Ene madame faire nikaah avek ene lot missier quand li dans iddat pou so premier missier.

Question ID: 
941

Question

Assalaamualaikum,

Ene madame dans so iddat. Dans sa l'etat li fine gagne ene bon demanne alors li fine faire nikaah zisse pou li pas perdi sa l'occasion la si li pou atanne iddat terminer. Et zotte fine dire ki malgré zotte fine faire nikaah, zotte pas pou reste ensamme tanque iddat pas terminé. Eski sa nikaah la compté ou bien bizin refaire ene lot nikaah kan iddat terminé? Ene Imaam fine dire madame la koze avek so premier missié ki fine donne li talaak pou li faire so l'intention talaak pou ene date pli avant. coumca li kapave en dehor iddat pli Bonheur. C'est a dire si missier fine donne talaak Octobre 2016, alors missier la bizin faire l'intention pou Août 2016, coumsa dans novembre kan li pe faire nikaah li en dehors Iddat. Eski saki sa imam la fine dire li correcte?

Answer

Wa alaikumus salaam. Talaaq li compté apartir ki missier la fine donne talaaq. Sa date la pas capave changé par l'intention. Donc madame la so iddat li commencé apartir sa jour ki so missier fine donne li talaaq. Ene madame pena droit faire nikaah pendant so iddat. Ene nikaah ki fine faire pendant iddat li pas valable. Non seulement pas gagne droit faire nikaah, pas gagne droit propose ene madame dans so iddat. Nikaah ki li fine faire li pena aukene valeur et li pas valable. Li bizin pas reste avec sa missier la. li bizin alle reste cote so parent, quand iddat fini lerla li refaire so nikaah.