Deen et so signification

Deen veut dire mode de vie.

Ena plusieurs mode de vie - mais la mode de vie ki acceptable et valable auprès d’Allah ta’ala c’est la mode de vie ki Allah ta’ala fine révélé et ki so Nabi (Prophète) Hazrat Mouhammad (Sallallaahou A'laihi Wasallam) fine enseigné. Ça mode de vie-là appelle Al-Islaam.

“… إِنَّ الدِّيْنَ عِنْدَ اللّهِ الْإِسْلَامُ”

Traduction:

“Certainement Deen (mode de vie) ki acceptable auprès d’Allah c’est Al-Islaam …” (V19/S3)

“وَمَنْ يَّبْتَغِ غَيْرَ الْإِسْلاَمِ دِيْنًا فَلَنْ يُقْبَلَ مِنْهُ وَهُوَ فِي الْاخِرَةِ مِنَ الْخَاسِرِيْنَ.”

Traduction:

“Et celui ki cherche ène Deen (mode de vie) autre que L’Islaam, alors ça pas pour être accepté de so part, et dans Aakhirat (l’au-delà) li pour parmi banne perdants.” (V85/S3)

Musulman/Mouslim/Mou’min

Celui ki accepté ça mode de vie ki appelle Al-Islaam, appelle li musulman ou mouslim ou bien mou’mine. C’est ène titre ki chaque être humain gagné quand li accepté Deen Al-Islaam comme so mode de vie indépendamment de so race et so couleur.

Les 5 Pilliers De l’Islaam

L’édifice de l’Islaam li repose lors 5 piliers ki nou nous appelle les 5 piliers fondamentaux de l’Islaam:

(1) Al-Imaan,

(2) As-Swalaah,

(3) Az-Zakaah,

(4) As-Sawm et

(5) Al-Hajj.

"بُنِيَ الْاِسْلَامُ عَلى خَمْسٍ: شَهَادَةِ اَنْ لَّا اِلهَ اِلَّا اللهُ وَاَنَّ مُحَمَّدًا رَسُوْلُ اللهِ, وَاِقَامِ الصَّلَاةِ, وَاِيْتَاءِ الزَّكَاةِ, وَحَجِّ الْبَيْتِ, وَصَوْمِ رَمَضَانَ."

“L’Islaam li fondé lor 5 kitchoses:

1.    Témoigné ki pena aukene Ilaah (Dieu - celui ki mérite adoration) apart Allah et ki (Hazrat) Mouhammad ‎(Sallallaahou A'laihi Wasallam)‎‎‎‎ li Allah so envoyé,
2.    Etablir namaaz,
3.    Donne zakaat,
4.    Faire hajj de Baitoul-laah (la maison d’Allah) et

5. Garde roza de Ramadwaan” (Boukhari/Mouslim).

Imaan C’est Quoi?

Imaan veut dire croyance - Islamiquement parlant, Imaan signifié croire sincèrement dans la totalité du message apporté par Nabi ‎(Sallallaahou A'laihi Wasallam)‎‎‎‎ depi Allah ta’ala.

Le message apporté par Nabi ‎(Sallallaahou A'laihi Wasallam)‎‎‎‎ comprend plusieurs items. Li indispensable pour ène mou’mine (croyant) pour croire dans tout ça banne items-là.

Ça banne items-là zotte comme suit:

Imaan dans Allah,
Imaan dans bannes malaa-ikah (anges),
Imaan dans tout banne livres,
Imaan dans tout bannes messagers,
Imaan dans le dernier jour du jugement,
Imaan dans le destin et

"يآاَيُّهَا الَّذِيْنَ آمَنُوْا آمِنُوْا بِاللهِ وَرَسُولِه وَالْكِتَابِ الَّذِيْ نَزَّلَ عَلى رَسُولِه وَالْكِتَابِ الَّذِيْ أَنزَلَ مِنْ قَبْلُ وَمَنْ يَّكْفُرْ بِاللهِ وَمَلاَئِكَتِه وَكُتُبِه وَرُسُلِه وَالْيَوْمِ الْآخِرِ فَقَدْ ضَل َّضَلاَلاً بَعِيْدًا."

Traduction: “O banne ki fine amène imaan! Croire dans Allah, dans so Rassoul (envoyé), dans le livre ki li fine révélé petit à petit lors so messager et le livre ki li fine révélé auparavant. Et celui ki refuse croire dans Allah, so banne Anges, so bannes livres, so bannes messagers et le dernier jour, alors pena doute li fine dévié bien loin.” (V136/S4).

"(اَلْاِيْمَانُ) اَنْ تُؤْمِنَ بِاللهِ وَمَلاَئِكَتِه وَكُتُبِه وَرُسُلِه وَالْيَوْمِ الْآخِرِ وَتُؤْمِنَ بِالْقَدْرِ خَيْرِه وَشَرِّه ..."

Traduction:

(Imaan) c’est ki ou croire dans Allah, dans so banne anges, dans so banne livres, dans so banne messagers, dans le dernier jour et ki ou croire dans le destin - ki li soit bon ou mauvais.” (Mouslim).

اَلْاِ يْمَانُ باِاللّه - Imaan (croyance) dans Allah

La croyance dans Allah ta’ala li implique ki accepter Allah Ta’ala UNIQUE dans so ذات (nature) et dans so صفات (attributs). Li tout seul mérite adoration. C’est li même le créateur suprême ki fine crée tout.

"وَخَلَقَ كُلَّ شَيْءٍ ..."

Traduction:

“Et li fine crée tout kitchoses…” (V101/S6)

"ذلِكُمُ اللهُ رَبُّكُمْ لآ إِلـهَ إِلاَّ هُوَ خَالِقُ كُلِّ شَيْءٍ فَاعْبُدُوْهُ وَهُوَ عَلى كُلِّ شَيْءٍ وَّكِيْلٌ."

Traduction:

“Voila c’est Allah ki zotte Rabb (maitre) - Pena aukene “Ilaah” (dieu - être ki mérite adoration apart, li, le créateur de tout kitchoses ; donc adore li - Et li garant lor tout kitchoses.” (V102/S6)

"...هَلْ مِنْ خَالِقٍ غَيْرُ اللهِ يَرْزُقُكُمْ مِّنْ السَّمَاءِوَالْاَرْضِ ..."

Traduction:

“Est ce ki ena kit créateur apart Allah ki donne zotte nourriture depuis dans le ciel et dans la terre …” (V3/S35).

"أَفَمَنْ يَّخْلُقُ كَمَنْ لاَّ يَخْلُقُ ..."

Traduction:

“Est ce ki celui ki capave crée li pareil couma celui ki pas capave crée ...” (V17/S16)

Allah Li Qadeem (قديم):-

قديم veut dire ène être ki existé par li même depi tout le temps, jamais li fine arrête existé et ki pour continué existé juska tout le temps. Tout kitchose apart li حادث et ممكن.

حادث et ممكن signifié ène kitchose ki pas ti existé mais ki fine vine en existence après - pas par li même mais par ène ki fine donne li l’existence et li capave arrête existé à n’importe quand.

Tout kitchose apart Allah ta’ala li حادث et ممكن - C’est seulement Allah ta’ala tout seul ki قديم.

Allah li unique et inégal.

Allah Ta’ala li unique dans so ذات(nature) et dans so صفات(attributs).

{"قُلْ هُوَ اللهُ أَحَدٌ {1} اللهُ الصَّمَدُ {2} لَمْ يَلِدْ وَلَمْ يُوْلَدْ {3} وَلَمْ يَكُنْ لَّه كُفُوًا أَحَدٌ. {4

Traduction:

“Dire: Allah li unique - Allah li Indépendant - Ni li fine enfanté ni li fine prend naissance de quelqu’un - Pena personne ki dans so calibre.” (S112)

"… لَيْسَ كَمِثْلِهِ شَيْءٌ …"

Traduction:

“… Pena narien couma li …” (V11/S42)

Allah ta’ala ena capacité lor tout kitchose

"... إِنَّ اللهَ عَلى كُلِّ شَيْءٍ قَدِيْرٌ."

Traduction:

“Certainement Allah ena pouvoir lor tout kitchose.” (S2/V20)

"وَمَا كَانَ اللهُ لِيُعْجِزَه مِنْ شَيْءٍ فِي السَّمَاوَاتِ وَلَا فِي الْأَرْضِ إِنَّه كَانَ عَلِيْمًا قَدِيْرًا."

Traduction:

“Pena narien dans le ciel ni lor la terre ki capave rende Allah impuissant puisque li ‘Aleem (ki conne tout) et Qadeer (ki ena pouvoir lor tout kitchose).” (V44/S35)

Allah li conne tout et li partout. Li tout seul ki conne tout et li tout seul li partout.

"... يَعْلَمُ مَا يَلِجُ فِي الْاَرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيْهَا

وَهُوَ مَعَكُمْ أَيْنَ مَا كُنتُمْ وَاللهُ بِمَا تَعْمَلُوْنَ بَصِيْرٌ."

Traduction:

“(Allah) Li conne tout ceki rente dans la terre et tout ceki sorti depi la terre, tout ceki descende depi le ciel et tout ceki monté dans le ciel. Et li ensemble avec ou cote ou été - Allah pé guette tout ceki ou pé faire.” (V4/S57)

"عَالِمِ الْغَيْبِ لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ

وَلَا أَصْغَرُ مِنْ ذلِكَ وَلَا أَكْبَرُ إِلَّا فِيْ كِتَابٍ مُّبِيْنٍ."

Traduction:

“(Allah) Li le connaisseur de l’invisible - Ene dernier atome aussi dans le ciel ou dans la terre pas cachiette de li - pena pli petit ou pli grand ki ça ki pas trouve dans ène livre sacrée.”(V3/S34)

"إِنَّ اللهَ لاَ يَخْفى عَلَيْهِ شَيْءٌ فِي الأَرْضِ وَلاَ فِي السَّمَاءِ ..."

Traduction: “Certainement pena narien dans la terre ou dans le ciel ki cachiette de Allah. (V5/S3)

Imaan dans banne Ambiyaa (prophètes)

Nabi (pluriel - Ambiyaa) c’est ène personne ki Allah Ta’ala fine choisir pour transmettre so message à l’humanité. Le premier Nabi c’est Hazrat Adam ‎(Alaihis Salaam)‎‎‎‎‎ et le dernier Nabi c’est nou Nabi Hazrat Mouhammad ‎(Sallallaahou A'laihi Wasallam)‎‎‎‎. Après Hazrat Adam ‎(Alaihis Salaam)‎‎‎‎‎ et avant Hazrat Mouhammad ‎(Sallallaahou A'laihi Wasallam)‎‎‎‎, Allah Ta’ala finne envoye plusieurs prophètes dans différents l’époque couma Hazrat Nouh ‎(Alaihis Salaam)‎‎‎‎‎, Hazrat Ibrahim ‎(Alaihis Salaam)‎‎‎‎‎, Hazrat Ismail ‎(Alaihis Salaam)‎‎‎‎‎, Hazrat Yaqoub ‎(Alaihis Salaam)‎‎‎‎‎, Hazrat Yousouf ‎(Alaihis Salaam)‎‎‎‎‎, Hazrat Moussa ‎(Alaihis Salaam)‎‎‎‎‎, Hazrat Dawood ‎(Alaihis Salaam)‎‎‎‎‎ et Hazrat Issa ‎(Alaihis Salaam)‎‎‎‎‎.

Pou être ène “Mou’mine” (croyant), nou bizin croire dans “Noubouw-wah” (prophétie) de tous banne prophètes ki Allah Ta’ala fine envoyé. Refuse accepté même ène Nabi aussi comme Nabi, c’est kufr ki signifié le rejet de Imaan. Conséquemment la personne nepli reste Mou’mine.

Croire dans la prophétie de tous banne prophètes pas veut dire ki nou bizin suive zotte Shari’ah parce ki tous banne Shari’ah fine cancel (abrogé) par Shari’ah du dernier prophète Hazrat Mouhammad ‎(Sallallaahou A'laihi Wasallam)‎‎‎‎. Donc bizin accepté tous mais suive seulement Shari’ah du dernier prophète Hazrat Mouhammad ‎(Sallallaahou A'laihi Wasallam)‎‎‎‎.

Le nombre exacte de banne Prophètes

C’est seulement Allah Ta’ala même ki conne le nombre exacte de bannes prophètes ki li fine envoyé. Ena ène Hadice ki mentionne le nombre de 124,000 prophètes. Mais li pas assez solide pour capave soutenir ène sujet ki ena trait à ‘Aqeedah. Acoze ça, comme précaution bizin croire dans tous les prophètes sans précise ène nombre exacte - dans banne prophètes ki nous conné et aussi dans banne prophètes ki nous pas conné aussi.

Noubouwwah – Ene cadeau Allah Ta’alah

Perna aukene cours pour suive pour vine ène Nabi parceki li pas ène degré ki capave être ackis par banne z’efforts personnels. C’est ène don ki Allah Ta’ala accordé a celui ki li oulé.

Ismat-ul-ambiyaa

Ismat-ul-Ambiyaa signifié l’état d’être innocent et d’être protégé de tous banne péchés. Allah Ta’ala fine protége tous banne Prophètes de toute sorte de péché. C’est à dire ène prophète jamais capave faire ène kikchose avec ène l’intention pour désobéir Allah Ta’ala. C’est seulement banne Ambiyaa (prophètes) ki “معصوم” protégé. Apart banne Nabi personne pas “معصوم”.

La finalité de la prophetie

Le premier prophète c’est Hazrat Adam ‎(Alaihis Salaam)‎‎‎‎‎ et le dernier et plus grand prophète c’est Nabi Hazrat Mouhammad ‎(Sallallaahou A'laihi Wasallam)‎‎‎‎. La prophétie fine terminé lors Nabi Hazrat Mouhammad ‎(Sallallaahou A'laihi Wasallam)‎‎‎‎. Perna personne ki fine gagne la prophétie après Hazrat Mouhammad ‎(Sallallaahou A'laihi Wasallam)‎‎‎‎ ni ena kikene ki pour vine Nabi dans l’avenir juska Qiyaamat.

Pour être Mou’mine, nou bizin accepté ki pena personne ki fine gagné la prophétie ni kikene pou gagne li après Hazrat Mouhammad ‎(Sallallaahou A'laihi Wasallam)‎‎‎‎. Banne ki accepté kikene comme Nabi après Hazrat Mouhammad ‎(Sallallaahou A'laihi Wasallam)‎‎‎‎ - couma banne Qadiani, zotte pas Mou’mine; zotte kaafir.

"... لَا نَبِيَّ بَعْدِيْ ..."

Traduction: “…Pena aukene nabi ki pou vini après moi…” (Boukhari)

Croire dans banne livres

Croire dans banne livres signifié ki nou bizin croire et accepté ki Allah Ta’ala fine révèle plusieurs livres lor différents prophètes. Croire dans banne livres auparavant pas veut dire bizin suive ou gagne droit suive ça banne livres là - parceki ça banne livres là fine être manipulé et falsifié. Donc nous bizin accepté et croire ki ti ena banne livres ki Allah Ta’ala ti descende lors banne prophètes auparavant sans rentre dans les détails.

Ena 4 livres ki bien connu là-dans:

(1) Tauraah ki ti descend lors Hazrat Moussa (Alaihis Salaam),

(2) Zabour ki ti descend lors Hazrat Dawood ‎(Alaihis Salaam)‎‎‎‎‎,

(3) Injeel ki ti descend lors Hazrat Issa ‎(Alaihis Salaam)‎‎‎‎‎ et

(4) Qour'aan-e-Kareem ki fine descend lors Hazrat Mouhammad ‎(Sallallaahou A'laihi Wasallam)‎‎‎‎.

Qour'aan-e-Kareem le dernier message divine

Qour'aan-e-Kareem c’est le dernier message d’Allah Ta’ala. C’est ça même message et ça même livre ki applicable et ki pour reste en vigueur juska Qiyaamah. C’est pour cela, Allah Ta’ala fine prend la responsabilité pour préserve li conte toute fausseté et manipulation:

"إِنَّا نَحْنُ نَزَّلْنَا الذِّكْرَ وَإِنَّا لَه لَحَافِظُونَ."

Traduction:

“C’est nous même ki fine révèle le “zikr” (rappel ki en forme Qour'aan) et c’est nous même ki pou préserve li.” (V9/S15)

Aukene livre apart Qour'aan-e-Kareem pas fine gagne la garantie pour être préservé et protégé. Seul Qour'aan-e-Kareem ki encore existé couma li ti révélé 1400 ans auparavant. Pour être Mou’mine, nou bizin accepté ceki ena dans Qour'aan dans so totalité. Le rejet de ène ti morceau aussi signifié le rejet de Qour'aan ki conséquemment entraîne vers Kufr.

Croire dans banne Anges

Malaa-ikah (pluriel de malak) ki signifié Anges/Farishta fine être crée avec noor (lumière).

"خُلِقَتِ الْمَلَائِكَةُ مِنْ نُّوْر.ٍ"

Traduction:

“Banne anges fine être crée avec noor…” (Mouslim).

Banne Malaa-ikah pas mangé, pas boire et zotte pas ena le désir sexuel. Perna la désobéissance dans zotte.

"...لَا يَعْصُوْنَ اللهَ مَا أَمَرَهُمْ وَيَفْعَلُوْنَ مَا يُؤْمَرُوْن.َ"

Traduction:

“Zotte pas désobéir Allah dans l’ordre ki li donne zotte et zotte exécute tout ceki zotte être ordonné.”(V6/S66).

{"... وَمَنْ عِنْدَه لَا يَسْتَكْبِرُوْنَ عَنْ عِبَادَتِه وَلَا يَسْتَحْسِرُوْنَ {19} يُسَبِّحُوْنَ اللَّيْلَ وَالنَّهَارَ لَا يَفْتُرُوْنَ {20

Traduction:

“Et banne ki auprès de li (Allah), zotte pas lève néné de so ibaadat ni zotte fatigué- Zotte faire tasbeeh (glorifié Allah) nuit et jour sans ki zotte arrêté.” (V19-20/S21)

Le nombre exact de banne Malaa-ikah li inconnu. Allah Ta’ala fine crée beaucoup Malaa-ikah. Chakene ena so travail et so mission.

Ena 4 ki pli renommé:-

(1) Hazrat Jibril ‎(Alaihis Salaam)‎‎‎‎‎, ki ti responsable transmette le message à banne prophètes.

(2) Hazrat Mikaail ‎(Alaihis Salaam)‎‎‎‎‎ ki responsable pour distribué nourriture et faire la pluie tombé par l’ordre Allah Ta’ala.

(3) Hazrat Izraail ‎(Alaihis Salaam)‎‎‎‎‎ ki responsable pour tire la vie.

(4) Hazrat Israafil ‎(Alaihis Salaam)‎‎‎‎‎ ki pou souffler trompette le jour de Qiyaamah pour annonce la fin du monde.

Croire dans le dernier jour

Croire dans dernier jour veut dire croire dans ène jour à cote ena pour rende compte devant Allah Ta’ala pou tout ceki nou fine faire dans sa monde là.

Ce jour-là li appelle "يَوْمُ الْحِسَاب"

"يآ اَيُّهَا الَّذِيْنَ آمَنُوا اتَّقُوا اللهَ وَلْتَنْظُرْ نَفْسٌ مَّا قَدَّمَتْ لِغَدٍ وَّاتَّقُوا اللهَ إِنَّ اللهَ خَبِْيرٌ بِمَا تَعْمَلُوْن.َ"

Traduction:

“O banne ki ena Imaan! Peur Allah et chaque âme bizin guetté ceki li fine réserve pour demain et peur Allah parceki certainement Allah li au courant de ceki ou pé faire.” (V18/S59)

Croire dans destin

Le sujet de destin c’est ène kikchose bien délicat et très sensible. Faudrait pas essaye pour comprend li parceki li très compliqué. Rassouloullah ‎(Sallallaahou A'laihi Wasallam)‎‎‎‎ fine empêche so banne Sahaba-e-Kiraam ‎(Radiyallahou anhou‎)‎ discute destin. Li sufi pour croire ki tout ceki fine arrivé et tout ceki pou arrive, li ti déjà dans connaissance Allah Ta’ala avant li arrivé. Nous l’esprit li trop faible pour comprend ène kikchose aussi compliqué. Li dans nous l’avantage pour croire simplement tout ceki arrivé, li arrive de coté Allah Ta’ala.

"وَكُلُّ صَغِيْرٍ وَكَبِيْرٍ مُّسْتَطَرٌ."

Traduction:

“Et tout kitchose ki tipti et grand fine déjà fini écrire.” (V53/S54)

NABI ET MOU'JIZAH

Noubouwwah ou la prophétie c’est ene don spécial de la part Allah Ta’ala. C’est ene grade et degrés ki ene personne pas capave acquérir par so z’efforts - Allah Ta’ala accorde ça don-là à celui ki li oulé.

"... الله اعلم حيث يجعل رسالته ..."

Traduction:

“...Allah même conne mieux cote li envoye so message …" (S6/V124)

La personne ki Allah Ta’ala accorde li ça don spécial de Nabouwwah-là, appelle li Nabi. Pou prouve la prophétie et Noubouwwah ene Nabi, Allah Ta’ala faire banne kitchose de miracle manifesté par li. Ça miracle-là appelle "معجزه" (Mou’jizah).

MIRACLE DE HAZRAT IBRAHIM ‎(Alaihis Salaam)‎‎‎‎‎

Banne kafir ti jette Hazrat Ibrahim ‎(Alaihis Salaam)‎‎‎‎‎ dans du feu. Mais ça du feu-là au lieu brûlé, fine vine frais pou Hazrat Ibrahim ‎(Alaihis Salaam)‎‎‎‎‎. (S21/V69)

MIRACLE DE HAZRAT MOUSSA ‎(Alaihis Salaam)‎‎‎‎‎

Hazrat Moussa ‎(Alaihis Salaam)‎‎‎‎‎ fine tappe so bâton lors ene roche et par l’ordre Allah Ta’ala 12 la source de l’eau fine sorti. (S2/V60)

Quand Hazrat Moussa ‎(Alaihis Salaam)‎‎‎‎‎ ti pé jette so bâton lors la terre, ça ti pé transformé en ene gros serpent. (S7/V107)

Coumsa même Allah Ta’ala ti sauve Hazrat Moussa ‎(Alaihis Salaam)‎‎‎‎‎ et so peuple de Pharaon quand li ti suive zotte avec so l’armée. Hazrat Moussa ‎(Alaihis Salaam)‎‎‎‎‎ et so peuple fine arrive dans ene l’endroit cote zotte fine trouve zotte devant ene grand la rivière et par derrière zotte Pharaon et so l’armée ki ti pé suive zotte. Allah Ta’ala fine avance de l’eau la rivière-là les deux cotés et fine faire ene passage sec pour zotte traversé. Quand Pharaon avec so l’armée fine rentre dans ça passage-là, de l’eau la rivière fine joine et fine noye zotte. Hazrat Moussa ‎(Alaihis Salaam)‎‎‎‎‎ et so peuple fine traversé et fine arrive l’autre coté sain et sauf. (S2/V50), (S10/V90) et (S20/V77-78)

MIRACLE HAZRAT ISSA ‎(Alaihis Salaam)‎‎‎‎‎

Hazrat Issa ‎(Alaihis Salaam)‎‎‎‎‎ tipé souffler la vie dans z’oiseau ki faire avec la terre par l’ordre Allah Ta’ala. Li ti pé guéri banne ki ti aveugle de naissance et banne lépreux. Et li ti pé faire dimoune mort revivre. Li ti pé informe banne dimoune ceki zotte fine mangé et ceki zotte fine gardé dans la caze. (S3/V49)

MIRACLE DE NOU NABI HAZRAT MOUHAMMAD ‎(Sallallaahou A'laihi Wasallam)‎‎‎‎

Qour'aan-e-Kareem

Le message ki nou Nabi ‎(Sallallaahou A'laihi Wasallam)‎‎‎‎ fine gagné de cote Allah Ta’ala en forme de Qour’aan-e-Kareem, c’est le plus grand miracle. C’est ene livre ki personne pas fine capave présente ene ti morceau aussi couma li.

[وان كنتم فى ريب مما نزلنا على عبدنا فأتوا بسورة من مثله وادعوا شهداءكم من دون الله ان كنتم صادقين] 23 [فان لم تفعلوا ولن تفعلوا فاتقوا النار لتى وقودها الناس والحجارة اعدت للكافرين ] 24

Traduction:

“Si ou ena doute concernant ceki nou fine révélé lors nou serviteur, alors amene ene sourah (chapitre) pareil couma li et appelle ou banne alliés ki ou ena apart Allah si zotte lors la verité. Si zotte pas capave faire li et (d’ailleurs) jamais zotte pou capave faire li; alors peur ça du feu ki so carburant pou banne dimoune et banne roches - ça du feu-là fine réservé pour banne kaafir.” (S2/V23-24)

شق القمر (SHAQQOUL-QAMAR)

Shaqqoul-Qamar aussi li ene “Mou’jizah” (miracle) de nou Nabi ‎(Sallallaahou A'laihi Wasallam)‎‎‎‎ ki signifié fane la lune. Lors requête banne kaafir, Rassouloullah ‎(Sallallaahou A'laihi Wasallam)‎‎‎‎ ti fane la lune en deux par signe le doigt.

WALl ET KARAAMAT

Ene wali c’est ene personne ki متقى (Mouttaqi - celui ki ena taqwa et la piété).

"... ان اولياؤه الا المتقون ..."

Traduction:

"… So banne wali (camarade) c’est seulement banne ki Mouttaqui … (S8/V34)

KI VEUT DIRE متقى (MOUTTAQUI)?

متقى C’est ene personne ki ena تقوى (taqwa). Taqwa signifié la frayeur d’Allah Ta’ala. Quand ene personne ena taqwa (la frayeur) pou Allah Ta’ala, li obéir li dans tous so banne l’ordre et li reste loin de tous banne kitchoses ki li fine empêché faire. Ene personne ki garde li dans l’obéissance Allah Ta’ala appelle li متقى et ça qualité personne-là même appelle Wali. Ene miracle ki manifesté lors la main ene Wali appelle karaamat.

Mou’jizah et Karaamat

Dans le but pou prouve la véracité de banne prophètes, Allah Ta’ala faire zotte faire banne kikchose super naturelles, miraculeux et extraordinaire. Ça banne kikchoses-là appelle Mou’jizah - couma Hazrat Ibrahim ‎(Alaihis Salaam)‎‎‎‎‎ pas ti brûlé dans du feu, Hazrat Moussa ‎(Alaihis Salaam)‎‎‎‎‎ so baton tipé vine ene serpent quand li ti pé jette li en bas, Hazrat ‘Issa ‎(Alaihis Salaam)‎‎‎‎‎ tipé faire banne dimoune mort revive par l’ordre Allah Ta’ala, Rassouloullah ‎(Sallallaahou A'laihi Wasallam)‎‎‎‎ ti casse la lune en deux, dans ene ti bol du lait ene quantité dimoune fine boire et fine resté, banne z’arbres et banne roches ti pé faire Rassouloullah ‎(Sallallaahou A'laihi Wasallam)‎‎‎‎ salaam etc …

Karaamat

Couma Mou’jizah, Karaamat aussi li ene kikchose ki tout à fait vrai et li existé. Kikchose super naturelles ki manifesté de la part ene Nabi appelle li Mou’jizah et kikchose super naturelles ki manifesté de la part ene Wali (personnage pieux et proche avec Allah) appelle Karaamat.

Ene Wali c’est quelqu’un ki reste dans l’obéissance total d’Allah Ta’ala. Reste dans l’obéissance d’Allah Ta’ala veut dire exécute l’ordre Allah Ta’ala et abstenir de banne kikchose ki li empêché en conformité avec le Moubaarak Tareeqa et principe de nous bien aimé Nabi Hazrat Mouhammad ‎(Sallallaahou A'laihi Wasallam)‎‎‎‎. Ene personne ki casse la loi Allah Ta’ala ou soit ki pas suive Sounnat de Nabi-e-Kareem ‎(Sallallaahou A'laihi Wasallam)‎‎‎‎ pas capave être ene Wali. Ene Wali so Wilaayat (état d’être Wali) li progressé en fonction du progrès dans Deen. Le progrès dans Deen trouve dans exécute commandements Allah Ta’ala en suivant le principe de Rassouloullah ‎(Sallallaahou A'laihi Wasallam)‎‎‎‎. Donc ene personne ki na perna ça dans li, li pas ene Wali. Et conséquemment bannes miracles ki li faire pas capave être qualifié comme Karaamat. Celui ki écrase so nafs pou faire plaisir Allah Ta’ala, li même pli grand Mouttaqui et Wali.

Banne miracles de la part banne personnes ki perna Deen ou banne ki pas pratiquant appelle Istid-raaj. Donc banne miracles ki Dajjaal pou montré, loin d’être Mou’jizah ou bien Karaamat, c’est plutôt Istid-raaj et ene genre de manipulation satanique. Donc ici c’est la piété ki justifié le miracle, pas vice versa. C’est à dire miracle pas justifié la piété ene personne.

Karaamat pas nécessaire pou ene Wali. C’est à dire qui ene Wali li capave reste ene Wali sans kikchose super naturelles manifesté lors so la main. Ene Wali pas nécessaire faire miracle. So pli grand miracle c’est so stricte adhérence à Kitaboullah (livre d’Allah) et sounnah de Rassouloullah ‎(Sallallaahou A'laihi Wasallam)‎‎‎‎. So wilaayat trouve dans Istiqaamat (stabilité) lors Deen.

Beaucoup personnages parmi banne Sahaaba-e-Kiraam, banne tabe’ines et dans l’oummah tout banne ki fine amene zotte la vie d’après Rassouloullah ‎(Sallallaahou A'laihi Wasallam)‎‎‎‎ so Tareeqah, Allah Ta’ala fine honore zotte par banne miracles (Karaamat). Banne livres lors Deen zotte inondés de banne exemples pareil ki pas laisse aukene la porte ouvert pou banne dissidents.

Li bon nous guette ene des exemples:

+Karaamat Hazrat Maryam (‘alayhas-salaam)

Allah Ta’ala dire:-

“... A chaque fois ki Hazrat Zakariyya ‎(Alaihis Salaam)‎‎‎‎‎ ti pé rente cote li (Maryam) dans Mehraab, li ti pé trouve nourriture cote li. Li fine dimandé: O Maryam cote to fine gagne ça? Li (Maryam) fine dire: ça li depi cotte Allah …” (S3 V37)

Selon banne livres de Tafseer, Hazrat Zakariyya ‎(Alaihis Salaam)‎‎‎‎‎ ti gagne la responsabilité occupe Hazrat Maryam (‘alayhas-salaam) après so naissance quand li ti encore ene ti bébé. Hazrat Zakariyya ‎(Alaihis Salaam)‎‎‎‎‎ ti garde Hazrat Maryam (‘alayhas-salaam) dans ene l’endroit bien renfermé cote personne pas ti pé gagne l’accès excepté Hazrat Zakariyya ‎(Alaihis Salaam)‎‎‎‎‎. Malgré ça quand li ti pé rente cote li, li ti trouvé ki ena banne fruits cote li et ça aussi banne fruits contre saison. C’était par miracle ki Allah Ta’ala ti pé accorde Hazrat Maryam (‘alayhas-salaam) sa banne fruits là. Donc c’était ene Karaamat pou Hazrat Maryam (‘alayhas-salaam).

+ Karaamat Hazrat Ousayd Bin Houdwair ‎(Radiyallahou anhou‎)‎ et Hazrat ‘Abbaad Bin Bishr ‎(Radiyallahou anhou‎)‎

Selon ene hadice rapporté par Hazrat Anas ‎(Radiyallahou anhou‎)‎, deux compagnons de Rassouloullah ‎(Radiyallahou anhou‎)‎ nommé Hazrat Ousayd Bin Houdwair ‎(Radiyallahou anhou‎)‎ et Hazrat ‘Abbaad Bin Bishr ‎(Radiyallahou anhou‎)‎ fine reste juska tard dans la nuit avec Rassouloullah ‎(Sallallaahou A'laihi Wasallam)‎‎‎‎. “zotte fine sorti dans noir depi cote Rassouloullah ‎(Radiyallahou anhou‎)‎ avec ene nour (lumiere) couma l’espèce deux la lampes ti pé éclairé devant zotte. Quand zotte fine séparé, chakene parmi zotte fine ena ene la lampe avec li juska ki chakenefine retourne chez li”. (Boukhari/Mouswannaf ‘Abdur-Razzaaq)

+ ‘Allaamah Badrouddeen Al-‘Aïni (rahmatoullaahi ‘alayh) dans so commentaire ‘Oumdatul-Qari lors Boukhari Shareef fine rapporte depi plusieurs Sahaba-e-Kiraam (radwiyallaahou ‘anhoum) ki zotte fine témoigne banne Karaamat (miracles) similaires en retournant depi cote Nabi-e-Kareem ‎(Sallallaahou A'laihi Wasallam)‎‎‎‎.

+A partça, ‘Allaamah Badrouddeen (rahmatoullaahi ‘alayh) fine rapporte ene anecdote pareille ki fine arrive so Sheikh; Sheikh Hassaan-ud-Deen Ar-Rahaawi et ki fine témoigné par ene groupe de so banne zélèves. C'est-à-dire selon ça anecdote-là, en retournant depi ene invitation dans ene la nuit ki ti faire bien noir, deux nours (lumière) couma deux la lampe ti pé éclaire chemin de Sheikh Hassaan-ud-deen juska ki li fine rente so la caze. (‘Oumtadul-Qari - commentaire Boukhari)

+Selon ene hadice rapporté dans Boukhari shareef, Hazrat ‘Abdoullah Bin Mas’oud ‎(Radiyallahou anhou‎)‎ dire ki nou ti pé tanne nourriture faire tasbeeh pendant ki li ti pé être consommé. (Boukhari)

Anecdotes rapporté par ‘Allaamah Ibn Taymiyah (rahmatoul-laahi ‘alayh)

‘Allaamah Ibn Taymiyah, dans so livre «A1-Fourqaan Bayna Auliyaa-ir- Rahmaan wa Auliyaa-ish-Shaitaan» fine rapporte plusieurs anecdotes concernant banne Karaamat de banne personnages pieux.

+Par exemple Hazrat ‘Aamir Bin Abd Qais ‎(Radiyallahou anhou‎)‎ ti attrape ene lion avec so la main et ti avance li depi lors ene chemin ki ti pé empêche ene caravane traversé.

+Hazrat Safeenah ‎(Radiyallahou anhou‎)‎ ti être accompagné par ene lion juska so destination pendant ene certain trajet.

+Selon ene l’autre anecdote rapporté par ‘Allaamah Ibn Taymiyah (rahmatoullaahi ‘alayh), Hazrat Wasla Bin Ash-yam ‎(Radiyallahou anhou‎)‎ so cheval fine mort pendant ene bataille. Li fine dimane dou’aa. Allah Ta’ala fine faire so cheval revive juska ki li fine réussi rente so la caze.

Revive après la mort

Revive après la mort, comme ene miracle li tout à fait possible et perna narien dans shariat ki dire ki ça pas capave arrivé. Au contraire ena plusieurs l’exemples dans Qour’aan et dans hadices.

+ D’abord nous ena ça l’exemple cote Allah Ta’ala faire nou conné ki li ti redone la vie après la mort à ceux ki ti accompagne Hazrat Moussa ‎(Alaihis Salaam)‎‎‎‎‎ lor Mont Sinaï. (S2 V56)

+Deuxième l’exemple c’est ene personne dans Bani Israel ki ti être assassinée. Allah Ta’ala ti faire li revive pou li dévoile so assassin. (S2 V73)

+Troisième l’exemple c’est la personne ki Allah Ta’ala ti faire li et so bourique revive après ki zotte fine reste mort pendant ene siècle. (S2 V259)

+Quatrième l’exemple c’est ki Allah Ta’ala fine ordonne Hazrat Ibrahim ‎(Alaihis Salaam)‎‎‎‎‎ prend 4 qualités z’oiseaux ki li fine coupé boute boute, zotte morceaux fine mélangé entre zotte et fine place zotte lors plusieurs montagnes (sept montagnes selon tafseer) et li fine appelle zotte. A l’appel de Hazrat Ibrahim ‎(Alaihis Salaam)‎‎‎‎‎, banne z’oiseaux là fine reconstitué dans l’air et zotte fine vine cote Ibrahim ‎(Radiyallahou anhou‎)‎. (S2 V260)

+Hazrat ‘Issa ‎(Radiyallahou anhou‎)‎ ti pé faire banne ki fine mort revive par l’ordre Allah Ta’ala.

+Similairement nous ena ene grand Tabe’i, en l’occurrence Hazrat Rib’i Bin Hiraash (rahmatoullaahi ‘alyah) ki fine sourire après so la mort selon le Mouqaddamah (introduction) lors Sahih Muslim de ‘Allaamah An-Nawawi (rahmatoullaahi ‘alayh) et selon le commentaire ‘Oumdatoul-Qari lors Sahih Boukhari de ‘Allaamah Badrouddeen.

Tout cela, c’était comme Karaamat ki Allah Ta’ala ti accorde zotte. Et pou Allah Ta’ala narien pas impossible.

La question ‘causé et sourire après la mort’, nous fine traite ça avec détails parceki ena banne dimounes par zotte l’ignorance, zotte contesté et démenti banne anecdotes similaire. Comme si shari’at bizin suive zotte logique et zotte l’esprit limité. Et zotte na perna aukene preuve lors l’impossibilité de ça banne anecdotes-là.

Alhamdoulillah, nous fine arrivé trouvé avec force de preuve authentique ki na perna narien impossible. Par l’ordre Allah Ta’ala, tout ça banne kikchose-là fine arrivé - zotte comme Mou’jizah, Karaamat et miracles.

Banne ki ena ‘Ilm, zotte pas fine refuse accepté ça banne kikchose-là. Zotte conné ki zotte l’esprit ena ene limite cote li pas capave alle plis loin ki ça. Zotte laisse zotte logique ene coté et zotte suive shariat. C’est ça même ki appelle Ittiba-‘e-Kaamil (l’obéissance totale) ki ene personne accepté ene kikchose de shari’at même si ça pas vine dans so l’esprit. Quant à banne ki manque ça fortune de Ilm-là, zotte suive plutôt ceki compatible avec zotte l’esprit. Comme si zotte l’esprit et zotte logique c’est zotte shari’at. C’est purement l’égarement et la perdition totale.

ESKI TOUT MIRACLE APPELLE KARAAMAT?

Li bon pou nou conné ki tout miracle pas appelle Karaamat. Quand nou trouve ene personne faire ene miracle nou bizin guette so comportement dans Deen avant nou croire ki ça miracle-là li ene Karaamat ou non.

Si ça personne-là li “Mouttaqui” et ene bon pratiquant ki suive Deen d’après les principes de nou Nabi ‎(Sallallaahou A'laihi Wasallam)‎‎‎‎, alors ça miracle là pou ene Karaamat.

استدراج (ISTIDRAAJ)

Le miracle de ene personne ki pas dans deen appelle استدراج (Istidraaj). Ça qualité miracle-là pena aukène valeur. Li vine de coté Shaitaan. Faudré pas gagne embêté avec banne kitchose pareil. Ça capave affecté nou Deen et nou Imaan. Et d’ailleurs beaucoup fine égaré avec ça.

SHIRK/KUFR

Allah Ta’ala li unique. Pena narien couma li ni ena kitchose ki ressemblé li. Associé kikene avec Allah Ta’ala dans n’importe ki so banne attribut appelle Shirk. Par exemple Allah Ta’ala tout seul conne tout, li partout et ena capacité lors tout kitchose. Maintenant si kikene croire ki ena kikene encore ki possède ça qualité de conne tout, capave faire tout et être partout, alors veut dire ki li fine faire shirk parceki li fine associé kikene avec Allah dans so banne capacités et so banne attributs.

Kufr signifié refuse accepté Allah Ta’ala. Faire Shirk li absolument couma kufr. Parceki associé kikene avec Allah Ta’ala, li couma dire refuse accepté so qualité et so capacité.

MOUSHRIK ET SO CONSEQUENCE GRAVE

Moushrik c’est ene personne ki faire shirk. Si ene personne mort couma Moushrik, alors jamais li pou être pardonné. Tout le temps li pou alle dans l’enfer.

“Celui ki associé avec Allah, alors Allah Ta’ala fine déclare jannat (paradis) haraam lors li et so refuge pou du feu (de l’enfer) ...“ (S5/V72)

LE PECHE DE SHIRK C’EST LE PLUS GRAND PECHE ET LI ENE PECHE IMPARDONNABLE

“Certainement Allah pas pou pardonne la pratique de shirk et apart ça li pardonne celui ki li oulé ...“ (S4/V116)

Note:

Ça li appliqué pou ene dimoune ki fine mort et fine quitte ça le monde-là en état Moushrik sans repentir. Mais si kikene fine dimane Allah pardon pou banne shirk ki li fine faire avant li mort, alors Allah Ta’ala pou pardonne li.

Pas bizin découragé et désespéré de la grâce Allah parceki Allah li pardonne tout banne péchés. Certainement c’est li même le grand Pardonneur et li même celui ki ena pitié par excellence. (Ref: S39/V53)

RID-DAH/IRTIDAAD

Rid-dah ou Irtidaad signifié rejette l’Islam après avoir accepté li. Ene personne ki commette rid-dah, appelle li (Mourtad). La position ene mourtad li pli dégradant ki ene kaafir.

L’EFFET DE (L’APOSTASIE)

Dans ene l’état islamique, ene personne ki rejette l’Islam après avoir accepté, li mérite la peine de mort. So nikaah li annulé. Tout so banne bon actions annulé. Si li fine faire Hajj auparavant, alors ça aussi li annulé. Ça péché-là li pli grave ki kufr parceki li ene tentative pou gâte l’image de l’Islam et li décourage banne ki oulé embrasse l’Islam.

Note: Sans Imaan pena paradis et avec kufr et shirk aukene bon action pas accepté. Ene kaafir ou ene moushrik jamais pou alle dans paradis.

Kufr

Kufr signifié le rejet de l’Islam. Celui ki rejette l’Islam, appelle li Kaafir.

Le rejet de l’Islam li vine par refuse accepté l’existence Allah Ta’ala.

Ena des fois éne personne accepté et croire dans éne être suprême mais li accepté li dans éne façon ki li pas été ou bien li accepté li dans éne façon ki pas digne à li. Accepté Allah Ta’ala dans éne façon ki li pas été ou soit dans éne façon ki pas digne à li, ça aussi li pareil couma pas accepté l’existence Allah Ta’ala. Couma pas accepté l’existence Allah Ta’ala li Kufr, ça aussi li Kufr. Par exemple éne personne croire ki Allah Ta’ala li obligé faire kikchose ou bien li incapable pour faire kitchose ou soit li dépanne lors kikéne pou faire kitchose ou bien li pas ti conné ceki pou arrivé dans l’avenir plus tard. Or éne Créateur Suprême ou éne Allah de ça genre là pas existé même. Donc accepté éne Créateur Suprême ou éne Allah de ça genre là signifié pas croire dans l’existence Allah Ta’ala et Allah li au delà de tous banne manquements et tous banne faiblesse.

L’origine de Kufr et banne kitchose ki entraine vers Kufr

L’origine de Kufr ou le refus d’accepter l’existence Allah Ta’ala dans la façon ki li été li vine par “تكذيب ” (démentir) de Nabi Hazrat Mouhammad ‎(Sallallaahou A'laihi Wasallam)‎‎‎‎ dans le message ki li fine transmette à l’humanité. Tout l’attitude, déclaration, action ou conception ki exprime ou indique “تكذيب ” (refus d’accepter), alors li considéré couma kufr. Par exemple éne personne ki faire namaz mais en même temps li faire Sajdah (prosterner) devant éne statue ou éne idole. Ça personne là li pas éne mou’mime parceki faire Sajdah devant statue ou idole, li éne signe de “تكذيب ” à l’égard du message ki nou Nabi Hazrat Mouhammad ‎(Sallallaahou A'laihi Wasallam)‎‎‎‎ fine amené.

Acoze de ça, par considère éne kitchose haraam comme halaal et déclare halaal couma haraam, ou bien bouffonne éne principe de l’Islam ou éne sounnat de Nabi Hazrat Mouhammad ‎(Sallallaahou A'laihi Wasallam)‎‎‎‎, ou bien dénigré ou sous estime éne pratique dans Deen, ene personne li sorti en dehors l’Islam et tombe dans kufr. Parceki ça banne kitchose là li éne signe de “تكذيب ” pour nou Nabi Hazrat Mouhammad ‎(Sallallaahou A'laihi Wasallam)‎‎‎‎.

L’Innocence de Hazrat ’Aisha (رضى الله عنها) et les Shi’as

Hazrat ‘Aisha (رضى الله عنها) c’était la fille de Hazrat Abou Bakr (رضى الله عنه) et épouse bien-aimé de nou Nabi Hazrat Mouhammad ‎(Sallallaahou A'laihi Wasallam)‎‎‎‎.

Qour'aan-e-Kareem fine prouve l’innocence de Hazrat ‘Aisha (رضى الله عنها) de banne blâmes ki banne shi’as pé continué mette lors li juska jordi. C’est éne des banne raisons pour laquelle banne shi’ahs pas musulman. Zotte kaafir parceki zotte croyance et conception li contre Qour'aan-e-Kareem.

Qadiani

Banne Qadiani pas accepté nou Nabi Hazrat Mouhammad ‎(Sallallaahou A'laihi Wasallam)‎‎‎‎ couma dernier Nabi. Pas accepté nou Nabi Hazrat Mouhammad ‎(Sallallaahou A'laihi Wasallam)‎‎‎‎ couma le dernier Nabi c’est Kufr et c’est éne façon pou démentir le message ki nou Nabi Hazrat Mouhammad ‎(Sallallaahou A'laihi Wasallam)‎‎‎‎ fine amené.

Donc banne ki croire ki ena encore éne Nabi fine vini après nou Nabi Hazrat Mouhammad ‎(Sallallaahou A'laihi Wasallam)‎‎‎‎ couma banne Qadiani croire, alors zotte Kaafir. Zotte pas banne musulmans. Après nou Nabi Hazrat Mouhammad ‎(Sallallaahou A'laihi Wasallam)‎‎‎‎, celui ki déclaré ki li fine vine prophète, alors li éne grand menteur.

“ اِنَّه سَيَكُوْنَ فِى اُمَّتِىْ كَذَابُوْنَ ثَلَاثُوْنَ يَزْعَمُ اَنَّه نَبِىٌّ وَاَنَا خَاتَمُ النَّبِيِّيْنَ لَا نَبِىَّ بَعْدِىْ.

Traduction:

“Dans l’avenir pou ena trente grands menteurs dans mo oummat. Chacun parmi zotte pou prétende ki li éne Nabi (prophète) et pourtant mo même le dernier parmi tous banne prophètes. Pena aukéne Nabi après moi.” (Mouslim)

Principle concernant Kaafir

Li important pou conné ki sanla musulman et ki sanla kaafir parceki ena éne série de principes et règlements ki appliqué pour éne musulman mais ki pas applicable pou éne kaafir. Par exemple nou mariage pas permette et pas compté avec éne kaafir. Etant donné ki banne Shi’as et banne Qadianis zotte pas musulmans, zotte na perna les même droits ki banne musulmans ena. Donc pas gagne droit marié avec banne Shi’as et banne Qadiani ni éne musulman gagne droit consomme la chaire éne zanimau ki zotte fine faire zabah (égorgé). Coumsa même quand zotte mort pas gagne droit faire namaaz janaza pou zotte ni gagne droit enterre zotte dans qabarastan (cimetière) banne musulmans.

"وَلاَ تُصَلِّ عَلى أَحَدٍ مِّنْهُمْ مَّاتَ أَبَدًا وَّلاَ تَقُمْ عَلى قَبْرِه إِنَّهُمْ كَفَرُواْ بِاللهِ وَرَسُوْلِهِ وَمَاتُواْ وَهُمْ فَاسِقُوْنَ."

Traduction:

“Jamais faire namaaz (Janaza) pour kikéne ki fine mort parmi banne là ni diboute lor so qabar (tombe) parceki zotte fine faire “Koufr” avec Allah avec so Rassoul (messager) et zotte fine mort Kaafir.” (S9/V84)

Hijrah

Rassouloul-laah ‎(Sallallaahou A'laihi Wasallam)‎‎‎‎ fine commence propage Deen dans Makkah. Li fine gagne beaucoup difficultés de la part de banne Moushrik et banne Kaafir. Quand ça fine vine insupportable, Allah Ta’ala fine ordonne nou Nabi ‎(Sallallaahou A'laihi Wasallam)‎‎‎‎ pou quitte Makkah et pou alle établi dans Madina et ça l’événement de quitte Makkah pou établi dans Madina appelle Hijrah. Banne habitants de Makkah ki ti quitte Makkah et ti alle établi zotte dans Madina, appelle zotte Mouhaajir. Et banne habitants de Madina ki ti recevoir ça bannes Mouhaajir là, appelle zotte banne Ansaar.

A partir ça même l’événement de Hijrah, le calendrier Islamique fine commencé.

Sahaabah

Sahaabi (singulier de sahaabah) c’est éne musulman ki fine trouve nou Nabi Hazrat Mouhammad ‎(Sallallaahou A'laihi Wasallam)‎‎‎‎ et fine mort comme ene musulman. Banne Sahaabah ti les premiers ki fine accepté le message de nou Nabi Hazrat Nabi Mouhammad ‎(Sallallaahou A'laihi Wasallam)‎‎‎‎. Zotte mérite tout nou respect. Pas gagne droit critique personne parmi banne Sahaabah-e-Kiraam. L’amitié pour banne Sahaabah-e-Kiraam li vine par l’amitié ki nou ena pour Nabi Hazrat Mouhammad ‎(Sallallaahou A'laihi Wasallam)‎‎‎‎. Si kikene éprouve rancune ou l’ennemité pour kit sahaabi ça veut dire ki li ena rancune avec Rassouloullaah ‎(Sallallaahou A'laihi Wasallam)‎‎‎‎. Mal parle ou critique et même mal pense banne Sahaabah-e-Kiraam li pas travail musulman ça. C’est banne ki na perna Imaan même ki capave ena éne l’attitude pareil.

العشرة المبشرة

العشرة المبشرة c’est les dix sahaabah-e-Kiraam ki nou Nabi Hazrat Mouhammad ‎(Sallallaahou A'laihi Wasallam)‎‎‎‎ ti annonce zotte dans ce monde même ki zotte pou banne habitants de paradis.

Ça dix Sahaabah-e-Kiraam c’est:-

(1) Hazrat Abou Bakr (Radiyallahou anhou‎) (6) Hazrat Zoubeir ‎‎(Radiyallahou anhou‎)‎‎

(2) Hazrat ‘Oumar ‎‎(Radiyallahou anhou‎)‎‎ (7) Hazrat A.Rahmaan bin ‘Awf ‎‎(Radiyallahou anhou‎)‎‎

(3) Hazrat ‘Ousman ‎‎(Radiyallahou anhou‎)‎‎ (8) Hazrat Sa’d bin Waq-qaas ‎‎(Radiyallahou anhou‎)‎‎

(4) Hazrat ‘Ali ‎‎(Radiyallahou anhou‎)‎‎ (9) Hazrat Said bin Zaid ‎‎(Radiyallahou anhou‎)‎‎

(5) HazratTwalhah ‎‎(Radiyallahou anhou‎)‎‎ (10) HazratAbouOubaidah bin Jarraah ‎‎(Radiyallahou anhou‎)‎‎

Les 4 Khoulafaa (califes)

Après nou NabiHazratMouhammad ‎(Sallallaahou A'laihi Wasallam)‎‎‎‎, fine ena 4 Sahaabah-e-Kiraam ki fine occupe problèmes banne musulmans et fine dirige l’oummah. Zotte règne fine duré juska trente ans. Ça 4 Khoulafaa là appelle zotte الخلفاء إالراشدون (Al-Khoulafaa-ar-Raashidoune).

Ça 4 Khoulafaa c’est:

Hazrat Abou Bakr ‎‎(Radiyallahou anhou‎)‎‎,
Hazrat ‘Oumar ‎‎(Radiyallahou anhou‎)‎‎,
Hazrat ‘Ousmaan ‎‎(Radiyallahou anhou‎)‎‎ et
Hazrat ‘Ali ‎‎(Radiyallahou anhou‎)‎‎.

Mi’raaj

Allah Ta’ala ti faire nou Nabi Hazrat Mouhamaad ‎(Sallallaahou A'laihi Wasallam)‎‎‎‎ voyage depi Makkah juska Masjid-Ul-Aqsaa ki trouve dans Jérusalem dans seulement éne ti parti la nuit. C’était éne mou’jizah (miracle) de nou Nabi ‎(Sallallaahou A'laihi Wasallam)‎‎‎‎ parceki li ti impossible pou couvert éne longue distance et éne trajet pareil dans éne ti peu le temps. Depi Masjid-Ul-Aqsaa ki appelle Baitoul-Mouqaddas aussi Allah Ta’ala fine amène nou Nabi ‎(Sallallaahou A'laihi Wasallam)‎‎‎‎ pou visite éne quantité merveille couma Paradis, l’enfer etc... Et dans même nuit nou Nabi ‎(Sallallaahou A'laihi Wasallam)‎‎‎‎ fine retourne chez li dans Makkah.

Ça voyage depi Makkah jusqu’a Masjid-Ul-Aqsaa ki nou Nabi ‎(Sallallaahou A'laihi Wasallam)‎‎‎‎ fine faire appelle Israa. Et le déplacement depi Masjid-Ul-Aqsaa ki li fine faire pou alle visite paradis et l’enfer appelle Mi’raaj. Refuse accepté Israa li Koufr. Donc celui ki refuse li vine kaafir. Quand à mi’raaj ki signifié l’ascension céleste, si kikene refuse accepté ça li pas vine kaafir mais c’est éne grand péché et éne grand l’égarement.

Allah Ta’ala ti faire nou Nabi ‎(Sallallaahou A'laihi Wasallam)‎‎‎‎ faire ça voyage là avec so le corps physique. Li pas éne kitchose ki ti passé dans rêve.

Hazrat Mahdi عليه السّلام

Dans dernier l’époque quand position banne musulmans pour extrêmement faible, Hazrat Mahdi ‎(Alaihis Salaam)‎‎‎‎‎ pour paraîte. Banne grand personnages couma banne Abdaal (banne personnes ki pieux) pour reconnaîte et découvert Hazrat Mahdi ‎(Alaihis Salaam)‎‎‎‎‎ pendant ki li pour faire tawaaf entre Hajar-Ul-Aswad et Maqaam-E-Ibrahim. Avec l’avènement de Hazrat Mahdi ‎(Alaihis Salaam)‎‎‎‎‎, le monde entier pour vine sous règne de l’Islaam. Après la mort Hazrat Mahdi ‎(Alaihis Salaam)‎‎‎‎‎, Hazrat Issa ‎(Alaihis Salaam)‎‎‎‎‎ pour prend la relève et pour dirige l’oummah.

Hazrat ‘Issaa (عليه السّلام)

Dans l’époque ki Hazrat ‘Issaa ‎(Alaihis Salaam)‎‎‎‎‎ ti Nabi lors la terre, banne juifs ti faire complot pour assassine li mais Allah Ta’ala fine protége li et fine enlève li lors le ciel. Juska zordi li encore vivant avec so le corps physique dans le ciel. Dans l’époque Hazrat Mahdi (عليه السّلام), Hazrat ‘Issaa ‎(Alaihis Salaam)‎‎‎‎‎ pou revine lors la terre et finalement li pour touille Daj-jaal. Après ça li pou mort so la mort normal.

Par M.R. Meerun

Aqeedah