1 dimoun dir moi ki kapav trap quran san wazou acoz dan quran ena ki pas bizin touche sa liv la apart bann ki propre..

Question ID: 
891

Question

Aslm 1 dimoun dir moi ki kapav trap quran san wazou acoz dan quran ena ki pas bizin touche sa liv la apart bann ki propre.. pan dir apart ban ki ena wazou et ghusal li sufi pou rend 1 dimoun propre... eski ou kapav explik moi bien en detail avek preuv ki bizin ena wazou mem.. comesa mo kapav explik mo ban zenfan et mo kapav dir li parski li mo fami et parfoi li zoine mo ban zenfan ek li dir zot sa..

Answer

Wa alaikumus salaam. Sa propreté ki fine mentioné dans Qouraan ki bizin ena pou attrape qouraan li inclure la propreté de wazou et ghoussal tous les deux. D’après tous les 4 Mazhab, c’est necque ène dimoune ki propre (avec wazou) ki gagne droit touche Qour’aan couma Rassouloullah ‎(Sallallaahou A'laihi Wasallam)‎ ti écrire dans ça lettre ki li fine envoye à Hazrat ‘Amr bin Hazm ‎(Radiyallahou anhou‎)‎ ki : « Personne pas bizin touche Qour’aan excepté celui ki propre (avec wazou). » Imam Ahmad (Rahmatoullahi ‘alaihi) fine dire : “Perna doute ki le Prophète ‎(Sallallaahou A'laihi Wasallam)‎ fine écrire ça lettre-là à li (‘Amr bin Hazm ‎(Radiyallahou anhou‎)‎). C’est l’opinion de Salman Al Farisi et Abdoullah bin Oumar ‎(Radiyallahou anhou‎)‎ etc aussi. Et perna personne parmi banne Sahabah (radwiyallahu ‘anhoum) ki fine contredire ça deux (sahabah-là). » (Majmou’ Fatawa Ibn Taymiya)