Ki preuve ena lors waseelah?

Answer

Wa alaikumus salaam. D'abord bizin comprend ki veut dire waseelah. Waseelah veut dire moyen. D'après Shariat waseelah signifié ene moyen pour approché avec Allah Ta'aala et sa li assuré par amène Imaan lor Allah et so Rasoul (Sallallaahu alaihi wassallam) et par faire banne bonnes actions. Nabi (Sallallaahu alaihi wassallam) fine dire dans sa sens la ki meilleur façon pour approcher avec Allah Ta'aala c'est faire banne actions ki Allah Ta'aala fine faire obligatoire lor ene personne et après sa c'est bannes action volontaires et supplémentaires. Nous ena ene hadith cote 3 personnes ti bloké dans ene la cave, alors chakene parmi zotte fine faire dua par waseelah de zotte plis bon action, pou Allah Ta'aala tire zotte depi sa difficulté la. Sa même ki appelle dimane dua par barakate banne bonnes actions. Sa li prouvé ki ene dimoune capave faire dua par barakate et waseelah de so propre action. Eski dua capave faire par barakat banne personnage pieux? Ena ki d'accord ena ki pas d'accord. A noté ki dimane dua par barakat banne personnage pieux li pas farz, li pas wajib, et li pas sunnate. Forcé forcé li ene mustahab, et règlement concernant mustahab c'est nous faire li tanque ki sa pas amène nous vers ene kitsoz dangereux. Donc si jamais nous trouvé ki ena grand danger dans faire ene mustahab alors li devoir de ene Aalim responsable pour empêche sa mustahab la dans le but pou préserve ummat contre ene kitsoz pli grave. Ça li explique stand de nous banne Ulama ki croire dans la pratique faire dua par barakate banne personnage pieux et surtout nous Nabi (Sallallaahu alaihi wassallam), mais en même temps ena des fois zotte empêché quand ena abus et quand zotte trouve li débouche envers ene kitsoz bien dangereux.