, mouton, cabri etc.

Coumsa même haraam li bien clair veut dire ene kitchose ki régi par ene texte de loi ki defanne ça kitchose-là dans ene façon nette et claire par exemple mensonge, zina, la viande porc etc. Entre ça deux kitchose-là ena ene catégorie ki appelle مشتبهات (moushtabihaat).

Préparé par M R Meerun