SALAAT-UL WITR

Position Salaat-ul witr

Hadice rapporté par Hazrat Bouraidah ‎(Radiyallahou anhou‎)‎:

"الوتر حق فمن لم يوتر فليس منا"

(رواه ابو داود)

Traduction:-

Witr li haqq, celui ki pas faire witr li pas dans nous bande.

(Abou Dawood)

Position ça hadice-là

Al Haakim fine rapporte ça hadice-là dans so Al-Moustadrak et fine qualifié li de Saheeh (authentique). Allaamah An-Nimawi fine qualifié li de Hassan. Et ça c'est l'opinion de Allaamah Bin Houmaam aussi.

Explication:-

"Witr li haqq":

Haqq signifié ene kitchose ki existé et ki mérité faire li. Donc d'après ça hadice-là, salaat-ul witr li ene namaz ki existé et ki mérite être accompli.

Le degré de mérite ki ça namaz-là ena, ça li indiqué par la sévérité et le ton dur ki Rasouloullah ‎(Sallallaahou A'laihi Wasallam)‎‎‎‎ fine adopté dans avertir ene ki pas faire li: "Li pas dans nous bande". Selon ça hadice-là, néglige salaat-ul witr li représente sorti en dehors jama'at de Rasouloullah ‎(Sallallaahou A'laihi Wasallam)‎‎‎‎. C'est ene de banne raisons ki fine amene banne savants pou dire ki salaat-ul witr li waajib, c'est-à-dire ene kitchose ki nécessaire faire li.

Hadice Abou Houraira ‎(Radiyallahou anhou‎)‎:

Ena ene hadice dans le même sens ki fine rapporté par Hazrat Abou Houraira ‎(Radiyallahou anhou‎)‎. Selon ça hadice-là aussi, Rasouloullah ‎(Sallallaahou A'laihi Wasallam)‎‎‎‎ fine dire:

(من لم يوتر فليس منا" (رواه احمد"

Traduction:

"Celui ki pas faire witr, li pas dans nous bande". (Mousnad Imam Ahmad)

Position Hadice Hazrat Abou Houraira:

Ena ene narrateur nommé الخليل بن مرة (Al Khaleel Bin Mourrah) ki fine être qualifié comme ene Rawi ضعيف (faible) par Yahya et An Nasaaï. Mais le zotte savants de hadice couma Abou Shaheen et Ahmad Bin Salih fine qualifié li de ene narrateur authentique. Si nous pas accepté ça, forcé-forcé ceki nous capave dire, ceki li ene Rawi مختلف فيه (controversé). Si nous rejette ene hadice lors la base de controverse ki banne savants ena concernant kit narrateur dans so sanad, alors bien tipé narrateur pou capave traversé. Par conséquence nous pou ena bien ti peu hadice saheeh. C'est à coze ça ene hadice ki rapporté par ene narrateur controversé, li qualifié comme ene hadice Hassan selon banne savants de hadice. Parfois li capave être qualifié de saheeh aussi si nous permette nous ignore certaine critique inacceptable concernant le narrateur en question. Donc ça hadice-là pas capave être rejeté à coze présence le Rawi nommé Al Khaleel Bin Mourrah.

Ene l'autre objection

Ena ene l'autre objection concernant ça hadice-là. C'est-à-dire ena ene Rawi Mou-aawiyah Bin Qurrah ki fine rapporte ça hadice-là de Hazrat Abou Houraira ‎(Radiyallahou anhou‎)‎. Mais selon Imam Ahmad, Mou-aawiyah pas fine tanne aukene hadice avec Hazrat Abou Houraira ‎(Radiyallahou anhou‎)‎. Ça prouvé ki ena انقطاع (disconnection) entre Mou-aawiyah Bin Qurrah et Hazrat Abou Houraira ‎(Radiyallahou anhou‎)‎. Ene hadice ki ena انقطاع dans so sanad, appelle ene حديث منقطع. En principe ene hadice منقطع li ene hadice faible. Mais malgré ça li ene hadice acceptable pou principalement deux raisons:

Premièrement à coze ki li en accord avec hadice ki fine rapporté par Hazrat Bouraidah ‎(Radiyallahou anhou‎)‎. C'est à dire ene pé renforci l'autre ki faire les deux vine saheeh et authentique dans zotte l'ensemble.
Deuxièmement انقطاع ki ena dans so sanad, c'est ene انقطاع de la part ene Rawi ki authentique et ki fine gagne l'époque banne Sahaba-e-Kiraam cote li fine gagne l'occasion joine ene bon quantité Sahaba-e-Kiraam. Ene انقطاع de la part de ene Rawi pareille li tolérable et acceptable d'après banne 'Oulama à coze so l'intégrité, l'authenticité et crédibilité. Donc Mou-aawiayh Bin Qurrah ki paraite dans sanad ça hadice-là ena tous ça banne critères ki faire le hadice rapporté par li acceptable malgré présence انقطاع dans so sanad.

Witr li waajib, li pas faraz

"ان الوتر ليس بحتم كصلاتكم المكتوبة ولكن رسول الله صلى الله عليه وسلم‎‎‎‎ اوتر ثم قال يا اهل القرآن اوتروا فان الله وتر يحب الوتر" (الحاكم والترمذى)

Traduction:

Certainement salaat-ul witr li pas obligatoire couma ou namaz faraz été mais Rasouloullah ‎(Sallallaahou A'laihi Wasallam)‎‎‎‎ fine pratique witr et li fine dire:

"O banne partisans de Qour'aan, faire salaat-ul witr parceki Allah Ta'ala li witr (unique) ki content witr." (Al Haakim/Tirmizi)

Position ça hadice-là

Al Haakim fine rapporte ça hadice-là dans so Al-Moustadrak. Li et Allaamah Az-Zahabi, personne parmi zotte deux pas fine faire aukene commentaire lors ça hadice-là. Imaam Tirmizi fine qualifié li de Hassan. C'est à dire li ene hadice correcte et passable ki capave servi comme ene argument et ene preuve.

Explication:

"Certainement witr li pas obligatoire pareil couma ou namaz faraz été".

Ça c'est la déclaration de Hazrat Ali ‎(Radiyallahou anhou‎)‎. Ça signifié ki le degré de obligation de salaat-ul witr li pas pareille couma namaz faraz. Si li pas obligatoire couma namaz faraz, eski ça veut dire ki li pas nécessaire? Ça déclaration-là pas cause narien lors-là. Li montré seulement ki li pas obligatoire pareille couma banne namaz faraz. Mais ça pas capave servi pou dire ki li pas obligatoire. Pou conne ça, nous bizin guette le zotte hadices. Par exemple le hadice de Hazrat Bouraidah ‎(Radiyallahou anhou‎)‎ ki li assez clair pou montré so l'importance.

"O banne partisans de Qour'aan …"

Partisan de Qour'aan ou Ahl-ul Qour'aan capave être interprété dans deux façons: Soit li signifié banne ki fine mémorise ene bon parti dans Qour'aan ou entier Qour'aan ki nous appelle zotte Haafiz-ul Qour'aan. Couma ça li capave servi comme ene titre pou banne musulmans. Si nous prend li dans le premier sens, ça pou signifié ki salaat-ul witr li appliqué lors banne ki Haafiz-ul Qour'aan. Mais le zotte banne hadices zotte en général ki na pas faire aukene distinction entre Haafiz et non Haafiz. Donc li pli approprié pou prend li dans deuxième sens. C'est-à-dire à ce moment-là 'partisan de Qour'aan' ou 'Ahl-ul Qour'aan' couma ça mentionné dans hadice, pou signifié banne musulmans.

Hadice rapporté par Hazrat Abdullah Bin Mas'oud ‎(Radiyallahou anhou‎)‎:

(الوتر واجب على كل مسلم" (البزار"

Traduction:-

Rapporté par Hazrat Abdoullah Bin Mas'oud ‎(Radiyallahou anhou‎)‎:

"Salaat-ul witr li waajib (obligatoire) lors chaque musulman". (Al Bazzaar)

Position hadice Hazrat Abdullah Bin Mas'oud ‎(Radiyallahou anhou‎)‎

Ena ene Rawi (narrateur) nommé Jabir Al Jou'fi dans so sanad (chaîne de narration) ki li ene Rawi مختلف فيه (controversé). C'est-à-dire li ene Rawi solide selon ene groupe de savants de hadice et faible d'après ene l'autre parti. Si nous prend en considération déclaration ça groupe de savants de hadice ki déclare li solide, nou pou bizin dire ki ça hadice-là li ene hadice Saheeh (authentique), mais si nou guette ça l'autre groupe ki déclare li faible, alors ça hadice-là li pou ene hadice faible. Quand ena ene dilemme pareil concernant ene Rawi, alors so hadice li descende ene ti degré enbas ene hadice saheeh à coze banne ki fine qualifié li faible. Et li monte ene ti degré là-haut ene hadice faible à coze banne ki fine déclare li fort et solide. Ça degré entre ça deux-là appelle degré hassan. Ene hadice ki bénéficié ça degré-là li ene hadice hassan ki capave servi couma ene Houjjah (preuve).

Explication:

Le mot waajib signifié ene kitchose ki nécessaire et obligatoire. Mais entre ene obligatoire et l'autre, ena différence. Ene capave pli obligatoire ki so camarade. Mais ça na pas empêche so camarade vine obligatoire. Donc witr li obligatoire mais li pas obligatoire couma cinq fois namaz li obligatoire.

Accomplir cinq fois namaz, ça li obligatoire dans ene façon nette et catégorique ki nous appelle فرض (fardh).

Couma établir ene fardh

Fardh li établi par ene preuve ki na pena aukene pourcentage de réserve là-dans. Li catégorique à cent pour cent de par so source et de par so sens.

La question de salaat-ul witr

Par contre le degré de l'obligation de salaat-ul witr li pas catégorique à cent pour cent. Ene kitchose ki pas capave dire ki li obligatoire à cent pour cent, nous appelle li waajib. Disons nous capave dire c'est ene kitchose ki bizin faire. Ene kitchose ki pas capave quitté à coze ki li ena la certitude de plis ki 50 pour cent. Mais à coze ena ene ti réserve, nous pas capave qualifié li de obligatoire pareille couma banne namaz فرض (fardh). C'est ça même degré de l'obligation ki nous appelle li waajib. Probablement c'est ça même l'idée ki Hazrat Ali ‎(Radiyallahou anhou‎)‎ fine essaye avancé quand li dire:

"Witr li pas obligatoire ou catégorique couma ou cinq fois namaz été …".

Donc namaz witr li waajib!

Hadice Hazrat Abdullah Bin 'Oumar ‎(Radiyallahou anhou‎)‎

" ... ان رجلا سأل عبد الله بن عمر ‎‎رضي الله عنه‎ عن الوتر أ واجب هو؟ فقال عبد الله بن عمر ‎رضي الله عنه‎ اوتر رسول الله صلى الله عليه وسلم‎‎‎‎‎‎‎‎ واوتر المسلمون فجعل الرجل يردد عليه و عبد الله بن عمر ‎رضي الله عنه‎ يقول اوتر رسول الله صلى الله عليه وسلم‎‎‎‎ واوتر المسلمون" (مؤطا الامام مالك)

Traduction:

"… Ene personne fine dimane (Hazrat) Abdullah Bin 'Oumar ‎(Radiyallahou anhou‎)‎ à propos witr eski li waajib? (Hazrat) Abdullah Bin 'Oumar ‎(Radiyallahou anhou‎)‎ fine reponne: "Rasouloullah ‎(Sallallaahou A'laihi Wasallam)‎‎‎‎ fine pratique salaat-ul witr et banne musulmans (aussi) fine pratique witr. La personne fine continué répète (la question) et (à tout coup) Hazrat Abdullah Bin 'Oumar ‎(Radiyallahou anhou‎)‎ fine continué reponne: "Rasouloullah ‎(Sallallaahou A'laihi Wasallam)‎‎‎‎ fine faire witr et banne musulmans (en général) fine faire witr". (Mou'atta Imam Malik)

Explication:

La personne fine oulé conne la position et le degré de l'importance de salaat-ul witr. Li fine demane Hazrat Abdullah Bin 'Oumar ‎(Radiyallahou anhou‎)‎ eski li waajib ou bien non? Li ti pli simple et pli facile pou Hazrat Abdullah Bin 'Oumar ‎(Radiyallahou anhou‎)‎ reponne "oui ou bien non". Mais couma nou trouvé, li pas fine adopté ça méthode-là pou reponne. Au lieu reponne ça personne-là so question, li fine préfère attire so l'attention vers le fait ki ça fine toujours être dans la pratique de Rasouloullah ‎(Sallallaahou A'laihi Wasallam)‎‎‎‎ et de banne Sahaba-e-Kiraam ‎(Radiyallahou anhou‎)‎. Ene kitchose ki fine reste régulièrement dans la pratique de Rasouloullah ‎(Sallallaahou A'laihi Wasallam)‎‎‎‎ et so banne Sahaba-e-Kiraam ‎(Radiyallahou anhou‎)‎, li bizin ene kitchose de grande l'importance. Néglige ene pratique pareille, li représente ene changement dans ene système établi et bien structuré couma li paraite ene genre de affront avec le principe de banne Sahaba-e-Kiraam ‎(Radiyallahou anhou‎)‎. C'est ene l'attitude ki fine désapprouvé dans ene ton très sévère par Qour'aan-e-Kareem cote Allah Ta'ala dire:

"Et celui ki oppose Rasoul (Prophète) après ki la vérité fine fini manifesté devant li et li suive ene l'autre chemin (principe) apart chemin (principe) banne musulmans, alors nous pou laisse li faire ceki li pé faire et (dans Aakhirat) nous pou mette li dans jahannam ….". (S4/V115)

Hazrat Abdullah Bin 'Oumar ‎(Radiyallahou anhou‎)‎ ti ena deux façons pou reponne la question:

Soit li ti capave dire oui li waajib. Mais ça façon reponne-là li ena possibilité donne la personne l'impression ki salaat-ul witr li obligatoire pareille couma 5 fois namaz li obligatoire. Et normalement donne ene l'impression pareille li pas correcte parceki li pas vrai.
Ou bien li ti dire non, li pas waajib. Dans ce cas la personne ti capave croire ki li pena l'importance. Et ça aussi li pas vrai.

C'est à coze ça même ki Hazrat Abdullah Bin 'Oumar ‎(Radiyallahou anhou‎)‎ fine hésité pou situé la position de salaat-ul witr dans ene formule définie et claire. Au lieu ça, li fine préfère attire l'attention la personne vers so l'importance ki capave encourage li pratique li régulièrement sans donne li, le même degré et même statu ki 5 fois namaz faraz ena. Alors li fine contente li pou montré ki c'était ene kitchose ki fine toujours existé dans la pratique Rasouloullah ‎(Sallallaahou A'laihi Wasallam)‎‎‎‎ et banne Sahaba-e-Kiraam ‎(Radiyallahou anhou‎)‎. Ça suffit pou montré so l'importance.

Hadice Hazrat Khaarijah Bin Houzaafah ‎(Radiyallahou anhou‎)‎

"ان الله قد امدكم بصلاة هى خير لكم من حمر النعم وهى الوتر فجعلها لكم فيما بين صلاة العشاء الى صلاة الفجر". (الحاكم)

Traduction:-

“Certainement Allah fine accorde ou ene namaz additionnel. Li meilleur pour ou plis ki banne chameau rouges. Et ça namaz-là c’est witr. Li fine fixé ça pour ou dans l’intervalle entre namaz Esha juska namaz Fajar.” (Al- Haakim)

Position hadice Hazrat Khaarijah Bin Houzaafah ‎(Radiyallahou anhou‎)‎

Al- Hakim et Az-Zahabi fine qualifié ça hadice-là de saheeh (authentique). Apart Hazrat Khaarijah Bin Houzaafah ‎(Radiyallahou anhou‎)‎, le matn (contenu) de ça hadice-là fine rapporté par encore huit Sahaba-e-Kiraam:

عبد الله بن عمرو (Hazrat Abdullah Bin Amr ‎(Radiyallahou anhou‎)‎)
ابو سعيد الخدرى (Hazrat Abou Said Al- Khudri ‎(Radiyallahou anhou‎)‎)
ابو بصرة (Hazrat Abou Basra ‎(Radiyallahou anhou‎)‎)
عمرو بن العاص (Hazrat Amr Bin Aas ‎(Radiyallahou anhou‎)‎)
عبد الله بن عباس (Hazrat Abdullah Bin Abbaas ‎(Radiyallahou anhou‎)‎)
عقبة بن عامر (Hazrat Uqbah Bin Amir ‎(Radiyallahou anhou‎)‎)
عبد الله بن اوفى (Hazrat Abdullah Bin Abou Awfa ‎(Radiyallahou anhou‎)‎)
عبد الله بن عمر (Hazrat Abdullah Bin 'Oumar ‎(Radiyallahou anhou‎)‎)

Ça veut dire ki c`était ene hadice très connu dans l`époque de banne Sahaba-e-Kiraam. Ça explique la déclaration de Abou Zaid dans Kitaab-ul-Asraar à l`effet ki c`est ene hadice mash-hour.

Hadice mash-hour

Pour banne mouhaddice (savant de hadice), ene hadice mash-hour c`est ene hadice ki rapporté par pas moins ki trois personnes dans chaque l`époque. C`est à dire dans l`époque Sahaba-e-Kiraam, Tabeines et Taba-Tabeines. Et selon banne fouqaha (juristes) c'est ene hadice ki fine rapporté par ene nombre restreint de banne Sahaba-e-Kiraam mais dans l'époque de Tabeines et Taba-Tabeines li prend l'ampleur couma ene hadice Moutawatir. Ene hadice Moutawatir li pli fort parceki li rapporté par ene nombre illimité et tres elevé de banne Sahaba-e-Kiraam.

Explication:-

"... ان الله قد امدكم بصلاة ..."

“… Certainement Allah fine accorde ou ene namaz additionnel …”

Ça namaz additionnel-là c’est salaat-ul-witr. Li ene namaz additionnel parceki ti déjà ena 5 fois namaz faraz avant ça. Salaat-ul-witr fine être annexé avec 5 fois namaz ki ti déjà existé avant ça. Et ça fine être annexé par Allah Ta'ala. C’est couma dire Allah Ta'ala fine donne nous ene augmentation lors ceki nou ti ena auparavant. Ça donne salaat-ul-witr ene l’importance assez particulière. Et normalement ene annexe ou ene l’ajoute nous faire avec ene kitchose ki limité parceki ene kitchose ki perna limite, la question de l'ajoute ou annexe pas posé meme. Vraiment dire, c'est le nombre de namaz faraz ki limité. Donc le salaat-ul witr li ene annexe avec banne namaz faraz. Quand li ene annexe avec banne namaz faraz alors li pou bizin ena presque le meme statut couma banne namaz faraz parceki ene annexe li bizin impé pareille couma ça kikchose et ça l’élément principal avec lequel li annexé. Donc le salaat-ul-witr ki annexé avec les 5 fois namaz faraz ki ti déjà existé, li bizin impé pareil couma banne namaz faraz-là même. Et ça statut presque impé pareille couma namaz faraz-là, nous dire li waajib. En principe li ti bizin faraz meme mais acoze ki li pas categorique, pas capave prononce li faraz. Li descende ene ti degré enbas faraz ki appelle waajib.

"هى خير لكم من حمر النعم"

“Li meilleur pou ou plis ki banne chameaux rouges.”

Chameau rouge ti ene kikchose de très grande valeur pour banne Arabes. Alors Rasouloullah ‎(Sallallaahou A'laihi Wasallam)‎‎‎‎ fine oulé donne zotte ene l’idée de la valeur de salaat-ul-witr par compare li avec ene kikchose ki zotte tous ti déjà conne so valeur. C’est à dire bizin satisfait et content li. Et bizin ena la volonté et le plaisir pour faire salaat-ul-witr plis ki ti pou ena li par gagne chameau rouge dans so possession. Et si ena pour perdi banne chameaux rouges dans faire salaat-ul-witr, alors là-aussi pou dans profit.

Mais malgré tout so degré de l’importance, pas fine déclare li obligatoire couma banne namaz faraz parceki so banne preuves, de par zotte source et zotte sens, zotte pas ça catégorique-là et ça fort-là ki capave soutenir ene faraz. D’ailleurs tous banne hadices reconnaite seulement 5 fois namaz faraz ki de génération en génération fine rapporté, pratiqué et enseigné par entier 'Oummah. Donc li waajib c’est à dire ene ti degré moins ki faraz.

Laisse nou guette le hadice rapporté par Hazrat Abdullah Bin Amr ‎(Radiyallahou anhou‎)‎ ki ene tipé pli détaillé.

Hadice Hazrat Abdullah Bin Amr ‎(Radiyallahou anhou‎)‎

"مكثنا زمانا لا نزيد على الصلوات الخمس فامرنا رسول الله ‎صلى الله عليه وسلم‎‎‎‎ فاجتمعنا فحمد الله واثنى عليه ثم قال:

"ان الله قد زادكم صلاة فامرنا بالوتر" (الدار قطنى)

Traduction:-

Nou fine reste pendant ene bon boute le temps. Nou pas ti pé faire plis ki les cinq namaz. (Dans ene certaine l’occasion) Rasouloullah ‎(Sallallaahou A'laihi Wasallam)‎‎‎‎ fine dimane nou pour réuni; et nou fine réuni. Alors li fine glorifié Allah et fine faire so éloge. Ensuite li fine dire:

“Certainement Allah fine accorde zotte encore ene namaz. Et à la suite de ça, li fine annonce nou l'ordre pou faire witr.” (Darqutni)

Position hadice Hazrat Abdullah Bin Amr ‎(Radiyallahou anhou‎)‎

Ena ene Rawi (narrateur) nommé محمد بن عبيد الله العرزمى (Mouhammad Bin Ubaidullah Al- Arzami) dans Sanad ça hadice-là. Darqutni qualifié li de ene Rawi faible. Quant à le zotte savants de hadice couma وكيع (Waki') et الساجى (As-Saaji), zotte considère li couma ene Rawi crédible ki capave faire li confiance. Donc ça faire li vine ene Rawi controversé. Normalement ene Rawi controversé so hadice, li pas ene hadice faible. Plutôt li bénéficié le rang ene hadice hassan ki capave être servi comme ene preuve et ene argument.

Dans la liste de banne ki fine rapporte hadice avec li, nou trouve banne haute personnages couma سفيان (Soufyaan), شريك (Shareek), شعبة (Shou’bah) et Imaam ابو حنيفة (Abou Hanifah rahmatoullahi alayhim). D’après principe, banne haute personnages pareille, zotte ti pé hésité pour prend hadice avec ene Rawi ki pas sérieux. Ça montré ki Mouhammad Bin Ubaidullah ti bizin ene Rawi correcte et sérieux au près ça banne-là pour ki zotte fine permette zotte rapporte hadice avec li. Et surtout Shou'bah ti bien stricte et bien sévère lors ça sujet-là. Li pas ti pé prend hadice avec ene Rawi ki pas crédible. Tellement li fine reste stricte lors so principe ki ça fine vine ene règle pour banne Mouhaddices. C’est à dire quand Shou'bah rapporte hadice avec kit Rawi, ça li ene indication ki le Rawi en question li ene Rawi authentique.

D’ailleurs Mouhammad Bin Ubaidullah li pas tout seul dans rapporte ça hadice-là avec Amr Bin Shou’aib. Nous ena encore deux Rawi en l’occurrence Hajjaaj Bin Artaat et Mousanna Bin Sabbaah ki fine rapporte ça hadice-là avec le Rawi Amr Bin Shou’aib. Donc ça hadice-là ena tout banne raisons pour faire li vine ene hadice authentique. Surtout dans so l’ensemble, li vine ene ti pé pli fort et pli solide ki ene hadice authentique normal.

Explication:-

"... فامرنا رسول الله صلى الله عليه وسلم‎‎‎‎ فاجتمعنا ..."

“Alors Rasouloullah ‎(Sallallaahou A'laihi Wasallam)‎‎‎‎ fine ordonne nou (pour réuni) et nou fine réuni.”

Faire ene réunion pour annonce quelque chose c’est ene façon pour montré l’importance ça kikchose ki fine annoncé-là. Quand Rasouloullah ‎(Sallallaahou A'laihi Wasallam)‎‎‎‎ fine faire ça pour annonce salaat-ul-witr, ça montré ene ti pé le degré de l’importance ki li fine attaché avec ça namaz-là. C’est ene de banne raisons ki banne fouqaha (juristes) couma Imaam Abou Hanifa (rahmatoullahi alayh) fine avancé pour soutenir zotte thèse ki salaat-ul-witr li pas ene namaz ordinaire couma banne namaz nafil. Li ene namaz assez important.

"... فامرنا بالوتر"

“Et après ça li fine annonce nou l'ordre pour faire witr”.

C’est à dire Rasouloullah ‎(Sallallaahou A'laihi Wasallam)‎‎‎‎ fine passe l’ordre pour accomplir salaat-ul-witr. En principe ene l’ordre de la part Rasouloullah ‎(Sallallaahou A'laihi Wasallam)‎‎‎‎ c’est ene l’ordre ki tanque possible, bizin prend li couma ene kikchose ki waajib et ene kikchose ki obligé faire. A moins si nou gagne kikchose valable ki prouve le contraire. D’après ça principe-là, nou trouvé ki salaat-ul-witr li bizin ene kikchose ki obligé faire. Et ça l’idée et ça l’opinion-là, li confirmé surtout quand nou analyse li à la lumière hadice Hazrat بريدة ‎(Radiyallahou anhou‎)‎ (Bouraidah).

Position hadice Hazrat Abou Said Al Khudri ‎(Radiyallahou anhou‎)‎

Al- Hafiz Bin Hajar Al-Asqalaani fine qualifié hadice Hazrat Abou Said Al-Khudri ‎(Radiyallahou anhou‎)‎ de hassan dans so Ad-Diraayah.

Note : Allaamah Ahmad Bin Ali Bin Hajar Al Asqalaani, li ene célèbre 'Aalim et Mouhaddice ki fine vécu dans la période entre 773 H et 852 H. Li pli reconnaite par Ibn Hajar (rahmatoullahi alayh). Ene de so pli grand l’ouvrage c’est so Fat-hul-Baari ki li fine écrire en plus ki ene dizaine de volume comme commentaire lors Saheeh Al- Boukhari.

Position hadice Hazrat Abou Basrah ‎(Radiyallahou anhou‎)‎

Le hadice li ene hadice Saheeh (authentique) ki fine rapporté dans Mousnad Ahmad, Al- Moustadrak et Tibraani.

Position hadice Hazrat Uqbah Bin Aamir ‎(Radiyallahou anhou‎)‎ et Hazrat Amr Bin Aas ‎(Radiyallahou anhou‎)‎

C’est ene hadice qualifié de Hassan (bon) ki rapporté dans Tibraani.

Position hadice Hazrat Abdullah Bin Abbaas ‎(Radiyallahou anhou‎)‎

Ça hadice-là fine rapporté dans Sounan Ad-Darqutni. Ena ene Rawi nommé An-Nadr Abou 'Oumar dans so sanad ki Darqutni fine qualifié li de ene narrateur faible. Selon Imaam Tirmizi, ene parti de banne Mouhaddice fine mette li en question et fine critique li. Ibn Adi trouvé ki malgré ça, capave prend so hadice. Ceki nou conclure apartir de-là, ki li pas ça mauvais-là et pas tout ki fine disqualifié li. Donc si individuellement li perna capacité soutenir ene thèse, au moins li capave servi comme ene renfort.

Position hadice Hazrat Abdullah Bin Abou Awfa ‎(Radiyallahou anhou‎)‎

C’est ene hadice ki rapporté avec ene Sanad ki tous so banne narrateurs c'est banne narrateurs authentique et solide. Ça hadice-là fine rapporté dans الخلافيات (Al-Khilaafiyaat( de Imaam البيهقى (Al-Baihaqui).

Position hadice Hazrat Abdullah Bin 'Oumar ‎(Radiyallahou anhou‎)‎

C’est ene hadice rapporté dans Sounan Ad-Darqutni avec ene Sanad faible acoze ene Rawi nommé Houmaid Bin Abul Jawn. Malgré ça, li capave servi comme renfort parceki so contenu li approuvé et confirmé par boucou le zot hadices.

Hadice عبادة بن الصامت (Ubaadah Bin Saamit ‎(Radiyallahou anhou‎)‎)

Ene personne fine informe Hazrat Ubaadah Bin Saamit ‎(Radiyallahou anhou‎)‎ ki ene sahabi nommé Abou Mouhammad ‎(Radiyallahou anhou‎)‎ fine dire :

"ان الوتر واجب"

« Certainement witr li obligatoire ».

Lors ça Hazrat Ubaadah Bin Saamit ‎(Radiyallahou anhou‎)‎ fine repone :

"كذب ابومحمد"

« Abou Mohammad fine mal dire »

C'est-à-dire Hazrat Ubaadah Bin Saamit ‎(Radiyallahou anhou‎)‎ pas fine d’accord avec l’opinion Hazrat Abou Mohammad ‎(Radiyallahou anhou‎)‎. Et comme preuve li fine cite ene hadice de Nabi ‎(Sallallaahou A'laihi Wasallam)‎‎‎‎ cote li dire :

خمس صلوات كتبهن الله على العباد فمن جاء بهن ولم يضيع منهن شيئا استخفافا بحقهن كان له عند الله عهد ان يدخله الجنة ..."

«Ena cinq namaz ki Allah Ta'ala fine imposé lors banne serviteurs. Alors celui ki pou observe ça et ki pas pou abandonne narien depi là-dans par mépris ki li capave ena pou zotte valeur, alors li pour ena ene garantie à cote Allah Ta'ala ki li pour faire li rente dans jannat ... »

Par ça hadice-là Hazrat Ubaadah Bin Saamit ‎(Radiyallahou anhou‎)‎ fine oulé prouvé ki ena seulement 5 fois namaz ki obligatoire et ki li sufi pour ene dimoune rente dans jannat si li accomplir 5 namaz. Li pas nécessaire faire witr.

Capave Hazrat Ubaadah ‎(Radiyallahou anhou‎)‎ fine gagne l’impression ki Hazrat Abou Mohammad ‎(Radiyallahou anhou‎)‎ fine qualifié salaat-ul-witr obligatoire pareille couma 5 fois namaz. Acoze ça li fine réfute li. Mais en réalité Hazrat Abou Mohammad ‎(Radiyallahou anhou‎)‎ pas fine signifié ça genre ou ça degré de obligatoire-là. Li fine oulé necque montré ki li obligatoire sans mette li dans même rang avec 5 fois namaz. Parceki c’est ene kikchose ki tout ti conné ça. Donc ceki Hazrat Abou Mohammad ‎(Radiyallahou anhou‎)‎ fine dire, li pas en contradiction avec hadice ki Hazrat Ubaadah ‎(Radiyallahou anhou‎)‎ fine cité. De toute façon, ça hadice-là pas capave servi li pour dire ki salaat-ul-witr li optionnel. C’est à dire capave faire li couma capave pas faire li aussi. Parceki Rasouloullah ‎(Sallallaahou A'laihi Wasallam)‎‎‎‎ fine dire :

"من قال لا اله الا الله دخل الجنة"

« Celui ki fine dire لا اله الا الله, li pour rente dans jannat ».

Ça hadice-là montré ki ene dimoune pour rente dans jannat si li fine dire: لا اله الا الله. Quand même li pas faire narien apart ça. Mais malgré ça personne pas capave servi li pour dire ki namaz, zakaat, Roza, hajj etc. zotte pas obligatoire. Couma ça hadice-là pas capave servi pour dire ki namaz, roza, zakaat etc. pas obligatoire, coumsa même li pas correcte servi hadice Hazrat Ubaadah ‎(Radiyallahou anhou‎)‎ pour dire ki salaat-ul-witr pas waajib.

Hadice Hazrat Abdullah Bin Abbaas‎ (Radiyallahou anhou‎)‎

"ثلاث هن على فرائض ولكم تطوع النحر والوتر وركعتا الضحى" (رواه احمد والدارقطنى والبيهقى والحاكم)

Traduction : Ena trois kikchoses ki zotte obligatoire lors moi mais li optionnel pour zotte. An-Nahr-(Qurbani), witr et les deux rakaat de Ad-Doha (Ishraaq) ». (Musnad Ahmad/Darqutni/Baihaqui/Al Haakim)

Ça hadice-là montré ki banne musulmans en général zotte pas obligé faire witr. Mais c'est ene hadice ki qualifié de ene hadice faible par Imaam Ahmad, Al-Baihaqui, Ibn-us-Salaah, Ibn-ul-Jawzi, An-Nawawi et le zotte. D'ailleurs ena ene kitchose ki pas clair entre ça hadice-là et ene l'autre hadice rapporté par Hazrat Abdullah Bin 'Oumar ‎(Radiyallahou anhou‎)‎ ki dire ki Rasouloullah ‎(Sallallaahou A'laihi Wasallam)‎‎‎‎ ti pé faire witr lors chameau. Si vraiment li ti pé faire li lors chameau, ça veut dire ki witr pas ti waajib lors Rasouloullah ‎(Sallallaahou A'laihi Wasallam)‎‎‎‎ aussi. Parceki qiyaam (posture dibouté) li faraz dans banne namaz obligatoire ki pas capave être négligé. Si jamais fine néglige qiyaam sans aukene raison valable, alors namaz-là na pas pou compté Et en réalité ça hadice-là c'est ene de banne preuves avancé et cité par ceux ki dire ki salaat-ul witr pas waajib. Quand nous guette hadice Abdullah Bin Abbaas ‎(Radiyallahou anhou‎)‎, li montré ki salaat-ul witr li obligatoire lors Rasouloullah ‎(Sallallaahou A'laihi Wasallam)‎‎‎‎. Là nou trouve nou dans ene dilemme. Eski li ti waajib ou bien li pas ti waajib lors Rasouloullah ‎(Sallallaahou A'laihi Wasallam)‎‎‎‎? A coze ça le hadice de Hazrat Abdullah Bin Abbaas ‎(Radiyallahou anhou‎)‎ à l'effet ki salaat-ul witr li obligatoire lors Rasouloullah ‎(Sallallaahou A'laihi Wasallam)‎‎‎‎ et optionnel pou l'oummah, li ene hadice ki pas seulement faible de par so sanad (chaîne de narration), mais li faible de par so sens aussi. Donc li pas capave être considéré comme ene preuve pou dire ki salaat-ul witr li optionnel pou l'oummah en général.

Hadice Hazrat Abdullah Bin 'Oumar‎ (Radiyallahou anhou‎)‎

"... ان رسول الله ‎صلى الله عليه وسلم‎‎‎‎‎‎‎‎ كان يوتر على البعير" (رواه البخارى)

Traduction:-

"… Certainement Rasouloullah ‎(Sallallaahou A'laihi Wasallam)‎‎‎‎ ti pé faire witr lors chameau." (Boukhari)

Explication:

Qiyaam (posture debouté) li faraz dans namaz Faraz. Quant à banne namaz nafil, li autorisé faire zotte assizé aussi, même si la personne ena capacité pou dibouté. Donc àcoze ça, sans aukene raison valable, pas pou gagne droit faire namaz faraz lors chameau. Ça c'est ene principe établi chez banne fouqaha (juristes). Ça hadice-là montré ki Rasouloullah ‎(Sallallaahou A'laihi Wasallam)‎‎‎‎ ti pé faire salaat-ul witr lors chameau. Donc ça prouvé ki salaat-ul witr li pas ene namaz obligatoire. Sinon Rasouloullah ‎(Sallallaahou A'laihi Wasallam)‎‎‎‎ ti pou descende depi lors so chameau pou faire li couma li ti pé descende pou faire namaz faraz.

Nou pou remarqué ki perna aukene déclaration lors ça sujet-là de la part Rasouloullah ‎(Sallallaahou A'laihi Wasallam)‎‎‎‎. C'est necque ene fait et ene l'habitude de Rasouloullah ‎(Sallallaahou A'laihi Wasallam)‎‎‎‎ ki Hazrat Abdullah Bin 'Oumar ‎(Radiyallahou anhou‎)‎ fine observé et fine rapporté. Mais ene incident capave ena plusieurs raisons. A coze ça d'après principe, ceki arrivé dans ene circonstance particulier, pas capave être généralisé. Et surtout quand ça paraite en contradiction avec ene l'autre principe établi. Li possible ki Rasouloullah ‎(Sallallaahou A'laihi Wasallam)‎‎‎‎ ti pé faire salaat-ul witr lors chameau à coze ki li pas waajib couma li possible li ti pé faire li lors chameau dans cas oblige seulement. Et en cas oblige gagne droit faire namaz faraz aussi lors monture.

En ceki concerne salaat-ul witr li bon conné ki Rasouloullah ‎(Sallallaahou A'laihi Wasallam)‎‎‎‎ pas ti pé faire li lors monture tout le temps. Selon ene version rapporté par Mouswannaf Abdurrazzaaq, Hazrat Abdullah Bin 'Oumar ‎(Radiyallahou anhou‎)‎ dire:

"انه كان يوتر على راحتله وربما نزل فاوتر بالارض"

"Li ti pé faire witr lors so monture et ena des fois li ti pé descende et li ti pé faire li enbas lors la terre."

Selon ene version rapporté par Allaamah Tahaawi dans معانى الآثار (Ma-anil-Athaar) avec ene sanad authentique, Hazrat Abdullah Bin 'Oumar ‎(Radiyallahou anhou‎)‎ ti pé faire namaz (nafil) lors so monture mais li ti pé faire witr enbas lors la terre. Et li ti pé déclaré ki Rasouloullah ‎(Sallallaahou A'laihi Wasallam)‎‎‎‎ ti pé faire ça dans ça façon-là même. Selon Mou'atta Imaam Mouhammad (rahmatoullah alayh) aussi, Hazrat Abdullah Bin 'Oumar ‎(Radiyallahou anhou‎)‎ ti pé descende depi lors so monture pou faire namaz faraz et namaz witr. Tout ça-là confirme la possibilité ki Rasouloullah ‎(Sallallaahou A'laihi Wasallam)‎‎‎‎ ti pé faire witr lors so monture pendant so voyage seulement par l'obligation et par l'empêchement. Parfois parfois li ti pé faire li enbas. Ça explique so l'habitude de faire witr à cote pas ti ena l'empêchement. Pas à coze ki li pas waajib.

L'empêchement ki ti nécessite faire salaat-ul witr lors monture c'était probablement à coze ki li ti pé accomplir li tard dans la nuit. Par contre banne namaz faraz, zotte normalement accompli avec jama'at dans commencement la nuit ou bien dans la journée cote perna aukene nécessité faire li lors monture.

Hadice Hazrat Talha Bin Ubaidullah‎ (Radiyallahou anhou‎)‎

... قال رسول الله ‎صلى الله عليه وسلم خمس صلوات فى اليوم والليلة ..."

"Rasouloullah ‎(Sallallaahou A'laihi Wasallam)‎‎‎‎ fine dire: Ena 5 namaz (faraz) dans la journée et dans la nuit …" (Boukhari/Mouslim)

Explication:

"Ena 5 namaz (faraz) dans la journée et dans la nuit...".

Ça déclaration-là montré ki perna aukene namaz obligatoire apart ça 5 namaz-là. En présence ene déclaration semblable de la part Rasouloullah ‎(Sallallaahou A'laihi Wasallam)‎‎‎‎, coumanière capave pretende ki salaat-ul witr li waajib (obligatoire)? Quand nou guette le hadice couma li été, li paraite vraiment difficile. Parceki si nou dire salaat-ul witr li waajib, alors à ce moment-là, nou pou ena 6 namaz faraz. Et couma nou conné, ça li contraire à ceki entier l'oummah fine conné et fine pratiqué depi tout le temps. Donc déclare salaat-ul witr waajib li pas en accord avec le principe établi et conçu par entier l'oummah depi tout le temps. Tout ça banne questions-là capave posé si nou prend"واجب" (waajib) dans le même sens de "فرض" (faraz). Mais si nou dire ki li pas pareille couma faraz, alors tous ça banne questions-là pas pou posé du tout. La question c'est "eski waajib li pareille couma faraz" ?

Normalement capave servi le mot waajib dans le sens de faraz. A coze ça souplesse-là effectivement banne fouqaha (juristes) zotte servi le mot waajib dans le sens de faraz. Mais techniquement parlant, ena différence entre les deux. Selon Imaam Abou Hanifah (rahmatoullahi alayh), waajib c'est ene degré de obligation ene ti peu moins ki faraz et ki so banne preuve pas ça catégorique-là de par so source ou bien de par so sens. Quand à faraz, li ene degré de obligation ki repose lors banne preuves catégorique à cent pour cent sans kit pourcentage de réserve. Donc si nou dire salaat-ul witr li ene waajib ki pas pareille couma faraz, à ce moment-là, pas pou ena aukene contradiction avec aukene principe. Et ça pas pou pose aukene difficulté pou comprend hadice Hazrat Talha Bin Ubaidullah ‎(Radiyallahou anhou‎)‎. C'est-à-dire le nombre de namaz faraz li reste cinq même. Et salaat-ul witr li pas faraz. Li waajib ki prouvé par le zotte hadices. Deuxièmement salaat-ul witr li pas ene namaz apart. Li plutôt ene annexe ki inclu dans les 5 namaz. Et ça pas augmente le nombre de cinq. C'est ene raisonnement ki fine adopté pas seulement par Imaam Abou Hanifah (rahmatoullahi alayh). Li ene raisonnement et ene façon de faire de Imaam Malik (rahmatoullahi alayh), Imaam Shafi' (rahmatoullahi alayh) et le جمهور (la majorité) aussi. Par exemple dans le même hadice de Hazrat Talha Bin Ubaidullah ‎(Radiyallahou anhou‎)‎, fine mentionne zakaat aussi. Ça veut dire concernant du bien, perna narien ki faraz apart zakaat mais pourtant Imaam Malik (rahmatoullahi alayh), Imaam Shafi' (rahmatoullahi alayh) et la majorité de banne 'Oulama zotte déclare sadaqat-ul fitr faraz. Banne questions ki fine soulevé dans déclare salaat-ul witr waajib à la lumière de hadice de Hazrat Talha Bin Ubaidullah ‎(Radiyallahou anhou‎)‎ capave posé ici aussi. Mais Imaam Malik et Imaam Shafi' etc. probablement zotte fine servi le mot فرض ou فريضة dans le même sens ki Imaam Abou Hanifah fine servi le terme واجب. C'est-à-dire dans le sens ene degré de obligation ki pas pareille couma faraz. Bref dans déclare salaat-ul witr perna narien ki casse kit principe. Li tout à fait normal et li encadré avec le principe adopté par جمهور (la majorité).

L'HEURE SALAAT-UL WITR

Hadice Hazrat Khaarijah Bin Houzaafah ‎(Radiyallahou anhou‎)‎

"… فجعلها (صلاة الوتر) لكم فيما بين صلاة العشاء الى صلاة الفجر"(الحاكم)

Traduction: "… Li (Allah Ta'ala) fine fixé ça (l'heure salaat-ul witr) pou ou dans l'intervalle entre namaz Esha juska namaz Fajar". (Al Haakim)

Position hadice Hazrat Khaarijah Bin Houzaafah ‎(Radiyallahou anhou‎)‎

C'est ene hadice qualifié de saheeh (authentique) par Al Haakim et Allaamah Az-Zahabi. Selon Al Haakim et Allaamah Az-Zahabi, ena ene seul Tabeï nommé Ibn Abou Mourrah ki fine rapporte ça hadice-là avec le sahabi Hazrat Khaarijah Bin Houzaafah ‎(Radiyallahou anhou‎)‎. Selon zotte, c'est la raison pou laquelle Imaam Boukhari et Imaam Mouslim pas fine rapporte ça dans zotte livres. Mais en réalité li pas exacte ceki zotte fine déclaré parceki ena encore ene l'autre Tabeï nommé Abdur Rahmaan Bin Joubair ki fine rapporte ça hadice-là avec Hazrat Khaarijah Bin Houzaafah ‎(Radiyallahou anhou‎)‎. Donc au lieu ene, nou ena deux Tabeï nommé Ibn Abou Mourrah et Abdur Rahmaan Bin Joubair ki fine rapporte ça hadice-là avec Hazrat Khaarijah Bin Houzaafah ‎(Radiyallahou anhou‎)‎.

Explication:

L'heure salaat-ul witr li commencé quand l'heure Esha rentré. C'est-à-dire bizin faire li après ki fine fini faire namaz Esha. Et li terminé avec le commencement l'heure namaz fajar. L'heure namaz fajar li rentré quand soubh sadiq paraite. Donc l'heure namaz witr li resté juska avant soubh sadiq. Shariat fine accorde la facilité accomplir namaz witr dans n'importe ki parti de la nuit dans ça l'intervalle-là.

Hadice Hazrat Aisha ‎(Radiyallahou anhou‎)‎

"كل الليل اوتر رسول الله ‎صلى الله عليه وسلم‎‎‎‎‎‎‎‎ وانتهى وتره الى السحر" (رواه البخارى)

Traduction:

Rasouloullah ‎(Sallallaahou A'laihi Wasallam)‎‎‎‎ fine faire salaat-ul witr dans tous banne parti de la nuit. Et finalement (l'heure de) so witr fine vine joine dans l'heure sehri (dernière parti de la nuit). (Boukhari)

Selon ene l'autre hadice rapporté dans Tibraani, Hazrat Aisha ‎(Radiyallahou anhou‎)‎ déclaré ki Rasouloullah ‎(Sallallaahou A'laihi Wasallam)‎‎‎‎ fine faire witr dans tout parti de la nuit: Dans so commencement, dans so au milieu et à la fin quand li fine quitte le monde so witr ti vine joine juska l'heure sehri.

Hadice Hazrat Abdullah Bin 'Oumar ‎(Radiyallahou anhou‎)‎

"اذا طلع الفجر فقد ذهب كل صلاة الليل والوتر فاوتروا قبل طلوع الفجر" (رواه الترمذى)

Traduction:

"Quand fajar (l'aube/soubh sadiq) fine paraite, alors l'heure namaz dans la nuit (tahajjud) et (l'heure) namaz witr fine dépassé. Donc fini faire witr avant l'apparition fajar". (Tirmizi)

Position hadice

Le hadice Hazrat Abdullah Bin 'Oumar ‎(Radiyallahou anhou‎)‎ fine qualifié de saheeh (authentique) par Allaamah An Nawawi dans الخلاصة (Al Khoulaaçah)

Explication:

"L'heure namaz dans la nuit et l'heure namaz witr fine dépassé" veut dire l'heure ki ti bizin faire li fine dépassé. Mais eski bizin remplace li après? Ça hadice-là perna narien ki dire "Oui" ou "Non" concernant ça question-là. Ça réponse-là bizin cherche ailleurs.

BIZIN REMPLACE WITR APRES L'HEURE

Hadice Abou Saïd Al Khudri ‎(Radiyallahou anhou‎)‎

"من نام عن وتره اونسيه فليصله اذا ذكره" (ابو داؤد)

Traduction:

"Celui ki fine reste dormi de so witr ou bien fine oublié li, alors li faire li quand li rappelle". (Abou Dawood)

Position hadice:

Imaam Abou Dawood fine rapporte ça hadice-là et li fine passe lors-là sans faire aukene commentaire. Normalement li adopté le principe de pas faire commentaire lors ene hadice quand ça hadice-là li authentique d'après li. Donc c'est ene indication ki ça hadice-là li correcte d'après Imaam Abou Dawood. Selon Al Haakim, ça hadice-là li saheeh (authentique) parceki li satisfaire banne critères établi par Imaam Boukhari et Imaam Mouslim pou être ene hadice saheeh. Allaamah Al Iraqui aussi fine qualifié ça hadice-là de saheeh.

Explication:

Ça hadice-là montré ki bizin remplace salaat-ul witr après l'heure si pas fine réussi faire li dans l'heure ki ti bizin faire li. C'est à dire si la nuit fine passé et l'heure fajar fini rentré et pas fine réussi faire witr, alors bizin remplace li. Remplace salaat-ul witr après ki so l'heure fine dépassé, c'est ene pratique approuvé par l'unanimité da banne Sahaba-e-Kiraam. Allaamah Badruddeen Al Aïni dire dans so "Al Binaayah":

"ذكر الحافظ ابو جعفر الطحاوى ان وجوب قضاء الوتر اجماع من الصحابة"

"Al Haafiz Abou Ja'far At-Tahaawi fine déclaré ki l'obligation remplace witr c'est ene consensus de banne Sahaba-e-Kiraam".

Hadice Abou Hourairah ‎(Radiyallahou anhou‎)‎

"اذا اصبح احدكم ولم يوتر فليوتر" (رواه البيهقى والحاكم)

Traduction:

"Quand ene kikene parmi ou joine l'heure fajar et li pas encore faire witr alors li faire witr." (Al Baihaqui/Al Haakim)

Position hadice:

Al Haakim fine qualifié ça hadice-là de saheeh lors la base ki ça hadice-là li satisfaire banne critères approuvés par Imaam Boukhari et Imaam Mouslim pou être ene hadice authentique.

Explication:

Ça hadice-là li autorise remplace salaat-ul witr même si l'heure namaz fajar fine fini rentré. Et si nou guette le fait ki Rasouloullah ‎(Sallallaahou A'laihi Wasallam)‎‎‎‎ fine ordonné pou remplace li, alors li pas pou seulement ene autorisation. Li pou vine ene kitchose ki obligatoire faire parceki en principe li waajib (obligatoire) pou exécute l'ordre Rasouloullah ‎(Sallallaahou A'laihi Wasallam)‎‎‎‎. A moins si ena kitchose ki prouvé ki li pas waajib. Ici perna narien ki dire ki li pas obligatoire. Alors li obligatoire pou remplace witr après l'heure si pas fine réussi faire li dans so l'heure ki ti bizin faire li. Si li waajib pou remplace li, ça veut dire ki salaat-ul witr li waajib sinon pas ti pou obligé remplace li.

D'autre part l'autorisation pou remplace witr malgré ki l'heure fajar fine fini rentré, li ene indication ki salaat-ul witr li waajib parceki pas gagne droit faire aukene namaz sounnat ou nafil apart 2 sounnat fajar quand l'heure fajar fine fini rentré. Imaam Tirmizi fine dire:

"وهو ما اجمع عليه اهل العلم كرهوا ان يصلى بعد طلوع الفجر الا ركعتى الفجر"

"C'est ene principe ki banne 'Oulama fine faire l'unanimité lors ça. (C'est-à-dire) Zotte fine considère faire namaz (sounnat/nafil) apart les deux sounnat de fajar comme makrouh (indésirable) après l'apparition de l'aube."

Malgré ça si fine autorise et ordonne pour remplace witr dans ça l'heure-là, ça signifié ki li pas nafil ni li sounnat. Plutôt li bénéficié ene degré et ene statu plis ki sounnat et nafil. Ene degré plus avancé ki degré de sounnat et nafil c'est waajib. Donc l'ordre et l'autorisation pou remplace salaat-ul witr dans ene l'heure ki aukene sounnat et nafil pas gagne droit accomplir li ene indication ki salaat-ul witr li waajib.

MEILLEUR L'HEURE POU FAIRE WITR

Hadice Hazrat Jabir ‎(Radiyallahou anhou‎)‎

"من خاف ان لا يقوم من آخر الليل فليوتر اوله ومن طمع ان يقوم آخره فليوتر آخر الليل فان صلاة آخر الليل مشهودة وذلك افضل" (رواه مسلم)

Traduction:

"Celui ki peur ki li pas pou capave levé dans dernier partie la nuit, alors li faire witr dans so commencement. Et celui ki ena l'espoir ki li capave levé dans so dernière partie alors li faire witr dans la dernière partie de la nuit parceki namaz dans la derniere partie de la nuit li assisté (par banne anges) et ça li meilleur." (Mouslim)

Explication:-

Capave faire witr dans commencement la nuit couma capave réserve li pour la dernière partie de la nuit. Mais faire li dans la dernière partie de la nuit li pli recommandé et li pli bon. Ça li applique pour ene dimoune ki ena confiance ki li capave levé dans la nuit. Mais si ene dimoune ki pas trop sur li capave levé, alors li bizin faire li avant li alle dormi.

Selon ene hadice dans Boukhari et Mouslim, Rasouloullah ‎(Sallallaahou A'laihi Wasallam)‎‎‎‎ ti conseille Hazrat Abou Hourairah ‎(Radiyallahou anhou‎)‎ faire witr avant li alle dormi. Selon Allaamah Bin Hajar Al-Asqalaani, c’était probablement acoze ki Hazrat Abou Hourairah ‎(Radiyallahou anhou‎)‎ ti pé appranne et faire révision so banne hadice juska tard dans la nuit ki ti capave dans ene certaine mesure empêche li levé dans la dernière partie de la nuit. Donc li fine recommande li faire so witr avant alle dormi afin ki li pas perdi so witr même dans essaye pour faire li dans ene pli bon l’heure.

"من خاف ان لا يقوم من آخر الليل فليوتر اوله ..."

“Celui ki peur ki li pas pou capave levé dans la dernière partie de la nuit, alors li bizin faire witr dans so commencement ...”

C’est ene mesure de précaution ki normalement pas capave mette autant l’emphase pour adopté pour ene namaz ki pas tellement important. Li bizin ene namaz en quelque sorte assez essentiel. Ça aussi li ene de banne indications ki approuve l’opinion de banne ki dire ki witr li waajib.

Hadice Hazrat Abou Qataadah ‎(Radiyallahou anhou‎)‎

"ان النبى ‎(Sallallaahou A'laihi Wasallam)‎‎‎‎ قال لابى بكر متى توتر قال اوتر اول الليل وقال لعمر متى توتر قال آخر الليل فقال لابى بكر اخذ هذا بالحزم وقال لعمر اخذ هذا بالقوة" (رواه ابو داؤد)

Traduction:-

Nabi (Sallallaahou A'laihi Wasallam)‎‎‎‎ fine dimane Hazrat Abou Bakr ‎(Radiyallahou anhou‎)‎: “Ki l’heure to faire witr?" Hazrat Abou Bakr ‎(Radiyallahou anhou‎)‎ fine repone: "Mo faire witr dans commencement la nuit". Ensuite Rasouloullah ‎(Sallallaahou A'laihi Wasallam)‎‎‎‎ fine dimane Hazrat 'Oumar ‎(Radiyallahou anhou‎)‎:- "ki l’heure to faire witr?" Hazrat 'Oumar ‎(Radiyallahou anhou‎)‎ fine repone: "(mo faire witr) dans dernière partie de la nuit". A propos Hazrat Abou Bakr ‎(Radiyallahou anhou‎)‎, Rasouloullah ‎(Sallallaahou A'laihi Wasallam)‎‎‎‎ fine dire: "sanla fine adopté le coté précaution". Et à propos Hazrat 'Oumar ‎(Radiyallahou anhou‎)‎, li fine dire: "sanla fine adopté le coté ki ena difficulté.” (Abou Dawood)

Position Hadice Hazrat Abou Qataadah ‎(Radiyallahou anhou‎)‎

Imaam Abou Dawood pas fine faire aukene commentaire lors ça hadice-là. Apart ça Al-Mounziri aussi pas fine dire narien lors ça. D’après le principe établi, banne savants de hadice zotte considère silence de Abou Dawood lors ene hadice ki li fine rapporté comme ene indication de l’authenticité et validité ça hadice-là. Coumsa même quand Al-Mounziri pas faire aukene commentaire lors ene hadice dans Abou Dawood, alors ça li ene indication ki li fine approuve l’opinion Imaam Abou Dawood dans considère le hadice comme authentique et valable. Selon Ibn-ul-Qattaan, banne narrateurs dans sanad ça hadice-là zotte banne narrateurs authentiques. Donc ça hadice-là li ene hadice authentique.

Explication:-

Rasouloullah ‎(Sallallaahou A'laihi Wasallam)‎‎‎‎ fine approuve tous les deux façons. La façon de faire witr dans commencement la nuit et la façon de faire li dans la dernière partie de la nuit. Tous les deux li conforme avec la façon sounnat mais en principe faire li dans la dernière partie la nuit li pli recommandé parceki finalement Rasouloullah ‎(Sallallaahou A'laihi Wasallam)‎‎‎‎ ti commence pratique li dans ça même façon-là.

LE NOMBRE DE RAKAAT DANS SALAAT-UL-WITR

Hadice Hazrat Aisha ‎(Radiyallahou anhou‎)‎:-

عن عبد بن ابى قيس قال سألت عائشة ‎رضي الله عنها‎ بكم كان رسول الله ‎صلى الله عليه وسلم‎‎‎‎ يوتر؟ قالت باربع وثلث وست وثلث وثمان وثلث وعشرة وثلث ولم يكن يوترباكثر من ثلث عشرة ولا انقص من سبع. (رواه احمد وابو دؤد والطحاوى)

Traduction:-

Abdullah Bin Abou Qais dire:

Mo fine dimane (Hazrat) Aisha ‎(Radiyallahou anhou‎)‎:-

“Combien rakaat witr Rasouloullah ‎(Sallallaahou A'laihi Wasallam)‎‎‎‎ ti pé faire? Hazrat Aisha ‎(Radiyallahou anhou‎)‎ fine dire: (li ti pé faire witr) avec 4 rakaat + 3; six rakaat + 3; huit rakaat + 3; dix rakaat + 3. Li pas ti pé faire witr plis ki 13 rakaat ni moins ki 7 rakaat.” (Mousnad Ahmad- Abou Dawood - At-Tahaawi)

Position hadice:-

Sanad ça hadice-là li ene Sanad correcte. Ça veut dire ki ça hadice-là li ene hadice valable, surtout quand li approuvé par encore le zot hadice.

Explication:-

Namaz pendant la nuit li reconnaite par Salaat-ul-lail et tahajjud. Et parfois ti pé appelle li Salaat-ul-witr aussi. Pourtant c’est necque ene partie de Salaat-ul-lail ki appelle Salaat-ul-witr. Mais malgré ça entier Salaat-ul-lail fine appelle li Salaat-ul-witr. Probablement acoze ki li pli important dans Salaat-ul-lail. Dans la pratique, souplesse dans l’expression permette nou appelle ene kikchose par ça partie ki pli important là-dans.

En d’autre mot le nombre de rakaat ki Rasouloullah ‎(Sallallaahou A'laihi Wasallam)‎‎‎‎ ti pé faire dans tahajjud, li ti varié de 4 à 10 rakaat. C’est à dire 4, 6, 8 et 10. Et comme witr même, li ti pé faire seulement trois rakaat.

Hadice Hazrat Aisha ‎(Radiyallahou anhou‎)‎:-

"ان رسول الله صلى الله عليه وسلم‎‎‎‎ كان يوتر بثلث يقرأ فى الركعة الاولى سبح اسم ربك الاعلى وفى الثانية قل يايها الكفرون وفى الثالثة قل هو الله احد وقل اعوذ برب الفلق وقل اعوذ برب الناس"

(رواه الدارقطنى والطحاوى والحاكم)

Traduction:-

Rasouloullah ‎(Sallallaahou A'laihi Wasallam)‎‎‎‎ ti pé faire trois rakaat witr. Dans premier rakaat, li ti pé lire :

سبح اسم ربك الاعلى.
dans deuxième rakaat : قل يايها الكفرون.
et dans troisième rakaat (li ti pé lire) :

قل هو الله احد

قل اعوذ برب الفلق

قل اعوذ برب الناس

(Sounan Darqutni - At-Tahaawi - Al-Hakim)

Position hadice:-

Al Hafiz Ibn Hajar Al Asqalaani dire dans so التلخيص الحبير (At-Talkhees-ul-Habeer) ki selon العقيلى (Al-Uqaili), c’est ene hadice passable et correcte. Mais selon li meme, le hadice ki Hazrat Abdullah Bin Abbaas ‎(Radiyallahou anhou‎)‎ et Hazrat Ubay Bin Ka’ab ‎(Radiyallahou anhou‎)‎ fine rapporté, dans lequel pas fine mentionne المعوذتان, c’est à dire قل اعوذ برب الناس / قل اعوذ برب الفلق, li pli solide et pli authentique. Yahya Bin Ma-ïne et Imam Ahmad Bin Hambal aussi considère mention de ça deux sourah-là étrange et anormal dans ça hadice-là. Donc selon le hadice pli correcte et pli authentique, Rasouloullah ‎(Sallallaahou A'laihi Wasallam)‎‎‎‎ ti pé lire seulement قل هو الله احد dans troisieme rakaat.

Explication:-

D’après ça hadice-là, le nombre de rakaat ki Rasouloullah ‎(Sallallaahou A'laihi Wasallam)‎‎‎‎ fine faire dans witr c’était de 3 rakaat. Ça version-là li paraite pli solide, surtout quand nou trouvé ki fine précise ceki Rasouloullah ‎(Sallallaahou A'laihi Wasallam)‎‎‎‎ ti pé lire dans chaque rakaat.

Hadice Hazrat Abdullah Bin Abbaas ‎(Radiyallahou anhou‎)‎:-

كان رسول الله صلى الله عليه وسلم‎‎‎‎ يقرأ فى الوتر سبح اسم ربك الاعلى وقل يايها الكفرون وقل هو الله احد فى ركعة ركعة" (رواه الترمذى)

Traduction:-

Rasouloullah ‎(Sallallaahou A'laihi Wasallam)‎‎‎‎ ti pé lire : "سبح اسم ربك الاعلى",

"قل يايها الكفرون"

Et "قل هو الله احد" (chakene) dans ene ene rakaat. (Tirmizi)

Position hadice:-

Allaamah النووى (An Nawawi) fine qualifié ça hadice-là de ene hadice صحيح (authentique) dans so الخلاصة (Al Khulaaçah). Al Iraqui aussi fine qualifié li de saheeh.

Explication:-

Le hadice li bien claire pou montré ki la pratique Rasouloullah ‎(Sallallaahou A'laihi Wasallam)‎‎‎‎ concernant Salaat-ul-witr c’était de trois rakaat. Et ça trois rakaat-là ti avec ene seul salaam dans so la fin. Li pas ti pé faire li en deux volets de 2 + 1 rakaat.

Hazrat Aisha ‎(Radiyallahou anhou‎)‎ rapporté:-

كان رسول الله ‎صلى الله عليه وسلم‎‎‎‎ يوتر بثلث لا يسلم الا فى آخرهن" (الحاكم)

“ Rasouloullah ‎(Sallallaahou A'laihi Wasallam)‎‎‎‎ ti pé faire 3 rakaat witr, li pas ti pé faire salaam excepté dans so la fin.” (Al Haakim)

Hadice Hazrat (ابى بن كعب) Ubayy Bin Ka’ab ‎(Radiyallahou anhou‎)‎:-

كان رسول الله ‎(Sallallaahou A'laihi Wasallam)‎‎‎‎ يقرأ فى الوتر سبح اسم ربك الاعلى وفى الركعة الثانية بقل يايها الكفرون وفى الثالثة بقل هو الله احد ولا يسلم الا فى آخرهن ويقول يعنى بعد التسليم سبحان الملك القدوس ثلثا"(النسائ)

Traduction:-

Dans witr Rasouloullah ‎(Sallallaahou A'laihi Wasallam)‎‎‎‎ ti pé lire سبح اسم ربك الاعلى et dans deuxième rakaat (li ti pé lire) قل يايهاالكفرون. Et dans troisième rakaat (li ti pé lire) قل هو الله احد. Et li pas ti pé faire salaam apart dans so la fin. Après salaam li ti pé dire trois fois سبحان الملك القدوس. (Nasaai)

Position hadice:-

C’est ene hadice ki fine qualifié de Saheeh (authentique) par Darqutni et Al Iraqui.

Explication:-

Hadice de Hazrat Ubayy Bin Ka’ab ‎(Radiyallahou anhou‎)‎ pé prouve 4 kikchoses concernant Salaat-ul-witr:

Rasouloullah ‎(Sallallaahou A'laihi Wasallam)‎‎‎‎ ti ena l’habitude faire trois rakaat witr.
Banne Sourah ki Rasouloullah ‎(Sallallaahou A'laihi Wasallam)‎‎‎‎ ti pé lire dans chaque rakaat de Salaat-ul-witr.
Salaat-ul-witr ki Rasouloullah ‎(Sallallaahou A'laihi Wasallam)‎‎‎‎ ti ena l’habitude faire li, ti de trois rakaat avec ene seul salaam. C’est à dire li pas ti pé faire salaam au milieu lors deuxième rakaat.
Doah ki li ti pé faire après salaat-ul-witr.

Nou remarqué ki banne Sahaaba-e-Kiraam couma Hazrat Aisha ‎(Radiyallahou anhou‎)‎, Hazrat Abdullah Bin Abbaas ‎(Radiyallahou anhou‎)‎ et Hazrat Ubayy Bin Ka’ab ‎(Radiyallahou anhou‎)‎ zotte tous fine rapporte ça même façon et ça même pratique habituelle de Rasouloullah ‎(Sallallaahou A'laihi Wasallam)‎‎‎‎. C’est à dire 3 rakaat de witr dans ene seul volet avec ene seul salaam !

Imam Tirmizi (rahmatoullahi alayh) dire :

"والذى اختاره اكثر اهل العلم من اصحاب النبى ‎صلى الله عليه وسلم‎‎‎‎ ومن بعدهم ان يقرأ سبح اسم ربك الاعلى وقل يايها الكفرون وقل هو الله احد فى كل ركعة من ذاك سورة"

Ceki la majorité ‘Oulama parmi banne Sahaba de Nabi ‎(Sallallaahou A'laihi Wasallam)‎‎‎‎ et banne ki fine vine après zotte fine adopté, c’est ki la personne li récite :

سبح اسم ربك الاعلى,

قل يايها الكفرون

Et قل هو الله احد -- ene sourah dans chaque rakaat là-dans.” (Tirmizi)

A la lumière de ceki Imam Tirmizi fine rapporté, nou trouvé li trois rakaat witr ti ene pratique très connu et en vigueur dans l’époque banne Sahaaba-e-Kiraam et dans l’époque banne tabeïnes. Donc c’est ene pratique ki fine acceptée et adoptée par la plus grande majorité.

Hadice Hazrat Aisha ‎(Radiyallahou anhou‎)‎:-

"ما كان رسول الله ‎(Sallallaahou A'laihi Wasallam)‎‎‎‎ يزيد فى رمضان ولا فى غيره على احدى عشرة ركعة. يصلى اربعا فلا تسئل عن حسنهن وطولهن ثم يصلى اربعا فلا تسئل عن حسنهن وطولهن ثم يصلى ثلاثا"

(رواه البخارى ومسلم)

Traduction:-

“Rasouloullah ‎(Sallallaahou A'laihi Wasallam)‎‎‎‎ pas ti pé faire plis ki onze rakaat ni dans Ramadhaan ni en dehors de ça. Li ti pé faire 4 rakaat. Pas dimane so beauté et so longueur ! Ensuite li ti pé refaire 4 rakaat (sanla aussi) pas dimane so beauté et so longueur. Ensuite li ti pé faire trois rakaat.” (Boukhari/ Mouslim)

Explication:-

Hazrat Aisha ‎(Radiyallahou anhou‎)‎ pé faire mention de onze rakaat namaz ki Rasouloullah ‎(Sallallaahou A'laihi Wasallam)‎‎‎‎ ti pé faire dans la nuit. Ça onze rakaat-là c’était la pratique ki Rasouloullah ‎(Sallallaahou A'laihi Wasallam)‎‎‎‎ ti pé habitué pratiqué tout le temp. Ena des fois li ti pé faire plis ki ça aussi couma parfois li ti pé faire moins ki ça. Mais la pratique en général c’était de onze rakaat. Namaz ki faire dans Ramadhaan et en dehors Ramadhaan c’est namaz tahajjud. Donc ça hadice-là pé cause lors nombre de rakaat dans namaz tahajjud et ça ti reste presque pareil tout le temps dans la pratique Rasouloullah ‎(Sallallaahou A'laihi Wasallam)‎‎‎‎. Donc ça onze rakaat-là li représente 8 rakaat de tahajjud et 3 rakaat de witr. Li pas concerne namaz taraweeh. Ça montré ki l’habitude Rasouloulah ‎(Sallallaahou A'laihi Wasallam)‎‎‎‎ concernant salaat-ul-witr c’était de 3 rakaat. Quant à ene rakaat de witr ki fine rapporté dans hadice à la lumière de la pratique de Nabi ‎(Sallallaahou A'laihi Wasallam)‎‎‎‎, li paraite ki ça ti en vigueur pou ene certaine l’époque seulement.

Hadice Hazrat ‘Oumar ‎(Radiyallahou anhou‎)‎:-

عن المسور بن مخرمة قال دفنا ابابكر ليلا فقال عمر انى لم اوتر فقام وصففنا وراوه فصلى بنا ثلث ركعات لم بسلم الا فى آخرهن (معانى الآثار للطحاوى)

Rapporté par Al Miswar Bin Makhramah ki fine dire: Nou fine enterre (Hazrat) Abou Bakr ‎(Radiyallahou anhou‎)‎ dans la nuit. Après ça (Hazrat) ‘Oumar ‎(Radiyallahou anhou‎)‎ fine dire: “ Mo pas encore faire witr. Alors li fine dibouté et nou fine aligne nou derrière li. Et li fine faire nous faire trois rakaat dans lequel li pas fine faire salaam (ditout) excepté dans so la fin.” (Ma-aanil-Athaar de At-Tahaawi)

Position hadice:-

Tous banne narrateurs dans Sanad (chaîne de narration) ça hadice-là zotte banne narrateurs fort, solide, et authentique. Donc le hadice li ene hadice Saheeh (authentique).

Explication:-

Hazrat Abou Bakr ‎(Radiyallahou anhou‎)‎ ti mort ene jour lundi dans le mois de Joumada-Al-Oula. Donc ça namaz witr ki zotte fine faire en jamaate ti en dehors mois Ramadhaan.

Ça prouvé ki capave faire salaat-ul-witr avec jamaate en dehors Ramadhaan aussi. Mais ça pas prouvé ki li permette faire li régulièrement avec jamaate dans ene forme organisé parceki ceki zotte ti faire, c’était par coïncidence sans organisé. Donc li capave vine ene preuve pou faire li avec jamaate occasionnellement et sans organise li.

Accomplir ene kikchose dans ene forme organisé capave réalisé par faire li lors ene base régulier ou bien par faire li avec ene jamaate de ene nombre assez élevé. Selon banne Fouqaha (juristes) le minimum de ça nombre assez élevé-là commence apartir 3 ou 4 mouswalli. Quant à ene ou deux mouswalli derrière Imam li tolérable quand faire li occasionnellement.

L’anecdote rapporté par Al Miswar Bin Makhramah pas précise narien concernant le nombre de personnes ki ti alignés derrière Hazrat ‘Oumar ‎(Radiyallahou anhou‎)‎ pou faire salaat-ul-witr. De ce fait pas capave servi ça pou dire ki faire namaz witr avec ene grand jamaate de banne personnes assez nombreux li permette parceki si ene grand nombre ti present, ça pas veut dire ki tous ti participé. Li capave oui couma li capave non. Ene kitchose ki pas defini et pas sur, pas capave servi li comme ene base pou ene argument ni capave servi li comme ene preuve.

Le nombre de rakaat de witr ki Hazrat ‘Oumar ‎(Radiyallahou anhou‎)‎ fine accomplir c’était de 3 rakaat et ça aussi sans faire salaam au milieu. Et ça fine passé sans être contesté en présence ene bon nombre de banne Sahaaba-e-Kiraam. Ça montré ki accomplir Salaat-ul-witr dans ça façon-là ti ene façon tout à fait normal et reconnu au près banne Sahaba-e-Kiraam.

Li vrai ki nou ena ene l’autre anecdote ki Al Baihaqui fine rapporté dans المعرفة (Al Ma’rifah). Selon ça anecdote-là, Hazrat ‘Oumar ‎(Radiyallahou anhou‎)‎ fine rente dans masjid et li fine faire seulement ene rakaat namaz. D’abord le Sanad de ça anecdote-là ena ene Rawi nommé "قابوس بن ابى ظبيان" (Qaabous Bin Abou Zabyaan) ki qualifié de ene Rawi (narrateur) bien faible.

Acoze ça, li pas capave être considéré. Deuxièmement na perna narien ki dire ki li ti faire ça ene rakaat-là comme namaz witr. Donc le hadice ki prouvé ki Hazrat ‘Oumar ‎(Radiyallahou anhou‎)‎ ti faire trois rakaat witr li ene hadice bien fort et bien solide ki pas capave être contesté par l’anecdote ki Al Baihaqui fine rapporté dans المعرفة (Al Ma’rifah).

Hadice Hazrat Abdullah Bin Abbaas ‎(Radiyallahou anhou‎)‎ et Hazrat Abdullah Bin ‘Oumar ‎(Radiyallahou anhou‎)‎:-

"عن عامر الشعبى قال سألت ابن عمر وابن عباس كيف كان صلاة رسول الله ‎(Sallallaahou A'laihi Wasallam)‎‎‎‎ بالليل؟ فقال: ثلث عشرة ركعة: ثمان ويوتر بثلث وركعتين بعد الفجر" (معانى الآثار للطحاوى)

Traduction:-

Rapporté par عامر الشعبى (Amir Ash-Sha’bi) ki fine dire: “Mo fine dimane Ibn ‘Oumar ‎(Radiyallahou anhou‎)‎ et Ibn Abbaas ‎(Radiyallahou anhou‎)‎ couma Rasouloullah ‎(Sallallaahou A'laihi Wasallam)‎‎‎‎ so namaz ti été dans la nuit? (En réponse) zotte fine dire: Rasouloullah ‎(Sallallaahou A'laihi Wasallam)‎‎‎‎ ti pé faire treize rakaat, (là-dans ti ena) huit rakaat (tahajjud) et li ti pé faire 3 rakaat witr et 2 rakaat (Sounnat) après fajar (soubh saadiq).” (Maanil-Athaar de At-Tahaawi)

Position hadice:-

Ça hadice-là li ene hadice صحيح (authentique) acoze ki tous banne narrateurs dans so Sanad zotte banne narrateurs authentiques.

Explication:-

Ça hadice-là li corresponde avec ceki Hazrat Aisha ‎(Radiyallahou anhou‎)‎ fine déclaré. D’après ceki Hazrat Aisha ‎(Radiyallahou anhou‎)‎ fine déclaré, Rasouloullah ‎(Sallallaahou A'laihi Wasallam)‎‎‎‎ ti pé faire onze rakaat. En réalité d’après ceki Hazrat Abdullah Bin Abbaas ‎(Radiyallahou anhou‎)‎ et Hazrat Abdullah Bin ‘Oumar ‎(Radiyallahou anhou‎)‎ fine rapporté aussi, li tombe onze rakaat même. Mais acoze ki zotte fine inclure les deux Sounnat de fajar aussi là-dans, ça faire li vine 13 rakaat. Hazrat Aisha ‎(Radiyallahou anhou‎)‎ pas fine compte ça deux rakaat-là.

Pareille couma Hazrat Aisha ‎(Radiyallahou anhou‎)‎, Hazrat Abdullah Bin Abbaas ‎(Radiyallahou anhou‎)‎ et Hazrat Abdullah Bin ‘Oumar ‎(Radiyallahou anhou‎)‎ aussi pé précise le nombre de trois rakaat witr. Ça li favorise l’opinion de ceux ki dire ki salaat-ul-witr li de 3 rakaat.

La pratique de Hazrat Abdullah Bin Abbaas ‎(Radiyallahou anhou‎)‎:-

عن ابى يحيى قال سمر المسور بن مخرمة وابن عباس حتى طلعت الحمراء ثم نام ابن عباس فلم يستيقظ الا باصوات اهل الزوراء فقال لاصحابه اترونى ادرك اصلى ثلثا يريد الوتر وكعتى الفجر وصلاة الصبح قبل ان تطلع الشمس فقالوا نعم فصلى وهذا فى آخر وقت الفجر (معانى الآثار للطحاوى)

Traduction:-

Abu Yahya rapporté ki Al Miswar Bin Makhramah et (Hazrat Abdullah) Bin Abbaas ‎(Radiyallahou anhou‎)‎ fine cause causé (juska tard) dans la nuit juska ki "الحمراء" (ene z’étoile ki paraite dans l’intervalle avant Soubh Sadiq) fine paraite. Après ça (Hazrat Abdullah) Bin Abbaas ‎(Radiyallahou anhou‎)‎ fine dormi. (Li fine reste dormi) Li pas fine levé. (Li fine levé) necque avec tapaze banne habitants de “Az Zawraa”. Alors li fine dire so banne compagnons: “ki zotte trouvé, eski mo pour gagne le temps faire 3 rakaat, c’est à dire witr, deux rakaat (sounnat) fajar et namaz fajar avant ki soleil lever?” Banne-là fine dire : “Oui”.

Alors li fine faire namaz. Et ça c’était dans dernier l’heure fajar. (Ma-anil- Athaar de At-Tahaawi)

Position hadice:-

Ça hadice-là so sanad li ene sanad authentique. Donc le hadice li authentique.

Explication:-

"الزوراء" (Az Zawraa) li ene l’endroit ki trouve lors hauteur dans Madina près avec masjid Nabawi cote ti ena bazar. Alors Hazrat Abbdullah Bin Abbaas ‎(Radiyallahou anhou‎)‎ fine leve tard avec tapaze banne dimounes ki reste là-bas ou bien banne dimounes ki travail dans bazar-là. Normalement dimoune coummence faire tapaze quand fine faire bien clair dans gramatin. Ça montré ki Hazrat Abdullah Bin Abbaas ‎(Radiyallahou anhou‎)‎ so sommeil fine casse dans tard. Donc quand li fine levé, ti ena ziste ene ti pé le temps pour soleil lever. Acoze ça li fine oulé conné si eski li possible ki li capave faire so witr, so sounnat fajar et namaz fajar dans ça ene ti pé le temps ki fine resté devant li avant soleil lever. Quand so banne compagnons fine assure li, li fine faire tout.

Li paraite ki d’après Hazrat Abdullah Bin Abbaas ‎(Radiyallahou anhou‎)‎, salaat-ul-witr ti 3 rakaat même. Si ti capave faire ene seul rakaat witr, alors dans ene situation pareille acote le temps bien limité, jamais li ti pou alle lors 3 rakaat. Li ti pou contente li avec ene seul rakaat afin pour pas rate so namaz fajar. Mais dans ene moment aussi limité, si li fine oulé faire absolument trois rakaat witr, c’est necque acoze ki salaat-ul-witr ena 3 rakaat. Pas ene seul rakaat.

Hazrat Abdullah Bin Abbaas ‎(Radiyallahou anhou‎)‎ fine leve tard. Quand li fine faire so witr c’était après soubh sadiq quand salaat-ul-witr so l’heure fine déjà dépassé. Donc en réalité Hazrat Abdullah Bin Abbaas ‎(Radiyallahou anhou‎)‎ ti pé remplace salaat-ul-witr dans ça l’heure-là. Ene namaz ki nécessite d’être remplacé c’est ene namaz ki obligatoire. Alors la pratique de Hazrat Abdullah Bin Abbaas ‎(Radiyallahou anhou‎)‎ montré ki d’après li salaat-ul-witr ti obligatoire. C’est à coze ça même li fine prend autant la peine pour faire li avant li faire namaz fajar et ça aussi dans ene l’heure cote le temps ti bien limité. Tous ça-là c’est banne éléments ki renforci l’opinion ki dire ki salaat-ul-witr li waajib (obligatoire) et ki salaat-ul-witr li ena 3 rakaat.

Hadice Hazrat Abdullah Bin Mas’oud ‎(Radiyallahou anhou‎)‎:-

عن عبد الله بن مسعود قال: "الوتر ثلث كوتر النهار صلاة المغرب" (معانى الآثار للطحاوى)

Traduction:-

Rapporté de Hazrat Abdullah Bin Mas’oud ‎(Radiyallahou anhou‎)‎ ki li fine dire:-

“Salaat-ul-witr li trois rakaat pareille couma witr dans la journée été, c’est à dire couma namaz maghrib.” (Maanil- Athaar de At-Tahaawi)

Position hadice:-

Ça hadice-là li ene hadice Saheeh (authentique).

Explication:-

Hazrat Abdullah Bin Mas’oud ‎(Radiyallahou anhou‎)‎ fine compare salaat-ul-witr avec namaz maghrib dans le nombre de rakaat. Ça veut dire couma namaz maghrib ena trois rakaat, coumsa même salaat-ul-witr aussi ena trois rakaat. Et couma namaz maghrib pas existé moins ki 3 rakaat, coumsa même salaat-ul-witr pas existé moins ki 3 rakaat. Namaz maghrib ena ene Qaidah (posture assizé pour lire tashahhud) lors 2eme rakaat. Namaz witr aussi pour ena ene Qaidah lors deuxième rakaat. Pareille couma namaz maghrib été, salaat-ul-witr aussi bizin faire li dans ene seul volet de 3 rakaat.

Hadice Hazrat Anas ‎(Radiyallahou anhou‎)‎:-

"الوتر ثلث ركعات وكان يوتر بثلث ركعات" (معانى الآثار للطحاوى)

Traduction:-

“Salaat-ul-witr ena trois rakaat. Et li (Hazrat Anas ‎(Radiyallahou anhou‎)‎) ti pé faire 3 rakaat witr.” (Ma’anil-Athaar de At-Tahaawi)

Position hadice:-

Allaamah Al-Hafiz Ibn Hajar Al-Asqalaani dire dans so الدراية (Ad-Diraayah) ki le sanad (chaîne de narrateurs) de ça hadice-là li ene Sanad authentique.

Explication:-

Ça prouvé ki la pratique de Hazrat Anas ‎(Radiyallahou anhou‎)‎ concernant witr c’était de 3 rakaat. Selon ene version dans Ma’anil-Athaar ki fine qualifié de authentique par Hafiz Ibn Hajar dans so Ad-Diraayah, Hazrat ثابت (Thaabit) dire:

"صلى بى انس الوتر انا عن يمينه وام ولده خلقنا ثلث ركعات لم يسلم الا فى آخرهن ، طننت انه يريد ان يعلمنى"

(Hazrat Anas) fine faire trois rakaat witr (en jamaate) avec moi ; Mo ti dans so coté droite et so Ummul-Walad (ene catégorie de esclave) ti derrière nou, (là-dans) li pas fine faire salaam (aukene part) excepté dans so la fin. Mo fine gagne l’impression ki li ti oulé enseigne moi (le nombre et la façon de salaat-ul-witr).”

Hadice Hazrat Abul-A’liyah:-

Hazrat ابو العالية (Abul A’liyah) dire:-

"علمنا اصحاب محمد ‎(Sallallaahou A'laihi Wasallam)‎‎‎‎ اوعلمونا ان الوتر مثل صلاة المغرب غير أنا نقرأ فى الثالثة فهذا وتر الليل وهذا وتر النهار" (معانى الآثار للطحاوى)

Traduction:-

“Banne Sahaba (compagnons) de (Nou Nabi) Mouhammad ‎(Sallallaahou A'laihi Wasallam)‎‎‎‎ fine enseigne nou ki witr li pareille couma namaz maghrib, apart ki nou récite (Qour’aan) dans troisième rakaat (de witr). Donc ça c’est witr dans la nuit et l’autre-là c’est witr dans la journée.”

Position hadice:-

C’est ene hadice rapporté par ene Sanad authentique. Donc ça faire li vine ene hadice Saheeh.

Explication:-

ابو العالية (Abul-Aliyah) ti ene grand tabeï ki fine vive dans l’époque Rasouloulah ‎(Sallallaahou A'laihi Wasallam)‎‎‎‎ mais li fine embrasse l’Islam deux ans après wafaat de Rasouloullah ‎(Sallallaahou A'laihi Wasallam)‎‎‎‎. Li fine gagne l’occasion joine et bénéficié avec ene bon nombre de banne Sahaba-e-Kiraam. Ça hadice-là pé montré ki witr ena trois rakaat pareille couma namaz maghrib. Seul différence ena ki dans witr bizin récite Qour’aan dans troisième rakaat aussi. Le fait ki fine compare namaz witr avec namaz maghrib permette nou dire ki ena Qaidah lors deuxième rakaat de witr et ki bizin faire witr dans ene seul volet de trois rakaat sans interrompe li par salaam lors deuxième rakaat.

Le hadice de Abul-Aliyah montré ki banne Sahaaba-e-Kiraam ti pé faire trois rakaat witr. Couma nou conné ki Abul-A’liyah li ene grand Tabeï et ki fine vive dans l’époque acote la majorité de banne Sahaba ti encore là même, alors quand li dire «banne Sahaba fine enseigne nou», ça faire référence à la majorité de banne Sahaba-e-Kiraam. Donc d’après la majorité de banne Sahaba-e-Kiraam, le nombre de rakaat de witr c’était trois rakaat.

Version de Al Qasim:-

"رأينا اناسا منذ ادركنا يوترون بثلاث وان كلا لواسع وارجو ان لا يكون بشئ منه بأس" (البخارى)

Traduction:-

Al Qasim (Bin Mouhammad Bin Abou Bakr) dire: “Depi ki nou conné, nou fine trouve banne dimoune faire 3 rakaat witr. Et tout permette. Mo espéré ki pérna narien mauvais avec aukene façon là-dans.” (Boukhari)

Explication:-

Al Qasim li ene tabeï. Banne dimounes ki li fine guette zotte faire witr c’est banne Sahaba et banne tabeï. Selon ça version-là, depi ki li conné, li fine trouve zotte tous pratique 3 rakaat witr. Ça montré ki la pratique de 3 rakaat witr ti ene pratique établi au près banne Sahaba-e-Kiraam. Mais personnellement Al Qasim juge tous banne façon faire witr correcte. C’est ene l’opinion personnelle de Al Qasim. Mais d’après so observation, banne Sahaba-e-Kiraam ti pé pratique 3 rakaat. Ceki li fine observé li ene preuve pli fort ki dimane considère li plis ki so l’opinion personnelle.

Version ابو الزناد (Abuz-Zinaad):-

"عن ابى الزناد عن (الفقهاء) السبعة سعيد بن المسيب وعروة بن الزبير والقاسم بن محمد وابى بكر بن عبد الرحمن وخارجة بن زيد وعبيد الله بن عبد الله وسليمان بن يسار فى مشيخة سواهم اهل فقه وصلاح وفضل وربما اختلفوا فى الشئ فآختر بقول اكثرهم وافضلهم رأيا فكان مما وعيت عنهم على هذه الصفة ان الوتر ثلث لا يسلم الا فى آخرهن" (معانى الآثار للطحاوى)

Traduction:-

Abuz-Zinaad rapporté avec banne grand personnages de connaissance, de la piété et de vertu et parmi ena les sept (fouqaha) : Saïd Bin Al-Mousayyab, Urwah Bin Az Zubair, Al Qaasim Bin Mouhammad, Abu Bakr Bin Abdurrahmaan, Khaarijah Bin Zaïd, Ubaidullah Bin Abdullah et Sulaimaan Bin Yaçaar. (Li dire) ena des fois quand zotte divergé dans ene certaine kikchose, alors mo prend l’opinion de la majorité ou bien ceki so l’opinion pli bon. Alors d’après ça principe-là ceki mo fine comprend avec zotte c’est que witr li ena trois rakaat sans faire salaam là-dans apart dans so la fin”. (Ma’anil- Athaar de At-Tahaawi)

Position ça rapport-là:-

Sanad de ça rapport-là li ene Sanad Hassan (bon/passable).

Explication:-

Dans Madina ti ena sept grand ‘Oulama ki nou conne zotte par الفقهاء السبعة (les sept juristes). Quand zotte d’accord lors ene certaine point, dans ene certaine sens, ça li représente couma ene "اجماع" (consensus). D’après ceki Abuz-Zinaad fine rapporté, les sept fouqaha (juristes) de Madinah, zotte tous ti d’accord ki:

Ena trois rakaat dans witr.
Perna salaam lor deuxième rakaat.
Witr li existé dans ene seul volet de 3 rakaat.

Allaamah At-Tahaawi fine rapporté avec ene Sanad authentique ene l’autre version de Abuz-Zinaad selon laquelle li fine dire:

"اثبت عمر بن عبد العزيز الوتر بقول الفقهاء ثلثا لا يسلم الا فى آخرهن"

“(Hazrat) ‘Oumar Bin Abdul Azeez fine établir 3 rakaat witr sans faire salaam (kit part là-dans) apart dans so la fin lors verdict banne fouqaha (juristes).

Quand nou considère les deux versions de Abuz-Zinaad, ça amene nou pour comprend ki les sept célèbres fouqaha et les fouqaha de madinah en général ti reconnaite juste trois rakaat witr dans ene seul volet. D’ailleurs après avoir rapporte la pratique de Hazrat Sa’ad Bin Abou Waqqaas ‎(Radiyallahou anhou‎)‎ ki ti pé pratique ene rakaat witr, Imaam Malik (rahmatoullahi alayh) faire ressortir dans so Mou’atta:

"وليس على هذا العمل عندنا ولكن ادنى الوتر ثلاث"

“Ça li pas en pratique chez nou. Mais le minimum witr c’est trois rakaat.”

Et c’est exactement ceki Hazrat Abdullah Bin Mas’oud ‎(Radiyallahou anhou‎)‎ fine déclaré:

"اهون ما يكون الوتر ثلث ركعات"

“Pli tigite witr ki capave existé c’est 3 rakaat.” (Mou’atta Imam Mouhammad)

Li paraite ki salaat-ul-witr fine passe par plusieurs étapes :- Ene l’époque ti ena ene seul rakaat witr. Coumsa même ti ena droit faire li en deux volets de d’abord 2 rakaats puis ene rakaat. Couma ti ena la pratique ki connu par نقض الوتر (casse witr). Mais plutard salaat-ul-witr fine stabilisé lors 3 rakaat avec ene seul volet. Et ça li indiqué par le récit de Abuz-Zinaad selon lequel banne fouqaha (juristes) dans madinah ti faire consensus lors 3 rakaat witr avec ene seul salaam et basant lors verdict banne fouqaha, Hazrat ‘Oumar Bin Abdul Aziz (rahmatoullahi alayh) fine établir witr dans ça façon-là même.

A ce stade nou capave dire comme conclusion ki, selon le principe ki dire :

"الاجماع اللاحق يرفع الخلاف السابق"

“Ene consensus ki formé après, li enlève divergence ki ti existé auparavant.”

Tout façon de faire witr ki pas corresponde avec ça consensus-là, pas capave être considéré. C’est necque la façon ki en conformité et ki encadré avec ça consensus-là ki pour bizin reste en vigueur.

Malgré ça si banne fouqaha et banne Aïmmah couma Imam Shafi’ et Imam Ahmad Bin Hambal fine autorise ene rakaat witr c’est probablement acoze zotte pas fine considère ça source par laquelle ça consensus-là fine être rapporté comme ene source catégorique.

SALAAT-UL-WITR AVEC ENE SEUL SALAAM

Hadice Hazrat Aisha ‎(Radiyallahou anhou‎)‎

"ان رسول الله ‎صلى الله عليه وسلم كان لا يسلم فى ركعتى الوتر" (رواه النسائ)

Traduction:-

“Rasouloullah ‎(Sallallaahou A'laihi Wasallam)‎‎‎‎ pas ti pé faire salaam lors deux rakaat de witr”. (Naçaaï)

Position Hadice:-

Imaam Naçaaï pas fine faire aukene commentaire lors ça hadice-là. Ça veut dire ki ça hadice-là li ene hadice valable d’après li. Al-Haakim fine rapporte ça hadice-là avec ene formule ene ti pé différente. D’après ceki li fine rapporté, Hazrat Aisha ‎(Radiyallahou anhou‎)‎ fine déclaré ki Rasouloullah ‎(Sallallaahou A'laihi Wasallam)‎‎‎‎ pas ti pé faire salaam lors deux premier rakaat dans witr. Après avoir rapporte ça, Al-Haakim fine qualifié li de ene hadice Saheeh (authentique). Selon li, ça hadice-là li satisfaire banne critères établis par Imaam Boukhari et Imaam Mouslim. Imaam Az-Zahabi aussi fine confirme Al-Haakim dans ceki li fine déclaré. Donc l’authenticité ça hadice-là li approuvé par trois savants de hadice: Imaam Naçaaï, Al-Haaakim, et Allaamah Az-Zahabi.

Explication:-

Ça hadice-là montré ki salaat-ul-witr ki Rasouloullah ‎(Sallallaahou A'laihi Wasallam)‎‎‎‎ ti pé pratiqué régulièrement et ki fine témoigné par Hazrat Aisha ‎(Radiyallahou anhou‎)‎, c’était avec ene seul salaam. Ça pas veut dire ki li ti pé faire salaam ene seul coté mais ça signifié ki li pas ti pé faire salaam lors deuxième rakaat. Plutôt li ti pé faire salaam lors troisième rakaat et li ti pé faire li tous les deux cotés.

Nou ena ene l’autre hadice rapporté dans Al- Moustadrak par Hazrat Aisha ‎(Radiyallahou anhou‎)‎ même. Selon ça version-là Hazrat Aisha ‎(Radiyallahou anhou‎)‎ dire:

"كان رسول الله صلى الله عليه وسلم‎‎‎‎ يوتر بثلث لا يسلم الا فى آخرهن"

“Rasouloullah ‎(Sallallaahou A'laihi Wasallam)‎‎‎‎ ti pé faire trois rakaat witr. Li pas ti pé faire salaam (aukene part) apart dans so la fin”.

Apres avoir rapporte ça hadice-là, Al-Haakim faire ressortir ki ça c’était le witr pratiqué par Ameer-ul-Mouminine Hazrat 'Oumar Bin Al-Khattaab ‎(Radiyallahou anhou‎)‎. Et banne habitants madina fine gagne ça façon-là avec li même. Quant à Allaamah Az-Zahabi li aussi li pas fine faire aukene remarque lors ça hadice-là. De ce fait, li ene hadice valable d’après banne normes établies par banne savants de hadice.

La pratique de Hazrat Abdullah Bin 'Oumar ‎(Radiyallahou anhou‎)‎

" ان عبد الله بن عمر كان يسلم بين الركعة والركعتين فى الوتر حتى يامر ببعض حاجته" (رواه البخارى)

"(Hazrat) Abdullah Bin 'Oumar ‎(Radiyallahou anhou‎)‎ ti pé faire salaam entre ene rakaat et deux rakaats dans witr en sorte ki parfois li ti pé donne directive (dans ça l'intervalle-là concernant so travail." (Boukhari)

Explication:

D'après ceki Imaam Boukhari fine rapporté, Hazrat Abdullah Bin 'Oumar ‎(Radiyallahou anhou‎)‎ ti pé faire 3 rakaats salaat-ul witr. Mais li pas ti pé faire li ene seul coup avec ene seul salaam. Li ti pé faire witr avec deux salaam. C'est-à-dire li ti pé faire deux rakaats et li ti pé salaam lors ça deux rakaat-là. En ensuite li ti pé faire ene rakaat. Parfois li ti pé causé aussi entre ça deux et ene rakaat-là. C'est-à-dire li ti pé sépare ça deux rakaat-là de ça ene rakaat-là par ene lapse de temps dans lequel, ena des fois, li ti pé donne banne directives concernant so travail. Ça prouvé ki li ti pé faire witr de trois rakaat en deux volets de deux rakaat plus ene rakaat avec deux Takbeer Tahreemah séparé.

D'après Hazrat Abdullah Bin 'Oumar ‎(Radiyallahou anhou‎)‎ et ene parti de banne Sahaba-e-Kiraam, quand fine faire salaam et fine termine les deux premier rakaat dans witr, ça li pas empêche ajoute encore ene rakaat avec li quand même fine ena banne actions couma conversation, mangé, boire, dormi etc. entre les deux volets namaz. C'est-à-dire ki salaam causé etc. pas empêche continué ça witr ki ti commencé-là. D'après zotte, salaat-ul witr li de trois rakaats mais capave faire li avec deux salaams. La pratique de faire witr avec 2 salaams, Hazrat Abdullah Bin 'Oumar ‎(Radiyallahou anhou‎)‎ fine rapporte ça avec Rasouloullah ‎(Sallallaahou A'laihi Wasallam)‎‎‎‎ aussi. Selon At-Tahaawi et Mousnad Ahmad, Hazrat Abdullah Bin 'Oumar ‎(Radiyallahou anhou‎)‎ dire:

"كان رسول الله ‎صلى الله عليه وسلم‎‎‎‎ يفصل بين الوتر والشفع بتسلمة ويسمعناها"

"Rasouloullah ‎(Sallallaahou A'laihi Wasallam)‎‎‎‎ ti pé sépare ene rakaat de deux (premier) rakaat par salaam et ti pé faire nou tanne ça salaam-là".

Si Hazrat Abdullah Bin 'Oumar ‎(Radiyallahou anhou‎)‎ fine pratique witr dans ça façon-là et li fine rapporté ki Rasouloullah ‎(Sallallaahou A'laihi Wasallam)‎‎‎‎ aussi ti pé faire li, alors comment nou pou explique la pratique de banne ki faire li avec ene seul salaam?

Normalement la pratique de faire witr en deux volets avec deux Takbeer Tahreemah séparé, c'est-à-dire 2+1 avec deux salaam c'est necque Hazrat Abdullah Bin 'Oumar ‎(Radiyallahou anhou‎)‎, li tout seul fine rapporte ça avec Rasouloullah ‎(Sallallaahou A'laihi Wasallam)‎‎‎‎. Quand à banne le zotte Sahaba-e-Kiraam, zotte fine rapporte la pratique de Rasouloullah ‎(Sallallaahou A'laihi Wasallam)‎‎‎‎ dans l'autre façon. C'est-à-dire d'après zotte, Rasouloullah ‎(Sallallaahou A'laihi Wasallam)‎‎‎‎ pas ti pé faire salaam lors deux rakaat:-

Hazrat Aisha ‎(Radiyallahou anhou‎)‎ rapporté ki Rasouloullah ‎(Sallallaahou A'laihi Wasallam)‎‎‎‎ ti pé faire 3 rakaat witr. Et li pas ti pé faire salaam lors deux rakaat. Selon ene version de Mousnad Ahmad, Hazrat Aisha ‎(Radiyallahou anhou‎)‎ dire ki Rasouloullah ‎(Sallallaahou A'laihi Wasallam)‎‎‎‎ fine faire 3 rakaat witr. (Et) Li pas fine sépare zotte.
Hazrat Ubayy Bin Ka'ab ‎(Radiyallahou anhou‎)‎ rapporté ki Rasouloullah ‎(Sallallaahou A'laihi Wasallam)‎‎‎‎ pas ti pé faire salaam (aukene part) dans witr apart dans so la fin.
Hazrat Anas ‎(Radiyallahou anhou‎)‎ fine faire 3 rakaat witr et fine faire salaam dans so la fin. Apres ça li dire ki li fine prend ça façon faire witr-là avec Rasouloullah ‎(Sallallaahou A'laihi Wasallam)‎‎‎‎.
Hazrat Abdullah Bin Mas'oud ‎(Radiyallahou anhou‎)‎ rapporté ki Rasouloullah ‎(Sallallaahou A'laihi Wasallam)‎‎‎‎ fine dire:

وتر الليل ثلث كوتر النهار صلاة المغرب"

"Le witr de la nuit li trois rakaat pareille couma witr dans la journée. C'est-à-dire couma namaz Maghrib".

Ene coté nou ena Hazrat Abdullah Bin 'Oumar ‎(Radiyallahou anhou‎)‎ ki dire Rasouloullah ‎(Sallallaahou A'laihi Wasallam)‎‎‎‎ ti pé faire witr en deux volets. C'est-à-dire li ti pé sépare ça deux premier rakaat-là par faire salaam au milieu lors deux rakaat. Et l'autre coté nou ena Hazrat Aisha ‎(Radiyallahou anhou‎)‎, Hazrat Ubayy Bin Ka'ab ‎(Radiyallahou anhou‎)‎, Hazrat Anas ‎(Radiyallahou anhou‎)‎ et Hazrat Abdullah Bin Mas'oud ‎(Radiyallahou anhou‎)‎ ki pé informé ki Rasouloullah ‎(Sallallaahou A'laihi Wasallam)‎‎‎‎ ti pé faire 3 rakaat witr sans sépare li au milieu par salaam. C'est-à-dire li pas ti faire salaam lors deuxième rakaat. Normalement ceki ça banne-là fine rapporté, li pli mérité pou prend li en considération ki ceki Hazrat Abdullah Bin 'Oumar ‎(Radiyallahou anhou‎)‎ pé rapporté, parceki par ici ena ene groupe de Sahaba-e-Kiraam et l'autre coté ena Hazrat Abdullah Bin 'Oumar ‎(Radiyallahou anhou‎)‎ li tout seul. Donc ceki ene groupe de personne rapporté li pou ena priorité et préférence lors ceki ene seul dimoune pé rapporté. Ça li ene kitchose tout à fait normal et logique. D'ailleurs Rasouloullah ‎(Sallallaahou A'laihi Wasallam)‎‎‎‎ ti pé faire witr dans la dernière partie de la nuit chez li dans so la caze. Hazrat Aisha ‎(Radiyallahou anhou‎)‎ ti gagne l'occasion observe la façon ki Rasouloullah ‎(Sallallaahou A'laihi Wasallam)‎‎‎‎ ti pé faire witr pli bien et plis ki Hazrat Abdullah Bin 'Oumar ‎(Radiyallahou anhou‎)‎. Parceki ça moment-là c'est Hazrat Aisha ‎(Radiyallahou anhou‎)‎ ki ti avec Rasouloullah ‎(Sallallaahou A'laihi Wasallam)‎‎‎‎. Coumsa même Abdullah Bin Mas'oud ‎(Radiyallahou anhou‎)‎ et Hazrat Anas ‎(Radiyallahou anhou‎)‎ zotte ti couma dimoune dans la caze. Ça position-là ti permette zotte observe Rasouloullah ‎(Sallallaahou A'laihi Wasallam)‎‎‎‎ pli bien ki le zotte. Tout ça-là c'est banne éléments ki donne raison à hadice ki fine rapporté par ça banne Sahaba-là lors hadice ki Hazrat Abdullah Bin 'Oumar fine rapporté.

La pratique de Hazrat 'Oumar ‎(Radiyallahou anhou‎)‎ aussi ti de faire 3 rakaat witr avec ene seul salaam. Kikene fine dire Hazrat Hassan Basri ki Hazrat Abdullah Bin 'Oumar ‎(Radiyallahou anhou‎)‎ ti pé faire salaam lors deux rakaat. Lors ça Hazrat Hassan Basri dire:

"كان عمر افقه منه كان ينهض فى الثالثة بالتكبير"

"Hazrat 'Oumar ‎(Radiyallahou anhou‎)‎ ti pli comprend Deen ki li (Hazrat Abdullah Bin 'Oumar ‎(Radiyallahou anhou‎)‎). Li (Hazrat 'Oumar ‎(Radiyallahou anhou‎)‎) ti pé levé pou troisième rakaat avec takbeer"

Ça récit-là li ene récit authentique ki fine rapporté et approuvé par Al Haakim dans so Al Moustadrak. Allaamah Az-Zahabi aussi pas fine faire aukene remarque lors ça hadice-là. Ça veut dire en principe li authentique d'après li.

Bref le hadice de Hazrat Abdullah Bin 'Oumar ‎(Radiyallahou anhou‎)‎ li pas compatible avec ceki la majorité fine rapporté. Donc la pratique plus approuvée c'est la pratique de la majorité. C'est-à-dire faire 3 rakaat witr dans ene seul volet sans sépare li avec salaam lors deuxième rakaat.

Quant à la pratique de Hazrat Abdullah Bin 'Oumar ‎(Radiyallahou anhou‎)‎ li paraite ki li fine base ça lors ene principe ki ti en vigueur dans commencement. C'est-à-dire dans commencement ti ena ene pratique existé ki ti appelle نقض الوترki signifié cassé ou dissoudre witr. Selon ça principe-là, quand ene personne faire so witr avant li alle dormi et li gagne l'occasion relevé dans la nuit, alors si li envie faire tahajjud, li capave faire tahajjud mais li bizin dissoudre so witr ki li fine déjà fini faire parceki d’après ene hadice li supposé faire so witr en dernier lieu dans la nuit. Et après avoir faire namaz tahajjud li refaire so namaz witr. Pou li dissoudre so witr, li faire seulement ene rakaat pou faire ça namaz witr ki li fine fini faire avant li alle dormi-là vine paire. Ça pratique-là ti existé dans commencement ki fine abrogé et amendé par la déclaration de Rasouloullah ‎(Sallallaahou A'laihi Wasallam)‎‎‎‎ cotte li dire:

(لا وتران فى ليلة" (ابو داود"

"Na perna deux (fois) witr dans ene seul la nuit". (Abou Dawood)

Li paraite ki la pratique de Hazrat Abdullah Bin 'Oumar ‎(Radiyallahou anhou‎)‎ concernant sépare ene rakaat de deux rakaat précèdent dans witr ti basé lors ça principe ki ti prévaloir dans commencement mais ki fine amendé plutard. Et peut être ça pas fine vine dans connaissance Hazrat Abdullah Bin 'Oumar ‎(Radiyallahou anhou‎)‎ ki fine laisse li continué faire ceki li ti pé faire depi avant.

FAIRE ENE RAKAAT WITR?

Concernant faire ene seul rakaat witr nou ena banne Sahaba-e-Kiraam couma Hazrat Usmaan ‎(Radiyallahou anhou‎)‎, Hazrat Abdullah Bin 'Oumar ‎(Radiyallahou anhou‎)‎, Hazrat Sa'ad ‎(Radiyallahou anhou‎)‎ et Hazrat Mou’aawiyah ‎(Radiyallahou anhou‎)‎ ki fine pratique ça. Mais faire witr dans ça façon-là fine toujours contesté dans zotte l’époque même par le zotte Sahaba-e-Kiraam. Ça montré ki la façon de faire witr ki ti en vigueur en général sans contestation dans l’époque banne Sahaba, c’était la pratique de 3 rakaat avec salaam dans seulement troisième rakaat. C’est pou ça ki la pratique de ene rakaat witr séparément ti pé paraite étrange dans ça l’époque-là ki fine donne l’occasion à banne remarque ki banne Sahaba-e-Kiraam fine faire de temps à autre quand zotte fine juge li nécessaire.

Hadice Hazrat Abdullah Bin Abbaas

"عن عكرمة انه قال كنت مع ابن عباس عند معاوية نتحدث حتى ذهب هزيع من الليل فقام معاوية فركع ركعة واحدة فقال ابن عباس من اين ترى اخذها" (معانى الآثار للطحاوى)

Traduction:-

Rapporté par Ikraamah ki fine dire:

Mo ti ensemble avec (Hazrat Abdullah) Bin Abbaas ‎‎(Radiyallahou anhou‎)‎‎ à cote (Hazrat) Mou’aawiyah ‎‎(Radiyallahou anhou‎)‎‎. Nou ti pé cause causé juska ene bon parti la nuit fine traversé. (Hazrat) Mou’aawiyah ‎‎(Radiyallahou anhou‎)‎‎ fine dibouté et fine faire ene seule rakaat. Lors ça Hazrat Abdullah Bin Abbaas ‎(Radiyallahou anhou‎)‎ fine dire:

“Depi cote ça to pensé, li fine tire ça?”. (Ma-aanil- Athaarde At Tahaawi)

Position hadice:-

Ça hadice-là fine rapporté par deux sanad (chaîne de narration) dans le معانى الآثار (Ma-aanil- Athaar) de Allaamah At-Tahaawi. Banne narrateurs ki trouve dans le deuxième sanad, zotte tous zotte banne narrateurs très connu et banne narrateurs solides. Donc ça hadice-là avec so deuxième sanad li Saheeh (authentique).

Explication:-

Nous ena deux hadices ki montré deux différent l’attitude Hazrat Abdullah Bin Abbaas ‎(Radiyallahou anhou‎)‎ concernant la pratique de ene seule rakaat witr séparément. Selon ene hadice ki trouve dans Boukhari Shareef, li paraite ki Hazrat Abdullah Bin Abbaas ‎(Radiyallahou anhou‎)‎ ti approuve Hazrat Mou’aawiyah ‎(Radiyallahou anhou‎)‎ dans la pratique de ene seule rakaat witr. Mais li vrai ki le hadice dans Boukhari capave être interprété dans l’autre façon aussi. Li na pas nécessairement signifié ki li fine approuvé. Tandis ki le hadice dans Tahaawi, li na pas laisse aukene doute ki Hazrat Abdullah Bin Abbaas ‎(Radiyallahou anhou‎)‎ pas fine d’accord avec Hazrat Mou’aawiyah ‎(Radiyallahou anhou‎)‎ dans faire ene seule rakaat witr. So déclaration : “Depi cote ça to pensé li fine tire ça” li assez claire pou montré ki Hazrat Abdullah Bin Abbaas ‎(Radiyallahou anhou‎)‎ ti désapprouve la pratique de ene seul rakaat witr.

Quant à hadice dans Boukhari, li pas nette et clair ki Hazrat Abdullah Bin Abbaas ‎(Radiyallahou anhou‎)‎ fine approuve ene rakaat witr pratiqué par Hazrat Mou’aawiyah ‎(Radiyallahou anhou‎)‎. Au contraire le fait ki ene so zélève fine rapporte la pratique faire ene seule rakaat witr avec l’étonnement, montré ki la pratique faire witr dans ene telle façon pas ti en vigueur dans ça l’époque-là. La pratique en vigueur en général ti 3 rakaat witr. Apart ça li montré ki la pratique de Hazrat Abdullah Bin Abbaas ‎(Radiyallahou anhou‎)‎ c’était de 3 rakaat witr ki ti en vigueur dans ça l’époque-là et ceki ti témoigné par so banne zélèves. Et c’est ça même ki fine provoque zotte l’étonnement quand zotte fine trouve Hazrat Mou’aawiyah ‎(Radiyallahou anhou‎)‎ pratique ene seule rakaat witr.

Hadice Hazrat Abdullah Bin Mas’oud ‎(Radiyallahou anhou‎)‎:-

"عن ابراهيم قال بلغ ابن مسعود ان سعدا يوتر بركعة فقال ما اجزأت ركعة قط" (الطبرانى)

Traduction:-

Rapporté par Ibraheem ki fine dire ki Hazrat Abdullah Bin Mas’oud ‎(Radiyallahou anhou‎)‎ fine gagne l’information ki Hazrat Sa’ad li faire ene rakaat witr. Alors li fine dire: “Jamais ene rakaat ti suffit”. (Tibrani)

Position hadice: Ibraheem An-Nakhï fine rapporte ça de Hazrat Abdullah Bin Mas’oud ‎(Radiyallahou anhou‎)‎. Mais tout conné ki Ibraheem Nakhï pas fine joine Hazrat Abdullah Bin Mas’oud ‎(Radiyallahou anhou‎)‎. Donc li pas fine capave tanne ça directement avec li. Bizin ena ene connexion entre Hazrat Ibrahim (rahmatoullahi alayh) et Hazrat Abdullah Bin Mas’oud ‎(Radiyallahou anhou‎)‎ ki manqué ki connecté Hazrat Ibraheem avec Hazrat Abdullah Bin Mas’oud ‎(Radiyallahou anhou‎)‎. Ene hadice avec ene Sanad ki ena ene connexion pareille manqué appelle ene hadice منقطع (Mounqati) dans langage banne savants de hadice. En principe ene hadice منقطع li considéré comme ene hadice faible. Si nou suive ça principe- là, nou pou bizin qualifié ça hadice-là de ene hadice ضعيف (faible). Mais ena ene l’autre facteur aussi à considéré ici en ceki concerne banne hadices ki Hazrat Ibraheem Nakhï rapporté directement de Hazrat Abdullah Bin Mas’oud ‎(Radiyallahou anhou‎)‎ sans mentionne le contacte et le lien entre li et Hazrat Abdullah Bin Mas’oud ‎(Radiyallahou anhou‎)‎. Quand nou considère ça facteur-là nou pou arrivé trouver avec l’étonnement ki le hadice ki le contacte entre Hazrat Ibrahim Nakhï et Hazrat Abdullah Bin Mas’oud ‎(Radiyallahou anhou‎)‎ pas mentionné dans so sanad li pli solide et pli authentique ki le hadice à cote ça mentionné dans so sanad. C’est parceki Ibrahim Nakhï ena l’habitude pas mentionne la liaison et le contacte entre li et Hazrat Abdullah Bin Mas’oud ‎(Radiyallahou anhou‎)‎ quand li tanne le hadice avec Hazrat Abdullah Bin Mas’oud ‎(Radiyallahou anhou‎)‎ à travers ene quantité dimounes.

Par contre quand li tanne ça à travers ene seule Rawi (narrateur) li prend la peine mentionne le nom de ça narrateur-là. Donc normalement le hadice ki li fine tendé à travers plusieurs narrateurs pou ena pli beaucoup poids ki ene hadice ki li fine tendé à travers ene seul narrateur. C’est dans ça façon-là ki le hadice à cote li pas mentionne le lien entre li et Hazrat Abdullah Bin Mas’oud ‎(Radiyallahou anhou‎)‎ dans so Sanad, li ene hadice bien solide malgré ki de l’apparence li ene hadice منقطع (Mounqati’). Donc perna doute ki ça hadice-là li ene hadice solide, fort et authentique. A noter ki ça hadice-là fine rapporté dans le Mou’atta de Imaam Mouhammad (rahamtoullahi alayh) et dans le معانى الآثار (Ma-aanil-Athaar) de Allaamah At-Tahaawi aussi.

Explication:-

Selon ça hadice-là nou trouvé ki Hazrat Abdullah Bin Mas’oud ‎(Radiyallahou anhou‎)‎ fine désapprouve la pratique de ene rakaat witr. Selon li, ene seul rakaat namaz pas compté. Et ça li appliqué pou toute sorte namaz, y compris namaz witr aussi.

Selon ene récit de Mouhammad Bin Seerine, Hazrat Abdullah Bin Mas’oud ‎(Radiyallahou anhou‎)‎ ti faire ene rakaat witr. Mais ceki Mouhammad Bin Seerine fine rapporté, pas capave considère li pou plusieurs raisons.

D’abord parceki Ibrahim An-Nakhï li conne la pratique de Abdullah Bin Mas’oud ‎(Radiyallahou anhou‎)‎ pli bien ki Mouhammad Bin Seerine. Donc ça donne préférence à ceki Ibrahim An-Nakhï fine rapporté.
Deuxièmement ceki Mouhammad Bin Seerine fine rapporté c’est la pratique de Abdullah Bin Mas’oud ‎(Radiyallahou anhou‎)‎ ki capave être interpréter dans différent façon. Par contre ceki Imaam An-Nakhï fine rapporté c’est ene déclaration ki bien nette et clair dans so sens. Automatiquement ceki nette et clair pou ena préférence lors ene kikchose ki ambiguë, flou et vague.
Et troisièmement, quand ena contradiction entre ene déclaration et ene pratique, en principe c’est la déclaration ki ena priorité et préférence lors la pratique. Donc la déclaration de Hazrat Abdullah Bin Mas’oud ‎(Radiyallahou anhou‎)‎ ki Ibrahim Nakhï fine rapporté ki pou être considéré au lieu so pratique ki Mouhammad Bin Seerine fine rapporté.

Quant à la pratique de Hazrat Sa’ad ‎(Radiyallahou anhou‎)‎ ki Hazrat Abdullah Bin Mas’oud ‎(Radiyallahou anhou‎)‎ fine désapprouvé, li paraite ki li ti faire li couma Hazrat Abdullah Bin ‘Oumar ‎(Radiyallahou anhou‎)‎ ti pé pratiqué. C’est à dire la pratique de faire salaam lors deuxième rakaat et ensuite faire ene rakaat. Nou ena ene hadice avec ene Sanad (chaîne de narration) solide rapporté dans معانى الآثار de Allaamah At-Tahaawi ki confirme ça thèse-là. Selon ça version-là, Amir dire ki la famille de Sa’ad et la famille de Hazrat Abdullah Bin ‘Oumar ‎(Radiyallahou anhou‎)‎ ti pé faire salaam lors deuxième rakaat de witr et (ensuite) zotte ti pé faire ene rakaat witr. Ça donne raison à banne ki dire ki Hazrat Sa’ad ‎(Radiyallahou anhou‎)‎ pas ti pé pratique ene seule rakaat. Li ti pé faire trois rakaat witr mais en deux volets. C’est à dire d’abord 2 rakaat et ensuite ene rakaat séparé. C’est parceki la famille de Sa’ad ti pé pratique li dans ça façon-là et li très probable ki zotte fine bizin prend ça avec Hazrat Sa’ad ‎(Radiyallahou anhou‎)‎. Li bon conné ki la façon de faire witr en deux volets ki rapporté par Hazrat Abdullah Bin ‘Oumar ‎(Radiyallahou anhou‎)‎ li contesté par ceki Hazrat Ubayy Bin Kaab ‎(Radiyallahou anhou‎)‎, Hazrat Aisha ‎(Radiyallahou anhou‎)‎, Hazrat Anas ‎(Radiyallahou anhou‎)‎ et Hazrat Abdullah Bin Mas’oud ‎(Radiyallahou anhou‎)‎ fine rapporté. C’est à dire la pratique de faire 3 rakaat witr en ene seul volet sans faire salaam au milieu lors deuxième rakaat. Acoze ça, la façon de faire witr pratiqué par Hazrat Sa’ad ‎(Radiyallahou anhou‎)‎ ou Hazrat Abdullah Bin ‘Oumar ‎(Radiyallahou anhou‎)‎ pas capave être considéré comme ene pratique solide.

Coumsa même selon ene hadice dans معانى الآثار de At-Tahaawi, Hazrat Abdur Rahmaah At-Taimi ‎(Radiyallahou anhou‎)‎ fine étonné quand ti fine trouve Hazrat Usmaan ‎(Radiyallahou anhou‎)‎ ti faire ene seul rakaat witr. Ça aussi montré ki la pratique de faire ene rakaat witr pas ti ene pratique habituelle et normale. La pratique normale ki ti en vigueur c’était 3 rakaat avec ene seule salaam. C’est à coze de ça tous ceux ki fine pratique li autrement fine être contesté par zotte camarade. C’est ça meme fine provoque l’ettonement de Hazrat Abdur Rahmaah At-Taimi ‎(Radiyallahou anhou‎)‎.

Hadice Hazrat Abou Saïd Al-Khudri ‎(Radiyallahou anhou‎)‎

"ان رسول الله صلى الله عليه وسلم نهى عن البتيراء ان يصلى الرجل واحدة يوتر بها" (اخرجه ابو عمر بن عبد البر فى التمهيد)

Traduction :

“Certainement Rasouloullah ‎(Sallallaahou A'laihi Wasallam)‎‎‎‎ fine interdit Al-Boutayraa (c'est-à-dire) ki ene dimoune faire ene seul rakaat pou faire witr avec ça”. (Abou ‘Oumar Bin Abdul Barr fine rapporte ça dans At-Tamheed)

Note :

Al Hafiz Abou ‘Oumar Bin Abdul Barr ti ene célèbre savant de hadice et de fiqh ki fine vécu entre 368 H à 463 H. At-Tamheed c’est ene de so banne livres ki li fine écrire pou commente le Mou’atta de Imam Malik (rahmatoullahi alayh).

Position hadice :

Ibnul Qattaan fine mette en question ene banne narrateurs ki trouve dans sanad ça hadice-là. Li dire ki ça hadice-là li ene hadice شاذ (isolé/étrange) ki pas capave être considéré tanque pas conne l’intégrité et l’authenticité banne narrateurs. Allaamah Ibn Hajar Al-Asqalaani dire ki par cela Ibnul Qattaan fine signifié seulement ene Rawi nommé Usmaan Bin Muhammad parceki le reste banne Rawi zotte crédible et authentique, couma li possible ki Ibnul Qattaan pas fine au courant avec la position de kit Rawi dans ça banne-là. Donc apart Usmaan Bin Mouhammad, tous banne narrateurs dans Sanad ça hadice-là zotte authentique.

A ce stade li bon conné ki Usmaan Bin Mouhammad ti ene contemporain de Imam Malik (rahmatoullahi alayh). De ce fait banne ki ti capave cause kikchose lors li c’est banne savants de hadice d’auparavant couma Yahya Bin Ma-ïne, Ibnul Madeeni, Yahya Bin Saïd Al-Qattaan et Ibn Mahdi. Mais selon Allaamah An-Neemawi, personne parmi ça banne-là pas fine dire kikchose lors li ni fine critique li apart العقيلى (Al-Uqaili). Banne ki fine vine après, couma Ibnul-Qattaan et Abdul-Haqq, zotte fine mette li en question par suive Al-Uqaili. Acoze ça, critique ki Al-Uqaili fine faire à l’égard Usmaan Bin Mouhammad, li ene critique simple et léger ki pas faire poids. Donc li pas ene Rawi (narrateur) ki fine rejeté. Selon le fathul-Moulhim de Allaamah Shabbir Al-Uthmaani, Allaamah Sheikh Anwar Kashmiri (R) fine dire : Al Haakim fine rapporte le hadice "لا ضرر ولا ضرار" dans le chapitre de transaction. Dans sanad ça hadice-là, ena le rawi Uthmaan Bin Mouhammad. Al-Haakim et Az-Zahabi, tous les deux fine declare ça hadice-là authentique. Ça aussi ene de banne raison pou dire ki perna narien ki pas bon avec le rawi Uhmaan Bin Mouhammad. Donc so hadice aussi pas capave rejeté. Et surtout quand le hadice ki li fine rapporté li appuyé par ene hadice rapporté dans le même sens par Hazrat Abdullah Bin Mas’oud ‎(Radiyallahou anhou‎)‎.

Selon le principe, ene hadice ki so contenu li appuyé et approuvé par ene l’autre hadice ou par banne déclarations de banne Sahaaba-e-Kiraam, li vine ene hadice Hassan ki capave être considéré et servi comme ene preuve et ene argument. Le hadice de Hazrat Abou Saïd Al-Khudri li satisfaire ça critère-là. Donc ça faire li vine au moins ene hadice Hassan.

Explication:- بتيراء (Boutayraa) c’est le diminutif de بتراء (Batraa). Et بتراء c’est le féminin de ابتر (Abtar). Ça signifié ene kikchose ki ena manquement et ene kikchose ki incomplète. Dans le hadice Rasouloullah ‎(Sallallaahou A'laihi Wasallam)‎‎‎‎ fine interdit so ‘Oummat de Boutayraa ki signifié faire seulement ene rakaat witr. Parceki ene rakaat namaz, li pas ene namaz complete. Li ene namaz ki ena manquement. Ça montré ki ene rakaat namaz witr pas existé.

Hadice Mouhammad Bin Kaab

"ان النبى ‎صلى الله عليه وسلم نهى عن البتيراء"

Traduction:-

“Nabi ‎(Sallallaahou A'laihi Wasallam)‎‎‎‎ fine empêché de Boutayraa.”

Position hadice:-

Al-Iraqui fine qualifié ça hadice-là de ضعيف (faible) et مرسل (moursal). Allaamah An-Nawawi aussi fine qualifié ça hadice-là de ene hadice faible. Acoze ça li paraite ki pas capave servi li comme ene argument et ene preuve.

مرسل c’est ene hadice ki ene tabeï rapporte li directement avec Rasouloullah ‎(Sallallaahou A'laihi Wasallam)‎‎‎‎ sans mentionne le lien entre li et Rasouloullah ‎(Sallallaahou A'laihi Wasallam)‎‎‎‎. Le lien entre ene tabeï et Rasouloullah ‎(Sallallaahou A'laihi Wasallam)‎‎‎‎ dans la plupart du cas c’est ene Sahabi. Donc ene hadice ki rapporté avec ene sanad ki le Sahabi pas fine mentionné là-dans reconnaite comme ene hadice Moursal dans langage banne savants de hadice. Et parfois, ena possibilité ki ensemble avec ene Sahabi, ene l’autre personne ena dans le sanad ki pas fine mentionne li. C’est à coze ça possibilité-là, ena banne ‘Oulama ki considere li faible. Si nou prend en consideration le fait ki ene rawi pareil, li ene rawi dans Khairul Qouroune ki beneficié le temoignage de Khairul Bashar (meilleur Insaan) c'est-à-dire Rasouloullah ‎(Sallallaahou A'laihi Wasallam)‎‎‎‎ concernant so l’integrité et so l’authenticité, ça donne nou parfaitement raison considere ene hadice pareil couma ene hadice authentique juska preuve du contraire.

Apart ça nou ena ene l’autre facteur aussi ki bizin prend en considération. C’est à dire le contenu de ça hadice-là li approuvé et confirmé par le hadice de Hazrat Abou Saïd Al Khudri ‎(Radiyallahou anhou‎)‎ et la déclaration de Hazrat Abdullah Bin Mas’oud ‎(Radiyallahou anhou‎)‎. Donc li vine ene hadice Hassan (bon) ki capave servi couma ene preuve d’après le principe ki dire:

"والحديث الضعيف اذا تعددت طرقه ولو طريقا واحدة اخرى ارتقى بمجموع ذلك الى درجة الحسن وكان محتجابه"

Quand ene hadice faible li ena plis ki ene Sanad, quand même li ene seule Sanad, alors dans so l’ensemble li monte dans rang ene hadice Hassan et ça capave servi comme ene حجة (argument/ preuve).

Ça raisonnement ki dire ki ene hadice faible li vine ene hadice assez fort pou capave être servi comme ene preuve, c’est ene raisonnement ki presque tous banne Mouhaddiceen (savants de hadices) et banne Fouqaha (juristes) fine adopté dans tous banne l’époque. Ça veut dire ki ça hadice-là li bizin être ene hadice authentique selon banne principes etablis par tous banne Mouhaddiceen (savants de hadices) et banne Fouqaha (juristes) de tous l’époque.

Explication:-

Boutayra signifié ene kitchose chose incomplète. Dans le hadice fine appelle ene rakaat namaz Boutayraa parceki li ene namaz incomplète ki Rasouloullah ‎(Sallallaahou A'laihi Wasallam)‎‎‎‎ fine interdit. Ça signifié ki pas gagne droit faire ziste ene seule rakaat namaz. Le nombre minimum de rakaat ki ene namaz bizin ena c’est deux rakaat couma Rasouloullah ‎(Sallallaahou A'laihi Wasallam)‎‎‎‎ fine faire ressortir :

"الصلاة مثنى مثنى تشهد فى كل ركعتين ..." (رواه الترمذى)

“Namaz li deux deux rakaats. Faire tashah-houd dans chaque deux rakaats …”. (Tirmizi)

Donc salaat-ul-witr aussi pou gouverné par le principe ki fine mentionné dans ça hadice-là. Alors pas capave ena ene seule rakaat dans witr.

Eski empeché faire trois rakaat witr ?

Hadice Hazrat Abou Hourairah ‎(Radiyallahou anhou‎)‎

"لا توتروا بثلاث اوتروا بخمس او سبع ولا تشبهوا بصلاة المغرب" (الدارقطنى والحاكم والبيهقى)

Traduction :

“Pas faire trois rakaat witr. Faire cinq rakaat witr ou bien sept rakaat. Et (dans faire witr) pas faire li ressemblé avec namaz maghrib”. (Ad-Darqutni/ Al-Hakim/ Al-Baihaqui)

Position hadice :

Selon Al Hafiz العراقى (Al-Iraaqui) decedé en 806 H, le sanad de ça hadice-là li ene sanad authentique. Donc le hadice li ene hadice authentique.

Explication :

5 rakaat witr signifié 2 rakaat nafil + 3 rakaat witr coumsa même sept rakaat witr signifié 4 rakaat nafil + 3 rakaat witr. Namaz nafil ki faire dans la nuit appelle li salaat-ul witr aussi parceki li ene parti pli important dans tahajjud ou salaat-ul-lail. Et li tout à fait normal pou appelle ene kitchose par ene parti ki pli important là-dans. Selon ene hadice rapporté par Hazrat Aisha ‎(Radiyallahou anhou‎)‎, Rasouloullouah ‎(Sallallaahou A'laihi Wasallam)‎‎‎‎ ti pé faire treize rakaat witr. Pou explique ça, Imaam Tirmizi dire :

"انما معناه انه كان يصلى من الليل ثلاث عشرة ركعة مع الوتر فنسبت صلاة الليل الى الوتر"

« So signification c’est ki Rasouloullah ‎(Sallallaahou A'laihi Wasallam)‎‎‎‎ ti pé faire treize rakaat ensemble avec witr dans la nuit. Alors li fine appelle Salaat-ul-lail, Salaat-ul-witr. »

Et pli devant pou prouve so these, li amene hadice cotte Rasouloullah ‎(Sallallaahou A'laihi Wasallam)‎‎‎‎ fine dire :

"اوتروا يا اهل القرآن"

« Accomplir witr O partisan de Qour’aan. »

Li dire : "انما عنى به قيام الليل"

Li (Rasouloullah ‎(Sallallaahou A'laihi Wasallam)‎‎‎‎) fine signifié par cela (witr), Qiyaam-ul-lail (namaz ki faire dans la nuit).

Selon ceki Imaam Tirmizi fine expliqué, ena des fois hadice cause salaat-ul-witr mais ça signifié l’ensemble de tahajjud et witr. Li pas signifié seulement witr. Donc dans ça même sens fine appelle ça 5 rakaat-là ou bien ça 7 rakaat-là, witr. Rasouloullah ‎(Sallallaahou A'laihi Wasallam)‎‎‎‎ fine pratique salaaat-ul-lail dans ça même façon. C'est-à-dire li ti ena l’habitude faire deux ou quatre rakaat nafil ou plis ki ça aussi avant li faire so witr. Donc faire witr sans faire namaz nafil avant li, ça li ene façon indésirable pou accomplir salaat-ul witr. Alors "ا وتروا بخمس او سبع" (Faire 5 rakaat witr ou bien sept rakaat) pé montré la façon désirable et recommandé pou salaat-ul witr. C'est-à-dire par ça, Rasouloullah ‎(Sallallaahou A'laihi Wasallam)‎‎‎‎ pé recommande pou faire deux rakaat ou bien 4 rakaat nafil avant salaat-ul witr.

Et ceki Rasouloullah ‎(Sallallaahou A'laihi Wasallam)‎‎‎‎ fine empêché par لا توتروا بثلاث (pas faire trois rakaat witr) li applique lors faire trois rakaat witr sans faire quelque rakaat nafil avant ça. C'est-à-dire d’après ça principe-là, li déconseillé et li pas bon ou bien ene façon indesirable pou ene dimoune li contente li avec faire seulement trois rakaat witr comme salaat-ul-lail. Li recommandé ki li faire deux rakaat ou 4 rakaat nafil ou plis ki ça avant li faire so witr afin ki so witr pas ressemblé namaz maghrib ki perna narien comme nafil à faire avant ça.

Li pas correcte servi ça hadice-là pou dire ki pas gagne droit faire 3 rakaat witr. Et ki manière li possible pou prétende ene kitchose pareille quand ça fine toujours existé dans la pratique Rasouloullah ‎(Sallallaahou A'laihi Wasallam)‎‎‎‎ ki fine etre rapporté et pratiqué par ene bon nombre de banne Sahaba-e-Kiraam ? Après banne Sahaba-e-Kiraam, ça fine pratiqué par banne Tabeïnes et approuvé par les 7 fouqaha (juristes) de Madina. Et finalement, Hazrat ‘Oumar Bin Abdul Azize (rahmatoullahi alayh) fine établi faire trois rakaat witr comme ene principe. Tous ça-là montré ki "لا توتروا بثلاث" (pas faire trois rakaat witr) pas pé empêche faire trois rakaat mais li pé empêche faire li dans ene façon particuliere. Et ça façon particuliere ki empêché-là, c’est faire witr sans faire nafil avant li. Ça li confirmé par ene hadice de Hazrat Abdullah Bin Abbaas ‎(Radiyallahou anhou‎)‎ cote li dire :

"الوتر سبع او خمس ولا نحب ثلثا بتراء" (معانى الآثار للطحاوى/محمد بن نصر)

“Witr c’est sept rakaat ou bien 5 rakaat. Nou pas apprecié 3 rakaat ki “Batraa” (incomplète)”. (Ma-anil Athaar par At-Tahaawi/Mouhammad Bin Nasr)

Dans ça hadice-là fine montré la meilleure façon pou faire witr. C'est-à-dire accomplir li dans ene façon ki ena 2 ou 4 rakaat nafil avant li. Le 3 rakaat witr ki fine qualifié de incomplète, ça signifié ça witr ki perna nafil avant li.

Selon Ma-anil Athaar de At-Tahaawi, Hazrat Aïsha ‎(Radiyallahou anhou‎)‎ aussi fine rapporte la même chose ki Hazrat Abdullah Bin Abbaas ‎(Radiyallahou anhou‎)‎ fine rapporté.

Ki veut dire 3 rakaat witr “Batraa” (incomplète)”?

Selon ene hadice de Mouswannaf Ibn Abou Shaïbah, Hazrat Aisha ‎(Radiyallahou anhou‎)‎ dire :

"لا توتر بثلاث بتراء صل قبلها ركعتين او اربعا" (مصنف ابن ابى شيبة)

“Pas faire witr 3 rakaat dans ene façon incomplète. Faire deux ou quatre rakaat avant ça.”

Ça définition de “Batraa” (incomplète)” ki Hazrat Aisha ‎(Radiyallahou anhou‎)‎ fine donné, li nette et clair ki pas le nombre de trois rakaat witr ki incomplète et ki déconseillé ou empêché, mais c’est la façon ou la manière pou faire li sans faire nafil avant ça ki empêché ou déconseillé.

A cet stade, li interressant pou remarqué ki ça hadice-là si prend li dans so sens literale, li pas pou dans faveur aukene tendance. Parceki ceki ti pé recommandé, li pas d’apres aukene tendance. C'est-à-dire li pé recommandé pou faire 5 ou 7 rakaat witr ki personne pas dire ça. Et couma li paraite ki pas gagne droit faire 3 rakaat witr, coumsa meme nou capave deduire ki pas gagne droit faire ene seule rakaat witr aussi. Parceki la façon ordonné c’est 5 ou 7 rakaat witr. Donc ça na pas capave servi comme ene preuve contre trois rakaat witr de la part banne ki pratique ene seule rakaat witr.

Ça montré ki l’interpretation pli correcte et plausible c’est de dire ki ene façon particulier pou faire trois rakaat witr ki fine deconseillé, pas trois rakaat ki fine empeché.

DOAH QOUNOUTE DANS WITR - AVANT OU APRES ROUKOU’ ?

Hadice Hazrat Ubayy Bin Ka’ab ‎(Radiyallahou anhou‎)‎ :

"ان رسول الله ‎(Sallallaahou A'laihi Wasallam)‎‎‎‎ كان يوتر بثلث ركعات كان يقرأ فى الاولى بسبح اسم ربك الاعلى وفى الثانية بقل يا ايها الكافرون وفى الثالثة بقل هو الله احد ويقنت قبل الركوع" (رواه النسائ)

Traduction :

« Rasouloullah ‎(Sallallaahou A'laihi Wasallam)‎‎‎‎ ti pé faire 3 rakaats witr. Dans premier rakaat li ti pé lire سبح اسم ربك الاعلى, dans deuxième rakaat قل يا ايها الكافرون et dans troisième rakaat قل هو الله احد. Et li ti pé faire Qounoute avant roukou’.” (Niçaaï)

Position hadice :

Al-Uqaili et Allaamah Badrudeen Al-Aïni fine qualifié ça hadice-là de ene hadice saheeh. Ena certaine banne rawis ki fine rapporte ça hadice-là sans mentionne ‘Qounoute avant roukou’ aussi. Ena deux groupes de rawi ki fine rapporte deux différent version: Ene groupe ki faire mention de « Qounoute avant roukou » et ene deuxième ki pas mentionne ça. Selon ene principe établi chez banne Mouhadices, la version ene rawi intègre et authentique ki rapporte quelque chose ki so camarade pas fine rapporté, li acceptable surtout quand ça pas nécessite aukene contradiction entre les deux. Donc d’après ça principe-là, la version ki faire mention de “Qounoute avant roukou’ ” li valable et acceptable, quand même le zotte pas fine mentionne li.

Explication :

Ça hadice-là pé montré dans ene façon nette et clair ki Rasouloullah ‎(Sallallaahou A'laihi Wasallam)‎‎‎‎ ti pé faire trois rakaat witr et ki li ti pé faire doah Qounoute avant alle dans roukou’.

La façon faire Qounoute dans witr avant alle dans roukou’ ki Rasouloullah ‎(Sallallaahou A'laihi Wasallam)‎‎‎‎ ti pé faire fine rapporté par banne Sahaba-e-Kiraam couma Abdullah Bin Mas’oud ‎(Radiyallahou anhou‎)‎, Abdullah Bin Abbas ‎(Radiyallahou anhou‎)‎, Abdullah Bin ‘Oumar ‎(Radiyallahou anhou‎)‎ et Anas ‎(Radiyallahou anhou‎)‎ aussi. Ça montré, faire Qounoute avant alle dans roukou’ dans witr ti ene pratique très connu parmi banne Sahaba-e-Kiraam ‎(Radiyallahou anhou‎)‎.

La pratique Hazrat Abdullah Bin Mas’oud‎(Radiyallahou anhou‎)‎ et banne Sahaba en général

"ان ابن مسعود واصحاب النبى كانوا يقنتون فى الوتر قبل الركوع" (مصنف ابن ابى شيبة)

Traduction :

“ (Hazrat Abdullah) Bin Ma’oud et banne Sahaba de Nabi ‎(Sallallaahou A'laihi Wasallam)‎‎‎‎ ti pé faire Qounoute dans witr avant roukou’. ” (Mouswannaf Ibn Abou Shaibah)

Position hadice :

Selon "الجوهر النقى" (Al-Jawhar-un-Naqui), ene commentaire lors سنن البيهقى (Sounan Al-Baihaqui), le sanad de ça hadice-là li saheeh d’après les critères établi par Imaam Mouslim. Selon Ad-Diraayah, so sanad li ene sanad Hassan (bon).

Explication:

Ça hadice-là montré ki Hazrat Abdullah Bin Mas’oud ‎(Radiyallahou anhou‎)‎ et banne Sahaba-e-Kiraam en général ti pé faire Qounoute dans witr avant alle dans roukou’.

"كان غبد الله بن مسعود لا يقنت فى شئ من الصلوات الا فى الوتر قبل الركوع" (الطبرانى)

Traduction :

“ (Hazrat) Abdullah Bin Mas’oud ‎(Radiyallahou anhou‎)‎ pas ti pé faire Qounoute dans aukene namaz apart dans witr avant (alle dans) roukou’. ” (Tibraani)

D’après Al-Hafiz Ibn Hajar Al-Asqalaani, ça hadice-là li ene hadice saheeh (authentique).

Hadice Hazrat Abdullah Bin Mas’oud‎ (Radiyallahou anhou‎)‎ :

ان النبى ‎صلى الله عليه وسلم‎‎‎‎ قنت فى الوتر قبل الركوع" (الخلافيات للبيهقى)

Traduction :

“Nabi ‎(Sallallaahou A'laihi Wasallam)‎‎‎‎ ti faire Qounoute dans witr avant roukou. ” (Al-Khilaafiyaat de Al Baihaqui)

Position hadice :

Selon Imaam Al Baihaqui, dans sanad ça hadice-là ena ene rawi nommé ابان بن ابى عياش (Abaan Bin Abu ‘‘Ayyaash) ki fine être critiqué sévèrement par banne savants de hadice. Acoze ça, Imaam Al Baihaqui pas accepté ça hadice-là. Parceki selon Al Baihaqui, ça hadice-là li repose lors Abaan Bin Abu ‘Ayyaash. Mais d’après recherche Imaam Tirmizi, couma li fine faire ressortir dans so Kitaab-ul-‘Ilal, ena plusieurs narrateurs ki fine rapporte ça hadice-là avec Ibraahim An-Nakh-ï apart Abaan Bin Abu ‘Ayyaash. Imaam Tirmizi dire dans so Kitaab-ul-‘Ilal :

"وقد روى غير واحد عن ابراهيم النخعى عن علقمة عن عبد الله بن مسعود ان النبى كان يقنت فى وتره قبل الركوع"

“Plusieurs dimoune fine rapporté avec Ibraahim An-Nakh-ï ki fine rapporté de Al-Qamah ki selon Abdullah Bin Mas’oud ‎(Radiyallahou anhou‎)‎ Nabi ‎(Sallallaahou A'laihi Wasallam)‎‎‎‎ ti pé faire Qounoute dans so witr avant roukou’. ”

Ça montré ki Abaan Bin Abu ‘Ayyaash li pas le seul rawi (narrateur) ki fine gagne ça hadice-là avec Ibraahim An-Nakh-ï comme allégué par Al Baihaqui. Li épaulé par encore plusieurs rawi dans rapporte ça hadice-là de Ibraahim An-Nakh-ï. Si pou ene supposition Abaan Bin Abu ‘Ayyaash li pas ene rawi fort et solide, malgré ça, ça hadice-là pas capave être qualifié de ene hadice faible parceki ça hadice-là li pas repose uniquement lors Abaan Bin Abu ‘Ayyaash. Ena encore le zotte ki fine rapporte ça de Ibrahim An-Nakh-ï couma الاعمش (Al A’mash) et منصور (Mansoor) etc. D’ailleurs Abaan Bin Abu ‘Ayyaash, en li même li pas ça faible-là ki rende hadice rapporté par li irrecevable et inacceptable. Plis plis ceki capave dire, li ene rawi ki so mémoire pas ti tellement fort. Hadice ene rawi (narrateur) dans ene position pareille capave prend li en considération quand li épaulé par le zotte dans ceki li fine rapporté. Ça montré et prouvé ki li fine bien rapporté. Donc ça hadice-là li ena tous banne criteres pou faire li vine ene hadice fort et valable ki permette li servi comme ene preuve.

"عن عبد الله قال ارسلت امى ليلة لتبيت عند النبى فتنظر كيف يوتر، فصلى ما شاء الله ان يصلى حتى اذا كان آخر الليل واراد الوتر قرأ بسبح اسم ربك الاعلى فى الركعة الاولى وقرأ فى الثانية قل يا ايها الكافرون ثم قعد ثم قام ولم يفصل بينهما بالسلام ثم قرأ بقل هو الله احد حتى اذا فرغ كبر ثم قنت بما شاء الله ان يدعو ثم كبر وركع" (اخرجه الحافظ ابن عبد البر فى الاستيعاب)

Traduction :

“ (Hazrat) Abdullah (Bin Mas’oud ‎(Radiyallahou anhou‎)‎) dire : « Ene soir mo fine envoye mo maman pou passe la nuit acote Nabi ‎(Sallallaahou A'laihi Wasallam)‎‎‎‎ afin ki li capave observe la façon li (Rasouloullah ‎(Sallallaahou A'laihi Wasallam)‎‎‎‎) faire witr. (Dans so compte rendu, maman Hazrat Abdullah Bin Mas’oud ‎(Radiyallahou anhou‎)‎ raconté) : Li (Rasouloullah ‎(Sallallaahou A'laihi Wasallam)‎‎‎‎) fine faire namaz ene quantité ki Allah fine oulé juska, quand fine arrive dernier parti la nuit et li fine faire witr, alors li fine lire سبح اسم ربك الاعلى dans premier rakaat, et fine lire قل يا ايها الكافرون dans deuxième rakaat. Ensuite li fine faire Qaidah (posture assizé), et puis après ça li fine dibouté sans ki li fine interrompe ça (deux rakaat-là) par salaam. Après ça li fine lire قل هو الله احد juska quand li fine terminé, li fine faire takbeer (dire Allahou Akbar). Après ça li fine faire Qounoute. Alors (là-dans) li fine faire doah ki Allah fine oulé li faire. Ensuite li fine dire Allahou Akbar et li fine faire roukou’.” (Al Hafiz Ibn Abdul Barr fine rapporte ça dans Al-Isti-‘aab)

Position hadice:- Al Hafiz Ibn Abdul Barr pas fine faire aukene remarque lors ça hadice-là. Dans ene certaine sens li ene indication ki li correcte d’après li. Mais Al Hafiz Ibn Hajar Al Asqalaani fine qualifié ça hadice-là de ene hadice faible dans so الاصابة (Al Içaabah) acoze le Rawi nommé Abaan Bin Abu ‘Ayyaash, ki trouve dans so sanad.

De l’autre coté nou trouve banne grand personnages couma Imaam Abou Hanifah, Soufyaan Thauri et Yazeed Bin Haroun fine rapporte hadice avec Abaan Bin Abou ‘Ayyaash. En principe, banne grand personnages ti pé hésité pou prend hadice avec ene ki zotte conné ki li pas sérieux. Quand banne personnages pareille fine permette zotte rapporte hadice avec Abaan, ça montré ki li ene Rawi ki capave considère so hadice.

D’ailleurs ceki li fine rapporté li en accord avec ceki le zot fine rapporté. Imaam Abdurrazzaaq (126H-211H) fine approuve ça hadice-là. Ça signifié ki li fine approuve et fine satisfait avec position hadice Abaan. En principe “Shoubah” pas satisfait avec Abaan mais en ceki concerne ça hadice-là, li aussi li fine montré so satisfaction. Donc dans présence tous ça banne élément-là, li bien difficile pour disqualifié ça hadice-là. Forcé forcé capave dire ki li pas ça authentique-là. Mais pas capave dire ki li faible ene quantité ki rende li inacceptable. Donc ena tous banne raisons pour qualifié ça hadice-là de ene hadice hassan (bon/passable) au moins.

Explication:-

Ça hadice-là montré ki Rasouloullah ‎(Sallallaahou A'laihi Wasallam)‎‎‎‎ ti pé faire doah Qounoute dans troisième rakaat de witr avant alle dans roukou’ après avoir faire Qiraate.

Hadice Hazrat Abdullah Bin Abbaas ‎(Radiyallahou anhou‎)‎:-

"اوتر النبى صلى الله عليه وسلم بثلث فقنت فيها قبل الركوع" (ابو نعيم/البيهقى)

Traduction:-

“Nabi ‎(Sallallaahou A'laihi Wasallam)‎‎‎‎ fine faire trois rakaat witr. Et là-dans li fine faire Qounoute avant (alle dans) Roukou'.” (Abu Nou’aim/ Al Baihaqui)

Position hadice:-

Ena ene Rawi nommé "عطاء بن مسلم" (Ata Bin Mouslim) dans Sanad ça hadice-là. Imaam Al Baihaqui fine qualifié li de ene Rawi faible. Selon li, ça hadice-là, li ene hadice faible. Mais Allaamah "علاء الدين بن على الماردينى" (‘Alaa-ud-Deen Bin Ali Al-Maardini), ene célèbre savant de hadice ki fine décédé en (745H) dire dans so "الجوهر النقى", ene commentaire lors Sounan Al Baihaqui ki "عطاء بن مسلم", li ene Rawi ثقة (authentique/ digne de foi) selon Ibn Maïne, Al Fadl Bin Moosa et وكيع (waki). Ene Rawi ki fine qualifié de authentique par trois célèbres savants de hadice, pas capave pas considère so hadice. Au moins so hadice capave servi comme ene renfort ou ene l’appuye solide pour banne hadices ki fine rapporté avec banne contenu semblable. Si jamais nou dire même ki li faible, alors ça faiblesse-là li couvert et renforci par lezot hadices.

Hadice Hazrat Abdullah Bin Umar ‎(Radiyallahou anhou‎)‎:-

"ان النبى صلى الله عليه وسلم‎‎‎‎ كان يوتر بثلث ركعات ويجعل القنوت قبل الركوع" (الطبرانى)

Traduction:-

“Nabi ‎(Sallallaahou A'laihi Wasallam)‎‎‎‎ ti pé faire 3 rakaat witr et li ti pé faire Qounoute avant Roukou’.” (Tibraani)

Position hadice et explication:-

Ena ene Rawi nommé سهل بن العباس (Sahl Bin Al-Abbaas) ki pas authentique selon Ad Darqutni. Malgré ça, le contenu de ça hadice-là li approuvé par lezot hadice. Si li pas ene hadice assez fort ki capave soutenir ene thèse par li tout seul, au moins capave servi li comme ene renfort. Et ene renfort pas nécessaire ça fort-là.

La pratique Hazrat Abdullah Bin Mas’oud ‎(Radiyallahou anhou‎)‎:-

"عن عبد الله انه كان يقرأ فى آخر ركعة من الوتر قل هو الله احد ثم يرفع يديه فيقنت قبل الركعة" (رواه البخارى فى جزء رفع اليدين)

Traduction:-

“Rapporté de (Hazrat) Abdullah (Bin Mas’oud ‎(Radiyallahou anhou‎)‎) ki li ti pé lire قل هو الله احد dans dernier rakaat witr. Ensuite li ti pé lève so deux la main et ti pé faire Qounoute avant Roukou.” (Imaam Boukhari fine rapporte ça dans Jouz Raf’ul Yadain)

Explication:-

Doah Qounoute dans witr li trouve dans troisième rakaat après Qiraat et avant alle dans roukou. Deux la mains ki Hazrat Abdullah Bin Mas’oud ‎(Radiyallahou anhou‎)‎ ti pé levé c’était pour faire takbeer. Ça pas signifié ki li ti pé lève la main dans doah Qounoute.

عن عبد الله انه كان يكبر حين يفرغ من القراءة فاذا فرغ من القنوت كبر فركع (الطبرانى)

Traduction:-

Rapporté de (Hazrat) Abdullah (Bin Mas’oud ‎(Radiyallahou anhou‎)‎) ki quand li ti pe terminé avec Qiraate, alors li ti pé faire takbeer. Après ça quand li ti pé terminé avec Qounoute, li ti pé faire takbeer et li ti pé faire roukou.” (Tibraani)

Position hadice:-

C’est ene hadice ki ena ene Rawi nommé ليث بن ابى سليم (Laith Bin Abou Sulaim) dans so sanad. Acoze so position li ene ti peu controversé, ena banne savants de hadice pas fine oulé accepté so hadice. Malgré tous ça-là, so hadice li correcte et valable parceki banne ‘Oulama couma Imaam Boukhari et Imaam Mouslim, Al Hafiz Bin Hajar et encore le zot fine accepté li couma ene Rawi valable. Acoze ça, hadice ki li fine rapporté li ene hadice valable.

Explication:-

A la lumière de la pratique de Rasouloullah ‎(Sallallaahou A'laihi Wasallam)‎‎‎‎ ki maman Hazrat Abdullah Bin Mas’oud ‎(Radiyallahou anhou‎)‎ fine rapporté et à la lumière de ceki Hazrat Abdullah Bin Mas’oud ‎(Radiyallahou anhou‎)‎ fine pratiqué, doah Qounoute li trouve dans 3eme rakaat witr. C’est à dire quand fini faire Qiraate dans troisième rakaat, ena pour faire takbeer (dire Allahou Akbar) et lire doah Qounoute et quand fini lire doah Qounoute refaire takbeer et alle dans roukou.

"عن ابراهيم: ان القنوت فى الوتر واجب فى رمضان وغيره قبل الركوع. واذا اردت ان تقنت فكبر واذا اردت ان تركع فكبر ايضا" (اخرجه محمد فى كتاب الحجج والآثار)

Traduction:-

“Hazrat Ibraheem (An Nakh-ï) déclaré: Qounoute dans witr li waajib (obligatoire) avant (alle dans) roukou dans Ramadaan et en dehors Ramadaan. Quand ou ena pou faire Qounoute, ou faire takbeer et (coumsa même) quand ou ena pour faire Roukou, là-aussi ou faire takbeer.” (Imaam Mouhammad fine rapporte ça dans Kitaab-ul-Houjaj Wal Athaar)

Position hadice:-

Ibraheem An Nakh-ï li parmi banne grand tabeines ki fine bénéficié et profité énormément avec banne zélèves de Hazrat ‘Oumar ‎(Radiyallahou anhou‎)‎, Hazrat Ali ‎(Radiyallahou anhou‎)‎ et Hazrat Abdullah Bin Mas’oud ‎(Radiyallahou anhou‎)‎. Pou banne savants de hadice, Ibraheem An Nakh-ï li couma dire ene porte parole pour ça trois grands Sahaba-e-Kiraam-là. Quand li dire ene kikchose, la plupart du temps, c’est banne parole de Hazrat Abdullah Bin Mas’oud ‎(Radiyallahou anhou‎)‎ ki li fine tendé à travers so banne zélèves. Bien rare, li quitte verdict et déclaration Hazrat Abdullah Bin Mas’oud ‎(Radiyallahou anhou‎)‎. Dans ça tigite-là aussi li suive ceki banne Sahaba couma Hazrat ‘Oumar ‎(Radiyallahou anhou‎)‎ et Hazrat Ali ‎(Radiyallahou anhou‎)‎ fine dire.

Explication:-

A la lumière de ça exposé-là, nou capave dire ki la façon de faire Qounoute ki Hazrat Ibraheem An Nakh-ï fine expliqué ici, li bizin la façon de ça banne Sahaba-e-Kiraam-là même.

"ان ابن مسعود كان يقنت السنة كلها فى الوتر قبل الركوع" (اخرجه محمد فى الآثار)

Traduction:-

“(Hazrat Abdullah) Bin Mas’oud ‎(Radiyallahou anhou‎)‎ ti pé pratique Qounoute pendant toute longue l’année dans Salaat-ul-witr avant (alle dans) Roukou’.” (Kitaab-ul Athaar de Imaam Mouhammad (rahmatoul-lahi ‘alayh)

Position hadice:-

Ibraheem An Nakh-ï fine rapporte la pratique de Hazrat Abdullah Bin Mas’oud ‎(Radiyallahou anhou‎)‎ mais couma nou conné li pas fine vive l’époque Hazrat Abdullah Bin Mas’oud ‎(Radiyallahou anhou‎)‎. Donc li pas fine témoigné li même personnellement ceki li fine rapporté. Li fine bizin témoigne ça lors témoignage ene l’autre ki fine témoigne ça. Ça témoin ki fine capave informe li de ceki li fine témoigné so nom pas mentionné ici. Ça faire so sanad gagne ene انقطاع (disconnection) entre li meme et Hazrat Abdullah Bin Mas’oud ‎(Radiyallahou anhou‎)‎.

D’après banne savants de hadice, ene disconnection ki trouve entre Ibraheem An Nakh-ï et Hazrat Abdullah Bin Mas’oud ‎(Radiyallahou anhou‎)‎, li pas ene défaut ki affaibli la position de ça hadice ki li fine rapporté avec Hazrat Abdullah Bin Mas’oud ‎(Radiyallahou anhou‎)‎. Au contraire, ene hadice ki Ibraheem An Nakh-ï li rapporté de Hazrat Abdullah Bin Mas’oud ‎(Radiyallahou anhou‎)‎ sans mentionne le lien entre li et Hazrat Abdullah Bin Mas’oud ‎(Radiyallahou anhou‎)‎, li considéré comme ene hadice pli solide et plus fort ki ene hadice dans lequel li mentionne le lien entre li et Hazrat Abdullah Bin Mas’oud ‎(Radiyallahou anhou‎)‎. Parceki ça hadice dans lequel li pas mentionne le lien, c’est à coze ki li fine gagne ça hadice-là à travers plusieurs dimoune ki fine tanne ça avec Hazrat Abdullah Bin Mas’oud ‎(Radiyallahou anhou‎)‎. Par contre quand li mentionne le lien entre li et Hazrat Abdullah Bin Mas’oud ‎(Radiyallahou anhou‎)‎, alors c’est necque à travers ça ene seul dimoune-là même ki li fine gagne ça hadice-là.

Ici le lien entre li et Hazrat Abdullah Bin Mas’oud ‎(Radiyallahou anhou‎)‎ pas fine mentionné. Donc d’après principe, li fine bizin tanne ça à travers ene quantité dimounes ki fine tanne ça avec Hazrat Abdullah Bin Mas’oud ‎(Radiyallahou anhou‎)‎. De ce fait, ça hadice-là li ene hadice bien solide.

Explication:-

Ça hadice-là pé montré ki Hazrat Abdullah Bin Mas’oud ‎(Radiyallahou anhou‎)‎ ti pé pratique doah Qounoute dans witr tout le temps et li ti pé faire li avant alle dans roukou.

Hadice Hazrat Anas ‎(Radiyallahou anhou‎)‎:-

عن عاصم قال سألت انس بن مالك عن القنوت فقال قد كان القنوت قلت قبل الركوع اوبعده قال قبله قال فان فلانا اخبرنى عنك انت قلت بعد الركوع فقال كذب انما قنت رسول الله ‎صلى الله عليه وسلم‎‎‎‎ بعد الركوع شهرا… (البخارى)

Traduction:-

Rapporté de عاصم (Asim) ki fine dire:

Mo fine dimane (Hazrat) Anas Bin Malik ‎(Radiyallahou anhou‎)‎ à propos Qounoute. Li fine dire: Qounoute ti ena li. Mo fine dire: Avant roukou’ ou bien après ? Li fine dire : Avant. Li (Asim) fine dire: Parceki un tel fine rapporté de ou ki ou fine dire “après roukou’”. Alors li (Hazrat Anas ‎(Radiyallahou anhou‎)‎) fine dire: li fine faire erreur parceki c’est necque pendant ene seul mois ki Rasouloullah ‎(Sallallaahou A'laihi Wasallam)‎‎‎‎ ti faire Qounoute après roukou’. (Boukhari)

Explication:-

Ti ena deux qualité Qounoute. Ene Qounoute ki faire dans witr et ça faire li avant alle dans roukou. Ça Qounoute-là li ene Qounoute ki faire régulièrement. Quant à deuxième Qounoute ki faire après Roukou avant alle dans sajdah, c’est ene Qounoute ki Rasouloullah ‎(Sallallaahou A'laihi Wasallam)‎‎‎‎ fine pratique li pendant ene mois seulement. Ça Qounoute-là appelle “Qounoute Nazilah”.

QOUNOUTE NAZILAH

Qounoute signifié doah. Et نازلة (Nazilah) veut dire malheur ou difficulté. Qounoute Nazilah signifié ene doah spécial ki faire pendant namaz dans l’interval quand ene malheur assez grave affecté la communauté en général. D’après hadice de Hazrat Anas ‎(Radiyallahou anhou‎)‎, ça genre de qounoute-là ti pratiqué par Rasouloullah ‎(Sallallaahou A'laihi Wasallam)‎‎‎‎ pendant quelques jours seulement. Li pas ene pratique établi ki ti pé pratiqué lors ene base permanente. Ça qounoute-là ti pé pratiqué après roukou' dans dernier rakaat dans posture diboute avant alle dans sajdah. Au commencement ça ti pé pratiqué dans tous banne namaz. Et finalement ti pé pratique li ziste dans namaz fajar. Et ça aussi, occasionnellement dans banne moments bien difficile ki affecté la communauté en général. Pas regulierement.

Le commencement Qounoute Nazilah

Hadice Hazrat Anas ‎(Radiyallahou anhou‎)‎

بعث رسول الله ‎صلى الله عليه وسلم‎‎‎‎ سبعين رجلا لحاجة يقال لهم القراء فعرض لهم حيان من سليم رعل وذكوان فقتلهم فدعا رسول الله ‎صلى الله عليه وسلم‎‎‎‎ شهرا فى صلاة الغداة فذلك بدأ القنوت وما كنا نقنت (البخارى ومسلم)

Traduction:

“Rasouloullah ‎(Sallallaahou A'laihi Wasallam)‎‎‎‎ ti délègue, lors ene certaine mission, 70 personnes ki ti appelle zotte “Qurraa”. Alors deux familles Ri’l et Zakwaan ki sorte dans descendant Soulaim fine barre zotte et fine assassine zotte. Lors ça Rasouloullah ‎(Sallallaahou A'laihi Wasallam)‎‎‎‎ fine faire doah pendant ene mois dans namaz fajar. Ça c’était le commencement de Qounoute. Nou pas ti pé faire Qounoute (avant ça). ” (Boukhari/Mouslim)

Explication:

C'était dans 4eme année hijri quand Rasouloullah ‎(Sallallaahou A'laihi Wasallam)‎‎‎‎ ti délègue 70 personnes lors ene demande de la part de banne tribus رعل (Ri’l), ذكوان (Zakwaan) et عصية(‘Ouçayyah) d’une part et de l’autre part lors requête et garantie de عامر بن مالك (‘Aamir Bin Malik), pou invite ene certaine peuple vers l’Islaam. C’était banne Sahaba-e-Kiraam ki ti appelle Al Qurraa et ki ti pé reste à cote Rasouloullah ‎(Sallallaahou A'laihi Wasallam)‎‎‎‎ pou apprane Qour’aan-e-Kareem. Ça délégation-là fine vine arrête cote ene l’endroit appelle بئر معونة et zotte fine envoye حرام بن ملحان (Haram Bin Milhaan) pou transmette le message et la lettre de Rasouloullah ‎(Sallallaahou A'laihi Wasallam)‎‎‎‎ à عامر بن الطفيل (Aamir Bin At-Toufail). Banne-là fine aggresse Hazrat Haraam Bin Milhaan et fine faire li shaheed. Ensuite banne tribu رعل, ذكوان et عصية fine vine joine عامر بن الطفيل et fine assassine le reste banne Sahaba-e-Kiraam. Zotte tous fine shaheed apart deux Sahabi nommé كعب بن زيد et عمرو بن امية.

A la suite de ça l’événement-là et ene l’autre l’événement semblable ki ti arrivé avec le groupe de Hazrat Khoubaib ‎(Radiyallahou anhou‎)‎ à makkah, Rasouloullah ‎(Sallallaahou A'laihi Wasallam)‎‎‎‎ fine faire Qounoute pendant ene mois dans namaz fajar. Ça doah Qounoute-là ti pé faire dans le but pou invoque malédiction lors ça banne tribus ki ti trahir et martyrise banne Sahaba-e-Kiraam. Selon le hadice, c’est à partir ça même l’événement ki Rasouloullah ‎(Sallallaahou A'laihi Wasallam)‎‎‎‎ fine commence faire Qounoute. Avant ça pas ti ena Qounoute.

Ça Qounoute-là appelle Qounoute Nazilah. C'est-à-dire ene doah ki faire dans ene façon particulière dans namaz à l’occasion ene difficulté assez grave ki affecté banne musulman en général. Ça Qounoute-là ti pé faire li après roukou’ avant alle dans sajdah.

Combien le temps Rasouloullah ‎(Sallallaahou A'laihi Wasallam)‎‎‎‎ ti faire Qounoute Nazilah ?

Hadice Hazrat Anas ‎(Radiyallahou anhou‎)‎

"قنت النبى ‎صلى الله عليه وسلم‎‎‎‎ بعد الركوع شهرا يدعو على رعل وذكوان ..." (البخارى)

Traduction :

Nabi ‎(Sallallaahou A'laihi Wasallam)‎‎‎‎ ti faire Qounoute après roukou’ pendant ene mois pou invoque malédiction lors رعل (Ri’l) et ذكوان (Zakwaan). (Boukhari)

Explication :

Ça Qounoute ki Rasouloullah ‎(Sallallaahou A'laihi Wasallam)‎‎‎‎ ti faire pou invoque malédiction ti après roukou’. Pas avant roukou’ couma ça c’est le cas avec Qounoute dans witr.

Dans ene l’autre hadice, Hazrat Anas ‎(Radiyallahou anhou‎)‎ précise ça pli bien. C’est à dire selon ene hadice dans Boukhari, Hazrat عاصم (Asim) ‎(Radiyallahou anhou‎)‎ fine dimane Hazrat Anas ‎(Radiyallahou anhou‎)‎ eski Qounoute li avant roukou’ ou bien après roukou’. En réponse Hazrat Anas ‎(Radiyallahou anhou‎)‎ fine faire conné ki Qounoute li avant roukou’. Apres li fine faire ressortir ki :

انما قنت رسول الله ‎صلى الله عليه وسلم بعد الركوع شهرا ... (البخارى)

“C’est necque pendant ene seul mois ki Rasouloullah ‎(Sallallaahou A'laihi Wasallam)‎‎‎‎ fine faire Qounoute après roukou’ …” (Boukhari)

Ça hadice-là li montré nou banne points suivants :

Qounoute ki ti en vigueur régulièrement, ti pé faire li avant alle dans roukou’, pas après roukou’.
Qounoute Nazilah ti faire li après roukou’.
Qounoute Nazilah pas ti durée plis ki ene mois.

Selon ene hadice dans Mouslim Hazrat Anas ‎(Radiyallahou anhou‎)‎ dire :

ان رسول الله ‎صلى الله عليه وسلم‎‎‎‎ قنت شهرا يدعو على احياء من العرب ثم تركه" (مسلم)

« Rasouloullah ‎(Sallallaahou A'laihi Wasallam)‎‎‎‎ ti faire Qounoute pendant ene mois pou invoque malédiction lors ene banne tribus arabe et ensuite li fine abandonne ça ». (Mouslim)

Qounoute Nazilah avant roukou’ ou apres roukou’ ?

Hadice Hazrat Anas ‎(Radiyallahou anhou‎)‎

عن عاصم قال سألت انس بن مالك عن القنوت فقال قد كان القنوت قلت قبل الركوع او بعده قال قبله قال فان فلانا اخبرنى عنك انت قلت بعد الركوع فقال كذب انما قنت رسول الله ‎(Sallallaahou A'laihi Wasallam)‎‎‎‎ بعد الركوع شهرا ..." (البخارى)

Traduction :

Rapporté par Asim ki li fine dire : « Mo fine dimane (Hazrat) Anas Bin Malik ‎(Radiyallahou anhou‎)‎ à propos Qounoute. Alors li fine dire moi ki Qounoute ti déjà ena li. Mo fine dire : Avant roukou’ ou bien après ? Li dire : Avant. (Apres ça) Li dire : Parceki un tel fine informe moi à propos ou ki ou fine dire ‘après roukou’. Li (Hazrat Anas ‎(Radiyallahou anhou‎)‎) fine dire : Li fine faire confusion. C’est necque pendant ene seul mois ki Rasouloullah ‎(Sallallaahou A'laihi Wasallam)‎‎‎‎ ti faire Qounoute après roukou’ … ». (Boukhari)

Explication :

Ça hadice-là montré deux qualités de Qounoute ki banne Sahaba-e-Kiraam ti conné. Ene ki ti faire avant roukou’ et l’autre ki ti pé faire après roukou’. Hazrat Anas ‎(Radiyallahou anhou‎)‎ fine précisé ki le Qounoute ki ti en vigueur régulièrement ti pé faire li avant roukou’. Quant à Qounoute Nazilah ki ti pé faire après roukou’, c’était ene Qounoute ki Rasouloullah ‎(Sallallaahou A'laihi Wasallam)‎‎‎‎ ti faire li pendant ene mois seulement.

NAMAZ KI FAIRE QOUNOUTE NAZILAH LA-DANٍٍS

Hadice Hazrat Abdullah Bin Abbaas ‎(Radiyallahou anhou‎)‎

"قنت رسول الله ‎صلى الله عليه وسلم شهرا متتابعا فى الظهر والعصر والمغرب والعشاء وصلاة الصبح فى دبر كل صلاة اذا قال سمع الله لمن حمده من الركعة الآخرة يدعو على احياء من بنى سليم على رعل وذكوان وعصية ويؤمن من خلفه" (ابو داؤد)

Traduction:

Rasouloullah ‎(Sallallaahou A'laihi Wasallam)‎‎‎‎ ti faire Qounoute pendant ene mois consecutif dans Zohar, Assar, Maghrib, Esha et namaz Fajar à la fin de chaque namaz quand li ti pé dire سمع الله لمن حمده dans dernier rakaat. Li ti pé envoye malédiction lors banne familles (ki sorti depi) dans descendant Soulaim c'est-à-dire رعل (Ri'l), ذكوان (Zakwaan) et عصية (Uçayyah). Banne ki ti derrière li ti pé dire Ameen. (Abu Dawood)

Explication:

Hadice Hazrat Abdullah Bin Abbaas ‎(Radiyallahou anhou‎)‎ et hadice ki fine rapporté par Hazrat Anas ‎(Radiyallahou anhou‎)‎ et Hazrat Abou Hourairah ‎(Radiyallahou anhou‎)‎ montré ki Qounout Nazilah ki Rasouloullah ‎(Sallallaahou A'laihi Wasallam)‎‎‎‎ ti commence faire à la suite de l’événement triste ki ti traversé lors banne Sahaba-e-Kiraam, ti être pratiqué dans tous les cinq namaz faraz dans dernier rakaat avant alle dans sajdah.

D’après ene hadice de Mouslim Shareef, Hazrat Abou Hourairah ‎(Radiyallahou anhou‎)‎ rapporté ki Rasouloullah ‎(Sallallaahou A'laihi Wasallam)‎‎‎‎ ti faire Qounoute dans namaz Esha. Selon ene l’autre hadice de Mouslim Shareef même, Hazrat Abou Hourairah ‎(Radiyallahou anhou‎)‎ ti pé faire Qounoute dans namaz Zohar, Esha et namaz fajar. Selon ene l’autre hadice dans Mouslim, Hazrat Al-Baraa ‎(Radiyallahou anhou‎)‎ dire :

"قنت رسول الله ‎صلى الله عليه وسلم‎‎‎‎ فى الفجر والمغرب" (مسلم)

« Rasouloullah ‎(Sallallaahou A'laihi Wasallam)‎‎‎‎ ti faire Qounoute dans namaz Fajar et Maghrib ». (Mouslim)

Selon ene hadice dans Saheeh Boukhari Hazrat Anas ‎(Radiyallahou anhou‎)‎ dire :

"كان القنوت فى المغرب والفجر" (البخارى)

« Qounoute ti existé dans namaz Maghrib et namaz Fajar ». (Boukhari)

Eski Qounoute Nazilah fine abrogé ?

Hadice Hazrat Abdullah Bin ‘Oumar ‎(Radiyallahou anhou‎)‎

"سالم عن ابيه انه سمع رسول الله ‎(Sallallaahou A'laihi Wasallam)‎‎‎‎ اذا رفع راسه من الركوع فى الركعة الآحرة من الفجر يقول اللهم العن فلانا وفلانا وفلانا بعد ما يقول سمع الله لمن حمده ربنا ولك الحمد فانزل الله ليس لك من الامر شئ الى قوله فانهم ظالمون" (البخارى)

Traduction :

Hazrat Saalim rapporté de so papa (Hazrat Abdullah Bin ‘Oumar ‎(Radiyallahou anhou‎)‎) ki li fine tanne Rasouloullah ‎(Sallallaahou A'laihi Wasallam)‎‎‎‎ dire quand li ti pé lève so la tête depi dans roukou’ dans deuxième rakaat namaz Fajar après ki li ti pé fini dire سمع الله لمن حمده ربنا ولك الحمد :

« O Allah (Ta’ala) maudit un tel, un tel et un tel »

Alors Allah Ta’ala fine descende :

" ليس لك من الامر شئ او يتوب عليهم او يعذبهم فانهم ظالمون"

« Li pas à ou à décidé (li à Allah Ta’ala si li oulé) soit li gracié banne-là ou bien li puni zotte parceki zotte banne (injustes). » (S3/V128) (Boukhari)

Explication :

Quand le verset fine descende, Raouloullah ‎(Sallallaahou A'laihi Wasallam)‎‎‎‎ fine arrête faire Qounoute. Quand nou dire ki li fine arrête faire Qounoute, eski :

i.      ça veut dire ki li fine arrête faire Qounoute même,
ii.      ou bien li fine arrête faire Qounoute avec la formule ki li pé faire auparavant
iii.      ou bien li fine arrête faire li dans certaine namaz ?

C’est banne possibilités ki existé dans dire ki Rasouloullah ‎(Sallallaahou A'laihi Wasallam)‎‎‎‎ fine arrête faire Qounoute à la suite de la révélation de ça verset-là.

Dans tout ça-là, ceki paraite pli compatible avec lezot hadice c’est ki Rasouloullah ‎(Sallallaahou A'laihi Wasallam)‎‎‎‎ fine arrête faire Qounoute (Nazilah) lors ene base régulier et permanent. Mais l’option pou pratique li dans cas nécessaire fine reste toujours ouvert. Donc ceki fine abrogé c’est la pratique de Qounoute Nazilah comme ene principe établi lors ene base permanent. Quant à Qounoute pendant ene certaine nombre de jours dans difficulté ki affecté la communauté en général, li encore existé. Et ça pas fine abrogé. Etant donné ki pas fine ena aukene nécessité, acoze ça Rasouloullah ‎(Sallallaahou A'laihi Wasallam)‎‎‎‎ pas fine pratique li plis ki ene mois.

Hadice Hazrat Anas ‎(Radiyallahou anhou‎)‎

"ان النبى صلى الله عليه وسلم‎‎‎‎ قنت شهرا يدعو عليهم ثم تركه فاما فى الصبح فلم يزل يقنت حتى فارق الدنيا" (البيهقى)

Traduction :

“Nabi ‎(Sallallaahou A'laihi Wasallam)‎‎‎‎ ti faire Qounoute pendant ene mois pou envoye malédiction lors banne-là (tribu رعل(Ri’l) et ذكوان (Zakwaan) etc.). Après ça li fine abandonne li. Quant à namaz fajar li fine continué faire Qounoute là-dans juska ki li fine quitte le monde”. (Al Baihaqui)

Explication :

Ça hadice-là montré ki Rasouloullah ‎(Sallallaahou A'laihi Wasallam)‎‎‎‎ ti pé faire Qounoute Nazilah dans tous banne namaz. Apres ça li fine arrête faire li dans tous banne namaz excepté dans namaz fajr. Li fine continué faire Qounoute dans namaz fajar veut dire ki li fine laisse option ouverte pou ene telle pratique en cas nécessaire. Ça pas veut dire ki li fine continué faire li comme ene pratique établie régulièrement. Parceki selon ene hadice dans Tabraani, Hazrat Ghalib Bin Farqad dire :

"كنت عند انس بن مالك شهرين فلم يقنت فى صلاة الغداة"

“Mo fine reste acote Hazrat Anas Bin Malik ‎(Radiyallahou anhou‎)‎ pendant deux mois mais li na pas fine faire qounoute dans namaz fajr.” (Tibraani)

Le premier hadice signifié ki Rasouloullah ‎(Sallallaahou A'laihi Wasallam)‎‎‎‎ ti autorise ça comme ene pratique ki capave faire en cas necessaire. C’est acoze ça meme Hazrat Anas Bin Malik ‎(Radiyallahou anhou‎)‎ pendant deux mois pas fine faire li. Parceki pas ti ena aukene necessité pou faire li. Selon ene hadice rapporté par Al-Khateeb dans so Kitaab-ul-Qounoute avec sanad authentique, Hazrat Anas Bin Malik ‎(Radiyallahou anhou‎)‎ dire :

"كان لا يقنت الا ان يدعو لقوم او على قوم"

“Li (Rasouloullah ‎(Sallallaahou A'laihi Wasallam)‎‎‎‎) pas ti faire qounoute excepté quand li ti ena pou faire douah en faveur kit peuple ou contre kit peuple.”

Ça hadice-là aussi pé montré dans ene façon nette et clair ki la pratique de qounoute nazilah dans fajr ti ene pratique ki ti autorisé au moment nazilah (difficulté) seulement.

Hadice Hazrat Abou Hourairah ‎(Radiyallahou anhou‎)‎

"ان رسول الله ‎صلى الله عليه وسلم‎‎‎‎ كان اذا اراد ان يدعو على احد او يدعو لاحد قنت بعد الركوع ..." (البخارى)

Traduction:

« Quand Rasouloullah ‎(Sallallaahou A'laihi Wasallam)‎‎‎‎ ti pé oulé envoye malédiction lors kikene ou bien faire doah en faveur kikene, li ti pé faire Qounoute après roukou’ … ». (Boukhari)

Explication :

Ça hadice-là montré ki Qounoute après roukou’ ou bien Qounoute Nazilah, li pas ene pratique permanente. Li ti ene pratique ki ti pé faire ziste quand ena problème lors musulman. Selon Saheeh Ibn Khuzaimah, Hazrat Anas ‎(Radiyallahou anhou‎)‎ fine dire :

"ان النبى ‎صلى الله عليه وسلم‎‎‎‎ كان لا يقنت الا اذا دعا لقوم او دعا على قوم"

« Nabi ‎(Sallallaahou A'laihi Wasallam)‎‎‎‎ pas ti pé faire Qounoute (Nazilah) (du tout) apart quand li ti pé faire doah en faveur kit groupe ou bien quand li ti pé envoye malédiction lors kit groupe ». (Saheeh Ibn Khuzaimah)

A noté ki ça hadice-là li ene hadice Saheeh (authentique). Coumsa même selon Saheeh Ibn Hibbaan, Hazrat Abou Hourairah ‎(Radiyallahou anhou‎)‎ fine dire :

"كان رسول الله صلى الله عليه وسلم‎‎‎‎ لا يقنت فى الصبح الا ان يدعو لقوم او يدعو على قوم" (صحيح ابن حبان)

« Rasouloullah ‎(Sallallaahou A'laihi Wasallam)‎‎‎‎ pas ti pé faire Qounoute dans namaz fajar à part ki li ti pé faire doah en faveur kit groupe ou bien ki li ti pé envoye malédiction lors kit groupe. » (Saheeh Ibn Hibbaan)

C’est banne hadices ki fine amene banne ‘Oulama pou comprend ki Qounoute Nazila ki ti pé faire dans tous banne namaz, ça fine pratiqué pendant ene mois seulement. Et finalement Qounoute Nazilah fine commence pratiqué dans seulement namaz fajar et ça aussi pas régulièrement mais temporairement quand ena la nécessité.

La position de Qounoute dans namaz fajar lors ene base reguliere ?

Hadice Hazrat Anas ‎(Radiyallahou anhou‎)‎

عن محمد قال قلت لانس هل قنت رسول الله صلى الله عليه وسلم فى صلاة الصبح قال نعم بعد الركوع يسيرا (البخارى ومسلم)

Traduction :

Rapporté de Mouhammad ki fine dire : Mo fine dire avec Hazrat Anas ‎(Radiyallahou anhou‎)‎ : Eski Rasouloullah ‎(Sallallaahou A'laihi Wasallam)‎‎‎‎ ti faire Qounoute dans fajar ? Li (Hazrat Anas ‎(Radiyallahou anhou‎)‎) fine dire : Oui, (li ti faire) pendant ene ti boute le temps après roukou’. (Boukhari/Mouslim)

Explication :

Selon ça hadice-là, le Qounoute dans namaz fajar pratiqué par Rasouloullah ‎(Sallallaahou A'laihi Wasallam)‎‎‎‎ ti duré juska “ene ti boute le temps” seulement. Et li ti faire li après roukou’. Ça “ene ti boute le temps” c’est ene mois couma ça fine précisé par Hazrat Anas ‎(Radiyallahou anhou‎)‎ même dans ene hadice rapporté dans Saheeh Boukhari. Pendant ça ene mois-là, Rasouloullah ‎(Sallallaahou A'laihi Wasallam)‎‎‎‎ ti faire Qounoute pou invoque malediction lors ene banne tribus couma رعل, ذكوان et عصية ki ti assassine ene bon groupe de Sahaba-e-Kiraam. Ça aussi li fine rapporté clairement et explicitement par Hazrat Anas ‎(Radiyallahou anhou‎)‎ dans Saheeh Boukhari et Saheeh Mouslim et lezot livres de hadice. Selon ene hadice rapporté dans Saheeh Boukhari par Hazrat Abdullah Bin ‘Oumar ‎(Radiyallahou anhou‎)‎, Allah Ta’ala fine arrête la pratique de Qounoute dans fajar par révèle le verset :

"ليس لك من الامر شئ او يتوب عليهم او يعذبهم فانهم ظالمون" ٢٨ /ال عمران

« Li pas à ou à décidé (li à Allah Ta’ala si li oulé) soit li gracié banne-là ou bien li puni zotte parceki zotte banne (injustes). » (S3/V128)

Ça montré ki la pratique de Qounoute dans namaz fajar li pas ene pratique permanente et reguliere. Li ene pratique occasionnelle seulement couma Hazrat Abou Hourairah ‎(Radiyallahou anhou‎)‎ fine rapporté :

"كان رسول الله ‎(Sallallaahou A'laihi Wasallam)‎‎‎‎ لا يقنت فى الصبح الا ان يدعو لقوم او يدعو على قوم" (صحيح ابن حبان)

« Rasouloullah ‎(Sallallaahou A'laihi Wasallam)‎‎‎‎ pas ti pé faire Qounoute dans namaz fajar à moins quand li ti pé faire doah en faveur kit groupe ou bien contre kit groupe. » (Sahih Ibn Hibbaan)

Le hadice de Hazrat Abou Hourairah ‎(Radiyallahou anhou‎)‎ fine bien précise avec l’emphase l’occasion dans laquelle Rasouloullah ‎(Sallallaahou A'laihi Wasallam)‎‎‎‎ ti pé faire Qounoute dans namaz fajar. Ça montré ki li ti ene pratique occasionnelle.

Hadice Hazrat Abou Maalik ‎(Radiyallahou anhou‎)‎

عن ابى مالك الاشجعى قال قلت لابى يا ابت! انك قد صليت خلف رسول الله ‎(Sallallaahou A'laihi Wasallam)‎‎‎‎ وابى بكر وعمر وعثمان وعلى رضى الله تعالى عنهم ههنا بالكوفة نحوا من خمس سنين أكانوا يقنتون؟ قال اى بنى! محدث. (الترمذى)

Traduction :

Rapporté de Abou Maalik Al-Ashja-ï ki fine dire : Mo fine dire avec mo papa : « O mo papa ! Ou fine faire namaz derrière Rasouloullah ‎(Sallallaahou A'laihi Wasallam)‎‎‎‎, Hazrat Abou Bakr ‎(Radiyallahou anhou‎)‎, Hazrat ‘Oumar ‎(Radiyallahou anhou‎)‎ Hazrat ‘Ousman ‎(Radiyallahou anhou‎)‎ et ici dans (la ville) Koufah pendant à peu près cinq banané derrière Hazrat Ali ‎(Radiyallahou anhou‎)‎. Eski banne-là ti pé faire Qounoute ? Li (papa Abou Maalik) fine dire : O mo garçon ! C’est ene innovation. » (Tirmizi)

Position hadice :

Ça hadice-là fine qualifié de ene hadice حسن صحيح (passable et authentique) par Imam Tirmizi.

Explication :

Le narrateur c’est Abou Maalik ki fine rapporte ça hadice-là de so papa.

Abou Maalik so vrai nom c’est سعد et so papa appelle طارق بن اشيم (Taariq Bin Ashyam). La question c’était eski Rasouloullah ‎(Sallallaahou A'laihi Wasallam)‎‎‎‎ et so banne Califes après li ti faire Qounoute ? En réponse, Taariq Bin Ashyam ‎(Radiyallahou anhou‎)‎ qualifié ça pratique-là de innovation. Ça veut dire ki ça pratique-là pas ti existé dans l’époque Rasouloullah ‎(Sallallaahou A'laihi Wasallam)‎‎‎‎ et so banne Califes. Le hadice pas dire narien concernant ki namaz la question de faire Qounoute ti posé. D’après la version de Ibn Majah ki fine qualifié de Hassan (passable et bon) par Allaamah Ibn Hajar Al-Asqalaani dans At-Talkhees, fine précisé ki la question c’était concernant la pratique de faire Qounoute dans namaz fajar. Donc selon le Sahabi Hazrat Taariq Bin Ashyam, la pratique de faire Qounoute dans namaz fajar li ene innovation. C'est-à-dire li ene pratique ki pas ti existé dans l’époque Rasouloullah ‎(Sallallaahou A'laihi Wasallam)‎‎‎‎ ni dans l’époque so banne Califes. Ça explique la raison d’être de la pratique de la grande majorité. C'est-à-dire le جمهور (la grande majorité) pas fine pratique Qounoute dans fajar. Apres avoir rapporte ça hadice-là, Imaam Tirmizi faire ressortir :

"والعمل عليه عند اكثر اهل العلم"

“Et la pratique de la majorité de savants li basé lors ça (hadice-là)”.

C’est-à-dire la plus grande majorité de banne savants pas ti pé pratique Qounoute dans namaz fajar. A la tête de ça grande majorité-là nou ena Hazrat Abou Bakr ‎(Radiyallahou anhou‎)‎, Hazrat ‘Oumar ‎(Radiyallahou anhou‎)‎, Hazrat Ali ‎(Radiyallahou anhou‎)‎, Hazrat Abdullah Bin Mas’oud ‎(Radiyallahou anhou‎)‎ et lezot.

Note : Ceki fine qualifié de innovation dans ça hadice-là, c’est la pratique de faire Qounoute dans namaz fajar comme ene principe établi lors ene base régulier. Quant à la pratique de Qounoute en cas nécessaire et occasionnellement, alors ça fine être pratiqué par banne Khoulafa-e-Rashideen après Rasouloullah ‎(Sallallaahou A'laihi Wasallam)‎‎‎‎. Le hadice de Abou Maalik pas fine interfère avec ça question-là.

Hadice Hazrat Abdullah Bin Mas’oud

"ان النبى ‎صلى الله عليه وسلم‎‎‎‎ لم يقنت فى الفجر قط الا شهرا واحدا لم ير قبل ذلك ولا بعده وانما قنت فى ذلك الشهر يدعو على اناس من المشركين" (كتاب الآثار لمحمد)

Traduction : “Nabi ‎(Sallallaahou A'laihi Wasallam)‎‎‎‎ pas ti faire Qounoute du tout dans namaz fajar apart ene seul mois. Pas fine trouve li (faire ça) avant ni après. C’est necque dans ça ene mois-là ki li fine faire Qounoute pou envoye malédiction lors ene groupe de banne Moushrik”. (Kitaabul-Athaar de Imaam Mouhammad R)

Position hadice : ça hadice-là li ene hadice sahih (authentique) selon Allaamah Ibn-ul-Houmaam (décédé en 861 Hijri). Perna narien à dire concernant l’authenticité ça hadice-là.

Explication : Rasouloullah ‎(Sallallaahou A'laihi Wasallam)‎‎‎‎ pas ti ena l’habitude faire Qounoute dans namaz fajar. C’est necque ene seul mois ki li fine pratique ça. Quand li fine arrête li après ene mois, li pas fine re-mette li en pratique. Donc Qounoute li pas ene partie intégrante dans namaz fajar. Si li ti forme partie dans namaz fajar, li ti bizin faire li tout le temps.

La pratique Hazrat ‘Oumar ‎(Radiyallahou anhou‎)‎

"عن الاسود ان عمر ‎رضي الله عنه‎ كان لا يقنت فى صلاة الصبح" (معانى الآثار للطحاوى)

Traduction : “Al-Aswad rapporté ki (Hazrat) ‘Oumar ‎(Radiyallahou anhou‎)‎ pas ti pé faire Qounoute dans namaz fajar”. (Ma-aanil Athaar de At-Tahaawi)

Selon ene hadice dans Kitaabul-Athaar de Imaam Mouhammad, Al-Aswad dire :

"انه صحب عمر بن الخطاب ‎رضي الله عنه‎ سنين فى السفر والحضر فلم يره قانتا فى الفجر حتى فارقه"

“Li fine reste en compagnie (Hazrat) ‘Oumar Bin Al-Khattaab ‎(Radiyallahou anhou‎)‎ pendant des années en voyage et aussi surplace mais li pas fine trouve li faire Qounoute dans namaz fajar juska ki li séparé avec li”. (Kitaabul-Athaar de Imaam Mouhammad)

Hazrat Al-Alqamah, Al-Aswad et Masrouq dire :

"كنا نصلى خلف عمر الفجر فلم يقنت" (معانى الآثار للطحاوى)

“Nou ti pé faire namaz fajar derrière (Hazrat) ‘Oumar ‎(Radiyallahou anhou‎)‎ mais li pas ti pé faire Qounoute”. (Ma-aanil Athaar de At-Tahaawi)

Banne grand Tabei couma Al-Aswad, Al-Alqamah et Masrouq fine gagne l’occasion reste ene bon boute le temps en compagnie Hazrat ‘Oumar ‎(Radiyallahou anhou‎)‎. C’était banne zélèves Hazrat ‘Oumar ‎(Radiyallahou anhou‎)‎ ki zotte fine gagne la chance et l’occasion reste avec li partout et observe bien ceki li faire. De ce fait ceki zotte fine observé et ensuite ceki zotte fine déclaré concernant la pratique de Qounoute, mérite prend li en considération, ça signifié ki Hazrat ‘Oumar ‎(Radiyallahou anhou‎)‎ pas ti pé faire li. Si li ti ene pratique ki ti bizin faire li régulièrement, alors Hazrat ‘Oumar ‎(Radiyallahou anhou‎)‎ ti bizin faire li.

La pratique Hazrat Abdullah Bin Mas’oud ‎(Radiyallahou anhou‎)‎

"عن علقمة قال كان عبد الله ‎رضي الله عنه لا يقنت فى صلاة الصبح" (معانى الآثار للطحاوى)

Traduction : “Hazrat Al-Alqamah dire ki (Hazrat) Abdullah (Bin Mas’oud) ‎(Radiyallahou anhou‎)‎ pas ti pé faire Qounoute dans namaz fajar”. (Ma-aanil Athaar de At-Tahaawi)

"عن الاسود قال كان ابن مسعود لا يقنت فى شئ من الصلوات الا الوتر فانه كان يقنت قبل الركعة" (معانى الآثار للطحاوى والطبرانى)

Traduction : “Al-Aswad rapporté ki (Hazrat Abdullah) Bin Mas’oud ‎(Radiyallahou anhou‎)‎ pas ti pé faire Qounoute dans aukene namaz apart witr. (Quant à witr) Li ti pé faire Qounoute là-dans avant (faire) roukou”. (Ma-aanil Athaar de At-Tahaawi/Tibraani)

"عن ابراهيم ان ابن مسعود لم يقنت هو ولا احد من اصحابه حتى فارق الدنيا يعنى فى صلاة الفجر" (كتاب الأثار لمحمد)

Traduction : “Ibraheem rapporté ki ni (Hazrat Abdullah) Bin Mas’oud ‎(Radiyallahou anhou‎)‎ ni kikene parmi so banne zélèves ti pé faire Qounoute, c'est-à-dire dans namaz fajar ziska ki li fine quitte le monde”. (Kitaabul Athaar de Imaam Mouhammad)

Remarque : Les deux hadices ki Al-Alqamah et Al-Aswad fine rapporté c’est banne hadice authentique. Quant à hadice ki Ibraheem Nakh-ï fine rapporté, ça aussi li authentique malgré li paraite ene hadice Mounqati’. C’est parceki li rapporte hadice de Hazrat Abdullah Bin Mas’oud ‎(Radiyallahou anhou‎)‎ dans ça façon-là quand li tanne ça hadice-là à travers ene quantité personnes. A noté ki hadice منقطع (Mounqati’) c’est ene hadice ki au milieu so sanad ena kit rawi (narrateur) fine tombé. Donc à la lumière ça explication-là, ça hadice ki Ibraheem Nakh-ï fine rapporté, li paraite ene hadice Mounqati’ mais au fond de li même, li ene hadice authentique pou la raison ki fine mentionné là-haut.

La pratique Hazrat Abdullah Bin ‘Oumar ‎(Radiyallahou anhou‎)‎

(عن ابى الشعثاء قال سئلت ابن عمر عن القنوت فقال ما شهدت وما رأيت" (معانى الآثار للطحاوى"

Traduction : “ Abou Ash-Sha’tha rapporté : Mo fine dimane (Hazrat Abdullah) Bin ‘Oumar ‎(Radiyallahou anhou‎)‎ a propos Qounoute. Alors li fine dire : Ni mo fine témoigné ni mo trouvé”. (Ma-aanil Athaar de At-Tahawi)

Position hadice : C’est ene hadice ki so sanad li authentique. Donc le hadice li ene hadice saheeh (authentique).

"ان عبد الله بن عمر كان لا يقنت فى شئ من الصلاة" (مؤطا الامام مالك)

Traduction : “ (Hazrat) Abdullah Bin ‘Oumar ‎(Radiyallahou anhou‎)‎ pas ti pé faire qounoute dans aukene namaz (faraz)”. (Mou’atta Imaam Malik)

"عن ابى مجلز قال صليت خلف ابن عمر الصبح فلم يقنت فقلت آلكبر يمنعك فقال ما احفظه عن احد من اصحابى" (معانى الآثار للطحاوى /الطبرانى)

Traduction : “ Abou Mijlaz rapporté : Mo fine faire namaz fajar derrière (Hazrat Abdullah) Bin ‘Oumar ‎(Radiyallahou anhou‎)‎ alors li pas fine faire Qounoute. Lerla mo fine dire “Eski la vieillesse fine empêche ou (faire Qounoute) ?” Li fine dire : “Mo pas rappelle ça (pratique-là) de la part personne dans mo banne collègues”. (Ma-aanil Athaar de At-Tahawi/Tibraani)

Remarque :

La façon ki Abou Mijlaz fine pose so question, laisse paraite ki la pratique de faire Qounoute dans namaz fajar ti bizin existé quelque part. Couma li possible ki la pratique occasionnelle de Qounoute fine donne Abou Mijlaz l’impression ki c’était ene pratique réguliere. Mais la réponse de Hazrat Abdullah Bin ‘Oumar ‎(Radiyallahou anhou‎)‎ fine montré ki ça pas ti pratiqué par banne Sahaba-e-Kiraam en général et li pas ti ene pratique réguliere. Ça même pé paraite pli logique parceki ene kitchose ki ti pé pratiqué tous les jours partout par banne Sahab-e-Kiraam pas ti capave reste cachiette avec Hazrat Abdullah Bin ‘Oumar ‎(Radiyallahou anhou‎)‎ pou li dire ki li pas rappelle kikene ki fine pratique ça.

"عن ابى الشعثاء قال سئل ابن عمر عن القنوت فقال ما القنوت؟ فقال اذا فرغ الامام من القرائة فى الركعة الآخرة قام يدعو قال ما رأيت احدا يفعله ..." (معانى الآثار للطحاوى)

Traduction : “Abou As-Sha’tha rapporté ki (kikene) fine dimane (Hazrat Abdullah) Bin ‘Oumar ‎(Radiyallahou anhou‎)‎ a propos Qounoute. Alors li fine dire “ki Qounoute ?” Alors la personne fine dire “Quand Imaam termine Qiraat dans deuxième rakaat, li diboute pou faire doah (ça Qounoute-là). (Lors ça) li fine dire : “Mo pas fine trouve personne faire li.” (Ma-aanil Athaar de At-Tahawi)

Explication : Selon ene hadice dans Boukhari, Hazrat Abdullah Bin ‘Oumar ‎(Radiyallahou anhou‎)‎ fine rapporté ki Rasouloullah ‎(Sallallaahou A'laihi Wasallam)‎‎‎‎ ti pé envoye malédiction lors un tel un tel quand li ti pé lève so la tête depi dans roukou’ dans deuxième rakaat fajar.

En présence ene hadice pareil, coumanière li possible ki Hazrat Abdullah Bin ‘Oumar ‎(Radiyallahou anhou‎)‎ fine capave ignore conne ça pratique-là ? Ça signifié ki la pratique ki li ti témoigné de la part Rasouloullah ‎(Sallallaahou A'laihi Wasallam)‎‎‎‎ ti arrêté après la révélation du verset 128/ Sourah 3. Après ki ça fine arrêté, li pas fine trouve personne pratique li régulièrement. Li vrai ki selon ene hadice dans Saheeh Boukhari, Hazrat Abdullah Bin ‘Oumar ‎(Radiyallahou anhou‎)‎ fine rapporté ki Nabi ‎(Sallallaahou A'laihi Wasallam)‎‎‎‎ ti faire ça. Mais ça c’était ene pratique ki ti pratiqué auparavant ki li pas fine considéré parceki kitchose ki fine abrogé, li pas être considéré normalement. Donc ceki li fine ignore reconnaite, c’est la pratique de qounoute lors ene base permanent comme ene partie intégrante dans namaz fajar. Là-dans li pas fine interfère avec la pratique de qounoute occasionnellement.

La pratique Hazrat Abdullah Bin Abbaas ‎(Radiyallahou anhou‎)‎

"عن مجاهد وسعيد بن جبير: ان ابن عباس كان لا يقنت فى صلاة الفجر" (مصنف ابن ابى شيبة)

Traduction : “Hazrat Moujahid et Hazrat Said Bin Joubair rapporté ki (Hazrat Abdullah) Bin Abbaas ‎(Radiyallahou anhou‎)‎ pas ti pé faire Qounoute dans namaz fajar”. (Mouswannaf Ibn Abou Shaibah)

عن عمران بن الحارث السلمى : "صليت خلف ابن عباس الصبح فلم يقنت" (معانى الآثار للطحاوى)

Traduction : Imraan Bin Al-Haarith As-Salami rapporté :

“Mo fine faire namaz fajar derrière (Hazrat Abdullah) Bin Abbaas ‎(Radiyallahou anhou‎)‎ mais li pas fine faire Qounoute”. (Ma-aanil Athaar de At-Tahawi)

La pratique Hazrat Anas Bin Malik ‎(Radiyallahou anhou‎)‎

غالب بن فرقد (Ralib Bin Farqad) rapporté:

"كتب عند انس بن مالك شهرين فلم يقنت فى صلاة الغداة" (الطبرانى)

Traduction:“Mo ti reste deux mois à cote (Hazrat) Anas Bin Malik ‎(Radiyallahou anhou‎)‎, alors li pas fine faire Qounoute dans namaz fajar”. (Tibraani)

Remarque: Banne hadice concernant faire Qounoute dans namaz fajar fine rapporté par Hazrat Anas ‎(Radiyallahou anhou‎)‎. Et c’est li même ki fine rapporté ki ça pratique-là ti duré juska ene mois avant être abandonné. Ça même Hazrat Anas ‎(Radiyallahou anhou‎)‎ pas fine pratique Qounoute dans fajar pendant ene période de deux mois. Tout ça la montré ki Qounoute dans namaz fajar pas ti ene pratique réguliere.

La pratique Hazrat Abdullah Bin Zubair ‎(Radiyallahou anhou‎)‎

"عن عمرو بن دينار قال كان عبد الله بن الزبيز ‎رضي الله عنه‎ يصلى بنا الصبح بمكة فلا يقنت" (معانى الآثار للطحاوى)

Traduction: “Amr Bin Dinaar rapporté ki (Hazrat) Abdullah Bin Zubair ‎(Radiyallahou anhou‎)‎ ti pé faire nou faire namaz fajar dans Makkah mais li pas ti pé faire Qounoute”. (Ma-aanil Athaar de At-Tahaawi)

Hazrat Abou Darda ‎(Radiyallahou anhou‎)‎ et Qounoute dans fajar

"عن علقمة بن قيس قال لقيت ابا الدرداء بالشام فسألته عن القنوت فلم يعرفه" (معانى الآثار للطحاوى)

Traduction : “Alqamah Bin Qais rapporté : Mo fine joine (Hazrat) Abou Darda ‎(Radiyallahou anhou‎)‎ dans Shaam (nom ene l’endroit) et mo fine dimane li concernant Qounoute. Mais li pas fine reconnaite ça”. (Ma-aanil Athaar de At-Tahaawi)

Explication : Qounoute dans namaz fajar li pas ti ene pratique réguliere. Qounoute ki Hazrat ‘Oumar ‎(Radiyallahou anhou‎)‎ ou bien Hazrat Ali ‎(Radiyallahou anhou‎)‎ fine faire dans namaz fajar c’était Qounoute Nazilah. C'est-à-dire ene Qounoute ki faire pendant ene moment très difficile ki affecté la communauté en général, lors ene base temporaire ki capave duré continuellement juska ene mois. Parceki Rasouloullah ‎(Sallallaahou A'laihi Wasallam)‎‎‎‎ ti commence faire li dans ene moment difficile et li fine garde li en pratique pendant seulement ene mois. Li pas fine refaire li. Mais quand banne ‘Oulama fine trouvé ki banne Sahaba-e-Kiraam fine faire li après Rasouloullah ‎(Sallallaahou A'laihi Wasallam)‎‎‎‎ occasionnellement, ça fine amene zotte pou conclure ki c’est la pratique continuelle et réguliere de Qounoute dans fajar ki fine abrogé. Quant à la pratique occasionnelle et temporaire dans banne situations difficile li encore maintenir. Ash-Sha’bi rapporté :

"لما قنت على فى صلاة الصبح انكر الناس ذلك فقال على انما استنصرنا على عدونا" (مصنف ابن ابى شيبة)

“Quand (Hazrat) Ali ‎(Radiyallahou anhou‎)‎ ti faire Qounoute dans namaz fajar, banne dimoune fine trouve ça étrange. Alors (Hazrat) Ali ‎(Radiyallahou anhou‎)‎ fine dire : “(Nou pas fine faire narien) apart ki nou fine cherche aide contre nou adversaire”. (Mouswannaf Ibn Abou Shaibah)

Explication :

Ça montré ki Qounoute pas ti ene pratique habituelle et permanente dans namaz fajar. C’est acoze ça même le public en général fine trouve ça étrange. De l’autre coté ça montré ki capave faire li quand juge li nécessaire couma Hazrat Ali ‎(Radiyallahou anhou‎)‎ fine faire ça dans le but pou faire doah pou gagne aide contre l’adversaire.

NAMAZ NAFIL APRÈS WITR

Hadice Hazrat Abdullah Bin ‘Oumar ‎(Radiyallahou anhou‎)‎:

"عن عبد الله عن النبى صلى الله عليه وسلم‎‎‎‎ قال اجعلوا آخر صلاتكم بالليل وترا" (البخارى)

Traduction:

Nabi ‎(Sallallaahou A'laihi Wasallam)‎‎‎‎ fine dire :

“Faire witr vine ou dernier namaz (ki ou faire) dans la nuit ”. (Boukhari)

Explication :

Selon ça hadice-là Rasouloullah ‎(Sallallaahou A'laihi Wasallam)‎‎‎‎ fine ordonne pou accomplir witr après tous banne namaz dans la nuit. Normalement d’après principe, l’ordre Rasouloulah ‎(Sallallaahou A'laihi Wasallam)‎‎‎‎ li ene l’ordre ki bizin exécuté. A moins si ena kitchose ki prouve le contraire. Donc d’après ça principe-là, li paraite ki li waajib (obligatoire) pou accomplir witr en dernier lieu dans la nuit après tout banne namaz. Ça veut dire ki pas gagne droit faire aukene namaz nafil dans la nuit après namaz witr. Mais nou ena banne hadices à cote montré ki Rasouloullah ‎(Sallallaahou A'laihi Wasallam)‎‎‎‎ ti pé faire ou bien fine déjà faire deux rakaat après witr. Selon ene hadice dans saheeh Boukhari, Hazrat Aisha ‎(Radiyallahou anhou‎)‎ dire :

صلى البنى ‎صلى الله عليه وسلم‎‎‎‎ العشاء ثم صلى ثمانى ركعات وركعتين جالسا وركعتين بين الندائين ولم يكن يدعهما ابدا" (البخارى)

Traduction :

“Nabi ‎(Sallallaahou A'laihi Wasallam)‎‎‎‎ fine faire namaz Esha et (plutard) après ça li fine faire huit rakaat et deux rakaat (dans posture) assizé. Et (li fine faire) deux rakaat entre les deux appels (azaan et iqaamah). Jamais li ti pé quitte ça deux rakaat-là”. (Boukhari)

Selon ene hadice dans Mouslim aussi, Rasouloullah ‎(Sallallaahou A'laihi Wasallam)‎‎‎‎ ti pé faire deux rakaat (dans posture) assizé, après namaz witr. Selon ene hadice dans Sounan Darqutni et Mousnad Imam Ahmad ‎(Radiyallahou anhou‎)‎, Hazrat Umme Salmah ‎(Radiyallahou anhou‎)‎ dire :

"ان النبى صلى الله عليه وسلم‎‎‎‎ كان يصلى ركعتين خففتيين بعد الوتر وهو جالس" (سنن الدارقطنى/مسند احمد)

Traduction :

“Nabi ‎(Sallallaahou A'laihi Wasallam)‎‎‎‎ ti pé faire deux rakaat léger- léger après namaz witr dans posture assizé ”.

A la lumière banne hadices semblables, banne ‘Oulama fine conclure ki l’ordre pou place namaz witr en dernier lieu après tout banne namaz dans la nuit li pas ene l’ordre obligatoire. Plutot li ene l’ordre ki recommandé pou ene celui ki garde so witr pou faire li dans la dernière partie de la nuit. Mais faire namaz nafil après namaz witr li pas interdit. Ça aussi li permette couma ça fine pratiqué par Rasouloullah ‎(Sallallaahou A'laihi Wasallam)‎‎‎‎.

Allaamah An-Nawawi dire :

"والصواب ان هاتين الركعتين فعلهما ‎(Sallallaahou A'laihi Wasallam)‎‎‎‎ بعد الوتر جالسا لبيان جواز الصلاة بعد الوتر وبيان جواز النفل جالسا ولم يواظب على ذلك بل فعله مرة او مرتين او مرات قليلة" (شرح مسلم للنووى)

Traduction :

“L’opinion correcte c’est ki ça deux rakaat-là, Rasouloullah ‎(Sallallaahou A'laihi Wasallam)‎‎‎‎ ti faire ça dans posture assizé après witr pou montré ki faire namaz après witr li permette et pou montré ki li permette faire namaz nafil assizé. Rasouloullah ‎(Sallallaahou A'laihi Wasallam)‎‎‎‎ pas fine pratique li régulièrement. Li fine faire li ene fois ou deux fois ou soit bien tigite fois.” (Commentaire lors Saheeh Mouslim par An-Nawawi)

Ena ene l’autre explication assez plausible et ki paraite satisfaisante de Allaamah Ibn-ul-Qayyim. Selon li, ça deux rakaat ki Rasouloullah ‎(Sallallaahou A'laihi Wasallam)‎‎‎‎ ti pé faire après namaz witr-là, ti couma dire ene complémentaire pou namaz witr pareille couma ena deux rakaat sounnat après namaz maghrib. Quand li ene complémentaire pou namaz witr, alors li considéré comme ene partie dans namaz witr. A coze ça li pas empêche namaz witr vine dernier namaz non paire dans la nuit pareille couma ça deux rakaat sounnat ki ena après namaz maghrib pas empeche namaz maghrib vine dernier namaz non paire dans la journée. Couma ça deux rakaat-là pas empêché faire après witr, coumsa même ene dimoune gagne droit faire la quantité nafil ki li oulé après namaz witr. Pendant ene conversation ki fine deroulé concernant witr devant Rasouloullah ‎(Sallallaahou A'laihi Wasallam)‎‎‎‎, Hazrat Abou Bakar ‎(Radiyallahou anhou‎)‎ fine déclaré :

"...اما انا فاصلى ثم انام على وتر فاذا استيفظت صليت شفعا حتى الصباح ..." (معانى الآثار للطحاوى)

Traduction :

“…Quant à moi, mo faire namaz et après ça mo dormi avec witr. Et quand mo levé (dans la nuit) mo faire deux-deux rakaat ziska fajar...” (Ma-aanil Athaar de At-Tahaawi)

Position hadice :

Ça hadice-là li ene hadice Moursal parceki ça fine rapporté par Ibn-ul-Mousayyab ki pas ti présent quand ça ti déroulé devant Rasouloullah ‎(Sallallaahou A'laihi Wasallam)‎‎‎‎. Mais ene hadice Moursal de la part Ibn-ul-Mousayyab li acceptable chez tous banne savants de hadice. Donc ça hadice-là li ene hadice authentique ki capave servi comme ene preuve.

Explication :

Hazrat Abou Bakar ‎(Radiyallahou anhou‎)‎ ti présente so façon faire witr devant Rasouloullah ‎(Sallallaahou A'laihi Wasallam)‎‎‎‎ ki Rasouloullah ‎(Sallallaahou A'laihi Wasallam)‎‎‎‎ fine laisse passé sans désapprouve li. Ça prouvé ki capave faire nafil après witr et ça pas affecté ça witr ki li fine fini faire avant. Dont la permission pou faire nafil apres witr, li prouvé par l’approbation de Rasouloullah ‎(Sallallaahou A'laihi Wasallam)‎‎‎‎.

Remarque : Hazrat Abou Bakar ‎(Radiyallahou anhou‎)‎ ti ena l’habitude faire namaz nafil dans la dernière partie de la nuit malgré ki li ti pé fini faire namaz witr avant li alle dormi. Et ça fine approuvé par Rasouloullah ‎(Sallallaahou A'laihi Wasallam)‎‎‎‎. Ça montré ki li permette faire namaz nafil après namaz witr.

La permission pou capave faire namaz nafil après witr li ene facilité et ene concession ki shariah fine accordé pou permette ene dimoune accomplir so tahajjud dans dernière partie de la nuit sans prend le risque manque salaat-ul-witr. A cet effet, Hazrat Thaubaan ‎(Radiyallahou anhou‎)‎ rapporté ki Rasouloullah ‎(Sallallaahou A'laihi Wasallam)‎‎‎‎ fine dire :

"ان السفر جهد وثقل فاذا اوتر احدكم فليركع ركعتين فان استيقظ والاكانتا له" (الدارمى/معانى الآثار للطحاوى/الدارقطنى)

Traduction :

“ Sans doute voyage li ene kitchose dur et difficile. Donc quand ene kikene parmi ou fini faire witr, alors li faire deux rakaat. Si li fine levé (dans la nuit li bon même), sinon li pou ena toujours ça deux rakaat-là.” (Darimi/Ma-anil-Athaar de At-Tahaawi/Darqutni)

Donc ça li ene preuve ki l’ordre pou place witr en dernier lieu dans la nuit li pas ene kitchose obligatoire. Si ene personne fine faire so witr et li fine alle dormi, li gagne droit faire nafil après ça si li fine levé dans la nuit. Dans ce cas li pas bizin refaire witr parceki ça witr ki li fine faire avant alle dormi, li continué reste valable. Selon ene hadice Saheeh dans معانى الآثار, Hazrat Abdullah Bin Abbaas ‎(Radiyallahou anhou‎)‎ fine dire :

"اذا اوترت اول الليل فلا توتر آخره واذا اوترت آخره فلا توتر اوله" (معانى الآثار للطحاوى)

Traduction :

“Quand ou fini faire witr dans commencement la nuit, pas bizin ou faire witr dans so la fin. Et si ou (ena l’intention) faire witr dans so la fin, alors pas bizin ou faire witr dans so commencement.” (Ma-anil-Athaar de At-Tahaawi)

D’après ene hadice dans Tirmizi, Rasouloullah ‎(Sallallaahou A'laihi Wasallam)‎‎‎‎ fine dire :

"لا وتران فى ليلة"

“Perna deux witr dans ene la nuit”.

C’est-à-dire si ene dimoune fine faire so witr avant li alle dormi et li relevé dans la nuit pou faire tahajjoud, li ena tout droit faire li. Li pas bizin dissoudre so witr ki li fine faire avant alle dormi.

Ti ena ene l’époque cote le principe dissoudre witr ti en vigueur. Ça principe-là li reconnaite par "نقض الوتر".

C'est-à-dire ene dimoune ki ti pé levé dans la nuit pou faire tahajjoud, d’abord li ti pé faire seulement ene rakaat pou dissoudre ça witr ki li fine faire avant alle dormi. Et ensuite li faire so tahajjud et après ça li refaire so witr.

Ça hadice-là pé montré ki ça principe-là fine fini aboli. Et selon At-Tahawi, Hazrat Aisha ‎(Radiyallahou anhou‎)‎ fine servi ça même hadice, c'est-à-dire le hadice "لا وتران فى ليلة" pou désapprouve ça principe ki appelle "نقض الوتر".

N.B : Selon ene hadice dans Ma-anil Athaar de At-Tahaawi, Hazrat Abou Umaamah rapporté ki Nabi ‎(Sallallaahou A'laihi Wasallam)‎‎‎‎ ti pé lire اذا زلزت (sourah Zilzaal) et قل يا ايها الكافرون (sourah Al-Kaafiroune) dans ça deux rakaat ki li ti pé faire après witr-là.

La formule de Qounoute dans salaat-ul-witr

عن خالد بن ابى عمران قال بينما رسول الله ‎صلى الله عليه وسلم‎‎‎‎ يدعو على مضر اذ جاءه جبريل فاومأ اليه ان اسكت فسكت فقال يا محمد ان الله لم يبعثك سبابا ولا لعانا وانما بعثك رحمة ولم يبعثك عذابا ليس لك من الامر شيئ او يتوب عليهم او يعذبهم فانهم ظالمون قال ثم علمه هذا القنوت:

"اللهم انا نستعينك ونستغفرك ونومن بك ونخنع لك ونخلع ونترك من يكفرك اللهم اياك نعبد ولك نصلى ونسجد واليك نسعى ونحفد ونرجو رحمتك ونخشى عذابك الجد ان عذابك بالكافرين ملحق"

(اخرجه سحنون فى المدونة الكبرى)

Traduction: - Khalid Bin Abou Imraan rapporté pendant ki Rasouloullah ‎(Sallallaahou A'laihi Wasallam)‎‎‎‎ ti pé envoye malédiction lors (tribu) moudwar, Hazrat Jibreel ‎(Alaihis Salaam)‎‎‎‎‎ fine vine à cote li et fine signale li pou reste tranquille. Rasouloullah ‎(Sallallaahou A'laihi Wasallam)‎‎‎‎ fine reste tranquille. Alors Hazrat Jibreel ‎(Alaihis Salaam)‎‎‎‎‎ fine dire : O ! Mouhammad ‎(Sallallaahou A'laihi Wasallam)‎‎‎‎ Allah pas fine envoye ou couma ene dimoune ki cause banne parole grossier ni couma ene personne ki content envoye malédiction. Li fine envoye ou ziste couma ene bénédiction. Li pas fine envoye ou couma ene calamité. Ou perna narien à faire là-dans. Soit (Allah Ta’ala) gracié zotte ou bien li puni zotte parceki zotte banne injustes. Et ensuite li (Hazrat Jibreel ‎(Alaihis Salaam)‎‎‎‎‎) fine enseigne Rasouloullah ‎(Sallallaahou A'laihi Wasallam)‎‎‎‎ ça Qounoute-là. :

(Sahnoune fine rapporte ça dans Al-Moudawwanah-al Koubrah.)

Position hadice :

Hazrat Khalid Bin Abou Imraan fine rapporte ça hadice-là. Hazrat Khalid Bin Abou Imraan li ene Tabeї ki fine joine banne Sahaba-e-Kiraam mais pas Rasouloullah ‎(Sallallaahou A'laihi Wasallam)‎‎‎‎. Ceki li fine rapporté, li fine bizin tanne ça à travers ene kikene ki fine témoigne ça. Donc ene incident ki fine passé dans l’époque Rasouloullah ‎(Sallallaahou A'laihi Wasallam)‎‎‎‎ avec Rasouloullah ‎(Sallallaahou A'laihi Wasallam)‎‎‎‎ ki ene Tabeї pé rapporté sans mentionne le lien ki liaise li avec ça incident-là. Dans langage banne savants de hadice, ene hadice rapporté dans ça façon-là appelle li ene hadice Moursal. Ene hadice Moursal li ti toujours ene hadice valable d’après tous banne ‘Oulama auparavant, couma Imam Abou Hanifah, Imam Malik et Imam Ahmad Bin Hambal. Donc ça hadice-là li pou ene hadice valable d’après ça banne ‘Oulama-là. Quant à Imam Shafi, en principe li pas accepté ene hadice quand li moursal. Mais si ça moursal-là li appuyé par ene l’autre hadice quand même faible ou par ene l’autre moursal ou bien par la déclaration ou la pratique ene sahabi, alors d’après li aussi, ça qualité moursal-là capave être considéré. Ça moursal-là li appuyé par banne déclarations et banne pratiques Sahaba-e-Kiraam et banne Tabeїnes. Donc ça hadice-là li ene hadice ki satisfaire tous banne conditions ki ranne li valable et acceptable d’après tous les 4 Imaams et la grande majorité de banne savants.

Explication :

La formule de ça Qounoute-là, d’après certaines renseignements ti forme parti dans Quraan et c’était deux Sourahs ki ti appelle سورة الخلع et سورة الحفد Allaamah Jalaluddeen As-Souyouti (849 H - 911 H) dire dans so Al-Itqaan :

ومما رفع رسمه من القرآن ولم يرفع من القلوب حفظه سورتا القنوت فى الوتر وتسمى سورتى الخلع والحفد (الاتقان فى علوم القرآن)

Traduction :“Et parmi banne Sourahs ki so texte fine enlevé depi dans Qour’aan et ki pas fine enlevé depi dans le cœur (mémoire), ena ça deux Sourahs (ki récité comme) Qounoute dans witr. Et appelle ça, Sourah الخلع (Al Khala’) et الحفد (Al-Hafd). ” (Al-Itqaan Fi Uloom Al-Quraan)

Dans so Al-Itqaan Allaamah Jalaluddeen Al-Souyouti fine mentionne plusieurs récits authentiques ki approuve ça. Selon Al-Itqaan, rapporté par Mouhammad Bin Seerine, Hazrat Ubayy Bin Kaab ‎(Radiyallahou anhou‎)‎ ti écrire dans so copie de Qour’aan, Sourah Al-Fatiha, Al-Mou’awwazataan (Sourah Al-Falaaq et Sourah An-naas) Allahoumma Nasta-ïnouka …….. et Allahoumma Iyyaka Na’boudou ………..”.

Selon ene l’autre récit dans Al-Itqaan, Abdullah Bin Zareer Al-Ghaafiqui dire à Abdul Malik ki Hazrat Ali ‎(Radiyallahou anhou‎)‎ fine enseigne moi depi dans Qour’aan deux Sourah ki Rasouloullah ‎(Sallallaahou A'laihi Wasallam)‎‎‎‎ ti enseigne li - deux Sourah ki ni toi ni to papa ti conné :

"اللهم انا نستعينك ونستغفرك ونثنى عليك ولا نكفرك ونخلع ونترك من يفجرك اللهم اياك نعبد ولك نصلى ونسجد واليك نسعى ونحفد نرجو رحمتك ونخشى عذابك ان عذابك بالكفار ملحق"

Abu Ishaaq dire : Umayyah Bin Abdullah Bin Khalid Bin Usaid fine dirige nou dans namaz dans (ene l’endroit ki appelle) Khouraasaan. Alors li fine récite ça deux Sourah-là : “Inna Nas-taïnouka wa nastaghfirouka”. (Tibraani fine rapporte ça récit-là avec ene sanad authentique).

Selon Hazrat Abdullah Bin Abbaas, Taariq Bin Shihaab, Ubaid Bin Umair et Abdurrahmaan Bin Abzaa, Hazrat Umar ‎(Radiyallahou anhou‎)‎ ti pé faire Qounoute avec ça deux Sourah-là. C’est à dire Allahoumma Nastaïnouka ….. et Allhouma iyyaaka Na’boudou.” (Ma-anil-Athaar de Allaamah At-Tahaawi)

Selon le Mouswannaf Abdurrazzaaq, Hazrat Abdullah Bin Mas’oud ‎(Radiyallahou anhou‎)‎ ti pé lire ça deux Sourah-là dans witr. Selon le Mouswannaf Ibn Abu Shaibah, Hazrat Ali ‎(Radiyallahou anhou‎)‎ ti pé lire ça comme Qounoute dans Namaz. Donc ça formule-là ti deux Sourah dans Quraan ki ti fini enlevé depi dans Quraan. Mais ti ena parmi banne Sahaba-e-Kiraam couma Hazrat Ubay Bin Kaab ‎(Radiyallahou anhou‎)‎ et Hazrat Abou Mousa Al-Ash-ari ‎(Radiyallahou anhou‎)‎ ki pas ti au courant de ça développement-là. Donc acoze ça zotte fine continué garde li dans zotte copie de Quraan ki zotte ti ena dans zotte possession juska ki zotte fine conné.

Remarque : Nou fine prend la peine cause longuement et en détaille lors ça formule-là parceki ti ena ene l’époque cote dimoune ti fanne rumeur ki ça doah-là pas existé. Selon zotte, c’est ene doah forgé et inventé. Et peut-être ziska l’heure capave ena ene quantité ki encore ena ça fausse l’impression-là. Et pourtant banne ki fine fanne ça fausse rumeur-là c’est banne ki ena ene livre dans zotte possession ki appelle المغنى (Al-Mughni) ki faire mention de ça formule-là.

Selon ce même ‘Al-Mughni’ de Ibn Qoudaamah (541 H - 620 H) c’était deux Sourahs dans la copie de Quraan ki ti en possession Hazrat Ubayy Bin Kaab ‎(Radiyallahou anhou‎)‎. Apart ça li contenir encore banne détails concernant ça formule-là ki corresponde avec exactitude à ceki Allaamah Souyouti fine mentionné dans so Al-Itqaan. Quant à Allaamah Ibn Taimiyah, li appelle ça formule-là ‘سورتى ابى’ (les deux Sourah de Hazrat Ubayy).

Sheikh Abu Ishaaq Ibraheem Bin Ali (393H - 476H) aussi fine mentionne ça formule-là dans so Al-Mouhazzab. Allaamah An-Nawawi (631H - 676H) aussi fine mentionne ça dans so Kitaabul-Azkaar. Après tous ça explications-là et témoignage de la part de tous ça banne personnages-là, li paraite bien difficile si pas impossible pou qualifié ça formule-là de ene formule forgé ou inventé ki pas existé aukene part dans hadice.

عن ابى عبد الرحمن قال علمنا ابن مسعود ان نقول فى القنوت يعنى فى الوتر:

"اللهم انا نستعينك ونستغفرك ونثنى عليك ولا نكفرك ونخلع ونترك من يفجرك اللهم اياك نعبد ولك نصلى ونسجد واليك نسعى ونحفد ونرجو رحمتك ونخشى عذابك ان عذابك بالكفار ملحق" (مصنف ابن ابى شيبة)

Traduction : Abu Abdurrahmaan dire : (Hazrat Abdullah) Bin Mas’oud ‎(Radiyallahou anhou‎)‎ ti enseigne nou ki nou dire dans Qounoute c’est à dire (Qounoute) dans witr :

"اللهم انا نستعينك ونستغفرك ونثنى عليك ولا نكفرك ونخلع ونترك من يفجرك اللهم اياك نعبد ولك نصلى ونسجد واليك نسعى ونحفد ونرجو رحمتك ونخشى عذابك ان عذابك بالكفار ملحق"

(Mouswannaf Ibn Abou Shaibah)

Explication : Hazrat Abdullah Bin Mas’oud ‎(Radiyallahou anhou‎)‎ ti ene célèbre Sahabi de Rasouloullah ‎(Sallallaahou A'laihi Wasallam)‎‎‎‎ ki fine gagne l’honneur reste en compagnie Rasouloullah ‎(Sallallaahou A'laihi Wasallam)‎‎‎‎ pendant ene longue période de 18 bananés. Li ti tellement ensemble-ensemble partout, ki bannes étrangers ki pas ti conné, ti pé gagne l’impression ki li ene membre de la famille de Rasouloullah ‎(Sallallaahou A'laihi Wasallam)‎‎‎‎. Hazrat Abdullah Bin Mas’oud ‎(Radiyallahou anhou‎)‎ ti jouir ene position assez particulière dans lizié Nabi ‎(Sallallaahou A'laihi Wasallam)‎‎‎‎ à telle point ki Nabi ‎(Sallallaahou A'laihi Wasallam)‎‎‎‎ fine dire concernant li :

"... وتمسكوا بعهد ابن مسعود" (الترمذى)

“ ‘Et attrape fort conseil (dans Deen) de (Hazrat Abdullah) Bin Mas’oud ‎(Radiyallahou anhou‎)‎.” (Tirmizi)

D’après le récit ki Abou Abdurrahmaan fine rapporté, Hazrat Abdullah Bin Mas’oud ‎(Radiyallahou anhou‎)‎ ti enseigne so banne zélèves lire ‘Allahouma Inna Nastaïnouka ….’. Ça montré ki récitation ça doah-là dans Qounoute de Salaat-ul-witr ti ene kikchose très commun chez bannes tabeines ki fine côtoiye Hazrat Abdullah Bin Mas’oud ‎(Radiyallahou anhou‎)‎. Astere si nou analyse ceki Abdullah Bin Mas’oud ‎(Radiyallahou anhou‎)‎ fine enseigne pou lire dans Qounoute de Salaat-ul-witr à la lumière de la recommandation de Rasouloullah ‎(Sallallaahou A'laihi Wasallam)‎‎‎‎ pou attrape fort le conseil dans Deen ki Hazrat Abdullah Bin Mas’oud ‎(Radiyallahou anhou‎)‎ fine donné, ça donne nou ene l’idée de ki quantité important le récitation de ça formule-là été dans Qounoute de salaat-ul-witr. C’est ene de banne critères ki donne raison à banne ki préfère lire ça formule-là dans Qounoute de salaat-ul-witr.

D’ailleurs c’était ene formule de doah ki ti très connu dans l’époque banne Sahaaba-e-Kiraam. Hazrat ‘Oumar ‎(Radiyallahou anhou‎)‎ et Hazrat Ali ‎(Radiyallahou anhou‎)‎ ti pé récite ça, dans banne l’occasions ki bizin, dans Qounoute de namaz fajar. Ceki pli intéressant avec ça formule-là, ki fine appelle li Qounoute dans hadice. C’est à dire lezot formules fine appelle zotte doah ki lire dans Qounoute mais ça formule-là li tellement compatible avec ceki bizin lire dans Qounoute, fine appelle li même Qounoute. Comme si Qounoute c’est ça formule-là et ça formule-là c’est Qounoute. Couma nou conné ça formule-là ti déjà forme parti dans Qouraan, alors ene formule ki pli ressemblé avec le texte de Qour’aan-e-Kareem li pli mérite pou servi li dans namaz.

D’ailleurs c’était ça même formule ki ti en pratique chez banne Tabeines couma Ibraheem An-Nakh-i, Said Bin Al-Mousayyab, Hassan Al-Basri. Mouhammad Bin Nasr fine mentionne ene récit rapporté de Soufyaan ki dire :

"كانوا يستحبون ان يجعلوا فى قنوت الوتر هاتين السورتين"

‘Zotte ti préfère mette ça deux Sourah-là dans Qounoute de witr.'

Par M.R. Meerun

Witr