Qiyaam Ramadhan

Qiyaam ramadhan ou bien Taraweeh

Qiyaam ramadhan li reconnaite par namaz taraweeh aussi. Taraweeh li pluriel de tarweehah. Et tarweehah signifié ene moment de pause ou bien ene moment de repos. Dans l’époque banne Sahaba-e-Kiraam, zotte ti pé prend ene repos après chaque 4 rakaat. Acoze ça, banne Tabeines ti conne chaque 4 rakaat par ene tarweehah. C’est la raison pou laquelle fine appelle qiyaam ramadhan par namaz taraweeh. Allaamah An-Nawawi li catégorique cote li dire dans so commentaire lors Sahih Mouslim :

والمراد بقيام رمضان صلاة التراويح

"Qiyaam ramadhan signifié salaat-ut-taraweeh."

Allaamah Ibn Hajar Al-Asqalaani dire dans so Fathul-Baari :

والتراويح جمع ترويحة وهى المرة الواحدة من الراحة كتسليمة من السلام سميت الصلاة فى الجماعة فى ليالى رمضان التراويح لانهم اول ما اجتمعوا عليها كانوا يستريحون بين كل تسليمتين"

Traduction :

"Taraweeh c’est le pluriel de tarweehah ki signifié ene ti moment de repos pareil couma tasleemah li sorti depi dans le mot salaam. Fine appelle ça namaz ki faire avec jamaat dans banne nuit de ramadhan "tarweehah" acoze quand au début zotte (banne Sahaba) ti réuni pou faire li, zotte ti pé prend ene repos entre chaque deux salaam."

Donc quand nou dire salaat-ut-taraweeh, ça signifié ene namaz dans la nuit de ramadhan ki composé de plusieurs volets de 4 rakaat ki ena ene pause après chaque 4 rakaat.

Rassouloullah ‎(Sallallaahou A'laihi Wasallam)‎‎‎‎ fine recommane pou pratique qiyaam pendant le mois de ramadhan. Et banne Sahaba-e-Kiraam fine accomplir 20 rakaat taraweeh. Ça montré ki le nombre de 20 rakaat li satisfaire la recommandation de Nabi ‎(Sallallaahou A'laihi Wasallam)‎‎‎‎. C'est-à-dire le qiyaam ki recommandé par Nabi ‎(Sallallaahou A'laihi Wasallam)‎‎‎‎ pendant le mois de ramadhan, c’est ça 20 rakaat taraweeh ki banne Sahaba-e-Kiraam fine accomplir et ki fine être pratiqué après banne Sahaba-e-Kiraam de génération en génération.

Qiyaam ramadhan

Qiyaam signifié posture diboute. Et ça li ene posture essentielle et faraz dans namaz. Li assez commun pou appelle ene kitchose par ene de so banne parti ki bien essentiel là-dans. Par exemple dans Qour’aan-e-Kareem fine appelle namaz fajar قرآن الفجر (la récitation de Qour’aan-e-Kareem dans fajr) au lieu appelle li صلاة الفجر. Et cela pou deux raisons principales :

D’abord pou montré ki la récitation Qour’aan li obligatoire dans namaz, et
Deuxièmement pou montré ki la récitation Qour’aan dans namaz fajar li ene parti impé pli remarquable ki lezot parti par le fait ki la récitation de Qour’aan-e-Kareem li comparativement bien long ki dans lezot namaz. C’est acoze ça, selon banne Fouqaha (juristes), li recommandé faire récitation Qour’aan-e-Kareem dans namaz fajar ene ti pé pli longue ki dans lezot namaz.

Donc dans ça sens-là fine appelle namaz par qiyaam. Ça hadice-là pé faire référence à ene namaz ki faire dans le mois de ramadhan. Normalement pena aukene namaz spécial ki faire dans le mois de ramadhan apart ça namaz ki faire dans la nuit de ramadhan. Donc qiyaam ramadhan li pé faire référence à ene namaz ki faire dans la nuit de ramadhan.

Li vrai ki posture sajdah li pli essentielle ki qiyaam dans namaz mais malgré ça fine appelle ça namaz-là par Qiyaam. C’est probablement pou montré ki la posture de Qiyaam dans ça namaz-là li bizin en sorte ki li vine pli remarquable et ça li possible uniquement par faire ene longue récitation Qour’aan ki faire la posture de Qiyaam paraite pli longue ki lezot postures.

Mise au point concernant le nombre de rakaat ki Hazrat ‘Oumar ‎(Radiyallahou anhou‎)‎ ti ordonne pou faire

Ena divergence concernant le nombre de rakaat ki ti pé pratiqué dans l’époque Hazrat ‘Oumar ‎(Radiyallahou anhou‎)‎. En principe nou ena deux rawi ki fine rapporte de Hazrat Saïb Bin Yazeed ‎(Radiyallahou anhou‎)‎ le nombre ki ti pé être pratiqué dans ça l’époque-là : Mouhammad Bin Yousouf et Yazeed Bin Khuçaifah.

D’après ceki Mouhammad Bin Yousouf fine rapporté, nou gagne trois différent nombre: 11 rakaat, 13 rakaat et 21 rakaat. Li paraite bien difficile pou donne ene justification valable ki permette réconcilié et explique ça trois différent nombre-là.

Mais selon ceki Yazeed Bin Khuçaifah fine rapporté, nou gagne ene seul nombre. Et c’est le nombre de 20 rakaat. Le nombre de 23 rakaat ki fine rapporté dans certaine version li représente 20 rakaat taraweeh + trois rakaat witr. Donc ici pena aukene contradiction. Et ça version-là li déjà ene version correcte et authentique.

En sus de ça, le nombre de 20 rakaat li appuyé par ceki Yazeed Bin Roumaan et Yahya Bin Said fine rapporté selon lequel Hazrat ‘Oumar ‎(Radiyallahou anhou‎)‎ ti ordonne pou faire 20 rakaat taraweeh. Apart ça nou ena la version de Abdul Azeez Bin Roufai selon lequel Hazrat Ubayy Bin Kaab ‎(Radiyallahou anhou‎)‎ ti pé faire 20 rakaat taraweeh. Coumsa même ça fine pratiqué dans l’époque Hazrat Ousman ‎(Radiyallahou anhou‎)‎ et fine ordonné par Hazrat Ali ‎(Radiyallahou anhou‎)‎ dans so l’époque. Hazrat Abdullah Bin Mas’oud ‎(Radiyallahou anhou‎)‎ aussi fine pratique le nombre de 20 rakaat. Et banne tabeines en général aussi fine adopté ça même nombre. Tout ça-là donne raison à la version de 20 rakaat.

Li vrai ki le sanad de la version de Yazeed Bin Roumaan ki trouve dans Mou’atta Imam Malik et le sanad de la version de Yahya Bin Said et coumsa même le sanad de la version de Abdul Azeez Bin Roufai zotte mounqati’. C'est-à-dire ena kit narrateur ki fine ommette depi dans sanad et ki pas fine mentionné. Mais ça li pas ene raison ki nécessite rejette ça banne versions-là parceki dans l’ensemble zotte vine bien solide. Ça façon analyse et situé position ene hadice c’est ene façon ki fine adopté par banne savants de hadice en général et par banne ‘Oulama de tout bord. Nou ena plusieurs l’exemples ki prouve ça.

Façon analyse de Allaamah Bin Hajar Al-Asqalaani

Dans analyse position ene certaine hadice, Allaamah Bin Hajar Al-Asqalaani dire dans so Fathul Baari :

"هذا منقطع بين النخعى والصديق وروى من طريق التيمى عن ابى بكر الصديق وهو منقطع ايضا لكن احدهما يقوى الآخر" (فتح البارى شرح البخارى)

"Ça version-là li mounqati’ (interrompu) entre (Ibraheem) An-Nakh-ï et (Abou Bakar) As-Siddique ‎(Radiyallahou anhou‎)‎. Et ça fine rapporté à travers (Ibrahim) At-Taimi de (Hazrat) Abou Bakr As-Siddique ‎(Radiyallahou anhou‎)‎. Et sanla aussi li mounqati mais ene pé renforci l’autre."

(Fathul-Baari commentaire lors Sahih Boukhari)

Dans situé position ene lot hadice, Allaamah Ibn Hajar Al-Asqalaani dire dans so Fathul Baari :

"وفى سند كل منها لين لكنها يعضد بعضها بعضا" (فتح البارى شرح البخارى)

"Et dans tous so banne sanad ena ene certaine defection mais ene li renforci l’autre." (Fathul-Baari commentaire lors Sahih Boukhari)

Façon analyse de Allaamah Badruddeen Al-Aini

Dans situé position ene hadice, Allaamah Badruddeen Al-Aini dire dans so Umdat-ul-Qaari :

"فان قلت هذا الحديث ضعيف وفى سنده عبد الله بن محمد وهو تكلم فيه قلت هذا روى من طرق كثيرة ووجوه مختلفة فحصل له بذلك قوة فلا يمنع من الاحتجاج به (عمدة القارى شرح البخارى)

"Si ou dire ki ça hadice-là li faible et (cela acoze ki) ena ene rawi Abdullah Bin Mouhammad ki fine être critiqué ki trouve dans so sanad, mo pou dire ki ça fine être rapporté par plusieurs sources et différents façons ki faire li gagne ene certaine la force. Donc pas capave empêche servi li comme preuve." (Umdat-ul-Qaari commentaire lors Sahih Boukhari)

Façon analyse de Allaamah Ibn Humaam

Allaamah Ibn Humaam dire dans so Fathul Qadeer :

"فهذه طرق متكثرة عن اكثر من عشرة من الصحابة رضى الله عنهم لو كان كل منها ضعيفا ثبتت حجية المجموع ..." (فتح القدير)

"C’est banne sanad ki assez nombreux ki fine rapporté de plis ki ene dizaine de Sahaba ‎(Radiyallahou anhou‎)‎. Si chaque sanad là-dans li faible, (ça aussi li vrai ki) l’ensemble de ça banne hadice-là li pou valable comme preuve." (Fathul Qadeer)

Façon analyse de Qazi Shawkani

Qazi Shawkani commente ene hadice dans ça terme-là dans so Nailul-Awtaar :

"وان كان فى كل طريق من طرق هذه الاحاديث مقال فبعضها يقوى بعضا" (نيل الاوطار)

"Malgré ki ena défection dans chaque sanad de ça banne hadices-là mais ene pé renforci l’autre." (Nailul-Awtaar par Qazi Shawkani)

Façon analyse de Nassiruddeen Al-Baani

Concernant ene hadice lors salaat-ut-tasbeeh, Nassiruddeen Al-Baani fine faire la remarque suivante dans so note ki li fine écrire lors Sahih Bin Khuzaimah :

"اسناده ضعيف كما اشار اليه المصنف لكن الحديث له شواهد يتقوى بها ..."

"So sanad li faible couma l’auteur fine faire ressortir mais le hadice même li ena banne شواهد (supports) ki li renforci à travers ça."

Ene l’autre élément ki li en faveur la version de 20 rakaat, c’est le fait ki tous les 4 mazhab fine adopté ça même. Pena aukene mazhab ki fine préconise moins ki 20 rakaat. Dans so Fathul Baari, Allaamah Ibn Hajar Al-Asqalaani fine déclare ene certaine hadice non applicable et fine tranche en faveur ene l’autre hadice. Comme justification li dire ki banne juristes en général pas fine applique li. D’après li le fait ki banne juristes pas applique ene certaine hadice, li ene preuve ki indique présence ene l’autre preuve pli fort ki le premier.

"ويويده اطباق فقهاء الامصار على ترك العمل به فدل على ان له معارضا راجحا وقول من قال بمقتضاه يعد فى ندرة المخالف"

"Et l’unanimité de banne juristes de banne la villes lors pas applique ça hadice-là li renforci ça (lot) hadice-là. Et ça li indique présence ene facteur pli fort ki contesté li. Et l’opinion de banne ki fine applique li dans so sens littéral li vine dans catégorie ene élément isolé." (Fathul Baari)

Tous ça-là montré ki la version selon laquelle Hazrat ‘Oumar ‎(Radiyallahou anhou‎)‎ ti ordonne pou faire 20 rakaat taraweeh, c’est la version pli authentique. La version ki en conflit avec ça li ene version isolée. Et le fait ki pena aukene mazhab dans ça 4 mazhab-là ki préconise moins ki 20 rakaat li ene indication assez solide pou prouvé ki la version de moins ki 20 rakaat li ene version isolée.

Hadice Hazrat Abdurrahmaan Bin Auf ‎(Radiyallahou anhou‎)‎

قال رسول الله صلى الله عليه وسلم "ان الله تبارك وتعالى فرض صيام رمضان عليكم وسننت لكم قيامه فمن صامه وقامه ايمانا واحتسابا خرج من ذنوبه كيوم ولدته امه" (رواه النسائ)

Traduction:

Rassouloullah ‎(Sallallaahou A'laihi Wasallam)‎‎‎‎ fine dire: "Certainement Allah Tabaarak wa Ta’ala fine décrète le roza pendant le mois de ramadhan obligatoire lors ou et moi mo fine établir so qiyaam pou ou. Donc celui ki garde so roza et mette en pratique so qiyaam avec ene conviction ferme et avec l’espoir de récompense, li pou débarrassé depi so banne péchés pareille couma li ti été ça jour ki so maman ti donne li naissance." (Niçai)

Position hadice:

Imam Niçai ti bien méticuleux dans la matière de hadice. Parfois ene hadice capave authentique d’après lezot mais ça même hadice li capave pas valable d’après Imam Niçai. Lors ça hadice-là Imam Niçai pas fine faire aukene remarque ou kit commentaire. Ça li ene indication de so part ki ça hadice-là li ene hadice ki bizin valable. Apart ça, Sheikh Jafar Bin Mohammad Bin Al-Hassan Al Firyaabi (207H- 301H) fine qualifié ça hadice-là de ene hadice Hassan dans so كتاب الصيام (Kitabus-Siyaam). Ena ene rawi nommé شيبان النضر بن (An Nazr Bin Shaibaan) dans so sanad ki so position li pas ça favorable-là chez banne savants de hadice. Si malgré ça fine qualifié so hadice de ene hadice Hassan, c’est probablement acoze ki so contenu li supporte par lezot hadice. D’ailleurs so sens aussi li pas contredire aukene citation ou kit texte dans shariah et ni li en conflit de kit hadice. La position pas trop fort de النضر بن شيبان pas affecté position ça hadice-là à ene degré ki ranne li inservable. Donc si li pas ça authentique-là, li pas ça faible-là aussi. Le degré de Hassan li indique ça position ki trouve entre pas trop fort et pas trop faible-là ki permette li servi comme ene preuve et surtout quand Imam Niçai fine laisse ça passé sans faire aukene commentaire.

Explication:

Qiyaam ramadhan signifié ene qiyaam ki faire pendant le mois de ramadhan. Le mot qiyaam même signifié posture diboute. Namaz li composé et li constitué de différentes postures. Posture diboute li ene de banne postures très important dans namaz, acoze ki ena récitation de Qour’aan dans ça posture-là. Récitation Qour’aan même li ene action ki obligatoire dans namaz. Sans ça namaz pas compté. Par ça rapport-là, qiyaam li très important dans namaz. Acoze so l’importance même, fine appelle namaz même par qiyaam. Les cinq namaz quotidien li pratiqué tout le jour. Le qiyaam ramadhan pas capave signifié ene de ça banne namaz-là. Li bizin ene namaz particulier ki pas trouvé dans le jour. Donc ça namaz particulier-là c’est ene namaz spécial ki faire dans la nuit de ramadhan.

Donc qiyaam ramadhan dans le hadice signifié ene namaz supplémentaire ki Nabi ‎(Sallallaahou A'laihi Wasallam)‎‎‎‎ ti pé faire et ti recommande banne Sahaba-e-Kiraam faire pendant la nuit dans le mois de ramadhan. Selon ene hadice ki trouve dans Sahih Boukhari, Rassouloullah ‎(Sallallaahou A'laihi Wasallam)‎‎‎‎ fine dire:

"من قام رمضان ايمانا واحتسابا غفر له ما تقدم من ذنبه"

"Celui ki pratique le qiyaam pendant le mois de ramadhan avec conviction ferme et avec l’intention pou gagne récompense, so banne pêchés auparavant pou être pardonné." (Sahih Boukhari)

Autant ki nous conne banne Sahaba-e-Kiraam, li difficile pretanne ki zotte fine reste insensible à ene recommandation aussi fort. Zotte ti bizin pé pratique ça. Donc ça amène nou pou comprend ki banne Sahaba-e-Kiraam ti pé faire banne namaz supplémentaire pendant la nuit dans le mois de ramadhan. Et c’était ene pratique générale et tout à fait normal pendant ça mois sacré-là.

Qiyaam ramadhan dans l’époque Nabi ‎(Sallallaahou A'laihi Wasallam)‎‎‎‎

عن ابى هريرة رضى الله عنه قال كان رسول الله صلى الله عليه وسلم يرغب فى قيام رمضان من غير ان يامرهم فيه بعزيمة فيقول من قام رمضان ايمانا واحتسابا غفر له ما تقدم من ذنبه فتوفى رسول الله صلى الله عليه وسلم والامر على ذلك ثم كان الامر على ذلك فى خلافة ابى بكر رضى الله عنه وصدرا من جلافة عمر رضى الله عنه على ذلك (مسلم)

Traduction:

Hazrat Abou Hourairah ‎(Radiyallahou anhou‎)‎ rapporté ki Rassouloullah ‎(Sallallaahou A'laihi Wasallam)‎‎‎‎ ti pé encourage pou faire namaz (dans la nuit) pendant le mois de ramadhan sans ki li ti pé ordonne zotte avec l’emphase. Alors li ti pé dire celui ki faire namaz (dans la nuit) pendant le mois de ramadhan avec conviction et avec l’intention pou gagne récompense, so banne péché auparavant pou être pardonné. Et la pratique fine continué reste coumsa même ziska ki Rassouloullah ‎(Sallallaahou A'laihi Wasallam)‎‎‎‎ fine faire wafaat et ça fine continué coumsa même pendant le règne de Hazrat Abou Bakr ‎(Radiyallahou anhou‎)‎ et dans commencement règne Hazrat ‘Oumar ‎(Radiyallahou anhou‎)‎. (Muslim)

Explication:

Nabi ‎(Sallallaahou A'laihi Wasallam)‎‎‎‎ fine necque recommande banne Sahaba-e-Kiraam pou faire namaz dans banne nuit de ramadhan sans impose ça lors zot. A la lumière banne hadice ki fine rapporté lors ça sujet-là, nous remarqué ki Nabi ‎(Sallallaahou A'laihi Wasallam)‎‎‎‎ ti pé faire li individuellement ene coté. Quant à banne Sahaba-e-Kiraam, ena ki ti pé faire li individuellement couma ena ki ti pé faire li en tipti tipti groupe. Apart ça nous ena aussi banne hadice ki montré ki Nabi ‎(Sallallaahou A'laihi Wasallam)‎‎‎‎ fine pratique ça namaz-là en jamaate avec banne Sahaba-e-Kiraam pendant trois nuits seulement. Donc dans l’époque Nabi ‎(Sallallaahou A'laihi Wasallam)‎‎‎‎ ça namaz-là pas ti pé pratiqué dans ene forme organisé avec ene seul jamaat dans masjid régulièrement. Et c’est dans ça façon-là ki ça pratique-là fine continué pendant règne Hazrat Abou Bakr ‎(Radiyallahou anhou‎)‎ ziska commencement règne de Hazrat ‘Oumar ‎(Radiyallahou anhou‎)‎ ou bien ziska 14 Hijri.

Hadice Hazrat Aisha ‎(Radiyallahou anha‎)‎

ان رسول الله صلى الله عليه وسلم صلى ذات ليلة فى المسجد فصلى بصلاته ناس ثم صلى من القابلة فكثر الناس ثم اجتمعوا من الليلة الثالثة او الرابعة فلم يخرج اليهم رسول الله صلى الله عليه وسلم فلما اصبح قال قد رأيت الذى صنعتم ولم يمنعنى من الخروج اليكم الا انى خشيت ان يفرض عليكم وذلك فى رمضان (البخارى)

Traduction:

Hazrat Aisha ‎(Radiyallahou anhou‎)‎ rapporté ki ene certaine nuit, Rassouloullah ‎(Sallallaahou A'laihi Wasallam)‎‎‎‎ fine faire namaz dans masjid. Alors ene groupe dimoune fine suive li dans so namaz. Li fine refaire namaz la nuit ensuite. Alors (sane fois-là) fine ena boucou dimoune. Ensuite zotte fine rassemblé dans troisième ou quatrième nuit mais Nabi ‎(Sallallaahou A'laihi Wasallam)‎‎‎‎ pas fine sorti pou joine zotte. Quand fine arrive gramatin, li fine dire: "Mo fine guette bien ceki zotte fine faire mais malgré ça, narien pas fine empêche moi sorti apart ki mo ti ena ene crainte ki ça capave vine obligatoire lors zotte." Le narrateur fine faire ressortir ki ça l’événement-là fine passé dans le mois de ramadhan. (Sahih Boukhari)

Explication:-

D’après ça hadice-là, Nabi ‎(Sallallaahou A'laihi Wasallam)‎‎‎‎ ti faire namaz pendant quelques nuits de ramadhan avec jamaat. Ça quelques nuits-là combien nuit ti été? D’après ça hadice-là li paraite ki Nabi ‎(Sallallaahou A'laihi Wasallam)‎‎‎‎ fine faire li pendant deux nuits. C’est necque lors troisième ou quatrième fois ki li pas fine vini pou faire li avec jamaat. D’après l’ordre Nabi ‎(Sallallaahou A'laihi Wasallam)‎‎‎‎ fine apprécié l’enthousiasme ki banne Sahaba-e-Kiraam fine montré à l’égard ça namaz spécifique -là. Li fine juge li aussi ene très bonne pratique. Mais li fine peur ki ça capave vine obligatoire lors zotte pareil couma les cinq namaz quotidien et li pou difficile et li pou lourd pou l’oummah après. C’est ça fine empêche li faire li régulièrement avec jamaat.

D’après lezot hadices ki rapporte le même événement, Nabi ‎(Sallallaahou A'laihi Wasallam)‎‎‎‎ ti faire li pendant 3 nuits. Après ça li fine arrête li pou ça pas vine obligatoire. Le hadice rapporté par Hazrat Abou Zarr ‎(Radiyallahou anhou‎)‎ ki trouve dans sounan Tirmizi li ene ti pé pli détaillé.

Hadice Hazrat Abou Zarr ‎(Radiyallahou anhou‎)‎

عن ابى ذر رضى الله عنه قال صمنا مع رسول الله صلى الله عليه وسلم فلم يصل بنا حتى بقى سبع من الشهر فقام بنا حتى ذهب ثلث الليل ثم لم يقم بنا فى السادسة وقام بنا فى الخامسة حتى ذهب شطر الليل فقلت يا رسول الله لو نفلتنا بقية ليلتنا هذه فقال انه من قام مع الامام حتى ينصرف كتب له قيام ليلة ثم لم يصل بنا حتى بقى ثلاث من الشهر وصلى بنا فى الثالثة ودعا اهله ونساءه فقام بنا حتى تخوفنا الفلاح قلت له وما الفلاح؟ قال السحور" (الترمذى)

Traduction:

Hazrat Abou Zarr ‎(Radiyallahou anhou‎)‎ rapporté: "Nou fine garde roza ensemble avec Rassouloullah ‎(Sallallaahou A'laihi Wasallam)‎‎‎‎. Nabi ‎(Sallallaahou A'laihi Wasallam)‎‎‎‎ pas fine faire nou faire namaz ziska ki fine reste sept jours (dans le mois ramadhan). Alors li fine faire nou faire namaz ziska ki ene tiers la nuit fine passé. Ensuite li pas fine faire nou faire namaz lors 6eme nuit. Après ça li fine faire nou faire namaz lors 5eme nuit ziska ki la moitié la nuit fine traversé."

(Hazrat Abou Zarr ‎(Radiyallahou anhou‎)‎ dire) "Mo fine dire: O Allah so Rasoul, si ou ti capave faire nou faire encore namaz nafil dans parti la nuit ki fine resté." Alors Rassouloullah ‎(Sallallaahou A'laihi Wasallam)‎‎‎‎ fine repone: "Ene personne ki diboute dans namaz avec Imam ziska ki Imam terminé, la récompense ibaadat de ene nuit complète inscrire dans so compte." Ensuite li pas fine refaire nou faire namaz ziska ki 3 nuits fine resté dans ça mois-là, lerla li fine faire nou faire namaz dans troisième nuit. Et li fine réuni so la famille et so banne madames et fine faire nou faire namaz ziska nou fine commence tracasse Al- Falaah.

(Jubair Bin Noufair) dire: "mo fine dimane Hazrat Abou Zarr ‎(Radiyallahou anhou‎)‎ ki veut dire Al-Falaah." Alors li fine repone ki ça signifié As-Souhour (c’est a dire sehri). (Tirmizi)

Position hadice:-

Imam Tirmizi fine qualifié ça hadice-là de ene hadice Saheeh (authentique).

Explication:-

En principe banne arabe zotte considère 1 mois de 30 jours. Pou indique date, parfois zotte mentionne la quantité jours ki fine traversé dans 1 mois et dans certaine circonstance zotte mentionne la quantité jours ki fine resté dans 1 mois. Avant 15 jours, zotte ena l’habitude mentionne la quantité jours ki fine traversé dans 1 mois. Et après 15 jours, zotte mentionne la quantité jours ki fine resté pou termine le mois.

Dans le hadice fine dire ki Nabi ‎(Sallallaahou A'laihi Wasallam)‎‎‎‎ ti faire namaz avec jamaat avec banne Sahaba-e-Kiraam dans masjid quand 7 jours fine resté pou le mois terminé. Quand nou tire 7 dans 30 li vine 23. Donc ça signifié ki Nabi ‎(Sallallaahou A'laihi Wasallam)‎‎‎‎ ti faire namaz avec banne Sahaba-e-Kiraam dans 23eme nuit de ramadhan. Coumsa même 5eme nuit et 3eme nuit resté pou le mois terminé signifié 25eme et 27eme nuit de ça mois-là respectivement. Ça montré ki Nabi ‎(Sallallaahou A'laihi Wasallam)‎‎‎‎ fine faire banne Sahaba-e-Kiraam faire namaz dans le mois de ramadhan pendant 3 nuit. C’est-à-dire lors 23eme nuit ziska 1/3 la nuit. Lors 25eme nuit ziska la moitié la nuit et lors 27eme nuit ziska ene ti pé avant l’heure sehri terminé. D’après ça hadice-là, Nabi ‎(Sallallaahou A'laihi Wasallam)‎‎‎‎ fine faire banne Sahaba-e-Kiraam faire namaz dans le mois de ramadhan à 3 reprises dans la nuit.

Ça hadice-là li authentique couma nou fine faire ressortir. Donc nou capave servi li pou dire sans kit ambiguïté ki Nabi ‎(Sallallaahou A'laihi Wasallam)‎‎‎‎ ti faire namaz pendant 3 nuit avec banne Sahaba-e-Kiraam malgré ki ça li ambigu d’après le hadice de Sahih Boukhari.

Qiyaam ramadhan avec jamaat à l’époque Nabi ‎(Sallallaahou A'laihi Wasallam)‎‎‎‎

Hadice Hazrat Abou Hourairah ‎(Radiyallahou anhou‎)‎

عن ابى هريرة قال خرج رسول الله صلى الله عليه وسلم فاذا اناس فى رمضان يصلون فى ناحية المسجد فقال ما هؤلاء فقيل هؤلاء ناس ليس معهم قرآن وابى بن كعب يصلى وهم يصلون بصلاته فقال النبى صلى الله عليه وسلم اصابوا ونعم ما صنعوا" (ابو داؤد)

Hazrat Abou Hourairah ‎(Radiyallahou anhou‎)‎ rapporté ki (ene fois) Rassouloullah ‎(Sallallaahou A'laihi Wasallam)‎‎‎‎ fine sorti (depi dans so la caze) pendant ki ene groupe de personne ti pé faire namaz dans ene coin dans masjid dans le mois de ramadhan. Li fine demandé ki ça banne dimoune-là ça. Kikene fine repone ki c’est ene groupe de personne ki zotte pena Qour’aan avec zotte (c'est-à-dire zotte pas conne tro boucou Qour’aan par cœur) et Ubayy Bin Kaab ‎‎(Radiyallahou anhou‎)‎‎ pé faire namaz, alors zotte pé suive li dans so namaz. Lors ça Nabi ‎(Sallallaahou A'laihi Wasallam)‎‎‎‎ fine faire ressortir ki zotte fine bien faire et c’est ene très bon travail ki zotte fine faire”. (Abou Dawood)

Position hadice:-

D’après Imam Abou Dawood, ça hadice-là li ene hadice faible acoze présence ene narrateur nommé مسلم بن خالد (Mouslim Bin Khalid) ki selon li, c’est ene narrateur faible. Mais d’après Yahya Bin Maine, Darqutni et Ibn Hibbaan li ene rawi authentique. D’ailleurs li ti ustaad et professeur de Imam Shafi (R). Plis-plis nou capave dire ki li ene rawi ki so position li controversé. Et ça li pas ene raison pou rejette ene hadice et qualifié li de ene hadice faible. Ene hadice de ene Rawi pareil li considéré comme ene hadice Hassan d’après banne savants de hadice. Li bon conné ki ça hadice-là fine rapporté par ene l’autre sanad dans le As-Sounan Al-Koubra de Al-Baihaqui. Li bon conné ki dans sanad ça hadice-là pena le rawi مسلم بن خالد ki fine qualifié de ضعيف (faible) par Abou Dawood. Après avoir rapporte ça hadice-là, Imam Al-Baihaqui fine faire le commentaire suivant: "هذا مرسل حسن"

"Ça hadice-là li ene hadice moursal hassan (passable et bon)."

Si Imam Baihaqui fine qualifié ça hadice-là de ene hadice moursal, c’est acoze selon li, Hazrat ثعلبة بن ابى مالك (Tha’labah Bin Abou Malik) ki fine rapporte ça hadice, li pas ene sahabi. Li ene tabei. C’est acoze ça ki li fine qualifié li de ene hadice moursal. Mais selon lezot ‘Oulama, Hazrat ثعلبة بن ابى مالك (Tha’labah Bin Abou Malik) fine gagne l’honneur trouve Nabi ‎(Sallallaahou A'laihi Wasallam)‎‎‎‎. Donc d’après ça banne ‘Oulama-là, li ene sahabi. De toute façon, ça hadice-là li ene hadice authentique, même lors supposition ki Hazrat Tha’labah li pas ene sahabi aussi.

Bref le hadice de Abou Dawoud au plus aller li capave être qualifié de ene hadice hassan. Coumsa même le hadice de Al-Baihaqui aussi li ene hadice correcte. Dans l’ensemble zotte vine assez fort pou soutenir la thèse selon laquelle ene groupe de Sahaba-e-Kiraam ti pé faire namaz avec jamaat derrière Hazrat Ubayy Bin Kaab ‎(Radiyallahou anhou‎)‎ pendant le mois de ramadhan.

Similairement d’après ça deux hadice-là nou trouvé ki non seulement Nabi ‎(Sallallaahou A'laihi Wasallam)‎‎‎‎ ti approuve le qiyaam de ramadhan en jamaat mais li fine aussi montré so l’appréciation pou ça pratique-là. Donc li correcte pou dire aisément ki le qiyaam de ramadhan en jamaat li sounnah.

Hadice Hazrat Aisha ‎(Radiyallahou anhou‎)‎

"عن عائشة قالت كان الناس يصلون فى المسجد فى رمضان اوزاعا فامرنى رسول الله صلى الله عليه وسلم فضربت له حصيرا فصلى ..." (ابو داؤد)

Traduction:

Hazrat Aisha ‎(Radiyallahou anhou‎)‎ rapporté ki banne Sahaba-e-Kiraam ti pé faire namaz dans masjid pendant le mois de ramadhan en plusieurs groupes. Alors Rassouloullah ‎(Sallallaahou A'laihi Wasallam)‎‎‎‎ fine dimane moi (pou installe ene natte), alors mo fine mette ene natte. Donc Rassouloullah ‎(Sallallaahou A'laihi Wasallam)‎‎‎‎ fine faire namaz…. (Abou Dawood)

Explication:-

Allaamah Abou Soulaimaan Al Khattaabi (décédé en 388H) fine faire le commentaire suivant lors ça hadice-là dans so معالم السنن :

"وفيه اثبات الجماعة فى قيام شهر رمضان وفيه ابطال قول من زعم انها محدثة"

"Et dans ça hadice-là ena preuve concernant accomplir qiyaam (namaz) pendant le mois de ramadhan avec jamaat. Et (en même temps) li casse thèse de celui ki pretanne ki c’est ene innovation."

D’après ça hadice-là nou trouvé ki le qiyaam pendant le mois de ramadhan ti pé être pratiqué en plusieurs tipti tipti jamaat par banne Sahaba-e-Kiraam. Et ça fine approuvé par Nabi ‎(Sallallaahou A'laihi Wasallam)‎‎‎‎. La même chose nou trouvé dans hadice rapporté par Hazrat Abou Hourairah ‎(Radiyallahou anhou‎)‎ et Hazrat Tha’labah ‎(Radiyallahou anhou‎)‎. Au contraire, d’après ça deux hadices-là Nabi ‎(Sallallaahou A'laihi Wasallam)‎‎‎‎ ti exprime so l’appréciation. A la lumière de tout ça-là, li facile pou dire ki le qiyaam pendant le mois de ramadhan en jamaat li ene pratique ki fine approuvé et apprécié par Nabi ‎(Sallallaahou A'laihi Wasallam)‎‎‎‎. Donc li ene pratique ki tout à fait conforme avec sounnah de Nabi ‎(Sallallaahou A'laihi Wasallam)‎‎‎‎. Et pretanne le contraire, c’est contraire à ceki Nabi ‎(Sallallaahou A'laihi Wasallam)‎‎‎‎ fine approuvé et apprécié.

Qiyaam ramadhaan dans l’époque Hazrat Oumar ‎‎(Radiyallahou anhou‎)‎‎

"عن عبد الرحمن بن عبد القارى انه قال خرجت مع عمر بن الخطاب ليلة فى رمضان الى المسجد فاذا الناس اوزاع متفرقون يصلى الرجل لنفسه ويصلى الرجل فيصلى بصلاته الرهط فقال عمر انى ارى لو جمعت هؤلاء على قارى واحد لكان امثل ثم عزم فجمعهم على ابى بن كعب ثم خرجت معه ليلة اخرى والناس يصلون بصلاة قارئهم قال عمر نعم البدعة هذه والتى تنامون عنها افضل من التى تقومون يريد آخر اليل وكان الناس يقومون اوله" (البخارى)

Traduction:

Abdurrahmaan Bin Abdul Qaari dire: "Mo fine sorti en compagnie Hazrat ‘Oumar Bin Al Khattaab vers masjid dans ene certaine nuit de ramadhaan. Alors banne dimoune zotte ti en plusieurs groupes. Ena ki ti pé faire namaz li tout seul. Couma ena ki ti pé faire namaz et ene groupe ti pé suive li dans so namaz. Lors ça Hazrat ‘Oumar ‎(Radiyallahou anhou‎)‎ fine dire: mo pensé si mo réuni ça banne là derrière ene seul Qari, li pou pli bon. Alors li fine décidé et li fine réuni zotte derrière Hazrat Ubayy Bin Kaab ‎(Radiyallahou anhou‎)‎. Après ça, mo fine ressorti avec li dans ene l’autre nuit quand banne dimoune ti pé faire namaz derrière zotte Qari (Hazrat Ubayy Bin Kaab ‎(Radiyallahou anhou‎)‎). Lors ça Hazrat ‘Oumar ‎(Radiyallahou anhou‎)‎ fine dire: Ça c’est ene bon bid’ah (nouveauté). Ça l’heure ki zotte dormi-là li pli bon (pou faire ça namaz-là) ki ça l’heure ki zotte pé faire namaz là-dans. Par cela, (c’est-a-dire ça l’heure ki zotte ti pé dormi-là) Hazrat ‘Oumar ‎(Radiyallahou anhou‎)‎ finesignifié la dernière parti la nuit parceki banne dimoune (en général) ti pé faire namaz dans commencement la nuit." (Sahih Boukhari)

Explication:-

D’après ça récit-là li paraite bien claire ki Qiyaam pendant le mois de ramadhaan ti pé être pratiqué par banne Sahaba-e-Kiraam en plusieurs tipti tipti jamaate. Et ça li paraite ki ti existé depi l’époque Nabi ‎(Sallallaahou A'laihi Wasallam)‎‎‎‎. Finalement Hazrat ‘Oumar ‎(Radiyallahou anhou‎)‎ fine établir ça pratique-là en ene seul grand jamaate. Et c’est ça même façon faire li ki li fine qualifié li de ene jolie innovation. En réalité li pas ça bid’ah ou innovation ki shariah fine condamné. Li ene innovation de par so sens littéral, pas d’après le terme de shariah. Sinon ça tempérament et l’attitude stricte ki Hazrat ‘Oumar ‎(Radiyallahou anhou‎)‎ ti ena, jamais li ti pou tolère ene pratique pareil si li ti ene bid’ah d’après shariah. Non seulement li fine approuve ça mais li fine organise li dans ene meilleur façon en présence banne Sahaba-e-Kiraam sans aukene contestation de la part de kikene parmi zotte. Donc ça aussi li ene sounnah parceki Rassouloullah ‎(Sallallaahou A'laihi Wasallam)‎‎‎‎ fine ordonne pou suive sounnah de Khulafah-e-Rashideen aussi. Hazrat ‘Oumar ‎(Radiyallahou anhou‎)‎ ti parmi banne Khulafa-e-Rashideen. Donc suive ene principe ki fine établi par Hazrat ‘Oumar ‎(Radiyallahou anhou‎)‎ c’est rien d’autre ki suive Nabi ‎(Sallallaahou A'laihi Wasallam)‎‎‎‎ so l’ordre. D’ailleurs banne Sahaba-e-Kiraam aussi fine approuve décision Hazrat ‘Oumar ‎(Radiyallahou anhou‎)‎. Donc ça permette nou dire ki pratique qiyaam dans le mois de ramadhaan avec jamaate li ene pratique ki approuvé par ijma de banne Sahaba-e-Kiraam. Pretanne le contraire li représente vine en conflit à la recommandation de Nabi ‎(Sallallaahou A'laihi Wasallam)‎‎‎‎ et avec ceki banne Sahaba-e-Kiraam fine décidé et ki naturellement li ene l’attitude bien grave.

Normalement banne Sahaba-e-Kiraam en général zotte ti pé faire ça namaz-là dans première partie la nuit. Hazrat ‘Oumar ‎(Radiyallahou anhou‎)‎ fine attire zotte l’attention ki la dernière partie la nuit li pli approprié pou ça namaz-là ki la première partie la nuit. C'est-à-dire qiyaam dans la dernière partie la nuit li meilleur ki faire li dans commencement la nuit. Mais si ena la crainte ki capave pas pou réussi faire li dans la dernière partie de la nuit, couma ça crainte-là li existé dans nou l’époque, alors li meilleur faire li dans commencement même. Vaut mieux faire li avec ene ti manquement ki pas faire li ditou même. Faudré pas perdi l’essentiel derrière ideal. Acoze ça même zordi jour li meilleur faire li dans commencement même couma ça ti pé pratiqué depi bien auparavant.

Le nombre de rakaat de qiyaam pendant le mois de ramadhaan

Hadice Hazrat Aisha ‎(Radiyallahou anhou‎)‎

"عن سعيد بن ابى سعيد المقبرى عن ابى سلمة بن عبد الرحمن انه اخبره انه سأل عائشة رضى الله عنها كيف كانت صلاة رسول الله صلى الله عليه وسلم فى رمضان فقالت ما كان رسول الله صلى الله عليه وسلم يزيد فى رمضان ولا فى غيره على احدى عشرة ركعة يصلى اربعا فلا تسل عن حسنهن وطولهن ثم يصلى اربعا فلا تسل عن حسنهن وطولهن ثم يصلى ثلاثا ...

(البخارى)

Traduction:-

Abou Said Bin Abou Said Al-Maqbouri rapporté ki Abou Salamah Bin Abdurrahmaan fine informe li ki li fine dimane Hazrat Aisha ‎(Radiyallahou anhou‎)‎ ki manière Rassouloullah ‎(Sallallaahou A'laihi Wasallam)‎‎‎‎ so namaz ti été pendant le mois de ramadhaan. Alors li fine dire ki Rassouloullah ‎(Sallallaahou A'laihi Wasallam)‎‎‎‎ pas ti pe faire plis ki 11 rakaat : ki dans ramadhaan ki en dehors ramadhaan. D’abord li ti pé faire 4 rakaat. Pas dimane so beauté et longueur ça namaz la ! Ensuite li ti pé faire 4 rakaat (encore). Et pas dimane so beauté et so longueur ! Après ça li ti pé faire 3 rakaat (witr)... (Boukhari)

Explication:

Nabi ‎(Sallallaahou A'laihi Wasallam)‎‎‎‎ so ibaadat pendant le mois de ramadhaan li ti ene ti pé plis ki banne lezot mois. Mais ça augmentation-là ti en terme rakaat ça ou bien en terme le temps? Ça même ki le rawi Abou Salamah Bin Abdurrahmaan fine oulé conné avec Hazrat Aisha ‎(Radiyallahou anhou‎)‎. Hazrat Aisha ‎(Radiyallahou anhou‎)‎ fine faire ressortir ki so namaz dans la nuit en principe pas ti pé dépasse 11 rakaat. C'est-à-dire Nabi ‎(Sallallaahou A'laihi Wasallam)‎‎‎‎ ti pé faire 8 rakaat + 3 rakaat witr. Ça namaz-là li ti pé faire li dans ramadhaan et en dehors ramadhaan tous les deux. C'est-à-dire le nombre de rakaat de ça namaz ki Nabi ‎(Sallallaahou A'laihi Wasallam)‎‎‎‎ ti pé lire dans ramadhan et en dehors ramadhan, li ti de 11 rakaat. Et ça namaz ki Nabi ‎(Sallallaahou A'laihi Wasallam)‎‎‎‎ ti pé lire dans ramadhan et en dehors ramadhan, c’est salatul-lail ou bien namaz tahajjud. Donc Abou Salamah ti ena l’impression ki le nombre de rakaat de tahajjud de Nabi ‎(Sallallaahou A'laihi Wasallam)‎‎‎‎ pendant le mois de ramadhan ti capave plis ki en dehors ramadhan. C’est ça ki fine faire li dimane avec Hazrat Aisha ‎(Radiyallahou anhou‎)‎. Et Hazrat Aisha ‎(Radiyallahou anhou‎)‎ fine faire li comprend ki ça namaz ki Nabi ‎(Sallallaahou A'laihi Wasallam)‎‎‎‎ ti pé lire dans ramadhan et en dehors ramadhan, ti pareil.

Quant à nombre de rakaat ki Rassouloullah ‎(Sallallaahou A'laihi Wasallam)‎‎‎‎ fine pratiqué comme qiyaam ramadhaan ou bien salatul taraweeh, ça hadice-là pas dire narien lors là. Et pas capave servi ça hadice-là aussi pou prononce lors-là parceki ça hadice-là pé cause lors namaz ki faire dans ramadhan et en dehors ramadhan. Namaz taraweeh li trouve seulement dans le mois de ramadhan. Donc ça hadice-là li pas pé faire référence avec namaz taraweeh.

En ceki concerne le nombre de rakaat de namaz taraweeh, nou ena trois hadice : Ene hadice rapporté par Hazrat Jaabir ‎(Radiyallahou anhou‎)‎ et ene deuxième hadice par Hazrat Ubayy Bin Kaab ‎(Radiyallahou anhou‎)‎ et ene troisième par Hazrat Abdullah Bin Abbaas ‎(Radiyallahou anhou‎)‎.

Hadice Hazrat Jabir ‎(Radiyallahou anhou‎)‎

عن جابر بن عبد الله ‎رضي الله عنه‎ انه عليه السلام قام بهم فى رمضان فصلى ثمان ركعات واوتر ..." (صحيح ابن حبان)

Traduction:-

"Hazrat Jabir ‎(Radiyallahou anhou‎)‎ rapporté ki Nabi ‎(Sallallaahou A'laihi Wasallam)‎‎‎‎ fine faire zotte faire namaz dans le mois de ramadhaan, alors li fine faire 8 rakaat et li fine faire witr..." (Sahih Bin Hibbaan)

Position hadice:-

Ça hadice-là li trouve dans Mou’jam As-Sagheer de Tabrani et Sahih Bin Khuzaimah aussi. D’après Imam Tabrani ena ene seul personne ki rapporte ça hadice-là de Hazrat Jabir ‎(Radiyallahou anhou‎)‎. Et ça c’est le Rawi عيسى بن جارية (Issa Bin Jariah) ki li ene Rawi ki fine être critiqué par banne savants de hadice couma Yahya Bin Maine, Nisai et Abou Dawood. Mais d’après Ibn Hibbaan li ene rawi authentique. Si nou donne li statu ene rawi مختلف فيه (controversé), ça capave faire ça hadice-là vine ene hadice Hassan. Mais le problème c’est ki ena l’autre rawi nommé يقوب بن عبد الله القمى (Yaqoub Bin Abdullah Al-Qummi) dans le sanad ki rapporte ça hadice-là de Issa Bin Jariah. Pena personne encore l’autre ki fine rapporte ça de Issa Bin Jariah. Selon Ad-Darqutni li pas ene narrateur solide. Li vrai ki li fine être qualifié de ene Rawi passable et correcte par Imam Nisai et Allaamah Bin Hajar Asqalaani. Malgré ça pas capave servi ça hadice-là parceki li ene شيعة (shia).

D’après principe, ene hadice ki rapporté par ene shia li acceptable seulement dans le cas cotte li pas soutenir l’école de penser shiite et li pas en conflit avec l’école de pensé sunnite. Couma nou conné, banne shia zotte pas d’accord avec 20 rakaat taraweeh et zotte qualifié ça de ene innovation de Hazrat ‘Oumar ‎(Radiyallahou anhou‎)‎. Donc couma nou trouvé, ça hadice-là pé soutenir zotte propagande contre Ahle Sunnah. Acoze ça pas capave servi ça hadice-là comme ene preuve et ene l’autorité. Banne Rawi couma جعفر بن حميد et محمد بن حميد الرازى ki fine rapporte ça hadice-là de يقوب, zotte aussi zotte banne Rawi bien faible d’après banne savants de hadice. Quant à جعفر بن حميد li ene narrateur inconnu. Et محمد بن حميد الرازى li ene narrateur ki fine qualifié de faible par Allaamah Az-Zahabi, Imam Boukhari, Ad-Darqutni, Nisai, Abou Dawood. A tel point ki li fine être qualifié de كذاب (menteur par excellence) aussi.

Donc ena défaillance dans ça sanad-là à trois niveau ki ranne ça hadice-là extrêmement faible et incapable pou soutenir la thèse ki Nabi ‎(Sallallaahou A'laihi Wasallam)‎‎‎‎ ti faire 8 rakaat comme qiyaam ramadhaan. Le hadice ki rapporté par Hazrat Ubayy Bin Kaab ‎(Radiyallahou anhou‎)‎ aussi ena presque le même problème dans so sanad ki hadice Hazrat Jabir ‎(Radiyallahou anhou‎)‎ ena.

Ceki paraite pli correcte et pli solide lors ça sujet-là c’est le hadice ki Hazrat Abdullah Bin Abbaas ‎(Radiyallahou anhou‎)‎ fine rapporté.

Hadice Hazrat Abdullah Bin Abbaas ‎(Radiyallahou anhou‎)‎

عن ابن عباس رضى الله عنه ان رسول الله صلى الله عليه وسلم كان يصلى فى رمضان عشرين ركعة والوتر (مصنف ابن ابى شيبة)

Traduction:

Hazrat Abdullah Bin Abbaas ‎(Radiyallahou anhou‎)‎ rapporté ki Rassouloullah ‎(Sallallaahou A'laihi Wasallam)‎‎‎‎ ti pé faire 20 rakaat plis witr dans ramadhaan. (Mouswannaf Ibn Abou Shaibah)

Position hadice:

Tous banne narrateurs dans sanad ça hadice-là zotte banne narrateurs authentiques apart le rawi ابراهيم بن عثمان (Ibrahim Bin Usman) ki fine qualifié de faible par la plupart banne savants de hadice. Mais ça aussi li vrai ki la plupart banne savants de hadice fine rejette li lors la base ça critique ki Shou'bah fine faire lors li. Et banne 'Oulama dans le domaine, zotte conné ki ça reproche ki Shou'bah fine ena contre ابراهيم بن عثمان, fine rejeté par Allaamah Az-Zahabi lors la base ene preuve bien clair et évident. Li bon conné ki Shou'bah ti parmi banne 'Oulama ki ti bien sévère dans vérifié position banne narrateurs. Ene savant pareille so appréciation pou ene rawi li indique ene haute degré de l'authenticité mais quand li disqualifié kikene, li pas nécessaire ki le rawi en question li faible en li même parceki li possible ki banne bon-bon narrateurs aussi pas capave satisfaire so banne critères et so banne conditions ki bien rigide et bien sévère. Pou ça raison-là, banne ki fine disqualifié li, zotte pena banne critères assez solide et concrète. A ce stade nou capave dire ki ابراهيم بن عثمان fine vine ene victime de sévérité de certaines docteurs de hadice.

Quant à Ibn Adi, li fine qualifié so banne hadice de banne hadice valables. Et d'après li ابراهيم بن عثمان li dans meilleur position ki ابراهيم بن ابى حية. D'après Yahya Bin Maïne, ابراهيم بن ابى حية li ene grand Sheikh et li ene narrateur authentique. Donc si ابراهيم بن عثمان li meilleur ki ابراهيم بن ابى حية ça veut dire ki li aussi li bizin ene rawi authentique. Apart ça d'après ça sanad-là, c'est Yazeed Bin Haroun ki fine rapporte ça hadice-là de Ibrahim Bin Usmaan. Yazeed Bin Haroun li reconnu pou so principe pas rapporte hadice de ene ki faible. Donc ça li ene indication ki Ibrahim Bin Usman li authentique d’après li.

Forcé-forcé nou capave dire ki li ene rawi مختلف فيه (controversé). Ene rawi مختلف فيه so hadice li qualifié de ene hadice Hassan ki selon tous les savants, li valable et capave servi comme ene preuve.

Si jamais nou insisté pou prend li pou ene hadice ضعيف (faible), là aussi li ena tous banne critères et banne éléments ki faire li vine ene hadice Sahih (authentique) parceki ene hadice ki ضعيف de par so sanad, li capave vine ene hadice authentique de par so matn (contenu) si li bénéficié l'appuie par la pratique de banne Sahaba-e-Kiraam ou banne Tabeines. Ça hadice-là li en accord avec ceki l'Oummah en entier fine toujours pratiqué. Donc dans ça sens-là li vine ene hadice bien bien authentique. Allaamah Jalaaluddeen As-Souyouti dire:

"المقبول ما تلقاه العلماء بالقبول وان لم يكن له اسناد صحيح"

"Maqboul (acceptable) c’est ça hadice ki banne 'Oulama fine accueille li favorablement quand même li pena aukene sanad authentique."

AllaamahSakhawi dire dans so Sharh Alfiyyat-ul-hadice:

"اذا تلقت الامة الضعيف بالقبول يعمل به على الصحيح حتى انه ينزل منزلة المتواتر فى انه ينسخ المقطوع به ولهذا قال الشافعى حديث لا وصية لوارث لا يثبته اهل الحديث ولكن العامة تلقته بالقبول وعملوا به حتى جعلوه ناسخا لاية الوصية للوارث"

"Quand l'Oummah accepté ene hadice ضعيف (faible) favorablement, alors ça hadice-là pou être appliqué d'après l'opinion correcte à tel point ki ça li capave gagne statu ene hadice moutawaatir dans le sens ki ça li capave servi pou abroge ene stipulation catégorique aussi. C'est pou ça raison-là ki Imam Shafi' (R) fine dire ki le hadice لاوصيةلوارث (pena aukene testament (valable) en faveur ene zéritier) c'est ene hadice ki banne savants de hadice pas accepté li comme ene hadice fondé mais banne 'Oulama en général fine accepté li favorablement et zotte fine applique li ziska ki zotte fine même considère li comme ناسخ (abrogatif) de ça verset ki cause concernant testament en faveur ene zéritier."

Tout ça-là montré ki ene hadice faible de par so sanad capave vine ene hadice sahih ou bien ziska même dans statu ene hadice moutawaatir si li bénéficié l'appuie banne 'Oulama en général dans tous banne l'époques. Le hadice de Hazrat Abdullah Bin Abbaas ‎(Radiyallahou anhou‎)‎ li satisfaire tous banne conditions et banne critères ki faire li vine ene hadice sahih (authentique).

Explication:

D'après ça hadice-là, Rassouloullah ‎(Sallallaahou A'laihi Wasallam)‎‎‎‎ ti habitué faire 20 rakaat dans le mois de ramadhaan. D'après la version ki trouve dans Sounan Al-Baihaqui, Nabi ‎(Sallallaahou A'laihi Wasallam)‎‎‎‎ ti pé faire ça 20 rakaat-là individuellement. La pratique de 20 rakaat dans le mois de ramadhaan fine toujours reste en vigueur depi l'époque de banne Sahaba-e-Kiraam.

Imam Tirmizi (R) dire:

"... واكثر اهل العلم على ما روى عن على وعمر وغيرهما من اصحاب النبى صلى الله عليه وسلم عشرين ركعة وهو قول سفيان الثورى وابن المبارك والشافعى وقال الشافعى وهكذا ادركت ببلدنا مكة يصلون عشرين ركعة ..." (الترمذى)

"… Et la plus grande majorité de banne savants zotte pratique li basé d'après ceki fine être rapporté de Hazrat Ali ‎(Radiyallahou anhou‎)‎, Hazrat 'Oumar ‎(Radiyallahou anhou‎)‎ et banne lezot Sahaba de Nabi ‎(Sallallaahou A'laihi Wasallam)‎‎‎‎ c'est-à-dire lors 20 rakaat. Et ça c'est l'opinion de Soufyaan At-Thauri (R) et Ibn-ul Mubaarak (R). Et Imam Shafi' (R) fine dire: "C'est coumsa même mo fine trouvé dans nou la ville Makkah ki zotte pratique 20 rakaat …" (Tirmizi)

Ça aussi li ene preuve ki depi tous les temps, l'Oummah fine garde la pratique de 20 rakaat. Et ça li ene indication ki Nabi ‎(Sallallaahou A'laihi Wasallam)‎‎‎‎ aussi ti pé pratique ça. C'est voila couma ça li renforci la position de hadice Hazrat Abdullah Bin Abbaas ‎(Radiyallahou anhou‎)‎ à l'effet ki Nabi ‎(Sallallaahou A'laihi Wasallam)‎‎‎‎ ti pé pratique 20 rakaat dans le mois de ramadhaan.

Hadice Hazrat Saib Bin Yazeed ‎(Radiyallahou anhou‎)‎

كانوا يقومون على عهد عمر بن الخطاب فى شهر رمضان بعشرين ركعة قال وكانوا يقرؤون بالمئين وكانوا يتوكئون على عصيهم فى عهد عثمان من شدة القيام" (البيهقى)

Traduction:-

Hazrat Saib Bin Yazeed ‎(Radiyallahou anhou‎)‎ rapporté ki zotte ti pé faire 20 rakaat dans ramadhan à l’époque Hazrat ‘Oumar ‎(Radiyallahou anhou‎)‎. Après ça li dire ki zotte ti pé lire banne sourah ki contenir ene centaine de ayat (verset) et zotte ti pé bizin appuyé lors bâton dans l’époque Hazrat Usmaan ‎(Radiyallahou anhou‎)‎ acoze difficulté ki zotte ti pé gagner dans diboute. (Al Baihaqui)

Position hadice:

Çahadice-là fine qualifié de ene hadice authentique par Allaamah An-Nawawi, Ibn-ul-Iraqui et Jalaluddeen As-Souyouti.

Explication:-

D’après ceki Imam Al Baihaqui fine rapporté dans so معرفة السنن والآثار (Ma’rifatus Sunan Wal Aathaar), Hazrat Saib Bin Yazeed ‎(Radiyallahou anhou‎)‎ dire:

"كنا نقوم فى زمن عمر بن الخطاب بعشرين ركعة والوتر "

"Nou ti pé faire 20 rakaat + witr dans l’époque Hazrat ‘Oumar ‎(Radiyallahou anhou‎)‎."

Ça hadice-là fine qualifié de sahih (authentique) par Allaamah An-Nawawi, Allaamah As-Subki et Allaamah Jalaluddeen As-Souyouti (R).

Hazrat Saib Bin Yazeed ‎(Radiyallahou anhou‎)‎ ti ensemble avec so papa à l’occasion de Hajjat-ul-Wada et li ti ena 7 ans. Et d’après ene hadice ki trouve dans Boukhari Shareef, so khala ti amène li cot Rassouloullah ‎(Sallallaahou A'laihi Wasallam)‎‎‎‎ ki ti faire douah de barakat pou li. Donc li ene Sahabi. D’après principe quand ene Sahabi dire: "nou", ça "nou-là" signifié jamaat de banne Sahaba-e-Kiraam. Donc d’après ça hadice-là, banne Sahaba-e-Kiraam dans l’époque Hazrat ‘Oumar ‎(Radiyallahou anhou‎)‎ ti pé faire 20 rakaat de qiyaam dans le mois de ramadhan.

Selon ene l’autre récit ki trouve dans Mouswannaf Bin Abou Shaibah, Yahya Bin Said ‎(Radiyallahou anhou‎)‎ dire:

"ان عمر بن الخطاب امر رجلا يصلى بهم عشرين ركعة"

"Hazrat ‘Oumar ‎(Radiyallahou anhou‎)‎ ti ordonne ene personne pou faire zotte faire 20 rakaat namaz."

Ça récit-là li ene récit authentique. Apart ki li ene mounqati’, pena aukene kikchose reprochable là-dans.

Li bon conné ki ça mounqati’-là li satisfaire tous banne critères ki permette servi li comme ene preuve.

Premièrement ça récit-là li bénéficié renforcissement de la part de encore lezot mounqati’. Par exemple le hadice de Yazeed bin Roumaan ki trouve dans mou’atta Imaam Malik ki dire ki banne dimoune ti pé faire 23 rakaats dans l’époque Hazrat ‘Oumar. Donc ça faire ça mounqati’-là acceptable chez tous banne savants sans exception. Ça amène nou pou comprend ki Hazrat ‘Oumar ‎(Radiyallahou anhou‎)‎ ti donne l’ordre pou faire 20 rakaat et ça fine pratiqué par banne Sahaba-e-Kiraam dans so l’époque sans kit contestation.

Et deuxièmement couma nou trouvé ça fine être pratiqué par banne Sahaba-e-Kiraam et banne Tabeines.

Troisièmement le hadice ki fine rapporté par Hazrat Abdullah Bin Abbaas ‎(Radiyallahou anhou‎)‎ dans Mouswannaf Bin Abou Shaibah faire mention de 20 rakaat.

Dans l’ensemble, la pratique de 20 rakaat ti en vigueur dans l’époque Rassouloullah ‎(Sallallaahou A'laihi Wasallam)‎‎‎‎ et ça fine organisé par Hazrat ‘Oumar ‎(Radiyallahou anhou‎)‎. Donc c’est ene fait catégorique ki pas capave être contesté.

D’ailleurs l’unanimité de banne Sahaba-e-Kiraam lors la pratique de 20 rakaat avec soutien, l’approbation et appréciation de Hazrat ‘Oumar ‎(Radiyallahou anhou‎)‎ li ene indication ki le hadice de Hazrat Abdullah Bin Abbaas ‎(Radiyallahou anhou‎)‎ à l’effet ki Nabi ‎(Sallallaahou A'laihi Wasallam)‎‎‎‎ ti pé faire 20 rakaat, li ene hadice sahih (authentique). Donc le fait ki Nabi ‎(Sallallaahou A'laihi Wasallam)‎‎‎‎ ti pé faire 20 rakaat et ki banne Sahaba-e-Kiraam dans l’époque de Hazrat ‘Oumar ‎(Radiyallahou anhou‎)‎ ti pé faire 20 rakaat, li basé lors banne preuves solide et authentiques.

Nombre de rakaat dans Qiyam ramadhan à l’époque Hazrat Ali ‎(Radiyallahou anhou‎)‎

"عن الحسن بن صالح عن ابى سعد البقال عن ابى الحسناء ان على بن ابى طالب امر رجلا ان يصلى بالناس خمس ترويحات عشرين ركعة" (البيهقى)

Traduction:-

Al-Hassan Bin Swalih rapporté de Abou Sa’d Al-Baqqaal de Abul-Hasana ki (Hazrat) Ali Bin Abou Twalib ‎‎(Radiyallahou anhou‎)‎‎ ti ordonne ene personne pou faire banne dimoune faire 5 tarweehah c'est-à-dire 20 rakaats. (Al Baihaqui)

Position hadice et explication:-

Ena ki fine qualifié ça hadice-là de ene hadice faible et probablement c’est acoze présence Abou Sa’d Al-Baqqaal dans so sanad. Mais en principe li ene narrateur authentique d’après banne savants de hadice couma Abou Usaamah, Al Haithami, Shou’bah, Soufyaan Bin Uyaynah, Sufyaan Bin Thauri et Al A’mash.

Ene rawi ki fine qualifié de ene rawi authentique par tant de savants pas capave être qualifié de faible. Disons si nou insisté au plus allé nou capave qualifié li de ene rawi مختلف فيه (controversé). Ene rawi pareille so hadice li pas dessane enbas ene hadice Hassan. Après tous les pours et les contres c’est ene hadice valable ki capave servi li comme ene preuve.

En sus de ça li bon conné ki le rawi Abou Sa’d Al-Baqqaal li secondé par ene l’autre rawi nommé عمرو بن قيس (Amr Bin Qais) d’après la version ki trouve dans mousannaf Bin Abou Shaibah. عمرو بن قيس (Amr Bin Qais) li ene rawi ki so hadice li trouve dans Sahih Mouslim aussi. Imam Ahmad, Yahya, Abou Zur’ah et encore les zot fine qualifié li de ene rawi authentique.

De toute façon le hadice de Abou Sa’d et le hadice de عمرو بن قيس (Amr Bin Qais), tous les deux zotte authentique séparément. Dans l’ensemble zotte vine encore pli solide et pli fort.

Ena ene l’autre objection ki fine soulèvé par certain. C'est-à-dire ena ene rawi nommé Abul-Hasana ki fine être qualifié par certain de ene rawi majhoul (inconnu). Mais ça objection-là li pas tini diboute parceki d’après principe établi, quand ena deux narrateurs authentique zotte rapporte hadice avec ene kikene, alors ça kikene-là li nepli reste majhoul. En effet ena trois rawi nommé Abou Sa’d Al Baqqaal, Amr Bin Qais et Shareek ki fine rapporte hadice avec Abul Hasanaa. Donc li nepli reste majhoul. D’ailleurs li secondé dans ceki li fine rapporté de Hazrat Ali ‎(Radiyallahou anhou‎)‎ par le rawi Abou Abdurrahmaan As-Salami. Si li majhoul aussi, ça li éliminé par support ki li fine gagné avec le rawi Abou Abdurrahmaan As-Salami. Apres tout li ene vérité ki pas capave cachiette ki tous banne compagnons et banne zélèves de Hazrat Ali ‎(Radiyallahou anhou‎)‎ ti pé pratique 20 rakaat. Ça c’est ene indication bien solide ki renforci position ça hadice-là et indique la pratique de Hazrat Ali ‎(Radiyallahou anhou‎)‎. Après ene renforcissement semblable, li pas nécessaire analyse chaque hadice individuellement.

Pratique de Hazrat Ubayy Bin Kaab ‎(Radiyallahou anhou‎)‎

عن عبد العزيز بن رفيع قال كان ابى بن كعب يصلى بالناس فى رمضان بالمدينة عشرين ركعة ويوتر بثلاث" (مصنف ابن ابى شيبة)

Traduction:-

Abdul Aziz Bin Rou’fai rapporté ki Hazrat Ubayy Bin Kaab ‎(Radiyallahou anhou‎)‎ ti pé faire banne dimoune faire 20 rakaat + 3 rakaat witr dans madina dans le mois de ramadhan.” (Mouswannaf Ibn Abou Shaibah)

Position hadice:-

Tous banne narrateurs dans sanad ça hadice-là zotte banne narrateurs authentique apart ki ena ene disconnection entre Abdul Azeez Bin Roufai et Hazrat Ubayy Bin Kaab ‎(Radiyallahou anhou‎)‎. Mais ça li pas ene critère ki disqualifié ça hadice-là. Parceki d’abord Abdul Azeez Bin Roufai li ene narrateur authentique ki so banne hadices trouve dans tous banne livres de hadice. Si li vrai ki li pas fine zoine Hazrat Ubayy Bin Kaab ‎(Radiyallahou anhou‎)‎, ça aussi vrai ki li fine bizin gagne ça avec banne lezot Sahaba-e-Kiraam et banne Tabeines ki fine témoigne ça. Le lien entre li et Hazrat Ubayy Bin Kaab ‎(Radiyallahou anhou‎)‎ li ene bien solide.

Deuxièmement ceki Abdul Azeez Bin Roufai fine déclaré, li appuyé par encore plusieurs Tabeines zotte déclaration. Ça li faire li vine tellement solide ki Allaamah Bin Taimiyah ‎(Radiyallahou anhou‎)‎ même fine bizin dire:-

"قد ثبت ان ابى بن كعب كان يقوم بالناس عشرين ركعة ويوتر بثلاث فرأى كثير من العلماء ان ذلك هو السنة لانه قام بين المهاجرين والانصار ولم ينكره منكر (فتاوى ابن تيمية)

"Li ene fait établi ki (Hazrat) Ubayy Bin Kaab ‎(Radiyallahou anhou‎)‎ ti pé faire banne dimoune faire 20 rakaat + 3 witr. Donc boucou banne ‘Oulama fine considère ça même comme sounnat parceki li fine pratique ça en présence banne Mouhajireen* et banne Ansaar et personne pas fine contesté li." (Fatawa Ibn Taimiyah (R))

*Mouhajireen c’est banne ki ti quitte Makkah pou alle etablir dans Madina afin ki zotte capave pratique zotte Deen avec toute liberté. Et Ansaar c’est banne habitants de Madina ki ti recevoir banne Mouhajireen et ti donne zotte tout soutien et support ki zotte ti bizin.

La pratique Hazrat Abdullah Bin Mas’oud ‎(Radiyallahou anhou‎)‎

عن زيد بن وهب قال كان عبد الله بن مسعود رضى الله عنه يصلى لنا فى شهر رمضان فينصرف وعليه ليل قال الاعمش كان يصلى عشرين ركعة ويوتر بثلاث (قيام الليل لمحمد بن نصر المروزى)

Traduction:-

Zaid Bin Wahab rapporté ki Hazrat Abdullah Bin Mas’oud ‎(Radiyallahou anhou‎)‎ ti pé faire namaz dans le mois de Ramadhaan. Alors li ti pé terminé quand ti ena encore ene parti la nuit. (Ene narrateur ki trouve dans ça récit-là nommé) Al A’mash dire li (c'est-à-dire Hazrat Abdullah Bin Mas’oud ‎(Radiyallahou anhou‎)‎) ti pé faire 20 rakaat + 3 rakaat witr. (Qiyamul-lail par Mouhammad Bin Nasr Al Marwazi)

Explication:-

Hazrat Abdullah Bin Mas’oud ‎(Radiyallahou anhou‎)‎ ti occupe ene place assez important parmi banne Sahaba-e-Kiraam. Li fine ena l’honneur resté pendant 18 banané en compagnie de Nabi ‎(Sallallaahou A'laihi Wasallam)‎‎‎‎. Li ti tellement proche avec Nabi ‎(Sallallaahou A'laihi Wasallam)‎‎‎‎, ki banne étranger ki ti pé vine cote Nabi ‎(Sallallaahou A'laihi Wasallam)‎‎‎‎ ti pé prend li pou ene membre de la famille de Nabi ‎(Sallallaahou A'laihi Wasallam)‎‎‎‎. Li ti être désigné comme Qazi dans ene l’endroit ki appelle Koufah à l’époque Hazrat Oumar ‎(Radiyallahou anhou‎)‎. Et li fine continué être Qazi ziska ene parti dans commencement règne de Hazrat Uthman ‎(Radiyallahou anhou‎)‎. Li ti bien stricte lors sounnah de Nabi ‎(Sallallaahou A'laihi Wasallam)‎‎‎‎. Si ene Sahabi de ene tel calibre fine pratique quelque chose, ça li ene indication assez solide ki ça pratique-là li conforme avec sounnat de Nabi ‎(Sallallaahou A'laihi Wasallam)‎‎‎‎.

Donc la pratique de 20 rakaats li bizin correspone avec sounnat de Nabi ‎(Sallallaahou A'laihi Wasallam)‎‎‎‎ si Hazrat Abdullah Bin Mas’oud ‎(Radiyallahou anhou‎)‎ fine mette li en pratique. Et le fait ki ça fine pratiqué en présence banne lezot Sahaba-e-Kiraam et banne tabeines sans être contesté, li ene l’autre indication encore pli fort ki li ti d’après sounnat de Nabi ‎(Sallallaahou A'laihi Wasallam)‎‎‎‎. Sinon couma li possible ki ene pratique ki pas d’après sounnat mais li continué pratiqué ouvertement par ene sahabi aussi célèbre couma Hazrat Abdullah Bin Mas’oud ‎(Radiyallahou anhou‎)‎ parmi banne Sahaba-e-Kiraam et banne Tabeines sans kikene faire kit remarque négatif? Donc ça récit-là li ene de banne preuves bien solide ki montrer ki la pratique de 20 rakaats dans le mois de Ramadhaan li sounnah.

La pratique banne Tabeines

Hazrat Souwaid Bin Ghaflah (R)

"عن ابى الخصيب قال كان يؤمنا سويد بن غفلة فى رمضان فيصلى خمس ترويحات عشرين ركعة" (سنن البيهقى)

Traduction:-

Aboul Khaseeb dire ki Souwaid Bin Ghaflah (R) ti pé faire faire 5 tarweehah, (c'est-à-dire) 20 rakaats, dans le mois de Ramadhaan. (Sounan Al- Baihaqui)

Explication:

Hazrat Souwaid Ghaflah (R) pas fine joine Nabi ‎(Sallallaahou A'laihi Wasallam)‎‎‎‎ dans so vivant. Ti fecque termine avec "tadfeen" (funérailles) de Nabi ‎(Sallallaahou A'laihi Wasallam)‎‎‎‎ quand Souwaid Bin Ghafalah ti rente dans madinah. Donc li ti ene Tabei. Mais li ti déjà fini embrasse l’Islam dans vivant même de Nabi ‎(Sallallaahou A'laihi Wasallam)‎‎‎‎. Ça faire li vine ene Tabei ene tipé spécial. Banne savants de hadice appelle ça genre de tabei-la مخضرم (Moukhadram). De ce fait Hazrat Souwaid Bin Ghafalah (R) fine gagne l’occasion vive dans ene l’époque cote la majorité banne Sahaba-e-Kiraam ti présent. Li fine gagne l’occasion observe ceki ti en pratique dans l’époque de banne Khulafa-e-Rashideen. Donc li même personnellement ceki li fine pratiqué, li reflète ceki ti en vigueur dans ça banne l’époque-là. Alors la pratique de 20 rakaats dans Ramadhaan ki li fine toujours observé, li ene indication ki ça pratique-là ti en vigueur dans ça banne l’époque-là. Li ene ti pé de trop pour pretanne ki ene pratique ki contraire à la pratique de sounnat capave être en vigueur avec ene telle l’ampleur, surtout dans l’époque banne Sahaba-e-Kiraam, sans être contesté par kikene.

Ene pratique ki en vigueur avec ene telle l’ampleur dans l’époque de Sahaba-e-Kiraam, li bizin tout à fait conforme avec sounnat. Donc 20 rakaat dans le mois de Ramadhaan li sounnat.

La pratique de Ibn Abou Moulaikah (R)

عن نافع بن عمر قال كان ابن ابى مليكة يصلى بنا فى رمضان عشرين ركعة (مصنف ابن ابى شيبة)

Traduction:-

Nafi Bin Umar rapporté ki Ibn Abou Moulaikah (R) ti pe faire nou faire 20 rakaats dans Ramadhaan. (Mouswannaf Ibn Abou Shaibah)

Position hadice et explication:-

Sanad de ça récit-là li ene sanad authentique.

Ibn Abou Moulaikah (R) ti ene célèbre tabeï ki ti gagne l’honneur joine 30 Sahaba-e-Kiraam. Ibn Abou Moulaikah (R) fine bizin faire les 20 rakaats namaz dans Ramadhaan en présence banne Tabeines et banne taba-Tabeines. Autant ki nous conné ça pas fine être contesté par kikene ki ti présent. Ça li ene indication ki le nombre de 20 rakkat dans le mois de Ramadhaan li ene pratique tout à fait normal et compatible avec le sounnah de Nabi ‎(Sallallaahou A'laihi Wasallam)‎‎‎‎. Sinon ça pas ti pou capave passé sans être contesté.

La pratique de Ali Bin Rabi’a (R)

عن سعيد بن عبيد ان على بن ربيعة كان يصلى بهم فى رمضان خمس ترويحات ويوتر بثلاث (مصنف ابن ابى شيبة)

Traduction:-

Said Bin Ubaid rapporté ki Ali Bin Rabi’a (R) ti pé faire banne dimounes faire 5 tarweehah et li ti pé faire 3 witr. (Mouswannaf Ibn Abou Shaibah)

Position hadice et explication:-

Sanad de ça récit-là li ene sanad saheeh (authentique).

Tarweehah li sorti depi dans le mot راحة ki signifié repos. Donc Tarweehah signifié donne l’occasion pour prend repos.

A l’époque quand zotte ti pé faire namaz le soir dans Ramadhaan, zotte ti ena l’habitude prend ene ti pause après ça 4 rakaat-là. Donc par ça rapport-là chaque 4 rakaats de ça namaz-là fine appelle li ene Tarweehah. Hazrat Ali Bin Rabi’a ti pé faire 5 tarweehah et ça li faire 20 rakaats au total. Donc Ali Bin Rabi’a ti pé faire zotte faire 20 rakaat et 3 rakaat witr dans le mois de Ramadhaan.

Ça "zotte" ki Ali Bin Rabi’a ti pé dirige zotte dans namaz le soir dans Ramadhaan, li faire référence à ki sanla? Ali Bin Rabi’a ti ene célèbre Tabei. Banne ki ti dans so l’époque ti bizin banne Tabeines et banne Taba- Tabeines.

Ene pratique ki pratiqué dans ene l’époque pareille li bizin ene pratique ki conforme avec sunnah. Donc 20 rakaat + 3 witr dans le soir de Ramadhaan li sounnah.

La pratique de A’ta (R)

عن عطاء قال ادركت الناس وهم يصلون ثلاثا وعشرين ركعة بالوتر (مصنف ابن ابى شيبة)

Traduction:-

A’ta (R) dire:-

"Mo fine gagne l’époque de banne dimoune ki ti pé faire 23 rakaat ensemble avec witr." (Mouswannaf Ibn Abou Shaibah)

Explication:-

A’ta li ene tabei ki fine gagne l’honneur joine 200 Sahaba-e-Kiraam. Ça banne dimounes ki li fine trouve zotte pé faire 20 rakaats + 3 witr c’est banne Sahaba-e-Kiraam et banne tabeines. Li très évident ki ça pratique-là fine gagne l’approbation et l’appréciation ça banne personnages de ene l’époque ki reconnaite comme Khairul-Qouroune (meilleur l’époque). Ene pratique ki en vigueur dans ene l’époque pareille sans être contesté, li bizin nécessairement ene pratique d’après Shariat et d’après sounnah.

Imam Abou Hanifah (R) et Qiyam Ramadhaan

روى اسد بن عمرو عن ابى يوسف قال سألت ابا حنيفة عن التراويح وما فعله عمر؟ فقال التراويح سنة مؤكدة ولم يتخرصه عمر من تلقاء نفسه ولم يكن فيه مبتدعا ولم يامر به الا عن اصل لديه وعهد من رسول الله صلى الله عليه وسلم ولقد سن عمر هذا وجمع الناس على ابى بن كعب فصلاها جماعة والصحابة متوافرون منهم عثمان وعلى وابن مسعود والعباس وابنه وطلحة والزبير ومعاذ وابى وغيرهم من المهاجرين والانصار وما رد عليه واحد منهم بل ساعدوه ووافقوه وامروا بذلك ...

الاختيار لتعليل المختار لعبد الله بن محمود الموصلى الحنفى (المتوفى ٦٨۳ﮪ)

Traduction:-

Rapporté de Assad Bin Amr ki Imam Abou Yousouf (R) fine dimane Imam Abou Hanifah (R) à propos taraweeh et la façon ki Hazrat ‘Oumar ‎(Radiyallahou anhou‎)‎ fine agir. En réponse Imam Abou Hanifah (R) fine dire: "taraweeh li sunnat Mou’akkadah et Hazrat ‘Oumar ‎(Radiyallahou anhou‎)‎ pas fine invente ça par li et ni li ene innovateur dans ceki li fine faire. Li pas fine capave donne l’ordre pou faire li sans ene preuve ki li ti ena ou ene directive de la part de Rassouloullah ‎(Sallallaahou A'laihi Wasallam)‎‎‎‎.

Hazrat ‘Oumar ‎(Radiyallahou anhou‎)‎ fine institué ça et fine rassemblé banne dimoune en jamaate derrière Hazrat Ubayy Bin Kaab ‎(Radiyallahou anhou‎)‎. Alors li (Hazrat Ubayy Bin Kaab ‎(Radiyallahou anhou‎)‎) fine accomplir ça namaz-là en jamaate dans ene l’époque quand ti encore ena beaucoup Sahaba-e-Kiraam. Et parmi ti ena Hazrat Usmaan ‎(Radiyallahou anhou‎)‎, Hazrat Ali ‎(Radiyallahou anhou‎)‎, Hazrat (Abdullah) Bin Mas’oud ‎(Radiyallahou anhou‎)‎, Hazrat Abbaas ‎(Radiyallahou anhou‎)‎ et so garçon (Hazrat Abdullah Bin Abbaas ‎(Radiyallahou anhou‎)‎), Hazrat Talha ‎(Radiyallahou anhou‎)‎, Hazrat Zubair ‎(Radiyallahou anhou‎)‎, Hazrat Mou’aaz ‎(Radiyallahou anhou‎)‎, Hazrat Ubayy ‎(Radiyallahou anhou‎)‎ et lezot banne Mouhajir et banne Ansaar. Mais personne parmi ça banne-là pas fine faire aukene objection. Au contraire zotte fine supporte li et zotte fine approuvé ceki li fine faire et zotte même zotte fine recommane pou pratique li."

Al-Ikhtiyaar li Ta’leelil Mukhtaar de Abdullah Bin Mahmoud Al-Mousali Al-Hanafi (Décédé en 683 H)

Le nombre de 20 rakaat et banne aimmah

Ø Mazhab Maliki

وقيام شهر رمضان عشرون ركعة يعنى صلاة التراويح (مختصر الخرقى)

Traduction:-

"Qiyaam pendant le mois de Ramadhaan c'est-à-dire namaz taraweeh c’est 20 rakaat." Moukhtasar de Imam Al Khiraqui (Décédé 334 H)

Ø Mazhab Hambali

والمختار عند ابى عبد الله رحمه الله فيها عشرون ركعة وبهذا قال الثورى وابو حنيفة والشافعى وقال مالك ستة وثلاثون (المغنى لابن قدامة)

Traduction:-

"L’opinion approuvé d’après Abou Abdullah (R) (Imam Ahmad Bin Hambal) concernant ça namaz-là c’est 20 rakaat. Et ça même ki Imam Thauri (R), Imam Abou Hanifah (R) et Imam Shafi (R) fine adopté. Quant à Imam Malik (R) li dire 36 rakaat." Al Mughni de Ibn Qudamah (541 H-620 H)

Ø Mazhab Shafi

"ومن السنن الراتبة قيام رمضان وهو عشرون ركعة بعشر تسليمات" المهذب لابراهيم بن على الفيروز آبادى (٣٩٣ - ٤٧٦ﮪ)

Traduction:-

"Et parmi banne sunnat régulier (nou ena) le Qiyaam de Ramadhaan. Et ça li de 20 rakaat avec 10 salaam." Al Mouhazzab par Ibraheem Bin Ali Al Firoz Aabaadi (393-476H)

N.B:- 20 rakaat avec 10 salaam signifié 20 rakaat avec salaam lors chaque 2 rakaat.

"صلاة التراويح سنة باجماع العلماء ومذهبنا انها عشرون ركعة بعشر تسليمات" (المجموع شرح المهذب للنووى)

"Namaz taraweeh li sunnat d’après Ijma (consensus et l’unanimité) de banne savants. Et d’après nou mazhab li de 20 rakaat avec 10 salaam."

Al Majmou’ commentaire de Al Mouhazzab par Allaamah An Nawawi (631 H- 676 H)

مذهبنا انها عشرون ركعة بعشر تسليمات غير الوتر وذلك خمس ترويحات والترويحة اربع ركعات بتسلمتين هذا مذهبنا وبه قال ابو حنيفة واصحابه واحمد وداؤد وغيرهم ونقله القاضى عياض عن جمهور العلماء وحكى ان الاسود بن يزيد كان يقوم باربعين ركعة ويوتر بسبع وقال مالك التراويح تسع ترويحات وهى ستة وثلاثون ركعة غير الوتر" (المجموع للنووى)

"D’après nou mazhab (c'est-à-dire mazhab shafi’) li de 20 rakaat avec 10 salaam apart namaz witr. Et ça li 5 tarweeha. Et ene tarweeha c’est 4 rakaats avec 2 salaam. Ça c’est nou mazhab et ça même ki Imam Abou Hanifah (R) et so banne zélèves et Imam Ahmad (R), Imam Dawood (R) et lezot fine adopté. Qazi Iyaad (R) fine rapporte ça de la majorité de banne savants. Et fine être rapporté ki Aswad Bin Yazeed ti pé faire 40 rakaat taraweeh et li ti pé faire witr avec sept rakaat. Et Imam Malik fine dire ki taraweeh c’est 9 tarweeha (9 x 4) et ça li faire 36 rakaat apart witr." (Al-Majmou’ par Allaamah An Nawawi)

Ø Mazhab Hanafi

يستحب ان يجتمع الناس فى شهر رمضان بعد العشاء فيصلى بهم امامهم خمس ترويحات كل ترويحة بتسليمتين" (الهداية)

"Li recommandé ki banne dimoune zotte rassemblé dans le mois de Ramadhaan après namaz Esha afin ki zotte Imam faire zotte faire 5 Tarweehah. Chaque Tarweehah (4 rakaat) li composé de deux salam."

Al Hidaayah par Sheikh Bourhanuddeen (décédé 593H)

N.B :

C'est-à-dire 1 tarweehah li composé de 4 rakaat. Et ça 4 rakaat-là, faire li 2 par 2. Après chaque 2 rakaat, li faire salaam pou sorti en dehors namaz. C'est-à-dire li pas faire ça 4 rakaat-là en 1 seul volet. Li faire en 2 volet de 2-2 rakaat.

Explication:-

A la lumière de ceki fine mentionné, nou trouvé ki selon tous banne Aimmah, le Qiyaam de Ramadhaan ki pli connu par namaz taraweeh li constitué de 20 rakaat. Et en principe selon Imam Malik (R) aussi namaz taraweeh ena 20 rakaat même parceki banne livres ki ena concernant fiqh de Imam Malik (R), zotte favorise le nombre de 20 rakaat même. Par exemple dans الانوار الساطعة (Al-Anwar-us-Saati’ah) li dire:-

"تتأكد صلاة التراويح فى رمضان وهى عشرون ركعة بعد صلاة العشاء"

"Namaz taraweeh li très recommandé dans le mois de Ramadhaan. Ça namaz-là li 20 rakaat (ki faire) après namaz Esha."

Donc selon Imam Malik (R) aussi ena 20 rakaat taraweeh. A noté ki les 16 rakaats supplémentaires c’était ene namaz ki zotte ti pé faire li individuellement après chaque tarweehah (4 rakaat). Normalement zotte pas ti pé faire li après le dernier 4 rakaat. Donc li faire ene total de 36 rakaat c'est-à-dire 20 rakaat taraweeh + 16 rakaat qui zotte ti pé faire individuellement. Zotte ti pé faire ça 16 rakaat supplémentaire-là parceki dans Makkah zotte ti pé faire tawaaf après chaque 4 rakaat. Alors banne ki dans Madinah fine oulé rattrape ça manque à gagné-là par accomplir 4 rakaat dans place ene tawaaf.

ان اهل مكة كانوا يطوفون بين كل ترويحتين طوافا ويصلون ركعتين ولا يطوفون بعد الترويحة الخامسة فاراد اهل المدينة مساواتهم فجعلوا مكان كل طواف اربع ركعات فزادوا ست عشرة ركعة واوتروا بثلاث فصار المجموع تسعا وثلاثين (المجموع للنووى)

"Banne habitants de Makkah ti pé faire ene tawaaf et 2 rakaat entre chaque deux tarweehah. C'est-à-dire entre chaque 2 volet de 4 rakaat. Et zotte pas ti pé faire tawaaf après le 5eme tarweehah. Alors banne habitants de Madinah fine oulé vine impé dans même niveau avec banne habitants de Makkah. Donc zotte fine faire 4 rakaat dans place chaque tawaaf. Dans ça façon-là zotte fine accomplir 16 rakaats en plis et 3 rakaats witr et ça li faire ene total de 39 rakaats." (Al-Majmou’)

Position ene pratique etabli par banne Khulafa-e-Rashideen

"... اوصيكم بتقوى الله والسمع والطاعة وان عبد حبشى فانه من يعش منكم يرى اختلافا كثيرا واياكم ومحدثات الامور فانها ضلالة فمن ادرك ذلك فعليه بسنتى وسنة الخلفاء الراشدين المهديين عضوا عليها بالنواجذ" (الترمذى)

Traduction :

"Mo recommande zotte pou reste dans l’obéissance Allah Ta’ala et dans la soumission (de ‘amir) quand même si arrivé li ene esclave noir parceki certainement kikene ki pou vive parmi ou, pou témoigne boucou divergences. Prend ou garde contre banne pratique innovées parceki c’est l’égarement. Donc celui ki joine ça l’époque-là, li bizin attrape fort mo sunnat et sunnat de Khulafa-e-Rashideen Al-Mahdiyyeen. (Banne califes ki zotte lors chemin droit et ki fine gagne la guidance divine). Attrape ça bien fort." (Tirmizi)

Position hadice et explication :

D’après Imam Tirmizi, ça hadice-là li ene hadice Hassan Saheeh. Ça hadice-là li faire mention de 2 catégories de sunnat. Ene sunnat de Nabi ‎(Sallallaahou A'laihi Wasallam)‎‎‎‎ et 2eme sunnat c’est sunnat de banne Khulafa-e-Rashideen. Selon banne ‘Oulama, Khulafa-e-Rashideen signifié surtout les 4 califes Hazrat Abou Bakr ‎(Radiyallahou anhou‎)‎, Hazrat ‘Oumar ‎(Radiyallahou anhou‎)‎, Hazrat Uthman ‎(Radiyallahou anhou‎)‎ et Hazrat Ali ‎(Radiyallahou anhou‎)‎. Donc d’après ça hadice-là couma li important pou applique sunnat de Nabi ‎(Sallallaahou A'laihi Wasallam)‎‎‎‎, coumsa même ça li appliqué pou sunnat de ça banne 4 califes-là. Si attrape sunnat de Nabi ‎(Sallallaahou A'laihi Wasallam)‎‎‎‎ li ene garantie et ene sécurité pou ene dimoune so Iman et so Deen, coumsa même attrape sunnat Khulafa-e-Rashideen li ene moyen pou reste lors hidaayat.

Sunnat de banne Khulafa-e-Rashideen li signifié ene pratique ou ene principe ki banne Khulafa fine trouve la nécessité établi li dans zotte l’époque respectif.

Parfois ene pratique li capave pas existé dans l’époque Nabi ‎(Sallallaahou A'laihi Wasallam)‎‎‎‎. Cela acoze ki dans dans so l’époque pas ti ena la nécessité. Mais Nabi ‎(Sallallaahou A'laihi Wasallam)‎‎‎‎ ti conné ki banne Khulafa ki pou vine après li, zotte capave pou trouve zotte dans l’obligation prend certaine décision ou pou établir certaine pratiques afin pou repone à l’exigence de zotte l’époque respectif. Alors Nabi ‎(Sallallaahou A'laihi Wasallam)‎‎‎‎ fine donne l’oummah directive pou attrape banne principes et banne pratique ki banne Khulafa pou établir et pou institué dans zotte l’époque.

Allaamah Ibn Taimiyah (R) et sunnat de Khulafa-e-Rashideen

En réponse ene question ki kikene ti posé pou conné si gagne droit faire namaz Jumu’a dans plis ki ene place dans ene seul l’endroit, Allaamah Bin Taimiyyah fine dire ki malgré ça pas ti existé dans l’époque longtemps, li paraite ki ça li bizin permette. Et comme preuve li fine présente ene cas ki fine déjà passé concernant faire namaz Eid en dehors habitation dans plein air et dans masjid tous les deux. Et cela en basant lors décision ki Hazrat Ali ‎(Radiyallahou anhou‎)‎ ti prend dans so règne. Dans so Al-Fatawa-al-Koubra li dire:-

"فلما تولى على بن ابى طالب وصار بالكوفة وكان الخلق بها كثيرا قالوا يا امير المؤمنين ان بالمدينة شيوخا وضعفاء يشق عليهم الخروج الى الصحراء فاستخلف على بن ابى طالب رجلا يصلى بالناس العيد فى المسجد وهو يصلى خارج الصحراء ولم يكن هذا يفعل قبل ذلك وعلى من الخلفاء الراشدين وقد قال النبى صلى الله عليه وسلم عليكم بسنتى وسنة الخلفاء الراشدين من بعدى فمن تمسك بسنة الخلفاء الراشدين فقد اطاع الله ورسوله"

"Et quand Hazrat Ali ‎(Radiyallahou anhou‎)‎ fine vine calife et li fine bougé li fine alle établir dans Koufah cote la population ti bien boucou, alors zotte fine dire avec Hazrat Ali ‎(Radiyallahou anhou‎)‎ ki dans la ville ena banne vieux dimoune et banne dimoune incapables ki li bien difficile pou zotte sorti zotte alle en dehors habitation dans plein air. Lors ça Hazrat Ali ‎(Radiyallahou anhou‎)‎ fine mette ene dimoune dans so place ki pou capave faire banne dimoune faire namaz Eid dans masjid, et li même personnellement li fine faire banne dimoune faire namaz en dehors habitation dans plein air. Et pourtant ça pas ti existé avant (C'est-à-dire la pratique faire namaz Eid dans deux places dans ene seul l’endroit pas ti existé avant ça). Mais Hazrat Ali ‎(Radiyallahou anhou‎)‎ li parmi banne Khulafa-e-Rashideen et Nabi ‎(Sallallaahou A'laihi Wasallam)‎‎‎‎ fine dire:

"Attrape mo sunnat et sunnat banne Khulafa-e-Rashideen après moi."

Donc celui ki attrape sunnat banne Khulafa-e-Rashideen, alors sans doute li fine obéir Allah Ta’ala et so Rasoul ‎(Sallallaahou A'laihi Wasallam)‎‎‎‎…

(Al-Fatawa-Al-Koubra par Ibn Taimiyyah (R)

C'est-à-dire Allaamah Bin Taimiyyah (R) fine base la permissibilité faire namaz jumu’a dans deux places dans ene seul l’endroit lors la permissibilité faire namaz Eid dans deux places de ene seul l’endroit. Sanla so permissibilité li basé lors ene décision ki Hazrat Ali ‎(Radiyallahou anhou‎)‎ ti prend dans so l’époque quand li fine trouve la nécessité de ene telle décision. Accepté décision et sunnat de Khulafa-e-Rashideen li inclut dans l’obéissance Allah Ta’ala et so Rassoul ‎(Sallallaahou A'laihi Wasallam)‎‎‎‎.

La pratique de 20 rakaat Taraweeh et les Khulafa-e-Rashideen

"عن السائب بن يزيد قال كنا نقوم فى زمن عمر بن الخطاب بعشرين ركعة ..."

Traduction:-

Hazrat Saib Bin Yazeed ‎(Radiyallahou anhou‎)‎ dire: "nou ti pé accomplir 20 rakaat dans l’époque Hazrat ‘Oumar Bin Al- Khattab ‎(Radiyallahou anhou‎)‎". (Al-Baihaqui)

Explication:-

Ça hadice-là li ene hadice sahih. D’après ça hadice-là, banne dimounes dans l’époque Hazrat ‘Oumar ‎(Radiyallahou anhou‎)‎ ti pé faire 20 rakaat (taraweeh).

D’après ene récit ki rapporté de Yahya Bin Said, Hazrat ‘Oumar ‎(Radiyallahou anhou‎)‎ ti ordonne ene personne pou faire banne dimounes faire 20 rakaats. Coumsa même ça fine être pratiqué dans l’époque Hazrat Uthmaan ‎(Radiyallahou anhou‎)‎ et Hazrat Ali ‎(Radiyallahou anhou‎)‎ sans être contesté. Donc la pratique de 20 rakaats c’est ene pratique ki fine toujours existé dans l’époque de banne Khulafa-e-Rashideen.

Donc si nou dire ki li ene sunnat de Khulafa-e-Rashideen, là aussi li mérite être appliqué parceki Nabi ‎(Sallallaahou A'laihi Wasallam)‎‎‎‎ fine ordonne l’oummah pou attrape avec fermeté sunnat de banne Khulafa-e-Rashideen. Et couma Allaamah Bin Taimiyah ‎(Radiyallahou anhou‎)‎ dire:-

"فمن تمسك بسنة الخلفاء الراشدين فقد اطاع الله ورسوله"

"C'est-à-dire celui ki fine attrape sunnat de Khulafa-e-Rashideen, li fine obéir Allah Ta’ala et so Rassoul ‎(Sallallaahou A'laihi Wasallam)‎‎‎‎."

Alors ça li appliqué pou 20 rakaat taraweeh aussi. C'est-à-dire celui ki accomplir 20 rakaat taraweeh, alors li dans l’obéissance Allah Ta’ala et so Rassoul ‎(Sallallaahou A'laihi Wasallam)‎‎‎‎.

A noté ki la pratique de 20 rakaat Taraweeh non seulement li sounnat de Khulafa-e-Rashideen, li bel et bien le sounnat de Nabi ‎(Sallallaahou A'laihi Wasallam)‎‎‎‎ aussi. Et ça li prouvé par ene hadice rapporté par Hazrat Abdullah Bin Abbaas ‎(Radiyallahou anhou‎)‎. Li vrai ki ena certaine rawi dans sanad ça hadice-là ki fine être qualifié de ene rawi faible, mais faudré pas blié ki ena aussi banne ki fine qualifié ça même rawi de ene rawi authentique. Forcé-forcé nou capave dire ki li ene rawi controversable. Le hadice de ene tel genre de rawi li ene hadice Hassan ki acceptable et valable comme ene preuve.

Ça hadice-là d’abord li Hassan en li même et deuxièmement li appuyé par la pratique de Khulafa-e-Rashideen. Et troisièmement ça fine être pratiqué sans la moindre contestation de quelque part. Ça signifié ki ça fine approuvé par tous banne Sahaba-e-Kiraam. Tout ça-là faire le hadice de Hazrat Abdullah Bin Abbaas ‎(Radiyallahou anhou‎)‎ vine extrêmement fort.

Nou obligé dire ki la pratique de 20 rakaat li sunnat parceki après Nabi ‎(Sallallaahou A'laihi Wasallam)‎‎‎‎, banne Khulafa-e-Rashideen et banne Sahaba-e-Kiraam en général fine pratique ça même. Si 8 rakaat ou bien 12 rakaat ou bien ene l’autre nombre de rakaat apart 20 rakaat ti sunnat, jamais banne Khulafa-e-Rashideen ti pou néglige ça en faveur ene nombre ki pas sunnat. Et jamais banne Khulafa-e-Rashideen ti pou pratique le nombre de 20 rakaat avec tel l’ampleur.

Faire la tête-lipied pou dire ki namaz taraweeh li seulement de 8 rakaat, eski ça li pas ene façon pou dire ki (naouzoubillah) banne Khulafa-e-Rashideen et banne Sahaba-e-Kiraam en général fine échoué pratique ceki sunnat?

Sans doute banne campagnes ki dimounes pé faire pou prouve 8 rakaat taraweeh c’est ene moyen pour faire dimoune perdi confiance lors banne Khulafa-e-Rashideen et banne Sahaba-e-Kiraam en général. C’est banne campagne anti-sunnat ki pena narien de positif apart ki ça li donne l’occasion discrédite banne Khulafa-e-Rashideen et banne Sahaba-e-Kiraam.

Deen so l’authenticité li basé lors l’intégrité banne Sahaba-e-Kiraam. Tout kikchose ki mette en question l’intégrité banne Sahaba-e-Kiraam, li représente démolition de la base même de Deen.

Dans ça sens-là, banne campagnes pou faire dimoune faire 8 rakaats taraweeh li représente la démolition de la base même de Deen et c’est ene affront à l’égard de la prise de position de Khulafa-e-Rashideen et banne Sahaba-e-Kiraam en général.

Conclusion

Namaz taraweeh li sunnat mouakkadah parceki Nabi ‎(Sallallaahou A'laihi Wasallam)‎‎‎‎ fine faire li personnellement et li fine recommande banne Sahaba-e-Kiraam aussi pou faire li. Faire li avec jamaat aussi li sunnat mouakkadah. Mais ça sounnat-là li capave accompli par la pratique de ene parti ki reste dans ene certaine localité. Ça genre de sounnat-là appelle li sounnat mouakkadah alal kifaayah. Dans so l’époque, Rassouloullah ‎(Sallallaahou A'laihi Wasallam)‎‎‎‎ ti faire li avec jamaat pendant 3 nuits. Si li pas fine faire li régulièrement, c’est acoze la crainte pou ça na pas vine obligatoire pou so oummat. Mais banne Sahaba-e-Kiraam ti pé faire li en tipti tipti jamaat ki Nabi ‎(Sallallaahou A'laihi Wasallam)‎‎‎‎ fine approuvé et apprécié. Hazrat ‘Oumar ‎(Radiyallahou anhou‎)‎ dans so l’époque fine organise namaz taraweeh dans ene seul jamaat.

Namaz taraweeh li de 20 rakaat. Ça nombre de rakaat-là fine pratiqué par Nabi ‎(Sallallaahou A'laihi Wasallam)‎‎‎‎ et après li banne Sahaba-e-Kiraam aussi fine pratique 20 rakaat. Banne Tabeines, banne Taba-Tabeines et tous les 4 Imaam fine approuve 20 rakaat même. Propose ene nombre inférieur à 20 rakaat, li en conflit de ceki l’oummah fine toujours adopté, approuvé et pratiqué

Par M.R. Meerun

Taraweeh