Missier donne talaaq akoz beau pere fine vine prend so tifi.

Question ID: 
942
meh*** asks:

Question

Assalaamu'alaykum ene tifi finne fer nikkah avec ene garçon en août. Ene nikaah avec condition ki tifi la pou reste cote so parent tant ki walimah pane faire mais tifi et garçon la pane respecter condition et tifi la finne alle reste cote so missier sans faire walimah mais faire ene semaine maintenant papa tifi la pas accepter condition ki so tifi pe vivre et fine vine lakaz garçon la pou reprend so tifi en se faisant garçon la dan colère noire fine dir tifi la en présence deux coter so parents "si to aller to prend to talaaq to aller" papa tifi la fine plus pas accepter et finne pousse so tifi pou vine avec li et finalement tifi la pe reste cote so parent et garçon la envi so madame re vini li mais eski li encore dans nikaah ou talaaq la fine donner a sa moment la?

Answer

Wa alaikumus salaam. Parent ti fille la ti bizin laisse ti fille la reste avec so missier akoz nikaah ti deja fini faire. Sa condition waleemah la pas ti tellement important. Sa garçon la quand fine dire so madame " si to aller to prend to talaaq to aller " alors ene talaaq fine fini porté akoze ti fille la fine allé. Garçon la ena droit re prend so madame dans so nikaah sans renouvelé nikaah si li avant 3 haiz. Si jamais 3 haiz fine traversé depuis ki zotte fine séparé alors zotte capave re vine ensame par renouveler nikaah. Dans tous le deux cas garçon la pou ena seulement pouvoir de deux talaaq aster. Si bizin plis détail ou kapave contacter nous en personne.